యువకుడ్ని కాపాడిన పోలీసులు

By Jagadish· 1h ago

మార్కాపురం జిల్లా యర్రగొండపాలెం మండలంలో సోమవారం సాయంత్రం భారీ వర్షం కురిసింది. పల్లెలచెరువు-తెల్లగట్ల మధ్య ఉన్న సప్పె చెరువు వద్ద నీరు ఉధృతంగా ప్రవహించింది. వాగును దాటేందుకు ప్రయత్నించిన ద్విచక్ర వాహనం నీటి ప్రవాహంలో కొట్టుకుపోయింది. వాహనదారుడు సునీల్ కుమార్ నీటిలో చిక్కుకున్నాడు. సమాచారం అందుకున్న ఎస్ఐ సంబశివరావు సిబ్బందితో ఘటనాస్థలికి చేరుకున్నారు. స్థానిక ఈతగాళ్ల సహాయంతో యువకుడిని సురక్షితంగా బయటకు తీసుకొచ్చారు. పోలీసుల వేగవంతమైన స్పందనతో యువకుడు ప్రాణాలతో బయటపడ్డాడు.

More in Local

Local· 2m ago

పులివెందులలో కాల్పుల కలకలం..!

వైఎస్ఆర్ కడప జిల్లా పులివెందులలో సోమవారం అర్ధరాత్రి కాల్పుల కలకలం రేగింది. వినాయక విగ్రహం వద్ద పుష్పునాథ్ రెడ్డి, విజయకుమార్ రెడ్డి వర్గీయుల మధ్య గొడవ జరిగింది. తనను సన్మానించలేదనే విషయంపై వాగ్వాదం జరిగి కాల్పులు జరిపినట్లు సమాచారం. బాషా గణేష్ గాల్లోకి ఒక రౌండ్ కాల్పులు జరిపారు. విజయ్ ఇంటి వద్ద మూడు వాహనాలను ధ్వంసం చేశారు. ఘటనపై ఉద్రిక్తత నెలకొంది.

Local· 5m ago

అనకాపల్లిలో ఆ యువకుడు సేఫ్

అనకాపల్లి జిల్లాలో హ్యాపీ ఎండింగ్. ఝార్ఖండ్ నుంచి పని కోసం వచ్చిన భీమ్ కుమార్ మహతో (32) కనిపించకుండా పోయాడు. సెప్టెంబర్ 4న స్నేహితుడితో కలిసి అనకాపల్లి వచ్చాడు. పరవాడలో ప్రైవేటు పరిశ్రమలో పనికి వెళ్లి ప్రమాదానికి గురయ్యాడు. తలకు గాయమై తిరుగుతూ కనిపించాడు. కుటుంబ సభ్యులు పోలీసులను ఆశ్రయించారు. కైలాస్ నగర్, లక్ష్మీదేవి పేట ప్రాంతాల్లో సీసీ టీవీ ఫుటేజీ చెక్ చేశారు. పోలీసులు అతన్ని గుర్తించి చికిత్స అందించి కుటుంబానికి అప్పగించారు. సీఐ ప్రేమ్ కుమార్ వివరాలు తెలిపారు.

Local· 28m ago

పసుపు కొమ్ములతో భారీ గణేష్!

విజయనగరం జిల్లా రాజాం మండలం బద్దం గ్రామంలో భారీ గణపతి కొలువుదీరాడు. 150 కిలోల పసుపు కొమ్ములతో 15 అడుగుల ఎత్తులో విగ్రహం తయారు చేశారు. ఛాలెంజ్ యూత్ ఆధ్వర్యంలో 21 రోజుల శ్రమతో ఈ విగ్రహం రూపుదిద్దుకుంది. రసాయన రంగులు, ప్లాస్టర్ ఆఫ్ పారిస్ వాడకుండా పూర్తిగా పర్యావరణహితంగా చేశారు. నవరాత్రి పూజలు, నిమజ్జనం తర్వాత పసుపు కొమ్ములను భక్తులకు ప్రసాదంగా ఇస్తారు. ఇది ఎకో-ఫ్రెండ్లీ వినాయకుడు కదా! మీ ఊరిలో కూడా ఇలాంటివి పెడితే మాకు ఫొటో, వార్త పంపండి.

Local· 31m ago

ఏనుగుల విధ్వంసం.. పరిహారమేది?

పార్వతీపురం మన్యం జిల్లా బామిని మండలం సులకొజ్జు గ్రామంలో 20 రోజులుగా 4 ఏనుగులు సంచరిస్తున్నాయి. ఇవి 50 నుంచి 100 ఎకరాల్లో వరి, మొక్కజొన్న పంటలను ధ్వంసం చేశాయి. రైతులు తీవ్రంగా నష్టపోయారు. రైతు సంఘం జిల్లా ప్రధాన కార్యదర్శి బుడితి అప్పలనాయుడు పరిశీలించారు. ఎకరాకు రూ.50 వేల పరిహారం ఇవ్వాలని, ఏనుగులను సురక్షిత ప్రాంతానికి తరలించాలని డిమాండ్ చేశారు. అటవీశాఖ అధికారులు పంటలను, ప్రజలను కాపాడాలని కోరారు. కె. చంద్రయ్య, మోహనరావు, కృష్ణ ప్రసాద్ తదితరులు పాల్గొన్నారు.