AI గ్లాసెస్ చూస్తున్నాయా… లేక మనల్నే రికార్డ్ చేస్తున్నాయా?

By Nani Garikina· 22 Aug 2026

AI స్మార్ట్ గ్లాసెస్ స్మార్ట్‌గా మారుతున్న కొద్దీ, వాటిపై ప్రైవసీ డౌట్స్ కూడా పెరుగుతున్నాయి. కెమెరా, మైక్ ఉండటంతో చుట్టూ ఉన్నవారికి తెలియకుండానే ఫోటోలు, వీడియోలు రికార్డ్ చేసే అవకాశం ఉందనే ఆందోళనలు వస్తున్నాయి. తాజాగా బ్రిటన్‌లోని కొన్ని సినిమాహాళ్లు ఫిల్మ్ పైరసీ, ప్రైవసీ కారణాలతో కెమెరా ఉన్న స్మార్ట్ గ్లాసెస్‌పై ఆంక్షలు పెట్టడం మొదలుపెట్టాయి. మరోవైపు, పబ్లిక్‌లో వ్యక్తులను వారి అనుమతి లేకుండా రికార్డ్ చేసిన ఘటనలు కూడా వెలుగులోకి వస్తున్నాయి. టెక్నాలజీ స్మార్ట్ అవుతోంది… మన Privacy సంగతేంటి? 👀

More in International

International· 3h ago

ఆయిల్ దొంగతనానికి వెళ్లి 37 మంది మృతి?

నైజీరియాలో ఘోర ప్రమాదం జరిగింది. పైప్‌లైన్ నుంచి క్రూడ్ ఆయిల్ దొంగిలించేందుకు ప్రయత్నించే టైమ్‌లో టాక్సిక్ గ్యాస్ లీక్ కావడంతో కొందరు చనిపోయారు. రివర్స్ రాష్ట్రంలోని ఒక్రికా ప్రాంతంలో నిన్న అర్ధరాత్రి ఈ ఇన్సిడెంట్ జరిగినట్లు అక్కడి అధికారులు తెలిపారు. YEAC-నైజీరియా ప్రకారం 37 మంది వరకు మృతి చెందినట్లు తెలుస్తోంది. మరికొందరి ఆచూకీ కనిపించడం లేదని తెలిపింది. ఇంకా ఎంతమంది చనిపోయారన్నది పోలీసులు ఇంకా కన్ఫర్మ్ చేయలేదు. ఘటనపై ఇన్వెస్టిగేషన్ కొనసాగుతోంది.

International· 5h ago

ఆర్కిటిక్ సముద్రాన్ని గడ్డకట్టించే ప్రయోగాలు

బ్రిటన్ ప్రభుత్వ ఆర్థిక సాయంతో ‘Real Ice’ పేరుతో జియో ఇంజినీరింగ్ ప్రయోగం చేపట్టినట్లు 'ఆండ్రియా సెకోలిని’ సంస్థ వెల్లడించింది. తొలి ప్రయత్నంలో మంచి రిజల్ట్స్ వచ్చినట్లు తెలిపింది. ఇదే తరహాలో ‘Reflection’ అనే మరో సంస్థ కూడా ప్రయోగం నిర్వహించి 45 సెంటీమీటర్ల మందమైన మంచుపొరను సృష్టించినట్లు పేర్కొంది. ఆర్కిటిక్ ఉపరితలాన్ని పరిశీలించిన సమయంలో కొన్ని ప్రాంతాల్లో సహజంగా రంధ్రాలు ఏర్పడినట్లు గుర్తించారు. దీంతో ప్రయోగంలో భాగంగా డ్రిల్లింగ్ చేసి ఆ రంధ్రాల ద్వారా సముద్రంలోని నీటిని పైకి పంపించారు.

International· 6h ago

ప్రపంచ దేశాలను హెచ్చరించిన UN

ప్రపంచవ్యాప్తంగా 'సూపర్‌సైజ్డ్ ఎల్‌నినో' (Supersized El Niño) పరిస్థితులు ఏర్పడే అవకాశముందని ఐక్యరాజ్యసమితి (UN) హెచ్చరికలు జారీ చేసింది. దీని ప్రభావంతో ఉష్ణోగ్రతలు రికార్డు స్థాయిలో పెరగడం, కరువు, వరదలు వచ్చే అవకాశం ఉందని చెప్పింది. ఆహార భద్రత, ఆర్థిక వ్యవస్థలపై భారం పడే ప్రమాదముందంది. ఈ సంక్షోభాన్ని ఎదుర్కొనేందుకు, ప్రజలకు నష్టం కలగకుండా తగిన ప్రొటెక్షన్ చర్యలు చేపట్టేందుకు ప్రపంచ దేశాలు సిద్ధంగా ఉండాలని నిపుణులు సూచిస్తున్నారు.

International· 7h ago

టాటా కంపెనీపై కెన్యా ప్రెసిడెంట్ సీరియస్

కెన్యాలోని టాటా కెమికల్స్ మగాదీపై ప్రెసిడెంట్ విలియమ్ రూటో ఫైర్ అయ్యారు. దేశం నుంచి కంపెనీ వెళ్లిపోవాలని ఆదేశించారు. 100 ఏళ్లుగా కెన్యాలో ఆపరేషన్స్ సాగిస్తున్నా లోకల్ ప్రజలకు, ఎకానమీకి సరైన బెనిఫిట్ కలగలేదని ఆరోపించారు. సోడా యాష్‌ను ఎక్స్పోర్ట్ చేయడం తప్ప స్థానికంగా గ్లాస్, కెమికల్ ప్లాంట్లు ఏర్పాటు చేయలేదని సీరియస్ అయ్యారు. టాటా స్థానంలో రెండు కొత్త కంపెనీలను తీసుకొచ్చి స్థానికులకు జాబ్స్ కల్పిస్తామని చెప్పారు. అయితే స్థానిక రూల్స్‌ను ఫాలో అవుతూనే ఆపరేషన్స్ చేశామని టాటా కెమికల్స్ చెబుతోంది.