మహిళా ప్రజాప్రతినిధులకు భద్రత కల్పించాలి

By Sunke Vinith· 1h ago

TG: మహిళా ప్రజాప్రతినిధులపై అనుచితంగా వ్యవహరించిన బాధ్యులపై కఠిన చర్యలు తీసుకోవాలని BRS మహిళా నాయకులు డిమాండ్ చేశారు. నిజామాబాద్‌లోని ఎన్టీఆర్ చౌరస్తా ధర్నా చౌక్‌లో మాజీ ఎమ్మెల్యే గణేష్ బిగాల ఆధ్వర్యంలో ధర్నా నిర్వహించారు. అసెంబ్లీ ఆవరణలో మహిళా ఎమ్మెల్యేలు సునీతా లక్ష్మారెడ్డి, సబితా ఇంద్రారెడ్డిపై జరిగిన ఘటనను నిరసిస్తూ ఆందోళన చేపట్టారు. మహిళా ప్రజాప్రతినిధుల భద్రతకు ప్రభుత్వం హామీ ఇవ్వాలని డిమాండ్ చేశారు.

More in Local

Local· 1h ago

మంచిర్యాలలో కాంగ్రెస్ నేతల సమావేశం

TG: కాంగ్రెస్ పార్టీని మరింత బలోపేతం చేసేందుకు కలిసి పనిచేస్తామని మైనారిటీ కాంగ్రెస్ పట్టణ అధ్యక్షుడు ఎం.డి. నజీర్ హుస్సేన్ తెలిపారు. మంచిర్యాలలో తెలంగాణ రాష్ట్ర కాంగ్రెస్ సీనియర్ నాయకుడు మంతెన జగన్ మోహన్‌రావును నజీర్ హుస్సేన్ మర్యాదపూర్వకంగా కలిశారు. ఈ సందర్భంగా పార్టీ బలోపేతం, రానున్న రోజుల్లో చేపట్టాల్సిన కార్యక్రమాలపై చర్చించారు. నియోజకవర్గంలో కాంగ్రెస్ పార్టీను బలోపేతం చేసేందుకు సమిష్టిగా కృషి చేస్తామని నజీర్ హుస్సేన్ తెలిపారు. సమావేశంలో స్థానిక కాంగ్రెస్ నాయకులు పాల్గొన్నారు.

Local· 1h ago

చెట్టును ఢీకొన్న కారు.. ముగ్గురికి తీవ్ర గాయాలు

TG: కారు అదుపుతప్పి చెట్టును ఢీకొట్టడంతో ముగ్గురు తీవ్రంగా గాయపడ్డారు. జగిత్యాల గ్రామీణ మండలం కల్లెడ సమీపంలో ఈ ప్రమాదం చోటుచేసుకుంది. కారులో ప్రయాణిస్తున్న ముగ్గురికి తీవ్ర గాయాలు అయ్యాయి. క్షతగాత్రులను జగిత్యాల ప్రభుత్వ ఆస్పత్రికి తరలించారు. వారి పరిస్థితి విషమంగా ఉన్నట్లు వైద్యులు తెలిపారు. గాయపడిన వారిని మంచిర్యాల జిల్లా దండెపల్లి మండలం గుడిరేవు గ్రామానికి చెందినవారిగా గుర్తించారు. ఘటనపై పోలీసులు దర్యాప్తు చేస్తున్నారు.

Local· 1h ago

ఇళ్ల పక్కనే విద్యుత్‌ లైన్‌.. ప్రజావాణిలో ఫిర్యాదు

TG: ఇళ్లకు సమీపంలో 33 కేవీ విద్యుత్‌ లైన్‌ ఏర్పాటు చేయడంపై కాలనీవాసులు అభ్యంతరం వ్యక్తం చేశారు. మెదక్ జిల్లా మాసాయిపేట మండల కేంద్రంలో జాతీయ రహదారి 44 పక్కన ఉన్న సర్వీస్‌ రోడ్డులో 33 కేవీ లైన్‌ ఏర్పాటు చేస్తుండటంతో ప్రమాదాల ముప్పు ఉందని ప్రజావాణిలో ఫిర్యాదు చేశారు. దీంతో డీఈ దశరథ్‌, కన్స్ట్రక్షన్ ఏఈ, ఆపరేషన్ ఏఈ మనోహర్‌ కలిసి ఫీల్డ్‌ విజిట్‌ చేశారు. ప్రత్యామ్నాయ మార్గాన్ని ఎంచుకోవాలని కాలనీవాసులు డీఈని కోరారు. కార్యక్రమంలో సర్పంచ్‌ కృష్ణారెడ్డి, డైరెక్టర్‌ నరసింహులు, తదితరులు పాల్గొన్నారు.

Local· 1h ago

బెల్ట్‌షాపులు, డ్రగ్స్‌పై చర్యలు తీసుకోవాలని వినతి

TG: నూతనంగా విధుల్లో చేరిన ఎక్సైజ్ సీఐ జయశ్రీకి అక్రమ మద్యం, డ్రగ్స్‌ నియంత్రణపై వినియోగదారుల స్వచ్ఛంద సంస్థల ప్రతినిధులు పలు సూచనలు చేశారు. వరంగల్ జిల్లా నర్సంపేట ఆప్కారి శాఖ కార్యాలయంలో సీఐ జయశ్రీని వారు ఘనంగా స్వాగతించి వినతిపత్రం అందజేశారు. డివిజన్‌లో అక్రమంగా నిర్వహిస్తున్న బెల్ట్‌షాపులు, అధిక ధరల వసూళ్లు, మద్యం దుకాణాల ఎదుట ట్రాఫిక్‌ సమస్యలపై చర్యలు తీసుకోవాలని కోరారు. గంజాయి, డ్రగ్స్‌ మాఫియాను అరికట్టి యువత, విద్యార్థుల భవిష్యత్తును కాపాడాలని విజ్ఞప్తి చేశారు.