కాలేజీ గోడలను లవ్ లెటర్ గా మార్చిన ప్రేమికుడు!

జార్ఖండ్‌లోని ధన్‌బాద్‌లో ఒక వింత ఘటన చోటుచేసుకుంది. తన ప్రియురాలిని క్షమాపణ కోరుతూ ఓ యువకుడు స్థానిక బీఎస్ఎస్ మహిళా కళాశాల గోడలపై, గేట్లపై వరుసగా పోస్టర్లు అంటించాడు. తనను క్షమించాలని అందులో రాసాడు. అయితే, పోస్టర్లు తొలగించబోయిన సెక్యూరిటీ గార్డును ఆ యువకుడు బెదిరించడంతో, కాలేజీ ప్రిన్సిపాల్ వెంటనే పోలీసులకు కంప్లయింట్ చేశాడు. ఈ వింత ప్రేమ వ్యవహారం ఇప్పుడు సోషల్ మీడియాలో తెగ వైరల్ అవుతోంది