భారతీయ సినిమాలపై కొరియన్ నటుడి ప్రేమ!

దక్షిణ కొరియాకు చెందిన ప్రముఖ నటుడు కాంగ్ హూన్ మన భారతీయ సినిమాలపై తన అభిమానాన్ని తెలిపారు. అమీర్ ఖాన్ '3 ఇడియట్స్' సినిమా తనకు పట్టుదలను నేర్పిందని, ఆయనకు పెద్ద అభిమానినని చెప్పారు. ప్రజలపై మంచి ప్రభావం చూపే భారతీయ సినిమాల్లో నటించే అవకాశం వస్తే తప్పకుండా చేస్తానని అన్నారు. ఇండియాకు రావాలనేది తన చాలా రోజుల కోరికని, అవకాశాల కోసం ఎదురుచూసిన రోజులే తనను బలంగా మార్చాయని చెప్పారు.