ప్లాస్టిక్ ఇచ్చి బహుమతులు గెలుచుకోండి!

By B V Appalanaidu· 1h ago· Yandapallivalasa, Araku Valley, Alluri Sitharama Raju

అరకు వ్యాలీలో స్వచ్ఛ దసరా–స్వర్ణ దసరా కార్యక్రమంలో భాగంగా దసరా ధమాకా ఆఫర్ నిర్వహిస్తున్నారు. ఎంపీడీవో వీసం ప్రసాద్ ఆధ్వర్యంలో ప్లాస్టిక్ వ్యర్థాల సేకరణ, రీసైక్లింగ్‌పై ప్రజలకు అవగాహన కల్పిస్తున్నారు. ఐదు కిలోల ప్లాస్టిక్, పొడి వ్యర్థాలు అందజేసిన వారికి టోకెన్లు ఇచ్చి అక్టోబర్ 26న MPP office లో లక్కీ డ్రాలో పాల్గొనే అవకాశం కల్పిస్తున్నారు. మొదటి బహుమతిగా ఇండక్షన్ స్టవ్, రెండో బహుమతిగా మిక్సీ, మూడో బహుమతిగా వెండి నాణెం అందజేయనున్నారు.

More in Local

Local· 1h ago

120 మంది గర్భిణులకు వైద్య పరీక్షలు

కాకినాడ జిల్లా రౌతులపూడి సామాజిక ఆరోగ్య కేంద్రంలో శుక్రవారం ప్రధానమంత్రి సురక్షిత మాతృత్వ అభియాన్ కార్యక్రమం జరిగింది. సుమారు 120 మంది గర్భిణులకు వైద్యులు పరీక్షలు చేసి ఆరోగ్య పరిస్థితులను పరిశీలించారు. కార్యక్రమంలో డీడీఓ డాక్టర్ బి. సౌమ్య, శిశువైద్య నిపుణుడు డాక్టర్ రఘురామ్, జనరల్ వైద్యుడు డాక్టర్ భరత్, హెడ్ నర్స్ సరస్వతి పాల్గొన్నారు. బుచ్చి సీతయమ్మ మహారాణి బహదూర్ వారి సత్రం ఆధ్వర్యంలో గర్భిణులకు భోజన సదుపాయం కల్పించారు.

Local· 1h ago

అద్దంకి తహశీల్దార్ పై.. కులవివక్ష ఆరోపణ!

ప్రకాశం జిల్లా అద్దంకి తహశీల్దార్ జి. శ్రీచరణ్, ఆయన సహచరులపై ఎఫ్ఐఆర్ నమోదైంది. ఒక SC న్యాయవాదికి నివాస ధృవీకరణ పత్రం ఇచ్చే ప్రక్రియలో కులవివక్ష, అవమానకరమైన మాటలు, భేదభావంతో కూడిన చర్యలకు పాల్పడినట్లు ఆరోపణ. ఆ న్యాయవాది అద్దంకి పోలీసులను ఆశ్రయించినా స్పందన లేకపోయింది. హైకోర్టు జోక్యం చేసుకున్న తర్వాతే పోలీసులు ఎఫ్ఐఆర్ (క్రైమ్ నంబర్ 153/2026) నమోదు చేశారు. ప్రస్తుతం ఈ కేసు దర్యాప్తులో ఉంది.

Local· 1h ago

ఎకోరెస్-2026: పర్యావరణ రక్షణకు సామూహిక కృషి

హైదరాబాద్‌లో ఎకోరెస్-2026 సదస్సు జరిగింది. పర్యావరణ రక్షణ, సహజ వనరుల పునరుద్ధరణకు పరిశ్రమలు, శాస్త్రవేత్తలు, ప్రభుత్వ సంస్థలు కలిసి కృషి చేయాలని నిపుణులు సూచించారు. సీఎస్ఐఆర్-నీరీ డైరెక్టర్ డా. ఎస్. వెంకట మోహన్ పాల్గొన్నారు. సీఎస్ఐఆర్-ఐఐసీటీ డైరెక్టర్ డా. డి. శ్రీనివాస రెడ్డి శాస్త్రీయ పరిశోధన పాత్రను వివరించారు. హైడ్రా కమిషనర్ ఏ.వి. రంగనాథ్ చెరువుల పునరుద్ధరణ కార్యక్రమాలను వివరించారు.

Local· 1h ago

ఉప్పల్ స్టేడియం సిద్ధం.. ఇండియా–వెస్టిండీస్ క్లాష్!

ఉప్పల్లోని రాజీవ్ గాంధీ ఇంటర్నేషనల్ క్రికెట్ స్టేడియంలో అక్టోబర్ 14న ఇండియా–వెస్టిండీస్ మ్యాచ్ జరగనుంది. ఈ మ్యాచ్ కోసం HCA భారీ ఏర్పాట్లు చేస్తోంది. టికెట్ ధరలు ₹750 నుంచి ప్రారంభమవుతున్నాయి. ట్రాఫిక్ కంజెషన్ తప్పించుకునేందుకు మెట్రో రైలు వాడాలని ప్రేక్షకులకు సూచించారు. మ్యాచ్ ప్రారంభానికి కనీసం రెండు గంటల ముందే స్టేడియం చేరుకోవాలని సూచించారు. భద్రత, సౌకర్యాలకు ప్రాధాన్యం ఇస్తున్నారు. క్రికెట్ ఫ్యాన్స్కు ఇది పెద్ద ట్రీట్!