ఎయిమ్స్‌లో విస్తరించిన ఉచిత, సబ్సిడీ మందుల కౌంటర్లు

By rajaratnam· 55m ago· Guntur

గుంటూరు జిల్లా మంగళగిరి AIIMS లో పెరుగుతున్న రోగుల రద్దీకి తగ్గట్టు జనౌషధి, అమృత్ ఫార్మసీ సేవలను విస్తరించారు. వరల్డ్ ఫార్మసిస్ట్స్ డే సందర్భంగా ఎగ్జిక్యూటివ్ డైరెక్టర్ ప్రొఫెసర్ డాక్టర్ అహంతేమ్ శాంతా సింగ్ కొత్తగా 7 జనౌషధి, 14 అమృత్ ఫార్మసీ కౌంటర్లను ప్రారంభించారు. కొత్త ఓపీడీ ఫార్మసీ బ్లాక్ అందుబాటులోకి రావడంతో రోగులకు తక్కువ ధరలోనే క్వాలిటీ మందులు దొరకనున్నాయి. అక్కడ బెస్ట్ సర్వీస్ అందించిన ఫార్మసిస్టులను అధికారులు ఘనంగా సత్కరించారు.

More in Local

Local· 25m ago

పరకాల రోడ్డుపై గుంతలు..పట్టించుకోరా అధికారులు?

హనుమకొండ జిల్లా పరకాల పట్టణంలోని మెయిన్ రోడ్డుపై భారీ గుంతలు పడి వాహనదారులు ఇబ్బంది పడుతున్నారు. వర్షపు నీరు గుంతల్లో నిలవడంతో లోతు తెలీక వాహనదారులు కిందపడి ప్రమాదాల బారిన పడుతున్నారు. ముఖ్యంగా రాత్రివేళల్లో పరిస్థితి మరింత దారుణంగా ఉంటోందని స్థానికులు ఆందోళన చెందుతున్నారు. అధికారులు వెంటనే స్పందించి రోడ్డుకు శాశ్వత మరమ్మతులు చేపట్టాలని డిమాండ్ చేస్తున్నారు.

Local· 29m ago

పరకాల 100 పడకల ఆసుపత్రి ప్రారంభం

హనుమకొండ జిల్లా పరకాలలోని కొత్త 100 పడకల గవర్నమెంట్ ఆసుపత్రిలో శనివారం నుంచి OP సేవలు ప్రారంభం కానున్నాయి. ఇవాళ ఆసుపత్రిని పరిశీలించిన RDO రోగులకు ఎలాంటి ఇబ్బందులు లేకుండా అన్ని ఏర్పాట్లు పూర్తి చేయాలని వైద్యులు, సిబ్బందిని ఆదేశించారు. ప్రాంతీయ ప్రజలు ఈ ఉచిత ఓపీ సేవలను సద్వినియోగం చేసుకోవాలని ఆర్డీవో కోరారు. ఆసుపత్రిలో మెరుగైన వైద్య సౌకర్యాలు కల్పించేలా సమీక్ష నిర్వహించారు.

Local· 31m ago

వర్షాలకు కూలిన ఇళ్లు.. ఆదుకోవాలంటున్న బాధితులు

అల్లూరి జిల్లా అరకులోయ మండలం బస్కి పంచాయితీలోని కంజరితోట, బొండగుడ, సిందిపుట్, బరెంగిబంద గ్రామాల్లో భారీ వర్షాలకు ఆదివాసీల ఇళ్ళు కూలిపోయాయి. నిరుపేదలైన వీరి ఇళ్లు దెబ్బతినడంతో వర్షంలో ఉండలేక తీవ్ర ఇబ్బందులు పడుతున్నారు. ప్రభుత్వం వెంటనే స్పందించి, నష్టపరిహారంతో పాటు ఉచితంగా బియ్యం, నిత్యావసర సరుకులు అందించి ఆదుకోవాలని బాధితులు కోరుతున్నారు.

Local· 35m ago

RTC బస్సు లేక ఆటో చార్జీల మోత

సూర్యాపేట జిల్లా చెన్నకేశవాపురం గ్రామానికి బస్సు సౌకర్యం లేక ప్రజలు, విద్యార్థులు తీవ్ర ఇబ్బందులు పడుతున్నారు. గతంలో రోజుకు 5 సార్లు వచ్చిన బస్సు ఇప్పుడు పూర్తిగా నిలిపివేశారు. రాష్ట్రమంతా ఉచిత బస్సు ప్రయాణం ఉంటే, ఈ ఊర్లో డబ్బులిచ్చినా ప్రయాణించే పరిస్థితి లేదని గ్రామస్థులు ఆవేదన చెందుతున్నారు. ఆటో వాళ్లు 40 రూపాయిల చార్జీకి 120 రూపాయిలు వసూలు చేస్తూ దోచుకుంటున్నారని బాధపడుతున్నారు. అధికారులు వెంటనే స్పందించి తమ గ్రామానికి బస్సు వచ్చేలా చేయాలనీ కోరుతున్నారు.