సౌదీలో నిర్మల్ వాసుల గణేష్ నిమజ్జనం

By Jabeer· 1h ago· Al Faysaliyah, Dammam, Dammam Principality

సౌదీ అరేబియాలోనూ మన తెలుగువారు గణేష్ నిమజ్జనాలు చేశారు. సౌదీలోని తూర్పు ప్రాంతానికి (Eastern Province) రాజధానిగా, ఒక ప్రముఖ రేవు (పోర్ట్) నగరంగా విరాజిల్లుతున్న దమ్మము నగరంలోని సికో ప్రాంతంలో ఉమ్మడి ఆదిలాబాద్, నిర్మల్ జిల్లా వాసులు గౌరీ శంకర్, తారక్, తేజ పళ్లెం, మల్లేష్ వినాయక చవితి నిమజ్జన వేడుకలను భక్తిశ్రద్ధలతో నిర్వహించారు. విదేశాల్లోనూ మన సంస్కృతిని చాటుతూ భక్తులు శోభాయాత్రలో పాల్గొని గణనాథునికి వీడ్కోలు పలికారు. అనంతరం అన్నదాన కార్యక్రమంలో ప్రవాస భారతీయులు ఉత్సాహంగా పాల్గొన్నారు.

More in World

World· 13m ago

గంగాసాగర్‌లో కుల వివక్ష దాడి: ఇద్దరు SC యువకులకు గాయాలు

వికారాబాద్ జిల్లా యాలాల మండలం గంగాసాగర్ గ్రామంలో వినాయక నిమజ్జన ఊరేగింపులో కుల వివక్షతో కూడిన దాడి జరిగింది. ఈ ఘటనలో ఆనంద్ మాదిగ చేతికి కత్తితో తీవ్ర గాయమై నరాలు తెగాయని, మదయ శివకుమార్‌కు గాయాలయ్యాయని బాధితులు తెలిపారు. డీజేకు చందాలు ఇవ్వకుండా దళిత యువకులు నృత్యం చేయడంపై వివాదం తలెత్తిందని, కులం పేరుతో దూషించి దాడి చేశారని పేర్కొన్నారు. బాధితులు జిల్లా ప్రభుత్వ ఆసుపత్రిలో చికిత్స పొందుతున్నారు. KVPS, CITU, పీహెచ్‌పీఎస్ నాయకులు పరామర్శించారు.బాధ్యులపై SC ST act కింద కేసు నమోదు చేయాలన్నారు.

World· 14 Aug 2026

లండన్, పారిస్‌లను షేక్ చేస్తున్న మన డిజైనర్లు!

మన దేశ ప్రముఖ ఫ్యాషన్ డిజైనర్లు ఇప్పుడు పారిస్, న్యూయార్క్, లండన్, మిలన్, దుబాయ్ వంటి అంతర్జాతీయ ఫ్యాషన్ షోలలో సందడి చేస్తున్నారు. సబ్యసాచి ముఖర్జీ దాదాపు 20 ఏళ్ల తర్వాత మళ్లీ న్యూయార్క్ ఫ్యాషన్ వీక్‌కి తిరిగి వస్తున్నారు. అలాగే ధ్రువ్ కపూర్ మిలన్‌లో, లవ్‌బర్డ్స్ బ్రాండ్ లండన్‌లో తమ డిజైన్లను ప్రదర్శిస్తున్నాయి. కేవలం వ్యాపారం కోసమే కాకుండా, భారతీయ కళను ప్రపంచానికి పరిచయం చేయడానికి సరిపోయే నగరాలను డిజైనర్లు ఎంచుకుంటున్నారు.

World· 13 Aug 2026

బలూచిస్థాన్‌కు స్వాతంత్ర్యం వచ్చిందా?

బలూచిస్థాన్‌ పాకిస్థాన్ దేశంలో ఒక ప్రాంతం. బలూచ్ జాతీయవాదులు, వేర్పాటువాదులు ఆగస్టు 11ను బలూచిస్తాన్ స్వాతంత్ర్య దినోత్సవంగా జరుపుకుంటున్నారు. ఇది పాకిస్తాన్ స్వాతంత్ర్య దినోత్సవం అయిన ఆగస్టు 14కు మూడు రోజుల ముందు వస్తుంది. అయితే దీనికి అధికారిక గుర్తింపు లేదు. పాక్‌లో ఆగస్టు 14నే స్వాతంత్ర్య దినోత్సవంగా జరుపుకుంటారు. 1947 ఆగస్టు 11న కలాత్(బలూచిస్థాన్) ముస్లిం లీగ్ మధ్య ఒప్పందం ద్వారా కలాత్‌ను స్వతంత్ర రాజ్యంగా గుర్తించారు. 1948లో మార్చిలో అది పాకిస్థాన్‌లో కలిసిపోయింది.

World· 12 Aug 2026

ఉత్తర కొరియా మరో Ballistic Missile ప్రయోగం! 🚀

ఉత్తర కొరియా మరోసారి బాలిస్టిక్ మిసైల్‌ను ప్రయోగించింది. బుధవారం తూర్పు తీరంలోని వోన్‌సాన్ ప్రాంతం నుంచి ప్రయోగించిన ఈ మిసైల్ సుమారు 700 కిలోమీటర్లు ప్రయాణించి కొరియా ద్వీపకల్పం, జపాన్ మధ్య సముద్రంలో పడినట్లు దక్షిణ కొరియా, జపాన్ అధికారులు తెలిపారు. ఇది వారం రోజుల్లో ఉత్తర కొరియా చేసిన రెండో బాలిస్టిక్ మిసైల్ ప్రయోగం. ఈ నెల 17 నుంచి అమెరికా, దక్షిణ కొరియా వార్షిక సైనిక విన్యాసాలు ప్రారంభించనున్న నేపథ్యంలో ఈ ప్రయోగం జరగడం ఆ ప్రాంతంలో టెన్షన్‌ను మరింత పెంచింది.