Latest
గల్లంతైన మత్స్యకారుల కుటుంబాలకు ఎక్స్గ్రేషియా
AP: విశాఖ సముద్రంలో గల్లంతైన మత్స్యకారుల కుటుంబాలకు రాష్ట్ర ప్రభుత్వం ఎక్స్గ్రేషియా ప్రకటించింది. ఒక్కో కుటుంబానికి రూ.10 లక్షల చొప్పున తక్షణ సాయం అందించనుంది. చేపల వేటకు వెళ్లిన మత్య్సకారులు తిరిగి వస్తున్న క్రమంలో ఈ నెల 4న వారి బోటు గల్లంతైంది. బోటులో మొత్తం ఏడుగురు ఉండగా వారిలో ఒకరు బోటును పట్టుకుని ప్రాణాలతో బయటపడ్డారు. మరో ఆరుగురు సముద్రంలో గల్లంతు అయ్యారు. ఇప్పటి వరకు వారి ఆచూకీ దొరకలేదు. గల్లెంతైనవారి కోసం కోస్ట్ గార్డ్లు, పోలీసులు చర్యలు చేపట్టారు. సెర్చ్ ఆపరేషన్ ఇప్పటికీ కొనసాగుతూనే ఉంది.
అక్కడ అన్నం తినాలంటే కిలోమీటర్ నడవాల్సిందే
TG: కామారెడ్డి జిల్లా నస్రుల్లాబాద్ మండలం మీర్జాపూర్ గ్రామంలో ఒకే ప్రాంగణంలో ఉన్నత, ప్రాథమిక పాఠశాలలు ఉండేవి. రెండు స్కూళ్లకు చెందిన విద్యార్థులకు అక్కడే మధ్యాహ్న భోజనం వండి పెట్టేవారు. ఉన్నత పాఠశాల శిథిలావస్థకు చేరడంతో 2018లో బీర్కూర్ మండలం వీరాపూర్లో కొత్త భవనాన్ని నిర్మించి బడిని అక్కడికి మార్చారు. కానీ 8ఏళ్లు దాటినా వంటగది నిర్మించలేదు. దీంతో డైలీ 100మందికి పైగా విద్యార్థులు భోజనం కోసం మధ్యాహ్నం దాదాపు 1 KM దూరంలో ఉన్న పాత స్కూల్కు ప్లేట్స్ పట్టుకుని వెళ్తున్నారు. అక్కడ తినేందుకు ప్లేస్ కూడా లేకపోవడంతో భోజనం తీసుకుని తిరిగి కొత్త బడికి వచ్చి తింటున్నారు.
పవన్ కళ్యాణ్ వీరాభిమాని నిరంజన్ మృతి
TG: హన్మకొండకు చెందిన పవన్ కల్యాణ్ వీరాభిమాని పొనుగంటి నిరంజన్(17) మృతి చెందాడు. ఇటీవల అతడి ఆరోగ్యం క్షీణించడంతో తల్లిదండ్రులు చికిత్స నిమిత్తం హైదరాబాద్లోని ఓ హాస్పిటల్కు తీసుకువచ్చారు. చికిత్స పొందుతూ మంగళవారం రాత్రి నిరంజన్ మృతి చెందాడు. జన్యుపరమైన వ్యాధితో బాధపడుతూ ఎదుగుదల లోపించి మంచానికే పరిమితమైన నిరంజన్ను గతనెలలో పవన్ పరామర్శించారు. నిరంజన్ను కలిసినప్పుడు పవన్ కల్యాణ్ ఆత్మీయంగా హత్తుకుని ధైర్యం చెప్పారు. ‘OG 2' మూవీ తీస్తే అందులో నువ్వే నా స్పెషల్ గెస్ట్' అని, ఇద్దరం కలిసి సినిమా చూద్దామని పవన్ చెప్పారు.
ఏలియన్స్ కౌన్సిల్ కు ఎంపికైన హర్యానా సైంటిస్ట్ !
హర్యానాకు చెందిన మాజీ జూడో క్రీడాకారుడు, ప్రస్తుత హార్వర్డ్ పరిశోధకుడు డాక్టర్ దేవేష్ నందల్ సరికొత్త ఘనత సాధించారు. అంతరిక్షంలో గ్రహాంతరవాసుల జాడను కనిపెట్టేందుకు హార్వర్డ్ ప్రొఫెసర్ అవి లోబ్ ఏర్పాటు చేసిన ప్రతిష్టాత్మక UAP సైన్స్ అడ్వైజరీ కౌన్సిల్లో ఆయనకు చోటు దక్కింది. 2006లో హర్యానా జూనియర్ జూడో జట్టులో గోల్డ్ మెడల్ సాధించిన దేవేష్, ఆ తర్వాత సైన్స్ వైపు అడుగులు వేసి ఆస్ట్రోఫిజిక్స్, ఎలక్ట్రానిక్ ఇంజనీరింగ్లలో నైపుణ్యం సాధించారు. ఇప్పుడు ఈ కొత్త కౌన్సిల్ ద్వారా అమెరికా వైట్హౌస్, పెంటగాన్, ఎఫ్బీఐలకు ఏలియన్స్ వింత పరిణామాలపై సైంటిఫిక్ అనాలిసిస్ అందిస్తారు.
భూపరీక్షలు చేయకుండానే బ్యారేజ్లు నిర్మించారు
TG: KCR అసెంబ్లీకి వచ్చి మాట్లాడాలని, మీరు చేసిన నేరం ఘోరం మీకు తెలుసు. అందుకే ముఖం చాటేస్తున్నారని CM రేవంత్ రెడ్డి విమర్శించారు. కాళేశ్వరం ప్రాజెక్ట్పై ప్రజాభవన్లో మంత్రులు, MLAలు, MLCలకు పవర్ పాయింట్ ప్రజెంటేషన్ నిర్వహించారు. కాళేశ్వరం ప్రాజెక్టును KCR 2019 జూన్ 21న ప్రారంభించారు. ఏడాది తిరిగే లోపే మేడిగడ్డలో లోపాలన్నీ బయటపడ్డాయి. రోజురోజుకి సమస్య పెద్దదై కుప్పకూలే పరిస్థితి వచ్చిందన్నారు. భూపరీక్షలు చేయకుండానే ఇసుకలో బ్యారేజ్లు కట్టారు. కట్టిన వెంటనే 100శాతం సామర్థ్యంతో నీళ్లను నిల్వ చేయడంతో బరువు తట్టుకోలేక మేడిగడ్డ కుంగిపోయిందని CM ఫైరయ్యారు.
sober curious ట్రెండింగ్ - డ్రింక్ కు బై !
మద్యం మానేయడం ఆరోగ్య సమస్యల వల్లే కాదు.. ఆసక్తి తగ్గడం వల్ల కూడా జరుగుతోందని నిపుణులు చెబుతున్నారు. ఆల్కహాల్కు దూరమైనవారిలో నిద్ర మెరుగవడం, బరువు నియంత్రణ, చర్మ కాంతి పెరగడం, ఫిట్నెస్ మెరుగవడం వంటి మార్పులు కనిపిస్తున్నాయి. మహిళల్లో ఆల్కహాల్ ప్రభావం ఎక్కువగా ఉంటుందని వైద్యులు హెచ్చరిస్తున్నారు. అందుకే ఇప్పుడు చాలామంది ‘సోబర్ క్యూరియస్’ ట్రెండ్ను ఫాలో అవుతూ డ్రింక్ లేకుండానే పార్టీలు, సోషల్ లైఫ్ను ఎంజాయ్ చేస్తున్నారు.
ఆస్టియో ఆర్థరైటిస్ బాధితులకు ఈ ఇంజెక్షన్ వరం !
కీళ్ళనొప్పులతో బాధపడేవారికి అమెరికా పరిశోధకులు తీపి కబురు అందించారు. మోకాళ్ళ అరుగుదలను (ఆస్టియోఆర్థరైటిస్) పూర్తిగా నయం చేసే రెండు సరికొత్త రీజెనరేటివ్ మెథడ్స్ ను శాస్త్రవేత్తలు విజయవంతంగా ప్రయోగించారు. ఒకే ఒక్క ఇంజెక్షన్ ద్వారా కేవలం 4 నుండి 8 వారాల్లోనే దెబ్బతిన్న కీళ్ళు, ఎముకలు , మృదులాస్థి (కార్టిలేజ్) సాధారణ స్థితికి చేరుకున్నట్లు జంతు ప్రయోగాల్లో తేలింది. వచ్చే ఏడాది ఆఖరున దీనిపై మానవ క్లినికల్ ట్రయల్స్ ప్రారంభం కానున్నాయి.
వైద్యసేవలపై ప్రపంచబ్యాంక్ షాకింగ్ రిపోర్ట్
TG: ఆరోగ్యరంగంలో తెలంగాణ గణనీయంగానే అభివృద్ధి చెందింది. కానీ ప్రజారోగ్య వ్యవస్థ మాత్రం ఇంకా అనేక నిర్మాణాత్మక సమస్యలతో సతమతమవుతోందని ప్రపంచబ్యాంక్ తన నివేదికలో పేర్కొంది. తెలంగాణలో ఆరోగ్య సేవలను ఇంకా మెరుగుపరచాలని నిర్ణయించింది. తెలంగాణ స్ట్రాటజిక్ విజన్ ఫర్ అటైనింగ్ సస్టైనబుల్ ట్రాన్స్ఫర్మేషన్ ఇన్ హెల్త్కేర్ కార్యక్రమానికి సంబంధించి రూపొందించిన పర్యావరణ, సామాజిక వ్యవస్థల అంచనా నివేదికలో ప్రపంచ బ్యాంక్ ఈ అంశాలను ప్రస్తావించింది. తెలంగాణలోని గిరిజన తండాలు, మారుమూల ప్రాంతాల్లో ప్రజలకు మెరుగైన వైద్యసేవలు అందడం లేదని వెల్లడించింది.
రూరల్ ఎకానమీకి ఊతం.. ప్రభుత్వం కీలక నిర్ణయం
AP: రైతులను పారిశ్రామికవేత్తలుగా తీర్చిదిద్దేందుకు కృషి చేస్తున్నట్లు CM చంద్రబాబు పేర్కొన్నారు. రాష్ట్ర సచివాలయంలో నిర్వహించిన 19వ రాష్ట్ర స్థాయి పెట్టుబడుల ప్రోత్సాహక మండలి సమావేశంలో ఆయన మాట్లాడారు. ఇథనాల్కు డిమాండ్ పెరగనున్న నేపథ్యంలో ఆ రంగంలో రైతులను ప్రోత్సహించాలని అధికారులకు CM సూచించారు. రూరల్ ఎకానమీని బలోపేతం చేసేలా ఇథనాల్ పరిశ్రమల ఏర్పాటు దిశగా సమగ్ర ప్రణాళికలను రూపొందించాలని చెప్పారు. ఇథనాల్, మీథేన్, ఏవియేషన్ ఇంధనానికి సంబంధించి ఒక ప్రత్యేక పాలసీ రూపొందించాలని సూచించారు.
ఫేస్ లో గ్లో కావాలా? అయితే ఈ సింపుల్ టిప్ ఫాలో అవ్వండి!
ఫేస్ గ్లోయింగ్ గా, అందంగా కనిపించాలంటే కేవలం కాస్మెటిక్స్ వాడితే సరిపోదు, డైలీ వర్కవుట్ కూడా చాలా ఇంపార్టెంట్ అని హెల్త్ ఎక్స్పర్ట్స్ చెప్తున్నారు. మార్నింగ్ ఎక్సర్సైజ్ చేయడం వల్ల బాడీలో బ్లడ్ సర్క్యులేషన్ పెరిగి, స్కిన్ లోని టాక్సిన్స్ (వ్యర్థాలు) బయటకు వచ్చేస్తాయి. దీనివల్ల ఫేస్ లో ఒక నేచురల్ గ్లో వస్తుంది. కాబట్టి రోజూ పొద్దున్నే లేచి కాసేపు వర్కవుట్ చేయడం అలవాటు చేసుకోండి.
సీపీఐ(ఎం) మహిళా నేతపై కోడిగుడ్లతో దాడి
బెంగాల్లో తృణమూల్ కాంగ్రెస్ నేతలపై జరిగిన కోడిగుడ్ల దాడి ఇప్పుడు సీపీఐ(ఎం) నేత మీనాక్షి ముఖర్జీపై కూడా జరిగింది. మే 4న అధికారం నుంచి తొలగించబడిన తర్వాత అభిషేక్ బెనర్జీ, మహువా మొయిత్రా, మదన్ మిత్రా, కునాల్ ఘోష్ వంటి తృణమూల్ నేతలపై గుడ్ల దాడి జరిగింది. ఇది సీపీఐ(ఎం) నేతపై జరిగిన మొదటి ఘటన.
రామాలయం SIT నివేదిక: సంచలన వాస్తవాలు
అయోధ్య రామాలయం నిధుల అవకతవకలపై SIT నివేదిక విడుదలైంది. సిబ్బంది నగదును దొంగిలించినట్లు సీసీటీవీ ఫుటేజీలో వెల్లడైంది. కొంతమంది లెక్కింపు సిబ్బంది దుస్తులు, జేబులు, బూట్లలో నోట్లు దాచుకున్నారని సిట్ తేల్చింది. ఫ్రిస్కింగ్, బయోమెట్రిక్, సీసీటీవీ నిఘా వంటి భద్రతా నియమాలు అమలను ఉల్లంఘించి రామాలయంలో సిబ్బంది చోరీ చేశారని సిట్ రిపోర్ట్ చెప్తోంది.
హోర్ముజ్ జలసంధిలో మూడు ట్యాంకర్లపై దాడి
హోర్ముజ్ జలసంధిలో ఒకే రోజులో మూడు ట్యాంకర్లపై దాడి జరిగింది. ఇరాన్తో ఉద్రిక్తతలు పెరుగుతున్న నేపథ్యంలో ఈ దాడులు జరిగాయి. ఈ ఘటనలో ఎవరికీ గాయాలు కాలేదని తెలుస్తోంది. అంతర్జాతీయ సముద్ర మార్గంలో భద్రతపై ఆందోళనలు వ్యక్తమవుతున్నాయి.
వేతనాల కోసం మున్సిపల్ కార్మికుల సమ్మె
పాల్వంచ మున్సిపాలిటీలో పనిచేస్తున్న కార్మికులు తమకు రావాల్సిన వేతన బకాయిలను వెంటనే చెల్లించాలని డిమాండ్ చేస్తూ మెరుపు సమ్మె చేపట్టారు. ఈ సమ్మె స్థానికంగా తీవ్ర ప్రభావం చూపిస్తోంది. కార్మికులు తమ డిమాండ్లు నెరవేరే వరకు సమ్మెను కొనసాగించాలని నిర్ణయించారు.
అమ్మతనం కోసం కృతి సనన్ ముందు చూపు !
బాలీవుడ్ స్టార్ బ్యూటీ, జాతీయ అవార్డు గ్రహీత కృతి సనన్ తన వ్యక్తిగత జీవితానికి సంబంధించి ఒక సంచలన విషయాన్ని వెల్లడించారు. తాను కొన్ని సంవత్సరాల క్రితమే తన అండాలను భద్రపరుచుకున్నట్లు (Egg Freezing) తొలిసారిగా బహిరంగంగా ప్రకటించారు. ‘హ్యూమన్స్ ఆఫ్ బాంబే’కి ఇచ్చిన ఒక ప్రత్యేక ఇంటర్వ్యూలో ఆమె ఈ ఆసక్తికర విషయాలను పంచుకున్నారు. తనకు ఉత్తమ నటిగా జాతీయ అవార్డును తెచ్చిపెట్టిన ‘మిమి’ (సరోగసీ నేపథ్యంలో సాగే చిత్రం) సినిమా ప్రిపరేషన్ సమయంలోనే ఈ ప్రక్రియను పూర్తి చేసినట్లు కృతి తెలిపారు.
E 20 వాడకంతో పాత కార్లకు దెబ్బే !
ఈ20 (E20) పెట్రోల్ వాడకం వల్ల పాత కార్లలోని ఇంధన వ్యవస్థకు సంబంధించిన రబ్బరు భాగాలు దెబ్బతినే అవకాశం ఉందని ARAI ( ఆటో మోటివ్ రిసెర్చ్ అసోసియేషన్ ఆఫ్ ఇండియా)lనివేదికలో తెలిపింది. అయినా ఈ విషయాన్ని కేంద్ర ప్రభుత్వం అధికారికంగా బయటపెట్టలేదు. 2023 కంటే ముందు తయారైన వాహనదారుల ఆందోళనలను ఈ నివేదిక నిజం చేస్తోంది. అయితే, ఈ ఇబ్బందులు ఉన్నప్పటికీ ఈ20 ఇంధన వినియోగాన్ని ఈ నివేదిక సమర్థించడం విశేషం !
ఇండోనేషియాలో బిజూ పట్నయక్కు మోడీ ప్రశంస
ఇండోనేషియా పర్యటనలో మోడీ బిజూపట్నాయక్కు సంబంధించిన ఒక ఇంట్రెస్టింగ్ మెమోరీని షేర్ చేసుకున్నారు. ఇండోనేషియా స్వతంత్ర నాయకులను డచ్ సైన్యం గృహ నిర్బంధంలో ఉంచినప్పుడు, నెహ్రూ విన్నపం మేరకు 31ఏళ్ల బిజూపట్నాయక్ ప్రాణాలకు తెగించి విమానంలో జకార్తా చేరుకున్నారు. డచ్ బలగాలను లెక్క చేయకుండా, ఆ దేశ ప్రధాని సుతాన్ సజహ్రీర్, వైస్ ప్రెసిడెంట్ మొహమ్మద్ హట్టాలను ఢిల్లీకి తరలించారు. దీనికి గుర్తుగా ఇండోనేషియా ప్రభుత్వం ఆయనను అత్యున్నత పౌరపురస్కారం 'భూమిపుత్ర'తో గౌరవించింది. దీనిని మోదీ ప్రశంసించారు.
బరుయిపూర్ రేప్-మర్డర్ కేసులో పోలీసు లోపాలపై బెంగాల్ సీఎం నివేదిక కోరార
పశ్చిమ బెంగాల్ ముఖ్యమంత్రి బరుయిపూర్ రేప్-మర్డర్ కేసు దర్యాప్తులో పోలీసు లోపాలపై నివేదిక కోరారు. లించ్ చేయబడిన యువకుడు నిర్దోషి అని ఆయన అన్నారు. ఈ ఘటనలో పోలీసు వైఫల్యంపై విచారణ జరపాలని సీఎం ఆదేశించారు.
కడియం శ్రీహరిపై సీఎం రేవంత్కు మంత్రి కొండా సురేఖ ఫిర్యాదు
తెలంగాణ కాంగ్రెస్ పార్టీలో మంత్రి కొండా సురేఖ, స్టేషన్ ఘనపూర్ ఎమ్మెల్యే కడియం శ్రీహరి మధ్య రాజకీయ ఆధిపత్య పోరు తీవ్రమైంది. ఈ నేపథ్యంలో కొండా సురేఖ సీఎం రేవంత్కు కడియం శ్రీహరిపై ఫిర్యాదు చేశారు. ఈ ఫిర్యాదు పార్టీలో కలకలం రేపింది.
కొత్త యాడ్ లో బేబీ బంప్ తో మెరుస్తున్న దీపికా !
ప్రెగ్నెంట్ అయినప్పటి నుంచి బాలీవుడ్ స్టార్ దీపికా పదుకొణె వార్తల్లో నిలుస్తూనే ఉంది. తాజాగా ఆమె నటించిన ఒక కొత్త కమర్షియల్ యాడ్ సోషల్ మీడియాను షేక్ చేస్తోంది. ఈ యాడ్లో దీపికా తన బేబీ బంప్తో ఎంతో క్యూట్గా, గ్లోయింగ్గా కనిపించింది. దీంతో ఫ్యాన్స్ ఫిదా అయిపోతూ, "అసలు ఎంత అందంగా ఉందో!" అంటూ క్రేజీ కామెంట్స్తో సోషల్ మీడియాలో రచ్చ చేస్తున్నారు. ప్రస్తుతం ఈ వీడియో నెట్టింట తెగ వైరల్ అవుతోంది!
HYROX హైప్.. ఫిట్నెస్కు కొత్త క్రేజ్!
జిమ్లో కేవలం వెయిట్స్ ఎత్తడం కాదు.. ఇప్పుడు HYROX ఛాలెంజ్తో ఫిట్నెస్ లెవెల్ను ప్రూవ్ చేసే ట్రెండ్ దూసుకెళ్తోంది. ఇందులో 1 కి.మీ. రన్ తర్వాత ఒక ఫంక్షనల్ వర్కౌట్ చేయాలి. ఇలా మొత్తం 8 రన్స్ + 8 వర్కౌట్స్ పూర్తి చేయాలి. స్లెడ్ పుష్, రోయింగ్, బర్పీలు, వాల్ బాల్స్ వంటి టాస్కులు ఉంటాయి. మొదట బేసిక్ ట్రైనింగ్తో ప్రారంభించి, ఓవర్ట్రైనింగ్కు దూరంగా ఉండాలని ఫిట్నెస్ నిపుణులు సూచిస్తున్నారు.