కొండగట్టు అంజన్న సన్నిధిలో NTR తల్లి షాలిని

TG: జూనియర్ NTR తల్లి షాలిని నందమూరి, అత్తమ్మ నార్నే మల్లీశ్వరి కొండగట్టు శ్రీ ఆంజనేయస్వామిని దర్శించుకున్నారు. హనుమాన్ దీక్షలో భాగంగా నార్నే మల్లీశ్వరి కుటుంబ సభ్యులతో కలిసి ఆలయానికి చేరుకుని స్వామివారికి ప్రత్యేక పూజలు చేశారు. ఆలయానికి చేరుకున్న వారికి దేవస్థాన అధికారులు, అర్చకులు ఆలయ సంప్రదాయం ప్రకారం ఘనస్వాగతం పలికారు. అనంతరం ఆలయ అర్చకులు వేదోక్త ఆశీర్వచనాలు అందించి స్వామివారి తీర్థప్రసాదాలను అందజేశారు.