సెల్‌ఫోన్ వ్యసనానికి దూరంగా ఉండాలి: IGP

By KUCHIPUDI BUJJIBABU· 1h ago· Salivahanapeta, Mangalagiri, Guntur

గుంటూరు ప్రభుత్వ మహిళా కళాశాలలో నిర్వహించిన ‘దీక్షారంభ్’ ముగింపు కార్యక్రమానికి AP ఈగల్ చీఫ్ IGP ఆకే రవికృష్ణ ముఖ్య అతిథిగా హాజరయ్యారు. స్పష్టమైన లక్ష్యం, పట్టుదల, క్రమశిక్షణతో ఉన్నత స్థాయికి చేరుకోవచ్చని విద్యార్థినులకు సూచించారు. సెల్‌ఫోన్ వ్యసనం, సోషల్ మీడియా ప్రభావానికి దూరంగా ఉంటూ చదువు, క్రీడలు, యోగాపై దృష్టి పెట్టాలన్నారు. డ్రగ్స్‌కు దూరంగా ఉండాలని, వాటి సమాచారం తెలిస్తే 1972 టోల్‌ఫ్రీ నంబర్‌కు తెలియజేయాలని కోరారు.

More in Local

Local· 13m ago

'రాజకీయాల్లో యువత ముందుండాలి'

వరంగల్ జిల్లా చంద్ర రావు పేట మండలం ఎల్లాయిగూడెంలో యువజన కాంగ్రెస్‌ గ్రామ కమిటీ ఎన్నిక నిర్వహించారు. మండల అధ్యక్షుడు బండి హరీశ్‌ ఆధ్వర్యంలో జరిగిన కార్యక్రమంలో జిల్లా యూత్‌ కాంగ్రెస్‌ ఉపాధ్యక్షుడు రూపిక శ్రావణ్‌కుమార్‌ మాట్లాడుతూ యువత రాజకీయాల్లో చురుకుగా పాల్గొనాలని సూచించారు. యువత హక్కుల కోసం పోరాడుతూ, నిరుద్యోగులకు ఉద్యోగావకాశాల కల్పన, గ్రామాభివృద్ధికి కృషి చేయాలన్నారు.

▶

Local· 19m ago

అధికారుల తీరుపై రైతుల ఆగ్రహం

నెల్లూరు జిల్లా వింజమూరు మండలం నల్లారెడ్డిపల్లిలో బాట ఏర్పాటు పేరుతో తమకు సమాచారం ఇవ్వకుండా వ్యవసాయ భూముల్లో గుంతలు తవ్వి నష్టం కలిగించారని రైతులు ఆరోపించారు. సర్వే నంబర్‌ 328లో 2002లో నాలుగు ఎకరాలకు డి.పట్టా పొందామని, భూమికి సంబంధించిన రికార్డులు ఉన్నా అధికారులు ఏకపక్షంగా వ్యవహరించారని ఆవేదన వ్యక్తం చేశారు. ఈ వ్యవహారంపై విచారణ జరిపి తమకు న్యాయం చేయాలని కోరారు.

▶

Local· 23m ago

ప్రభుత్వ భూముల్లో అక్రమాలకు చెక్!

నెల్లూరు జిల్లా దుత్తలూరు మండలం తెడ్డుపాడులో ప్రభుత్వ భూముల్లో జామాయిల్ చెట్లు నరికి తరలిస్తున్నారనే సమాచారంపై అధికారులు విచారణ చేపట్టారు. గ్రామ పరిధిలో సుమారు 60 ఎకరాల ప్రభుత్వ భూమి ఉన్నట్లు గుర్తించామని తహసీల్దార్ నాగరాజు తెలిపారు. అక్రమంగా చెట్లు నరికినా, భూములు ఆక్రమించినా క్రిమినల్ కేసులు నమోదు చేస్తామని హెచ్చరించారు. ప్రభుత్వ భూముల్లో హెచ్చరిక బోర్డులు ఏర్పాటు చేస్తామన్నారు.

Local· 27m ago

అమరావతిలో చెస్ అకాడమీ ఏర్పాటుకు హంపి విజ్ఞప్తి

అమరావతిలో చెస్ అకాడమీ ఏర్పాటుకు సహకరించాలని ప్రముఖ చదరంగ క్రీడాకారిణి కోనేరు హంపి మంత్రి నారా లోకేష్‌ను కోరారు. ఇవాళ ఉండవల్లిలోని నివాసంలో తండ్రి అశోక్‌తో కలిసి మంత్రిని కలిశారు. చెస్ ఒలింపియాడ్‌ -2026లో మహిళల జట్టు కాంస్య పతకం సాధించడంతో పాటు, వ్యక్తిగత విభాగంలో హంపి కాంస్యం గెలవడంపై లోకేష్ అభినందించారు. అకాడమీ ఏర్పాటుకు ప్రభుత్వం నుంచి అవసరమైన సహాయం అందిస్తామని హామీ ఇచ్చారు.