పీఆర్సీని వెంటనే ప్రకటించాలి

By Srikanth Goud· 58m ago· Jagitial, Jagitial, Jagitial

ఉపాధ్యాయుల సమస్యలను ప్రభుత్వం వెంటనే పరిష్కరించాలని తపస్ జగిత్యాల జిల్లా ప్రధాన కార్యదర్శి కొక్కుల రాజేష్ డిమాండ్ చేశారు. జగిత్యాలలో ఆయన మాట్లాడుతూ.. పీఆర్సీని ప్రకటించడంతో పాటు పెండింగ్‌లో ఉన్న 4 డీఏలను విడుదల చేయాలని కోరారు. 317 జీఓ ప్రకారం స్థానికత కేటాయింపు చేపట్టాలని, కేజీబీవీ ఉద్యోగులకు మినిమం టైమ్ స్కేల్ అమలు చేయాలని అన్నారు. మోడల్ స్కూల్ ఉద్యోగులకు సీపీఎస్ అరియర్స్ వర్తింపజేయాలని కోరారు. ప్రాథమిక పాఠశాలల్లో ప్రతి తరగతికి ఒక ఉపాధ్యాయుడిని కేటాయించాలని డిమాండ్ చేశారు.

More in Local

▶

Local· 4m ago

గద్వాల్ డిపోలో కార్మికుల ఓటింగ్

గద్వాల్ పట్టణంలోని RTC బస్ డిపోలో శుక్రవారం ఉదయం ఆర్టీసీ గుర్తింపు సంఘం ఎన్నికలు ప్రారంభమయ్యాయి. డిపోలో మొత్తం 371 ఓట్లు ఉండగా, ఎంప్లాయీస్ యూనియన్ (EU), తెలంగాణ మజ్దూర్ యూనియన్ (TMU), తెలంగాణ ఆర్టీసీ వర్కర్స్ యూనియన్ పోటీలో ఉన్నాయి. EU, TMU కూటమిగా బరిలో నిలిచాయి. ఉదయం నుంచే ఆర్టీసీ కార్మికులు డిపోలో తమ ఓటు హక్కును వినియోగించుకుంటున్నారు. ఓటింగ్‌లో పాల్గొన్న అనంతరం కార్మికులు విధులకు హాజరవుతున్నారు. ఎన్నికల ప్రక్రియ కొనసాగుతోంది.

▶

Local· 8m ago

ప్రొటెస్టర్లకు రైల్లోనే అడ్డగింత

ఢిల్లీ జంతర్ మంతర్‌లో అక్టోబర్ 10న జరగనున్న నిరసనకు వెళ్తున్న AISF విద్యార్థినులను మధ్యప్రదేశ్‌లోని ఇటార్సీ రైల్వే స్టేషన్ వద్ద పోలీసులు అదుపులోకి తీసుకున్నారని ASFI సంఘం తెలిపింది. 22 మంది విద్యార్థినులపై పోలీసులు దాడి చేశారని, వారిని ఎక్కడికి తీసుకెళ్లారో తెలియజేయలేదని తెలిపింది. CEC జ్ఞానేష్ కుమార్ రాజీనామా, ఓటరు జాబితాల సవరణ ప్రక్రియ (SIR) రద్దు డిమాండ్లతో ఈ నిరసన జరగనుంది.

Local· 20m ago

గద్వాల్‌లో BRS ఆధ్వర్యంలో 5K రన్

జోగులాంబ గద్వాల్ జిల్లా ఏర్పడి పదేళ్లు పూర్తవుతున్న సందర్భంగా గద్వాల్ పట్టణంలో BRS ఆధ్వర్యంలో 5K రన్ నిర్వహించారు. గద్వాల్, అలంపూర్ నియోజకవర్గాలతో ఏర్పాటైన జిల్లాకు పదేళ్లు పూర్తవుతున్న నేపథ్యంలో BRS గద్వాల్ ఇన్‌ఛార్జ్ బాస్ హనుమంతు నాయుడు ఆధ్వర్యంలో ఈ కార్యక్రమం చేపట్టారు. ఈ రన్‌లో మాజీ మున్సిపల్ చైర్మన్ బీఎస్ కేశవ్, BRS మున్సిపల్ కౌన్సిలర్లు, పట్టణ ప్రజలు, పార్టీ నాయకులు, కార్యకర్తలు పాల్గొన్నారు.

▶

Local· 22m ago

టైరు పేలి ట్రాక్టర్‌ను ఢీకొట్టిన కారు

నెల్లూరు జిల్లా అనంతసాగరం మండలం యాకర్లపాడు వద్ద జాతీయ రహదారిపై ఘోర రోడ్డు ప్రమాదం జరిగింది. తిరుపతి నుంచి శ్రీశైలం దైవదర్శనానికి వెళ్తున్న కారు టైరు పేలడంతో అదుపుతప్పి ఎదురుగా వస్తున్న ట్రాక్టర్‌ను ఢీకొట్టింది. ప్రమాదంలో కారులో ప్రయాణిస్తున్న మహిళతో పాటు మరో వ్యక్తి మృతి చెందారు. మరో నలుగురు గాయపడ్డారు. క్షతగాత్రులను ఆత్మకూరు ప్రభుత్వాసుపత్రికి తరలించి చికిత్స అందిస్తున్నారు. పోలీసులు ఘటనా స్థలాన్ని పరిశీలించి దర్యాప్తు చేపట్టారు.