ఎర్రవల్లిలో పొలిటికల్ హీట్!

By Krishna· 53m ago· X

దళిత వ్యతిరేకి KCR అంటూ కాంగ్రెస్ నాయకులు.. ఎర్రవల్లి ఫామ్‌హౌస్‌ను ముట్టడించేందుకు బయల్దేరారు. అక్కడ 144 సెక్షన్ అమలు చేసిన పోలీసులు.. చాలా మందిని అదుపులోకి తీసుకొని.. గజ్వేల్ పోలీస్ స్టేషన్‌కి తరలించారు. మరోవైపు KCRకి మద్దతుగా.. భారీ ఎత్తున బీఆర్ఎస్ కార్యకర్తలు ఎర్రవెల్లికి వస్తున్నారు. ఇలా రెండు పార్టీల ఆందోళనలతో ఉద్రిక్త పరిస్థితి ఉంది. రెండు వర్గాలనూ కంట్రోల్ చెయ్యడం పోలీసులకు కష్టమవుతోంది.

More in TG

TG· 39m ago

స్పీకర్‌పై కామెంట్స్.. MLCల విగ్రహాల దహనం

TG : స్పీకర్ ప్రసాద్ రావుపై బ్యాడ్ కామెంట్స్ చేసిన MLCలు తాత మధు, నవీన్ రెడ్డిలపై కాంగ్రెస్ లీడర్స్ ఫుల్ ఫైర్ అయ్యారు. రంగారెడ్డి జిల్లా నందిగామలో వారి దిష్టిబొమ్మలను తగలబెట్టి ప్రొటెస్ట్ చేశారు. స్పీకర్ లాంటి రెస్పెక్టెడ్ పోస్ట్‌లో ఉన్న వ్యక్తిని ఇన్సల్ట్ చేయడం డెమోక్రసీకే డేంజర్ అని సర్పంచుల సంఘం ప్రెసిడెంట్ కొమ్ము కృష్ణ హెచ్చరించారు. ఈ ఈవెంట్‌లో మాజీ ఎంపీపీ శివశంకర్ గౌడ్‌తో పాటు ఇతర లీడర్స్ పాల్గొన్నారు.

TG· 42m ago

KTR, హరీశ్‌రావు అరెస్ట్!

ఎర్రవల్లి ఫామ్‌హౌస్‌కి వెళ్లేందుకు పాదయాత్రగా బయలుదేరిన బీఆర్ఎస్ నేతలు KTR, హరీశ్‌రావును పోలీసులు.. హకీంపేట దగ్గర అదుపులోకి తీసుకున్నారు. కేటీఆర్‌ను బోయిన్‌పల్లి, హరీశ్‌రావును జవహర్‌నగర్ పోలీస్ స్టేషన్లకు తరలించారు. మరికొంతమందిని కూడా అదుపులోకి తీసుకున్నారు. ఇవాళ ఎర్రవల్లి ఫామ్‌హౌస్‌లోని కేసీఆర్ ఇంటి దగ్గర చావు డప్పు కొడతామని కాంగ్రెస్ పిలుపిచ్చింది. దాంతో కాంగ్రెస్‌కి వ్యతిరేకంగా.. బీఆర్ఎస్ కూడా రంగంలోకి దిగింది. ఈ క్రమంలో.. అసెంబ్లీ నుంచి బయలుదేరిన కేటీఆర్, హరీశ్‌రావును అడ్డుకున్నట్లైంది.

TG· 1h ago

నడుస్తూ ఎర్రవెల్లికి..!

అసెంబ్లీ నుంచి ఎర్రవెల్లి ఫామ్‌హౌస్‌కి బయలుదేరిన కేటీఆర్, హరీశ్‌రావు ఇతర బీఆర్ఎస్ ఎమ్మెల్యేలను బొల్లారం దగ్గర పోలీసులు అడ్డుకున్నారు. వారి వాహనాలు ముందుకు వెళ్లకుండా ఆపారు. కేటీఆర్, హరీశ్‌రావు నడక ప్రారంభించారు. ప్రస్తుతం హకీంపేట దాటారు. ORR వరకూ నడుస్తామంటున్నారు. అక్కడి నుంచి వాహనాల్లో వెళ్తామంటున్నారు. మరోవైపు బొల్లారం నుంచి సికింద్రాబాద్ వరకూ వాహనాల ట్రాఫిక్ జామ్ అయ్యింది. బొల్లారం నుంచి ఎర్రవెల్లికి 75 కిలోమీటర్లు.. దాంతో.. బీఆర్ఎస్ ఎమ్మెల్యేల నిర్ణయం పోలీసులకు టెన్షన్ తెప్పిస్తోంది.

TG· 1h ago

బావిలో నీరున్నా..ఎండుతున్న పంటలు

TG: నల్గొండ జిల్లా దండెంపల్లిలో కరెంటు సప్లై సరిగా లేక బోరులో నీళ్లున్నా పంటలకు నీరందని పరిస్థితి నెలకొంది. 24 గంటలు కరెంటు ఉంటుందని ప్రభుత్వ అధికారులు చెప్తున్నా, గ్రామంలో తరచూ కరెంట్ కట్ అవుతోందని రైతులు అంటున్నారు. మోటార్లు నడవకపోవడంతో పంటలు ఎండుతున్నాయని బాధపడుతున్నారు. ఈ సమస్య పట్ల కరెంట్ డిపార్ట్‌మెంట్ అధికారులు స్పందించి, కరెంట్ అందించాలని కోరుతున్నారు.