నడవడానికి కూడా వీల్లేని దారి!

By Korra Arun Kumar· 1h ago· Alluri Sitharama Raju

అల్లూరి సీతారామరాజు జిల్లా చింతపల్లి మండలం బలపం పంచాయతీ పరిధిలోని గిల్లలబంద గ్రామానికి వెళ్లే మట్టి రోడ్డు భారీ వర్షాలకు దెబ్బతింది. కొండచరియలు విరిగిపడటంతో పాటు వరద ఉధృతికి రోడ్డు కొట్టుకుపోయి, గోతులు ఏర్పడ్డాయి. దీంతో కాలినడకన వెళ్లడం కూడా ప్రమాదకరంగా మారగా, బైక్‌ల రాకపోకలు నిలిచిపోయాయి. అంబులెన్స్ వెళ్లే దారి లేక రోగులు, గర్భిణులను డోలీల్లో మోసుకెళ్లాల్సి వస్తోందని గ్రామస్తులు ఆవేదన వ్యక్తం చేస్తున్నారు. అధికారులు స్పందించకపోవడంతో గ్రామస్తులే పారలు, గునపాలతో రోడ్డు బాగు చేసుకుంటున్నారు.

More in Local

54 లక్షల అలంకరణతో మెరిసిపోతున్న అమ్మవారు!

▶

Local· 4m ago

54 లక్షల అలంకరణతో మెరిసిపోతున్న అమ్మవారు!

హైదరాబాద్‌ రాజేంద్రనగర్ పరిధిలోని హైదర్గూడ హైందవనగర్‌లో దుర్గామాత నవరాత్రి ఉత్సవాలు వైభవంగా జరుగుతున్నాయి. ఈ సందర్భంగా అమ్మవారిని లక్ష్మీదేవి అవతారంలో ప్రత్యేకంగా అలంకరించారు. ఈ అలంకరణకు ఏకంగా ₹54 లక్షలు ఖర్చు చేశారు. అందంగా ముస్తాబైన అమ్మవారిని దర్శించుకునేందుకు భక్తులు పెద్ద సంఖ్యలో తరలివస్తున్నారు. ప్రత్యేక పూజలతో ఆధ్యాత్మిక సందడి నెలకొంది.

Local· 12m ago

ప్రమాద బాధితులకు అండగా ఉంటాం

కర్ణాటక భారత్‌మాల రహదారిపై జరిగిన రోడ్డు ప్రమదంలో జోగులాంబ గద్వాల జిల్లా గట్టు మండలం ఇందువాసి గ్రామానికి ఇద్దరు మృతి చెదిన విషయం తెలిసిందే. <a href="https://www.theclearcutnews.com/n/3S37duN">ప్రమాద </a>బాధితులకు కార్మిక సంక్షేమ ప్రయోజనాలు అందేలా చర్యలు తీసుకుంటున్నట్లు జిల్లా అసిస్టెంట్ కమిషనర్ ఆఫ్ లేబర్ వేణుగోపాల్ తెలిపారు. ప్రమాదంపై గ్రామంలో క్షేత్రస్థాయిలో విచారణ చేపట్టి, <a href="https://www.theclearcutnews.com/n/z9ZFspr">మృతి చెందిన</a> నాగన్న, యేసేపు కుటుంబాలతో పాటు గాయపడిన 19మంది వివరాలు సేకరించారు. అర్హులకు ప్రమాద బీమా, ఇతర సంక్షేమ ప్రయోజనాలు అందించే అవకాశాలను పరిశీలిస్తున్నట్లు వెల్లడించారు.

▶

Local· 19m ago

పెరిగిన ధరలు.. బియ్యం కోసం క్యూ

పెరిగిన నిత్యావసర సరుకుల ధరలతో నిరుపేదలు తీవ్ర ఇబ్బందులు పడుతున్నారు. ముఖ్యంగా బియ్యం ధరలు పెరగడంతో సామాన్య కుటుంబాలపై ఆర్థిక భారం పడుతోంది. ఈ నేపథ్యంలో విశాఖపట్నం జిల్లా గోపాలపట్నం రైతు బజార్‌లో శనివారం ఉదయమే స్థానికులు పెద్దఎత్తున బియ్యం కొనుగోలు చేసేందుకు క్యూ కట్టారు. నిత్యావసరాల ధరలు పెరుగుతుండటంతో కుటుంబ ఖర్చులను నిర్వహించడం కష్టంగా మారుతోందని పలువురు ఆందోళన వ్యక్తం చేస్తున్నారు.

▶

Local· 32m ago

హైటెన్షన్.. పోలీసులతో నరేన్ రెడ్డి ఫైర్

కడప జిల్లా కమలాపురం నగర పంచాయతీలో ఉద్రిక్తత నెలకొంది. YCP ఇన్‌ఛార్జ్ నరేన్ రెడ్డిని అదుపులోకి తీసుకునేందుకు పోలీసులు ప్రయత్నించారు. TDP నుంచి ముప్పు ఉందన్న కారణంతో పార్టీ కార్యాలయం నుంచి ఆయనను తరలించేందుకు యత్నించగా, నరేన్ రెడ్డి తీవ్రంగా తీవ్రంగా వ్యతిరేకించారు. TDP కార్యకర్తలు గుమిగూడితే చర్యలు తీసుకోకుండా తమను అరెస్ట్ చేయాలని చూడటం దారుణమంటూ పోలీసులతో వాగ్వాదానికి దిగారు.