రైలును ఎక్కబోయి జారిపడిన వ్యక్తి.. కానిస్టేబుల్‌ సేవ్‌!

By Anusha· 4 Oct 2026· X

AP: అనంతపురం జిల్లాలో కదులుతున్న రైలును ఎక్కబోయి జారిపడిన వ్యక్తిని ఓ కానిస్టేబుల్ సమయస్ఫూర్తితో కాపాడారు. అనంతపురంలోని రైల్వే స్టేషన్‌లో భైరవ నగర్‌కు చెందిన రవికుమార్ రైలు ఎక్కబోయి ప్రమాదవశాత్తూ జారిపడ్డాడు. అదే సమయంలో అటుగా వెళుతున్న ట్రాఫిక్ కానిస్టేబుల్ సురేంద్ర సమయస్ఫూర్తితో అతని చొక్కా పట్టుకొని పక్కకు లాగాడు. దీంతో రవికుమార్ ప్రమాదం నుంచి బయటపడ్డారు. ఈ ఘటన గత నెల 29న జరగగా.. తాజాగా సీసీటీవీ దృశ్యాలు వెలుగులోకి వచ్చాయి.

More in AP

▶

AP· 4m ago

వేట కొడవళ్లు, బీర్ బాటిళ్లు.. ఎందుకిలా?

కడపలో YCP మేయర్ అభ్యర్థి బండి దీప్తి ఇంటిపై అర్ధరాత్రి జరిగిన దాడి తీవ్ర కలకలం రేపుతోంది. సోమవారం అర్ధరాత్రి గుర్తు తెలియని వ్యక్తులు వాహనాల్లో వచ్చి ఆమె ఇంటిపై మద్యం బాటిళ్లు విసిరారు. ఇంటి అద్దాలు, కిటికీలు ధ్వంసమయ్యాయి. ఒక వేట కొడవలిని అక్కడ వదిలారు. ఇది TDP కుట్ర అనే ఆరోపణలు వస్తున్నాయి. కడప 1 టౌన్ పోలీసులు కేసు నమోదుచేశారు. ఈ ఘటన రాజకీయ ఉద్రిక్తతలను పెంచుతూ.. ఎన్నికల నిర్వహణపై ఆందోళన కలిగిస్తోంది.

▶

AP· 1h ago

చంద్రబాబుపై జుబైర్ సెటైర్

AP: YCP డబుల్ స్టాండర్ట్స్ పాటిస్తోందని CM చంద్రబాబు నిన్న చేసిన వ్యాఖ్యలపై సోషల్ మీడియాలో సెటైర్లు పేలుతున్నాయి. "ఈ మాటలు ఎవరు అంటున్నారో చూడండి" అని ఫ్యాక్ట్ చెకర్ మహ్మద్ జుబైర్ సెటైర్ వేశారు. "ఒకప్పుడు CECని సపోర్ట్ చేసిన YCP ఇప్పుడు ఆయన నచ్చలేదంటోంది" అని చంద్రబాబు అన్నారు. మరి చంద్రబాబు కూడా ఒకప్పుడు మోదీని తీవ్రంగా విమర్శించి.. ఇప్పుడు అదే మోదీని తెగ మెచ్చుకోవట్లేదా? అని నెటిజన్లు ప్రశ్నిస్తున్నారు. మీరేమంటారు? కామెంట్ చెయ్యండి.

AP· 5h ago

నేడు మెగా కార్నివాల్.. ట్రాఫిక్ ఆంక్షలు!

విజయవాడలో దసరా వేడుకల్లో భాగంగా ఈ రోజు మెగా కార్నివాల్ నిర్వహించనున్నారు. ఏలూరు రోడ్డులోని SRR కాలేజీ నుంచి చుట్టుగుంట సిగ్నల్ మీదుగా విశాలాంధ్ర రోడ్డులోని ఇందిరాగాంధీ స్టేడియం వరకు ఈ ప్రోగ్రామ్ జరగనుంది.దీంతో పోలీసులు ట్రాఫిక్ మళ్లింపులు చేపట్టనున్నారు. వాహనదారులు ట్రాఫిక్ ఆంక్షలను గమనించి, ప్రత్యామ్నాయ మార్గాల్లో ప్రయాణించాలని సూచించారు

AP· 17h ago

పాడేరు ఘాట్ రోడ్డులో ప్రమాదం.. భవానీ మాలధారులు మృతి

AP: అల్లూరి సీతారామరాజు జిల్లా పాడేరు ఘాట్ రోడ్డులో ఘోర ప్రమాదం జరిగింది. బ్రేక్ ఫెయిల్ అయిన ఓ బొలెరో వాహనం నేరుగా కొండను ఢీకొట్టింది. ప్రమాద సమయంలో వాహనంలో 21 మంది ప్రయాణికులున్నారు. ఈ వాళ్లలో ఇద్దరు భవానీ మాలధారులు మృతిచెందారు. మిగిలినవారికి గాయాలయ్యాయి. అమ్మవారిని దర్శించుకుని తిరిగి వెళ్తుండగా ఈ ప్రమాదం జరిగింది. క్షతగాత్రులను మాడుగుల, అనకాపల్లి ఆసుపత్రులకు తరలించారు.