దాడి చేసిన వారిని కఠినంగా శిక్షించాలి: KVPS

By Kamal Kumar· 1h ago· Vikarabad, Vikarabad, Vikarabad

TG: వికారాబాద్ జిల్లా కొండాపూర్ గ్రామంలో విధి నిర్వహణలో ఉన్న గ్రామపంచాయతీ ఖారోబార్, దళిత వర్గానికి చెందిన శ్రీనివాస్‌పై జరిగిన భౌతిక దాడిని KVPS తీవ్రంగా ఖండించింది. కులం పేరుతో దూషించి దాడికి పాల్పడిన నిందితులను వెంటనే అరెస్ట్ చేసి కఠినంగా శిక్షించాలని KVPS బషీరాబాద్ మండల అధ్యక్షుడు కే. వెంకట్ డిమాండ్ చేశారు. బాధితుడికి న్యాయం జరిగే వరకు పోరాటం కొనసాగిస్తామని తెలిపారు. ఘటనపై పోలీసులు సమగ్రంగా దర్యాప్తు చేసి బాధ్యులపై కఠిన చర్యలు తీసుకోవాలని కోరారు.

More in Local

Local· 20m ago

VHP ఆధ్వర్యంలో ఘనంగా శ్రీకృష్ణాష్టమి వేడుకలు

AP: అనంతపురం జిల్లా గుత్తి పట్టణంలోని బీసీ కాలనీలో విశ్వహిందూ పరిషత్ స్థాపన దివస్ మహోత్సవాలు ఘనంగా నిర్వహించారు. శ్రీకృష్ణాష్టమి సందర్భంగా చిన్నారులతో భగవద్గీత శ్లోకాలు చెప్పించారు. హిందూ సంస్కృతి, సంప్రదాయాలను కాపాడుకోవాల్సిన బాధ్యత ప్రతి ఒక్కరిపై ఉందని నిర్వాహకులు తెలిపారు. శ్లోకాలు చెప్పిన చిన్నారులకు బహుమతులు అందజేశారు. కార్యక్రమంలో VHP అనంతపురం జిల్లా ప్రధాన కార్యదర్శి విశ్వనాథ్, ఆధ్యాత్మిక గురువు జయ రంగారెడ్డి, BJP నాయకులు వెంకప్ప, తదితరులు పాల్గొన్నారు.

Local· 59m ago

పార్టీ బలోపేతమే లక్ష్యంగా కార్యాచరణ

AP: పల్నాడు జిల్లా పిడుగురాళ్లలో టీడీపీ క్యాడర్ సమావేశం నిర్వహించారు. ఆర్ అండ్ బి బంగ్లాలో జరిగిన సమావేశంలో నరసరావుపేట పార్లమెంటు సభ్యులు లావు శ్రీకృష్ణ దేవరాయలు, గురజాల ఎమ్మెల్యే యరపతినేని శ్రీనివాసరావు, TTD బోర్డు సభ్యులు జంగా కృష్ణమూర్తి పాల్గొన్నారు. టౌన్ పార్టీ అధ్యక్షులు, క్లస్టర్ ఇంచార్జ్‌లు, యూనిట్ ఇంచార్జ్‌లు, బూత్ కన్వీనర్లు, ముఖ్య నాయకులతో పార్టీ బలోపేతంపై చర్చించారు. గురజాల నియోజకవర్గంలో ప్రస్తుతం కొనసాగుతున్న అభివృద్ధి పనులు, భవిష్యత్‌లో చేపట్టాల్సిన పనులపై నాయకులు సమీక్షించారు.

Local· 1h ago

రూ.213.96 కోట్లతో సమగ్ర మంచినీటి పథకం

AP: పల్నాడు జిల్లా పిడుగురాళ్ల పట్టణంలో రూ.213.96 కోట్ల నిధులతో చేపట్టనున్న సమగ్ర మంచినీటి అభివృద్ధి పథకానికి శంకుస్థాపన చేశారు. మన్నెం పుల్లారెడ్డి జిల్లా పరిషత్ ఉన్నత పాఠశాల ఎదుట నిర్వహించిన కార్యక్రమంలో నరసరావుపేట ఎంపీ లావు శ్రీకృష్ణ దేవరాయలు, గురజాల ఎమ్మెల్యే యరపతినేని శ్రీనివాసరావు, TTD బోర్డు సభ్యులు జంగా కృష్ణమూర్తి పాల్గొన్నారు. UIDF, అమృత్ 2.0 నిధులతో మంచినీటి సరఫరా, వాటర్ పంపింగ్ వంటి పనులు చేపట్టనున్నారు. పట్టణ మౌలిక సదుపాయాల అభివృద్ధికి ఈ నిధులు ఉపయోగపడనున్నాయి.

Local· 1h ago

నర్సంపేటలో కన్నుల పండువగా శ్రీకృష్ణ జన్మాష్టమి

TG: వరంగల్ జిల్లా నర్సంపేట పట్టణంలోని బాలాజీ ఇంటిగ్రేటెడ్ టీచింగ్ పాఠశాలలో శ్రీకృష్ణ జన్మాష్టమి వేడుకలను ఘనంగా నిర్వహించారు. బాలాజీ విద్యాసంస్థల చైర్మన్ డా. వనజ రాజేంద్రప్రసాద్ రెడ్డి ముఖ్య అతిథిగా హాజరై విద్యార్థులకు జన్మాష్టమి శుభాకాంక్షలు తెలిపారు. కృష్ణుడు, గోపికల వేషధారణలో చిన్నారులు ఆకట్టుకున్నారని, సహకరించిన తల్లిదండ్రులకు కృతజ్ఞతలు తెలిపారు. ధర్మం, స్నేహం గొప్పతనాన్ని విద్యార్థులకు వివరించి, చదువుతో పాటు ఇటువంటి కార్యక్రమాల ద్వారా దైవభక్తిని పెంపొందించుకోవాలని సూచించారు.