కరెంట్ షాక్‌తో యువకుడు మృతి

By K. VENKATESH· 1h ago· Nelakondapally, Nelakondapalli, Khammam

ఖమ్మం జిల్లా నేలకొండపల్లి మండలం కొత్తకొత్తూరు గ్రామంలోని SFS ఇంగ్లీష్ మీడియం పాఠశాలలో శుక్రవారం విషాద ఘటన చోటుచేసుకుంది. పాఠశాలలో స్టీల్ రైలింగ్ పనులు చేస్తుండగా కరెంట్ లైన్ తగలడంతో రాజస్థాన్‌కు చెందిన కార్మికుడు సునీల్ బిష్ణోయ్ (20) అక్కడికక్కడే మృతి చెందాడు. ఈ ఘటనతో అక్కడ విషాదం నెలకొంది. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు. అనంతరం మృతదేహాన్ని పోస్టుమార్టం నిమిత్తం మార్చురీకి తరలించారు.

More in Local

▶

Local· just now

'కాన్షీరామ్ ఆశయ సాధనకు కృషి చేయాలి'

కరీంనగర్ జిల్లా హుజూరాబాద్ మండలం సిర్సపల్లి క్రాస్ వద్ద మాన్యవర్ కాన్షీరామ్ వర్ధంతిని నిర్వహించారు. BSP రాష్ట్ర ప్రధాన కార్యదర్శి పల్లె ప్రశాంత్ గౌడ్, కరీంనగర్ జిల్లా అధ్యక్షుడు నల్లాల శ్రీనివాస్ ఆధ్వర్యంలో నాయకులు ఆయన చిత్రపటానికి పూలమాలలు వేసి నివాళులర్పించారు. అనంతరం వరంగల్‌లో నిర్వహించిన ‘బహుజన రాజ్యాధికార సమర భేరి’ సభకు BSP నాయకులు, కార్యకర్తలు భారీగా తరలివెళ్లారు.

Local· 25m ago

సెల్‌ఫోన్ వ్యసనానికి దూరంగా ఉండాలి: IGP

గుంటూరు ప్రభుత్వ మహిళా కళాశాలలో నిర్వహించిన ‘దీక్షారంభ్’ ముగింపు కార్యక్రమానికి AP ఈగల్ చీఫ్ IGP ఆకే రవికృష్ణ ముఖ్య అతిథిగా హాజరయ్యారు. స్పష్టమైన లక్ష్యం, పట్టుదల, క్రమశిక్షణతో ఉన్నత స్థాయికి చేరుకోవచ్చని విద్యార్థినులకు సూచించారు. సెల్‌ఫోన్ వ్యసనం, సోషల్ మీడియా ప్రభావానికి దూరంగా ఉంటూ చదువు, క్రీడలు, యోగాపై దృష్టి పెట్టాలన్నారు. డ్రగ్స్‌కు దూరంగా ఉండాలని, వాటి సమాచారం తెలిస్తే 1972 టోల్‌ఫ్రీ నంబర్‌కు తెలియజేయాలని కోరారు.

▶

Local· 38m ago

'బాలికలకు సమాన అవకాశాలు కల్పించాలి'

అంతర్జాతీయ బాలికల దినోత్సవం సందర్భంగా గుంటూరు జిల్లా తాడేపల్లి మండలం పెనుమాకలో 'GAMANA' సంస్థ ఆధ్వర్యంలో అవగాహన కార్యక్రమం నిర్వహించారు. పెనుమాక హైస్కూల్‌ నుంచి పంచాయతీ కార్యదర్శి కార్యాలయం వరకు విద్యార్థినులు ర్యాలీ చేపట్టారు. బాలికల హక్కులు, విద్య, ఆరోగ్యం, భద్రత, లింగ సమానత్వం, బాల్యవివాహాల నివారణపై నినాదాలు చేశారు. బాలికలకు సమాన అవకాశాలు కల్పించి, విద్యతో ప్రోత్సహించాలని నిర్వాహకులు కోరారు.

▶

Local· 42m ago

చిలువూరులో అభివృద్ధి పనులకు భూమిపూజ

గుంటూరు జిల్లా దుగ్గిరాల మండలం చిలువూరు దళితవాడలో ₹.20 లక్షలతో చేపట్టనున్న కాలువల నిర్మాణ పనులకు శుక్రవారం భూమిపూజ నిర్వహించారు. ప్రధానమంత్రి ఆదర్శ గ్రామ యోజన పథకం కింద ఈ పనులు చేపట్టనున్నారు. కార్యక్రమానికి TDP గుంటూరు పార్లమెంటు ప్రధాన కార్యదర్శి పోతినేని శ్రీనివాసరావు ముఖ్య అతిథిగా హాజరయ్యారు. పాస్టర్లు ప్రత్యేక ప్రార్థనలు నిర్వహించగా, ప్రజాప్రతినిధులు, TDP నాయకులు, గ్రామస్థులు పాల్గొన్నారు.