చెకుముకి సైన్స్ సంబరాలు.. పోస్టర్ ఆవిష్కరణ

AP: తిరుపతి జిల్లా సూళ్లూరుపేటలో చెకుముకి సైన్స్ సంబరాల పోస్టర్‌ను ఆవిష్కరించారు. జన విజ్ఞాన వేదిక తిరుపతి జిల్లా ఆధ్వర్యంలో ఆగస్టు 27న 8, 9, 10వ తరగతి ప్రభుత్వ, ప్రైవేట్ పాఠశాలల విద్యార్థులకు పాఠశాల స్థాయి చెకుముకి సైన్స్ టాలెంట్ టెస్ట్ నిర్వహించనున్నారు. ఈ సందర్భంగా టాలెంట్ టెస్ట్ పోస్టర్‌ను యూటీఎఫ్ తిరుపతి జిల్లా అధ్యక్షుడు జీజే రాజశేఖర్, జిల్లా కార్యదర్శి ప్రభాకర్, జన విజ్ఞాన వేదిక నాయకులు చంగయ్య, రామ్మూర్తి, మస్తాన్ తదితరులు ఆవిష్కరించారు.