గుడుంబా డంప్పై పోలీసుల రెయిడ్.. 2,000 లీటర్ల పానకం ధ్వంసం!
By Srikanth· 1d ago· Manthani, Manthani, Peddapalli
పెద్దపల్లి జిల్లా మంథని పట్టణ శివారులోని నిర్మానుష్య ప్రాంతంలో అక్రమంగా నిల్వ చేసిన సుమారు 2,000 లీటర్ల బెల్లం పానకాన్ని పోలీసులు ధ్వంసం చేశారు. సీఐ బుద్దె స్వామి ఆధ్వర్యంలో గురువారం జరిగిన దాడిలో ప్లాస్టిక్ క్యాన్లు, డ్రమ్ముల్లో నిల్వ చేసిన పానకాన్ని స్వాధీనం చేసుకుని పంచుల సమక్షంలో అక్కడికక్కడే ధ్వంసం చేశారు. గుడుంబా తయారీ, నిల్వ, రవాణా, విక్రయాలకు పాల్పడేవారిపై కఠిన చర్యలు ఉంటాయని హెచ్చరించారు. హెడ్ కానిస్టేబుళ్లు కృష్ణ నాయక్, రమేష్ రావు, కానిస్టేబుళ్లు శివ, అజిత్, సతీష్, అంజి పాల్గొన్నారు.
