Gen Z ఉద్యమానికి UTF మద్దతు.. నిరసన ర్యాలీ

By MOHAMMED RIZWAN· 4h ago· Musheerabad, Musheerabad, Hyderabad

హైదరాబాద్‌లో STFI ఆధ్వర్యంలో నిర్వహించిన నిరసన ర్యాలీలో ఆంధ్రప్రదేశ్ United Teachers Federation ప్రతినిధులు పాల్గొన్నారు. ఢిల్లీలో జరిగిన Gen Z ఉద్యమానికి మద్దతుగా ఈ ర్యాలీ నిర్వహించారు. CEC జ్ఞానేశ్ కుమార్ రాజీనామా చేయాలని నిరసనకారులు డిమాండ్ చేశారు. ప్రజాస్వామ్య విలువలను కాపాడాలని, ఎన్నికల ప్రక్రియలో పారదర్శకత ఉండేలా చర్యలు తీసుకోవాలని కోరారు. ర్యాలీలో పాల్గొన్న ఆంధ్రప్రదేశ్ UTF ప్రతినిధులు తమ సంఘీభావాన్ని ప్రకటించారు.

More in TG

TG· 3h ago

నేడు అటుకుల బతుకమ్మ

తెలంగాణలో బతుకమ్మ సంబరాలు ఊపందుకున్నాయి. పండుగలో రెండో రోజైన ఇవాళ అటుకుల బతుకమ్మను మహిళలు భక్తిశ్రద్ధలతో జరుపుకుంటున్నారు. రంగురంగుల పూలతో బతుకమ్మలను అందంగా పేర్చి గౌరమ్మకు పూజలు చేస్తారు. ఆటపాటలతో సందడి చేస్తూ పండుగ ఆనందాన్ని పంచుకుంటారు. ఈ రోజు గౌరమ్మకు అటుకులు, సప్పిడి పప్పు, బెల్లం నైవేద్యంగా సమర్పిస్తారు. అటుకులను ప్రధానంగా నైవేద్యంగా పెట్టడం వల్లే ఈ రోజుకు అటుకుల బతుకమ్మ అనే పేరు వచ్చింది.

TG· 13h ago

డేటా సెంటర్లతో లాభమెంత..

TG: హైదరాబాద్‌లో భారీ డేటా సెంటర్ల వల్ల ప్రజలకు, పర్యావరణానికి ఎలాంటి నష్టం జరుగుతుందనే దానిపై చర్చ మొదలైంది. శనివారం సోమాజిగూడ ప్రెస్ క్లబ్‌లో జరిగిన రౌండ్ టేబుల్ సమావేశంలో నిపుణులు ఈ అంశంపై మాట్లాడారు. డేటా సెంటర్లకు భారీగా నీరు, కరెంట్ అవసరమవుతాయని, వీటివల్ల స్థానిక ప్రజలపై ఎలాంటి ప్రభావం పడుతుందో ముందే స్టడీ చేయాలని సూచించారు. పెద్ద ప్రాజెక్టులకు పర్మిషన్లు ఇచ్చే ముందు పర్యావరణ ప్రభావాన్ని అంచనా వేయాలని కోరారు. అభివృద్ధి పేరుతో ప్రజలకు, భవిష్యత్ తరాలకు నష్టం జరగకుండా చూడాలని అన్నారు.

TG· 17h ago

130 మండలాల్లో కరువు ప్రభావం

TG: వర్షాలు తక్కువగా పడటంతో 130 మండలాల్లో కరువు ప్రభావం ఉన్నట్లు ప్రభుత్వ ప్రాథమిక నివేదిక తెలిపింది. వీటిలో 20 మండలాల్లో తీవ్రత ఎక్కువగా, 110 మండలాల్లో సాధారణ స్థాయిలో ఉంది. జూన్‌ నుంచి సెప్టెంబరు వరకు సాధారణంగా 740.6 మిల్లీమీటర్లు వర్షం పడాల్సి ఉండగా, 615.5 మిల్లీమీటర్లు మాత్రమే నమోదైంది. దీంతో 17 శాతం వర్షపాతం లోటు ఏర్పడింది. కరువు ప్రాంతాలను గుర్తించేందుకు ప్రభుత్వం క్షేత్రస్థాయి సర్వే చేపట్టింది. ఈ నెల 31లోగా ప్రాంతాలను ఖరారు చేసి, కేంద్రం నుంచి సాయం కోరాలని ప్రభుత్వం భావిస్తోంది.

TG· 17h ago

సీఎం రేవంత్ రెడ్డి ఏ పని చేసినా భారీ స్కాం: KTR

TG: సీఎం రేవంత్ రెడ్డి ఏ పని చేసినా, దాని వెనుక భారీ స్కాం ఉంటుందని మరోసారి తేలిపోయిందని BRS వర్కింగ్ ప్రెసిడెంట్ KTR అన్నారు. బుద్వేల్ నుంచి కొడంగల్‌కు తలపెట్టిన రేడియల్ రోడ్ల నిర్మాణంలో జరిగిన కుంభకోణమే దీనికి సాక్ష్యమన్నారు. ఈ రేడియల్ రోడ్ల టెండర్లలో జరిగిన భారీ కుంభకోణంపై సీఎం సమాధానం చెప్పాలని లేఖ విడుదల చేశారు. రూ.3296 కోట్ల విలువైన రేడియల్ రోడ్ల టెండర్లలో అవకతవకలున్నాయని, వెంటనే వాటిని రద్దుచేయాలని డిమాండ్ చేశారు.