సీఎం రేవంత్ రెడ్డి ఏ పని చేసినా భారీ స్కాం: KTR

By Vishi· 19h ago· X

TG: సీఎం రేవంత్ రెడ్డి ఏ పని చేసినా, దాని వెనుక భారీ స్కాం ఉంటుందని మరోసారి తేలిపోయిందని BRS వర్కింగ్ ప్రెసిడెంట్ KTR అన్నారు. బుద్వేల్ నుంచి కొడంగల్‌కు తలపెట్టిన రేడియల్ రోడ్ల నిర్మాణంలో జరిగిన కుంభకోణమే దీనికి సాక్ష్యమన్నారు. ఈ రేడియల్ రోడ్ల టెండర్లలో జరిగిన భారీ కుంభకోణంపై సీఎం సమాధానం చెప్పాలని లేఖ విడుదల చేశారు. రూ.3296 కోట్ల విలువైన రేడియల్ రోడ్ల టెండర్లలో అవకతవకలున్నాయని, వెంటనే వాటిని రద్దుచేయాలని డిమాండ్ చేశారు.

More in TG

▶

TG· 48m ago

రామ్‌చందర్ రావుకు పొన్నం ప్రభాకర్ సవాల్

సిద్దిపేట జిల్లా హుస్నాబాద్ MLA, రాష్ట్ర రవాణా శాఖ మంత్రి పొన్నం ప్రభాకర్ ఓటర్ల జాబితా సవరణ అంశంపై బీజేపీ రాష్ట్ర అధ్యక్షుడు రామ్‌చందర్ రావుకు సవాల్ విసిరారు. ఓటు హక్కు కోల్పోయిన వారందరినీ ఎక్కడికి తీసుకురమ్మన్నా తీసుకొస్తానని ఆదివారం స్పష్టం చేశారు. ఓటర్ల జాబితా సవరణపై జరుగుతున్న ఆందోళనలను బీజేపీ తప్పుపట్టడం సరికాదన్నారు. ఈ అంశంపై ఎస్సీ, ఎస్టీ, మైనార్టీ వర్గాలకు బీజేపీ సమాధానం చెప్పాలని డిమాండ్ చేశారు.

TG· 4h ago

నేడు అటుకుల బతుకమ్మ

తెలంగాణలో బతుకమ్మ సంబరాలు ఊపందుకున్నాయి. పండుగలో రెండో రోజైన ఇవాళ అటుకుల బతుకమ్మను మహిళలు భక్తిశ్రద్ధలతో జరుపుకుంటున్నారు. రంగురంగుల పూలతో బతుకమ్మలను అందంగా పేర్చి గౌరమ్మకు పూజలు చేస్తారు. ఆటపాటలతో సందడి చేస్తూ పండుగ ఆనందాన్ని పంచుకుంటారు. ఈ రోజు గౌరమ్మకు అటుకులు, సప్పిడి పప్పు, బెల్లం నైవేద్యంగా సమర్పిస్తారు. అటుకులను ప్రధానంగా నైవేద్యంగా పెట్టడం వల్లే ఈ రోజుకు అటుకుల బతుకమ్మ అనే పేరు వచ్చింది.

TG· 6h ago

Gen Z ఉద్యమానికి UTF మద్దతు.. నిరసన ర్యాలీ

హైదరాబాద్‌లో STFI ఆధ్వర్యంలో నిర్వహించిన నిరసన ర్యాలీలో ఆంధ్రప్రదేశ్ United Teachers Federation ప్రతినిధులు పాల్గొన్నారు. ఢిల్లీలో జరిగిన Gen Z ఉద్యమానికి మద్దతుగా ఈ ర్యాలీ నిర్వహించారు. CEC జ్ఞానేశ్ కుమార్ రాజీనామా చేయాలని నిరసనకారులు డిమాండ్ చేశారు. ప్రజాస్వామ్య విలువలను కాపాడాలని, ఎన్నికల ప్రక్రియలో పారదర్శకత ఉండేలా చర్యలు తీసుకోవాలని కోరారు. ర్యాలీలో పాల్గొన్న ఆంధ్రప్రదేశ్ UTF ప్రతినిధులు తమ సంఘీభావాన్ని ప్రకటించారు.

TG· 14h ago

డేటా సెంటర్లతో లాభమెంత..

TG: హైదరాబాద్‌లో భారీ డేటా సెంటర్ల వల్ల ప్రజలకు, పర్యావరణానికి ఎలాంటి నష్టం జరుగుతుందనే దానిపై చర్చ మొదలైంది. శనివారం సోమాజిగూడ ప్రెస్ క్లబ్‌లో జరిగిన రౌండ్ టేబుల్ సమావేశంలో నిపుణులు ఈ అంశంపై మాట్లాడారు. డేటా సెంటర్లకు భారీగా నీరు, కరెంట్ అవసరమవుతాయని, వీటివల్ల స్థానిక ప్రజలపై ఎలాంటి ప్రభావం పడుతుందో ముందే స్టడీ చేయాలని సూచించారు. పెద్ద ప్రాజెక్టులకు పర్మిషన్లు ఇచ్చే ముందు పర్యావరణ ప్రభావాన్ని అంచనా వేయాలని కోరారు. అభివృద్ధి పేరుతో ప్రజలకు, భవిష్యత్ తరాలకు నష్టం జరగకుండా చూడాలని అన్నారు.