గుత్తికొండలో ఘనంగా ఉర్సు ఉత్సవాలు

By MADDIMANENI PRASANNAKUMAR· 53m ago· Ananthapuramu

AP: పల్నాడు జిల్లా గుత్తికొండలో హజరత్ సయ్యద్ షా వలి బాషా ఖాద్రి రహమతుల్లా అలైహి ఉర్సు ఉత్సవాలు ఘనంగా నిర్వహించారు. ప్రతి ఏటా ఆనవాయితీగా జరిగే వేడుకలకు భక్తులు, ప్రజలు భారీగా తరలివచ్చారు. మతసామరస్యానికి ప్రతీకగా నిలిచిన ఉరుసు ఉత్సవాల్లో వివిధ మతాలకు చెందిన ప్రజలు పాల్గొని ఐక్యతను చాటారు. ఉరుసు సందర్భంగా నిర్వహించిన ఖవ్వాలి, ఆర్కెస్ట్రా కార్యక్రమాలు విశేషంగా ఆకట్టుకున్నాయి. కళాకారుల పాటలు, సంగీతంతో ఉత్సవ ప్రాంగణం సందడిగా మారింది.

More in Local

Local· 37m ago

అనంతపురం JNTUలో IIBMP హెల్ప్‌డెస్క్

AP: జర్మనీలో ఉన్నత విద్య అభ్యసించాలనుకునే విద్యార్థులకు IIBMP ద్వారా అంతర్జాతీయ విద్యా అవకాశాన్ని కల్పించేందుకు అనంతపురం JNTUలో ప్రత్యేక హెల్ప్‌డెస్క్ ఏర్పాటు చేయనున్నారు. B.Tech ప్రవేశాలపై ఆసక్తి ఉన్న విద్యార్థులు సెప్టెంబర్ 7, 8 తేదీల్లో అనంతపురం JNTU ప్రాంగణంలో హెల్ప్‌డెస్క్‌ను సంప్రదించవచ్చు. జర్మన్ విశ్వవిద్యాలయ ప్రతినిధులతో నేరుగా మాట్లాడి సందేహాలను నివృత్తి చేసుకునే అవకాశం ఉంటుంది. IIBMP ద్వారా భారత్‌లో B.Tech పూర్తి చేసి జర్మనీలో మాస్టర్స్ కొనసాగించవచ్చని అధికారులు తెలిపారు.

Local· 58m ago

విద్యార్థుల సమస్యలు పరిష్కరించాలి

TG: సంక్షేమ హాస్టళ్లలో విద్యార్థులు ఎదుర్కొంటున్న సమస్యలను ప్రభుత్వం, అధికారులు వెంటనే పరిష్కరించాలని USFI హనుమకొండ జిల్లా అధ్యక్షుడు ఆకుల మనోజ్ డిమాండ్ చేశారు. USFI జిల్లా కమిటీ ఆధ్వర్యంలో భీమదేవరపల్లి మండలంలోని సంక్షేమ హాస్టళ్లను సందర్శించి విద్యార్థుల సమస్యలను అడిగి తెలుసుకున్నారు. వంగరలోని ఎస్సీ బాలుర హాస్టల్‌ను పరిశీలించారు. పూర్తిస్థాయిలో సిబ్బంది లేకపోవడంతో విద్యార్థులు ఇబ్బందులు పడుతున్నారని మనోజ్ తెలిపారు. రాత్రివేళల్లో వాచ్‌మన్ లేకపోవడం విద్యార్థుల భద్రత సమస్యగా మారుతోందన్నారు.

Local· 1h ago

జిల్లా బెస్ట్ టీచర్‌గా సాతూరి ప్రసాద్

TG హన్మకొండ జిల్లా ఉత్తమ ఉపాధ్యాయుడిగా సాతూరి ప్రసాద్ ఎంపికయ్యారు. భీమదేవరపల్లి మండలం కొత్తకొండ జిల్లా పరిషత్ ఉన్నత పాఠశాలలో విధులు నిర్వహిస్తున్న సాతూరి ప్రసాద్‌ను తెలంగాణ ప్రభుత్వం హన్మకొండ జిల్లా ఉత్తమ ఉపాధ్యాయుడిగా ఎంపిక చేసింది. ఉపాధ్యాయ దినోత్సవం సందర్భంగా ప్రకటించిన జిల్లా ఉత్తమ ఉపాధ్యాయుల జాబితాలో ఆయనకు చోటు దక్కింది. జిల్లాలో నిర్వహించనున్న గురుపూజోత్సవ కార్యక్రమంలో సాతూరి ప్రసాద్ అవార్డును అందుకోనున్నారు. పాఠశాల సిబ్బంది, విద్యార్థులు, పలువురు ఆయనకు శుభాకాంక్షలు తెలిపారు.

Local· 10h ago

కరెంట్ కోసం చీకట్లో కొవ్వొత్తులతో రాస్తారోకో

TG: కరెంట్ కోతలతో విసిగిపోయిన మహబూబాబాద్ జిల్లా మునిగలవీడు గ్రామస్తులు చీకట్లో కొవ్వొత్తులతో రాస్తారోకో చేపట్టారు. శుక్రవారం రాత్రి మహబూబాబాద్–తొర్రూరు రహదారిపై విద్యుత్ సబ్‌స్టేషన్ ఎదుట ఆందోళన నిర్వహించడంతో వాహనాలు నిలిచిపోయాయి. ప్రభుత్వం కరెంట్ కోతలు లేవని చెబుతున్నా రోజులో పలుమార్లు విద్యుత్ సరఫరా నిలిపివేస్తున్నారని గ్రామస్తులు ఆరోపించారు. సాయంత్రం, రాత్రి వేళల్లో కోతలు ఎత్తివేయాలని డిమాండ్ చేశారు. పోలీసులు అధికారులతో మాట్లాడి విద్యుత్ సరఫరా పునరుద్ధరిస్తామని హామీ ఇవ్వడంతో ఆందోళన విరమించారు.