'ది ప్యారడైజ్’ మూవీ ట్రైలర్ అప్డేట్

By Bala· 1h ago

టాలీవుడ్‌లో సాధారణంగా సినిమా ప్రమోషన్‌లో ట్రైలర్‌ సినిమాకు మెయిన్‌ హైలైట్ కానీ కొన్ని సినిమాలు ట్రైలర్ లేకుండానే థియేటర్లలోకి వచ్చాయి. మహేష్ బాబు ‘ఖలేజా’, విజయ్ దేవరకొండ-రష్మిక ‘గీత గోవిందం’, కీర్తి సురేష్ ‘మహానటి’, రవితేజ ‘డిస్కో రాజా’, శ్రీవిష్ణు ‘బ్రోచేవారెవరురా’, రజనీకాంత్ ‘కబాలి’, విజయ్ ‘సర్కార్’ ఇలాంటివి. ఇప్పుడు నాని నటిస్తున్న ‘ది ప్యారడైజ్’ కూడా ట్రైలర్ లేకుండా రిలీజ్ అయ్యే అవకాశం ఉందన్నారు. ఇలాంటి ప్రమోషన్ ప్రేక్షకుల్లో హాట్ టాపిక్‌గా మారుతోంది.

More in Entertainment

Entertainment· 48m ago

వరుసగా రెండోసారి వెనిస్ అవార్డు!

ఇండియన్ ఫిల్మ్ డైరెక్టర్ అనుపర్ణ రాయ్ తీసిన ‘Lovers in the Blue Night’ సినిమాకి వెనిస్ అంతర్జాతీయ ఫిల్మ్ ఫెస్టివల్‌లో NETPAC బెస్ట్ ఏషియన్ ఫిల్మ్ అవార్డు లభించింది. ఇది అంతర్జాతీయ స్థాయి అవార్డు. ఈ సినిమాలో నీలిమా శర్మ, కాజల్ కేశవ్ తదితరులు నటించారు. గతేడాది తన మొదటి మూవీ ‘Songs of Forgotten Treesకు’ బెస్ట్ డైరెక్టర్ అవార్డు అందుకున్నారు అనుపర్ణ. వరుసగా రెండోసారి వెనిస్ ఫిల్మ్ ఫెస్టివల్‌లో అవార్డు గెలుచుకున్నారు.

Entertainment· 52m ago

దిశా సాలియాన్ డెత్ కేసులో CBI ఎంట్రీ

సుశాంత్ సింగ్ రాజ్‌పుత్ మాజీ మేనేజర్ దిశా కేసులోకి CBI ఎంట్రీ ఇచ్చింది. FIR నమోదు చేసింది. 2020 జూన్ 8న ముంబైలోని మలాడ్‌లో ఆమె భవనం నుంచి పడి మరణించారు. ముంబై పోలీసులు దీన్ని ఆత్మహత్యగా భావించి FIR రాయలేదు. ఈ కేసును సెప్టెంబర్ 2న బాంబే హైకోర్టు విచారించింది. దర్యాప్తు సరిగా లేదని భావించింది. "ఆరేళ్లుగా FIR రాయకపోవడం తప్పు" అంటూ CBIకి అప్పగించింది. ఆదిత్య థాకరే, సూరజ్ పంచోలి, డినో మోరియా తదితరులు ఆమెను గ్యాంగ్ రేప్ చేసి, చంపేశారని దిశ తండ్రి సతీష్ ఆరోపించారు. నిజాన్ని CBI తేల్చాల్సి ఉంది.

Entertainment· 55m ago

బాడీ షేమింగ్‌ ట్రోల్స్ ఎదుర్కొన్న ఉపాసన

ఒకప్పుడు బాడీ షేమింగ్‌ ట్రోల్స్ తనను ఎంతో బాధించాయని ప్రముఖ వ్యాపారవేత్త, రామ్ చరణ్ భార్య ఉపాసన తెలిపారు. విద్యార్థి దశలో స్ట్రెస్ కారణంగా ఎక్కువగా తినడంతో 95 కిలోల బరువున్నట్లు చెప్పారు. పెళ్లి తర్వాత బరువు తగ్గేందుకు ఎన్నో డైట్ ప్లాన్స్ ప్రయత్నించినా మొదట్లో ఆశించిన ఫలితాలు రాలేదన్నారు. ఆ తర్వాత రోజూ వాకింగ్, ఓట్స్‌, ప్రొటీన్‌ పెంచడం వంటి మార్పులతో బరువు తగ్గినట్లు వెల్లడించారు. శరీరాన్ని ప్రేమిస్తూ మంచి లైఫ్‌స్టైల్ అలవర్చుకోవడమే బాడీ షేమర్లకు సరైన సమాధానమని చెప్పారు.

‘రణబాలి’ షూట్ కంప్లీట్.. రష్మిక లుక్ వైరల్!

▶

Entertainment· 2h ago

‘రణబాలి’ షూట్ కంప్లీట్.. రష్మిక లుక్ వైరల్!

విజయ్ దేవరకొండ, రష్మిక జంటగా నటిస్తున్న పీరియాడిక్ యాక్షన్ సినిమా ‘రణబాలి’ షూటింగ్ పూర్తయింది. రాహుల్ సాంకృత్యాన్ తెరకెక్కిస్తున్న ఈ సినిమాలో రష్మిక ‘జయమ్మ’ పాత్రలో కనిపించనున్నారు. షూటింగ్ పూర్తయిన సందర్భంగా టీమ్ విడుదల చేసిన వీడియోలో బేబీ బంప్‌తో కనిపించిన రష్మిక లుక్ సోషల్ మీడియాలో వైరల్ అవుతోంది. ఈ పాత్రపై రాహుల్ సాంకృత్యాన్ ఎమోషనల్ పోస్ట్ పెట్టారు. తన తల్లి పేరు ‘జయమ్మ’నే హీరోయిన్ పాత్రకు పెట్టానని, నేటితరం మహిళలకు స్ఫూర్తినిచ్చేలా ఈ పాత్రను తీర్చిదిద్దినట్లు తెలిపారు.