దళితుల మరణాలపై న్యాయ విచారణ జరపాలి: శ్రీనివాసరావు

By DK· 58m ago

గుంటూరు జిల్లా తాడికొండ నియోజకవర్గంలో 15 రోజుల్లో ఇద్దరు దళితులు మృతి చెందిన ఘటనలపై సీపీఎం రాష్ట్ర కార్యదర్శి వి. శ్రీనివాసరావు ఆందోళన వ్యక్తం చేశారు. గుంటూరులోని బ్రాడీపేటలోని సీపీఎం కార్యాలయంలో మీడియాతో మాట్లాడుతూ.. అధికార పార్టీ నేతల వైఖరి, పోలీసుల వేధింపుల వల్లే ఈ మరణాలు జరిగాయని ఆరోపించారు. బాధిత కుటుంబాలను స్థానిక ఎమ్మెల్యే పరామర్శించకపోవడం సరికాదన్నారు. మృతుల కుటుంబాలకు రూ.25 లక్షల చొప్పున పరిహారం అందించాలని డిమాండ్ చేశారు.

More in Local

Local· 2m ago

మంచిర్యాలలో SP సోలార్ షురూ..

మంచిర్యాల జిల్లాలో SP సోలార్ సొల్యూషన్స్ కార్యాలయం ప్రారంభమైంది. మున్సిపల్ కార్పొరేషన్ 26వ డివిజన్‌లో ఈ కార్యాలయం ఏర్పాటు చేశారు. కాంగ్రెస్ సీనియర్ నేత జగన్మోహన్ రావు రిబ్బన్ కట్ చేశారు. యజమాని సాయికి శుభాకాంక్షలు తెలిపారు. కార్యక్రమంలో కార్పొరేటర్ ఇరుగుదిండ్ల రవి పాల్గొన్నారు. మాజీ చైర్మన్ సూర్మిల్లా వేణు, కార్పొరేటర్ వనపర్తి కేత రాజేష్ హాజరయ్యారు. నస్పూర్ మండల యూత్ అధ్యక్షుడు రంగు అజయ్ కూడా ఉన్నారు. పలువురు కాంగ్రెస్ నేతలు, యూత్ పాల్గొన్నారు.

Local· 38m ago

25న జాతీయ నులిపురుగుల నిర్మూలన కార్యక్రమం

సెప్టెంబర్ 25న నిర్వహించనున్న జాతీయ నులిపురుగుల నిర్మూలన కార్యక్రమాన్ని విజయవంతం చేయాలని నెల్లూరు జిల్లా అధికారులను జాయింట్ కలెక్టర్ వెంకటేశ్వర్లు ఆదేశించారు. నెల్లూరు కలెక్టరేట్‌లోని శంకరన్ భవన్‌లో అన్ని శాఖల అధికారులతో జిల్లా స్థాయి సమన్వయ సమావేశం నిర్వహించారు. ఈ సందర్భంగా 1 నుంచి 19 ఏళ్ల వయసున్న పిల్లలకు అంగన్‌వాడీ కేంద్రాలు, పాఠశాలలు, కళాశాలల్లో ఉచితంగా Albendazole మాత్రలు అందించనున్నట్లు తెలిపారు.

Local· 45m ago

పెండింగ్ దరఖాస్తులపై కలెక్టర్ కీలక ఆదేశాలు

పెన్షన్ దరఖాస్తుల ప్రక్రియను వేగవంతం చేసి త్వరగా పూర్తి చేయాలని మార్కాపురం జిల్లా కలెక్టర్ ఎం. విజయ సునీత అధికారులను ఆదేశించారు. ఇవాళ్టితో (ఈనెల 16తో) దరఖాస్తుల గడువు ముగియనున్న నేపథ్యంలో పొదిలి ఎంపీడీవో కార్యాలయం, సచివాలయం-5, తలమల్ల సచివాలయాల్లో నూతన పెన్షన్ దరఖాస్తుల స్వీకరణ, ఆన్‌లైన్ ప్రక్రియను ఆమె ఆకస్మికంగా తనిఖీ చేశారు. ఇప్పటివరకు ఆన్‌లైన్ చేసినవి, పెండింగ్‌లో ఉన్న దరఖాస్తుల వివరాలను అధికారులను అడిగి తెలుసుకున్నారు. పంచాయతీ కార్యదర్శుల నుంచి పురోగతిపై వివరాలు అడిగి తెలుసుకున్నారు.

Local· 52m ago

సీఎం సహాయనిధి చెక్కులు పంపిణీ చేసిన ఎమ్మెల్యే

వైద్య చికిత్సల కోసం ఆర్థిక సాయం కోరిన 46 మంది లబ్ధిదారులకు కడప జిల్లా ప్రొద్దుటూరులో రూ.35.24 లక్షల సీఎం రిలీఫ్ ఫండ్ చెక్కులను ఎమ్మెల్యే వరదరాజులరెడ్డి పంపిణీ చేశారు. టీడీపీ కార్యాలయంలో జరిగిన కార్యక్రమంలో ఈ చెక్కులు అందజేశారు. కూటమి ప్రభుత్వం ఏర్పడిన తర్వాత ప్రొద్దుటూరు నియోజకవర్గంలో ఇప్పటివరకు 1,401 మందికి మొత్తం రూ.12.22 కోట్లకు పైగా సీఎంఆర్‌ఎఫ్ సాయం అందించినట్లు ఎమ్మెల్యే తెలిపారు. అనారోగ్యంతో ఇబ్బందులు పడుతున్న పేద కుటుంబాలకు సీఎం సహాయనిధి ఆర్థికంగా అండగా నిలుస్తోందన్నారు.