నోయిడాలో మురికి నీరు.. 350 కుటుంబాల ఇబ్బందులు

By Lokesh· 1h ago· X

నోయిడాలోని సెక్టార్-94లో సూపర్‌టెక్ సూపర్‌నోవా అపార్ట్‌మెంట్‌లో 350కిపైగా కుటుంబాలు మురికినీటితో ఇబ్బందులు పడుతున్నాయి. బిల్డర్ బాకీ కారణంగా రెండేళ్లుగా గంగా నీటి సరఫరా నిలిచిపోయినట్లు అక్కడున్నవాళ్లు చెబుతున్నారు. ట్యాప్‌లు, ఫ్లష్‌ల నుంచి పసుపు, నలుపు రంగులో దుర్వాసన నీరు వస్తోందని వాపోతున్నారు. నీటిలో పురుగులు కనిపిస్తున్నాయని, దీని వల్ల చర్మ సమస్యలు, ఇన్ఫెక్షన్లు వస్తున్నాయని ఆందోళన వ్యక్తం చేస్తున్నారు. మంచి నీటి కోసం ప్యాకేజ్డ్ వాటర్ కొనాల్సి వస్తోందని చెబుతున్నారు.

More in National

▶

National· 11m ago

మలేషియా PM నోట హిందీ పాట

మలేషియా ప్రధాని అన్వర్ ఇబ్రహీం బాలీవుడ్ పాట పాడి అందరినీ ఆకట్టుకున్నారు. ఢిల్లీలో జరిగిన BRICS గాలా డిన్నర్‌లో ఆయన గాయకుడు కిషోర్ కుమార్ పాటను పాడారు. "ఖ్వాబ్ హో తుమ్ యా కోయీ హకీకత్” అంటూ ఆయన పాడిన పాట SMలో వైరల్ అయింది . ఈ పాట 1965లో విడుదలైన ‘Teen Devian’ సినిమాలోనిది. భారతీయ సినిమాలు, సంగీతంపై తనకున్న అభిమానాన్ని అన్వర్ ఇబ్రహీం మరోసారి చాటుకున్నారు.

National· 28m ago

బ్యాంకుల్లో AI వినియోగం..విస్తరణలో మాత్రం వెనకడుగు

భారత బ్యాంకింగ్‌ రంగంలో AI వాడకం రోజువారీ కార్యకలాపాల్లోకి వచ్చింది. జీటా 2026 సర్వే ప్రకారం 10 మంది చీఫ్‌ డేటా ఆఫీసర్లలో ఏడుగురు తమ బ్యాంకుల్లో AIని చురుగ్గా ఉపయోగిస్తున్నారు. 30 శాతం బ్యాంకులు దీన్ని విస్తృత స్థాయిలో అమలు చేశాయి. అయితే కస్టమర్‌ సపోర్ట్‌, మోసాల గుర్తింపు, డాక్యుమెంట్‌ నిర్వహణ, సాఫ్ట్‌వేర్‌ నాణ్యత తనిఖీల లాంటి తక్కువ రిస్క్‌ పనులకే AI వినియోగం ఎక్కువగా పరిమితమైంది. కీలక నిర్ణయాలు, పూర్తిస్థాయి కార్యకలాపాల్లో AI వినియోగం తక్కువగా ఉంది.

National· 42m ago

బలవంతపు మతమార్పిడి కేసు..నిర్దోషిగా తేలిన యువకుడు

మధ్యప్రదేశ్‌లోని నర్మదాపురం జిల్లా పిపారియాకు చెందిన సయ్యద్ ఖాన్‌ బలవంతపు మతమార్పిడి ఆరోపణలపై ఏడాదిన్నర పాటు జైలుశిక్ష అనుభవించాడు. చివరకు నిర్దోషిగా బయటపడ్డాడు. సయ్యద్ ఖాన్, ఓ హిందూ యువతి ఒకరినొకరు ఇష్టపడ్డారు. 2025 ఫిబ్రవరి 7న ప్రత్యేక వివాహ చట్టం కింద పెళ్లి చేసుకోవాలని వెళ్లారు. అక్కడే కొందరు వారిపై దాడి చేశారు. బలవంతంగా ఇస్లాంలోకి మార్చి పెళ్లి చేసుకోవాలని చూస్తున్నాడనే కంప్లైంట్‌తో పోలీసులు అతన్ని అరెస్టు చేశారు. కోర్టులో యువతి నిజం చెప్పడంతో ఖాన్‌ను నిర్దోషిగా ప్రకటించారు.

National· 51m ago

30 ఏళ్లకే ఆర్మీకి గుడ్‌బై.. కారణమేంటంటే?

మేజర్ రిషభ్ సింగ్ సంబ్యాల్, రాష్ట్రపతి ద్రౌపది ముర్ముకు ఎయిడ్-D-కాంప్‌గా సేవలందించి, 30 ఏళ్ల వయసులోనే ఆర్మీకి ముందుగా రిజైన్ చేశారు. జమ్మూకాశ్మీర్ డోగ్రా రాజపుత్ర ఫ్యామిలీకి చెందిన ఆయన, 4-పారా స్పెషల్ ఫోర్సెస్‌లో బలిదాన్ బ్యాడ్జ్ సాధించి, 2021 రిపబ్లిక్ డేలో బెస్ట్ మార్చింగ్ కాంటింజెంట్ పొందారు. ADCగా రాష్ట్రపతి సెక్యూరిటీ, ప్రోటోకాల్ బాధ్యతలు చూశారు. మూడేళ్లు పర్శనల్ లైఫ్ లేకుండా, పెళ్లి చేసుకోలేక కుటుంబానికి దూరమైనందున, సొంత జీవితం కోసం రాజీనామా చేశారు. రాష్ట్రపతిని తల్లిగా భావించారు.