రెవెన్యూ సిబ్బంది పనితీరు మార్చుకోవాలి: కన్నా

By Siva· 1h ago· Pakalapadu, Sattenapalli, Palnadu

పల్నాడు జిల్లా సత్తెనపల్లి మండలం పాకలపాడు గ్రామంలో డిజిటల్ పట్టాదారు పాస్ పుస్తకాల పంపిణీ కార్యక్రమంలో MLA కన్నా లక్ష్మీనారాయణ పాల్గొన్నారు. ఈ సందర్భంగా గ్రామంలో భూ సమస్యలు, పాస్ పుస్తకాల్లో తప్పులపై డిప్యూటీ తహసీల్దార్ రవికుమార్‌ను ప్రశ్నించారు. భూమి రీసర్వేలో తప్పులు ఎలా జరుగుతున్నాయని నిలదీశారు. రెవెన్యూ సిబ్బంది చేసే తప్పుల వల్ల రైతులు ఇబ్బందులు పడుతున్నారని ఫైరయ్యారు. పాస్ పుస్తకాల్లో మరోసారి తప్పులు వస్తే చర్యలు తీసుకుంటామని హెచ్చరించారు.

More in Local

Local· 3m ago

సెల్‌ఫోన్ వ్యసనానికి దూరంగా ఉండాలి: IGP

గుంటూరు ప్రభుత్వ మహిళా కళాశాలలో నిర్వహించిన ‘దీక్షారంభ్’ ముగింపు కార్యక్రమానికి AP ఈగల్ చీఫ్ IGP ఆకే రవికృష్ణ ముఖ్య అతిథిగా హాజరయ్యారు. స్పష్టమైన లక్ష్యం, పట్టుదల, క్రమశిక్షణతో ఉన్నత స్థాయికి చేరుకోవచ్చని విద్యార్థినులకు సూచించారు. సెల్‌ఫోన్ వ్యసనం, సోషల్ మీడియా ప్రభావానికి దూరంగా ఉంటూ చదువు, క్రీడలు, యోగాపై దృష్టి పెట్టాలన్నారు. డ్రగ్స్‌కు దూరంగా ఉండాలని, వాటి సమాచారం తెలిస్తే 1972 టోల్‌ఫ్రీ నంబర్‌కు తెలియజేయాలని కోరారు.

▶

Local· 15m ago

'బాలికలకు సమాన అవకాశాలు కల్పించాలి'

అంతర్జాతీయ బాలికల దినోత్సవం సందర్భంగా గుంటూరు జిల్లా తాడేపల్లి మండలం పెనుమాకలో 'GAMANA' సంస్థ ఆధ్వర్యంలో అవగాహన కార్యక్రమం నిర్వహించారు. పెనుమాక హైస్కూల్‌ నుంచి పంచాయతీ కార్యదర్శి కార్యాలయం వరకు విద్యార్థినులు ర్యాలీ చేపట్టారు. బాలికల హక్కులు, విద్య, ఆరోగ్యం, భద్రత, లింగ సమానత్వం, బాల్యవివాహాల నివారణపై నినాదాలు చేశారు. బాలికలకు సమాన అవకాశాలు కల్పించి, విద్యతో ప్రోత్సహించాలని నిర్వాహకులు కోరారు.

▶

Local· 19m ago

చిలువూరులో అభివృద్ధి పనులకు భూమిపూజ

గుంటూరు జిల్లా దుగ్గిరాల మండలం చిలువూరు దళితవాడలో ₹.20 లక్షలతో చేపట్టనున్న కాలువల నిర్మాణ పనులకు శుక్రవారం భూమిపూజ నిర్వహించారు. ప్రధానమంత్రి ఆదర్శ గ్రామ యోజన పథకం కింద ఈ పనులు చేపట్టనున్నారు. కార్యక్రమానికి TDP గుంటూరు పార్లమెంటు ప్రధాన కార్యదర్శి పోతినేని శ్రీనివాసరావు ముఖ్య అతిథిగా హాజరయ్యారు. పాస్టర్లు ప్రత్యేక ప్రార్థనలు నిర్వహించగా, ప్రజాప్రతినిధులు, TDP నాయకులు, గ్రామస్థులు పాల్గొన్నారు.

Local· 21m ago

ప్రెస్‌క్లబ్ అధ్యక్షుడిగా మాడుగుల రాజ్ కుమార్

హనుమకొండ జిల్లా భీమదేవరపల్లి ప్రెస్ క్లబ్ నూతన కార్యవర్గాన్ని శుక్రవారం ఏకగ్రీవంగా ఎన్నుకున్నారు. గౌరవాధ్యక్షుడు మాడుగుల సంతోష్ ఆధ్వర్యంలో జరిగిన సమావేశంలో అధ్యక్షుడిగా మాడుగుల రాజ్ కుమార్, ప్రధాన కార్యదర్శిగా మాడుగుల రామకృష్ణ, ఉపాధ్యక్షుడిగా గౌడ చంద్రబాబు, కోశాధికారిగా వుడుత శ్రీనాథ్, కార్యదర్శిగా కనకం వెంకటేష్ ఎన్నికయ్యారు. కార్యవర్గ సభ్యులుగా మేకల శ్యామ్, మాట్ల హరికుమార్, వెంకటేష్‌ను ఎన్నుకున్నారు.