వర్కౌట్ టైంలో హార్ట్ ఎటాక్ ఎందుకు?

By Sharmila· 1d ago

యోగా, జిమ్ లేదా జాగింగ్ టైంలో కొందరు అకస్మాత్తుగా కుప్పకూలిపోతారు. గుండె రక్తనాళాల సమస్యలు, గుండె కండరాల వ్యాధులు, గుండె కొట్టుకోవడంలో మార్పులే ఇందుకు కారణం కావొచ్చని హార్ట్ డాక్టర్ నిపుణులు అంటున్నారు. బి.పి, షుగర్, పొగతాగడం, అధిక కొలెస్ట్రాల్, ఒత్తిడి, డీహైడ్రేషన్ కూడా ప్రమాదాన్ని పెంచవచ్చన్నారు. యోగా స్టార్ట్ చేసే ముందు, ముఖ్యంగా 40 ఏళ్లు దాటిన వారు డాక్టర్ సలహాతో అవసరమైన టెస్టులు చేయించుకోవాలని సూచిస్తున్నారు.

More in Health

Health· 2h ago

సరదా కాస్తా ప్రమాదంగా మారొచ్చు! ⚠️

బర్త్‌డేలు, పెళ్లిళ్లు, ఫంక్షన్లలో స్నో స్ప్రే కొట్టడం ఇప్పుడు ఒక ట్రెండ్‌లా మారింది. కానీ ఇది చాలా డేంజర్ అని నిపుణులు చెబుతున్నారు. ఈ స్ప్రేలలో బ్యూటేన్, ప్రొపేన్ లాంటి కెమికల్స్ ఉంటాయి. కొవ్వొత్తులు, దీపాల దగ్గర కొడితే వెంటనే మంటలు అంటుకునే అవకాశం ఉంది. అంతేకాదు, నేరుగా ముఖంపై స్ప్రే చేయడం వల్ల కళ్లు దెబ్బతినడం, శ్వాస తీసుకోవడంలో ఇబ్బంది, స్కిన్ అలెర్జీలు వస్తాయని చెప్తున్నారు. సరదా కోసం ప్రాణాల మీదకు తెచ్చుకోవద్దని హెచ్చరిస్తున్నారు.

Health· 21h ago

పనీర్ పేరుతో ఇక మోసం కుదరదు.. FSSAI కొత్త రూల్!

పనీర్ పేరుతో వేరే పదార్థాలతో తయారు చేసిన ప్రత్యామ్నాయ ఉత్పత్తులపై FSSAI కీలక ప్రపోజల్ చేసింది. పాలతో తయారైన అసలైన పనీర్ కాకపోతే దాన్ని ‘Paneer’ పేరుతో అమ్మకూడదని సూచించింది. హోటళ్లు, రెస్టారెంట్లు ఇలాంటి ఉత్పత్తులు వాడితే మెనూలో కస్టమర్లకు స్పష్టంగా చెప్పాలి. ప్యాకేజింగ్‌పైనా ఇదే విషయాన్ని రాయాలి. ఇప్పటికే ఈ కేటగిరీలో ఉన్న ఉత్పత్తులు కూడా ‘Paneer’ పేరు వాడకూడదు. కస్టమర్లు మోసపోకుండా ఈ మార్పు తీసుకొస్తున్నట్లు FSSAI తెలిపింది.

Health· 1d ago

పిల్లల్లో కెటమైన్‌ వాడకం.. మూత్రాశయానికి దెబ్బ!

బ్రిటన్‌లో ‘కెటమైన్‌’(మత్తుమందు) వాడుతున్న పిల్లల్లో మూత్రాశయం దెబ్బతింటున్న కేసులు పెరుగుతున్నాయి. లివర్‌పూల్‌లోని Alder Hey Hospitalకు 13 ఏళ్ల పిల్లలు కూడా చికిత్సకు వస్తున్నట్లు డాక్టర్లు తెలిపారు. ఎక్కువకాలం దీన్ని వాడితే మూత్రాశయం లోపలి పొర దెబ్బతిని మూత్రంతోపాటు బయటకు రావచ్చని చెప్పారు. కొందరు దీన్ని ‘జెల్లీఫిష్‌ పీయడం’లా ఉందంటున్నారు. తరచూ మూత్రం, నొప్పి, రక్తం, కడుపునొప్పి రావచ్చు. పరిస్థితి ముదిరితే కిడ్నీలు దెబ్బతినే ప్రమాదం ఉంది.

Health· 2d ago

నిరంతర ఒత్తిడితో గుండెపై ప్రభావం.. జాగ్రత్త!

నిత్యం ఉండే మానసిక ఒత్తిడి మనసుకే కాదు.. గుండె ఆరోగ్యంపైనా ప్రభావం చూపొచ్చని నిపుణులు చెబుతున్నారు. ఒత్తిడి సమయంలో గుండె వేగంగా కొట్టుకోవడం, రక్తపోటు పెరగడం వంటి మార్పులు వస్తాయి. ఇది ఎక్కువ కాలం కొనసాగితే గుండె, రక్తనాళాలపై అదనపు భారం పడొచ్చు. పని ఒత్తిడి, ఆర్థిక సమస్యలు, కుటుంబ సమస్యలు వంటి కారణాలతో స్ట్రెస్‌ పెరగకుండా జాగ్రత్తపడాలి. సరైన నిద్ర, వ్యాయామం, ఆరోగ్యకరమైన ఆహారం, విశ్రాంతి తీసుకోవడం ద్వారా ఒత్తిడిని తగ్గించుకోవచ్చు.