మిజోరం సీఎంకు స్వాగతం పలికిన లోకేష్

గుంటూరు జిల్లా ఉండవల్లిలో ముఖ్యమంత్రి నివాసానికి సోమవారం మిజోరం సీఎం లాల్ దుహోమా చేరుకున్నారు. రాష్ట్రంలో పలు కార్యక్రమాల్లో పాల్గొనేందుకు వచ్చిన ఆయనకు మంగళగిరి ఎమ్మెల్యే, మంత్రి నారా లోకేష్ ఘన స్వాగతం పలికారు. ఈ సందర్భంగా లాల్ దుహోమాను శాలువాతో సత్కరించి, ప్రత్యేక జ్ఞాపికను అందజేశారు. అనంతరం మంత్రి లోకేష్ ఆయనతో మర్యాదపూర్వకంగా భేటీ అయ్యారు. ఈ సందర్భంగా ఇరువురు ఆత్మీయంగా పలకరించుకున్నారు.