SIR గుట్టు బయటపెట్టిన అంగన్‌వాడీ కార్యకర్త

By Vishi· 9h ago· Indianexpress

ఒడిశా రాష్ట్రం భద్రక్ జిల్లా ధామ్నగర్‌లో పనిచేస్తున్న అంగన్‌వాడీ కార్యకర్త నిరుపమ త్రిపాఠి పెద్ద అక్రమాన్ని బయటపెట్టారు. నిరుపమ BLOగా పనిచేస్తున్నారు. SIR టైంలో తన పేరుతో, తనకు తెలియకుండానే 227 మంది ఓటర్ల పేర్లు తొలగించాలని అప్లై చేసినట్టు కనిపించింది. ఆ నియోజకవర్గం నుంచి మూడు వేలకు పైగా ఇలాంటి అప్లికేషన్లు వచ్చాయి. నిరుపమతో సహా పదిమంది BLOలు జిల్లా కలెక్టర్‌ను కలిశారు. దీంతో ఈ అక్రమానికి కారణమైన అధికారి సంతోష్ కుమార్ నాయక్‌ను సస్పెండ్ చేశారు.

More in National

National· 4h ago

జార్ఖండ్ ముఖ్యమంత్రి తల్లి మృతి

జార్ఖండ్ ముఖ్యమంత్రి హేమంత్ సోరెన్ తల్లి, మాజీ సీఎం శిబు సోరెన్ భార్య రూపీ సోరెన్(80) కన్నుమూశారు. శ్వాసకోశ సంబంధిత సమస్యలతో బాధపడుతున్న ఆమె రాంచీలోని ప్రైవేట్ ఆసుపత్రిలో చికిత్స పొందుతూ మరణించారు. జార్ఖండ్ ప్రత్యేక రాష్ట్ర పోరాటంలో శిబు సోరెన్‌కి తోడుగా నిలిచి, సోరెన్ కుటుంబానికి మార్గదర్శకురాలిగా రూపీ సోరెన్ కీలక పాత్ర పోషించారు. ఆమె మృతిపై కాంగ్రెస్ నేత రాహుల్ గాంధీ, రాష్ట్ర, జాతీయ స్థాయి రాజకీయ నాయకులు సంతాపం తెలిపారు.

కేరళ కేంద్రీయ విశ్వవిద్యాలయంలో విద్యార్థి సంఘాల నిరసన

▶

National· 5h ago

కేరళ కేంద్రీయ విశ్వవిద్యాలయంలో విద్యార్థి సంఘాల నిరసన

కేరళ కేంద్రీయ విశ్వవిద్యాలయం(Central University of Kerala) పెరియ క్యాంపస్‌లో వందేమాతరం 150వ వార్షికోత్సవం సందర్భంగా నిర్వహించిన జాతీయ సెమినార్‌పై SFIతోపాటు ఇతర విద్యార్థి సంఘాలు నిరసన తెలిపాయి. మొదటి రోజు కీనోట్ స్పీకర్‌గా ప్రజ్ఞా ప్రవాహ్ జాతీయ కన్వీనర్, RSS ఆలోచనా విభాగానికి చెందిన జె.నందకుమార్ పాల్గొన్నారు. ఇందుకు వ్యతిరేకంగా SFI, AISF, NSUI, KNU, MSF తదితర సంఘాలు “RSS గోబ్యాక్” నినాదంతో నిరసన ప్రదర్శనలు చేశాయి.

SIR రద్దు చేయాలి.. CEC దిగిపోవాలి: CM రేవంత్ రెడ్డి

▶

National· 5h ago

SIR రద్దు చేయాలి.. CEC దిగిపోవాలి: CM రేవంత్ రెడ్డి

TG: ఢిల్లీలో రాహుల్ గాంధీ అరెస్టును నిరసిస్తూ CM రేవంత్ రెడ్డి బారాఖంబా పోలీస్ స్టేషన్ ఎదుట మీడియాతో మాట్లాడారు. SIRను రద్దు చేయాలని, CEC జ్ఞానేష్ కుమార్ రాజీనామా చేయాలని డిమాండ్ చేశారు. రాహుల్ గాంధీ నాయకత్వంలో తమ పోరాటం కంటిన్యూ అవుతుందని చెప్పారు. ‘సైమన్ గో బ్యాక్’ తరహాలో ఇప్పుడు ‘SIR గో బ్యాక్’ <a href="https://x.com/Congress4TS/status/2107846666628067829">ఉద్యమం సాగుతోందన్నారు.</a> రాహుల్ అరెస్టుతో మోదీ, అమిత్ షాల అసహనం బయటపడిందని, ED, CBI తర్వాత ఇప్పుడు ECను కూడా BJP ప్రభుత్వం వాడుకుంటోందని ఆరోపించారు.

National· 6h ago

ముంబైలో బార్బర్.. నెలకు లక్ష రూపాయల ఆదాయం

ముంబైలోని ఒక ప్రొఫెషనల్ తన బార్బర్ గురించి షేర్ చేసిన సమాచారం సోషల్ మీడియాలో వైరల్ అయ్యింది. ఉత్తరప్రదేశ్‌కు చెందిన ఆయన నెలకు లక్ష రూపాయల దాకా సంపాదిస్తున్నాడని, గవర్నమెంట్ జాబ్ ఇచ్చినా తీసుకోనని చెప్పాడని ముంబైకి చెందిన హర్ష్ గుప్తా మధుసూదన్ చెప్పారు. అర్బన్ కంపెనీ ద్వారా వచ్చిన ఈ వ్యక్తి తనకు ఈ వివరాలు చెప్పారని వివరించారు. తన ఆదాయంలో TDS కట్ అవుతుండటంతో రిటర్న్స్ ఫైల్ చేస్తున్నానని, తరచూ రీఫండ్ కూడా వస్తోందని అతను చెప్పినట్టు తెలిపారు.