MLA క్యాంపు కార్యాలయంలో దసరా వేడుకలు

By Yadla Venudhar· 1h ago· Suryapet

సూర్యాపేటలోని ఎమ్మెల్యే క్యాంపు కార్యాలయంలో మాజీ మంత్రి, ఎమ్మెల్యే గుంటకండ్ల జగదీష్ రెడ్డి కుటుంబసమేతంగా ఆయుధ పూజలు, వాహన పూజలు నిర్వహించారు. పండితుల ఆశీర్వచనం తీసుకున్నారు. ఈ సందర్భంగా బీఆర్ఎస్ నాయకులు, కార్యకర్తలు, అభిమానులు శాలువలు, బొకేలు అందజేసి దసరా శుభాకాంక్షలు తెలిపారు. అనంతరం జేజే నగర్‌లోని శ్రీ కనకదుర్గమ్మ ఆలయాన్ని సందర్శించి అమ్మవారికి ప్రత్యేక పూజలు చేశారు.

More in Local

Local· 13m ago

ఎన్నికల నిర్వహణపై అధికారుల ఫోకస్

రానున్న ఎన్నికల నిర్వహణను పర్యవేక్షించేందుకు చింతూరు సబ్‌ కలెక్టర్ కార్యాలయంలో 24 గంటల పాటు పనిచేసే డివిజనల్ ఎన్నికల కంట్రోల్ రూమ్‌ను ఏర్పాటు చేశారు. ఎన్నికల ప్రక్రియను నిరంతరం పర్యవేక్షించడం, క్షేత్రస్థాయి సమాచారాన్ని సమన్వయం చేయడం, అత్యవసర సమస్యలపై వెంటనే స్పందించేలా చర్యలు తీసుకోవడం దీని ప్రధాన ఉద్దేశమని సబ్‌ కలెక్టర్ నరేంద్ర పాడల్ తెలిపారు.

▶

Local· 17m ago

'ప్రశాంత ఎన్నికల నిర్వహణే లక్ష్యం'

స్థానిక ఎన్నికలను ప్రశాంతంగా, పారదర్శకంగా నిర్వహించేందుకు రాజకీయ పార్టీలు, అధికారులు సహకరించాలని రిటర్నింగ్ అధికారి కే. వెంకట్ రెడ్డి సూచించారు. ఉదయగిరి ఎంపీడీవో కార్యాలయంలో రాజకీయ పార్టీల నాయకులు, అధికారులతో సమావేశం నిర్వహించారు. ఎన్నికల ప్రవర్తనా నియమావళిని తప్పనిసరిగా పాటించాలని స్పష్టం చేశారు. ఎన్నికల నిర్వహణలో తీసుకోవాల్సిన జాగ్రత్తలు, అధికారుల పర్యవేక్షణ, నిబంధనల అమలుపై అవగాహన కల్పించారు.

Local· 20m ago

ఐదు మండలాలకు సీపీఎం అభ్యర్థులు ఖరారు

అల్లూరి జిల్లాలో ఐదు మండలాలకు CPM పార్టీ జడ్పీటీసీ అభ్యర్థులను ఖరారు చేసింది. అరకులోయకు గెమ్మెలి చినబాబు, అనంతగిరికి దీసరి దేముడమ్మ, డుంబ్రిగుడకు సోనబారికి పోతురాజు, ముంచింగిపుట్టుకు కొర్రా త్రినాధ్‌ను ఎంపిక చేసింది. పాడేరు నియోజకవర్గంలోని జీకే వీధి మండలానికి అంపరంగి బుజ్జిబాబును అభ్యర్థిగా ప్రకటించింది. ఎన్నికల బరిలో పార్టీ తరఫున వీరు పోటీ చేయనున్నారు.

Local· 30m ago

రాయిమామిడి బ్రిడ్జికి ముప్పు.. రాకపోకలకు ప్రమాదం

అల్లూరి సీతారామరాజు జిల్లా పెదబయలు మండలం గోమంగి పంచాయతీలో రాయిమామిడి నుంచి గుల్లెలు గ్రామానికి వెళ్లే ప్రధాన రహదారిపై ఉన్న మాత్యగడ్డ కాజ్‌వే బ్రిడ్జి ప్రమాదకరంగా మారింది. బ్రిడ్జి ఒకవైపు అంచు కోతకు గురై మట్టి, బండరాళ్లు కొట్టుకుపోయాయి. ఈ మార్గంలో జీపులు, ద్విచక్ర వాహనాలు, పాదచారులు నిత్యం రాకపోకలు సాగిస్తుండటంతో ప్రమాద భయం నెలకొంది. అధికారులు స్పందించి మరమ్మతులు చేపట్టాలని స్థానికులు కోరుతున్నారు.