కాన్షీరాంకు ఘన నివాళి

By Anguli Malaji· 46m ago· Palem, Morthad, Nizamabad

నిజామాబాద్ జిల్లా మోర్తాడ్ మండల కేంద్రంలో BSP వ్యవస్థాపకుడు మాన్యశ్రీ కాన్షీరాం వర్ధంతి సందర్భంగా బహుజన నాయకులు నివాళులర్పించారు. వెనుకబడిన, అణగారిన వర్గాల సామాజిక మార్పు, రాజకీయ సాధికారత కోసం కాన్షీరాం చేసిన పోరాటం మరువలేనిదని కొనియాడారు. అంబేద్కర్ ఆశయాల స్ఫూర్తితో BAMCEF, DS-4, 1984లో BSP స్థాపించి రాజకీయాల్లో మార్పు తెచ్చారని తెలిపారు. బహుజనుల హక్కుల పరిరక్షణకు ఐక్యంగా పోరాడాలని పిలుపునిచ్చారు. కార్యక్రమంలో బహుజన ప్రజాసంఘాల నాయకులు, కార్యకర్తలు పాల్గొన్నారు.

More in Local

Local· 14m ago

పరిగిలో వీధి కుక్కల బీభత్సం

వికారాబాద్ జిల్లా పరిగిలోని తిరుమల రెసిడెన్సీ కాలనీలో వీధి కుక్కలు చిన్నారులపై దాడి చేస్తున్నాయి. ఇప్పటికే నలుగురు పిల్లలను కరిచి గాయపరిచాయి. ఓ చిన్నారి గొంతు పట్టుకోగా, మరో చిన్నారి ముఖంపై తీవ్ర గాయాలయ్యాయని స్థానికులు తెలిపారు. బాధితులకు ప్రభుత్వ ఆసుపత్రిలో చికిత్స అందిస్తున్నారు. కుక్కల బెడదపై పలుమార్లు ఫిర్యాదు చేసినా అధికారులు స్పందించడం లేదని కాలనీవాసులు ఆరోపిస్తున్నారు. వెంటనే చర్యలు తీసుకోవాలని కోరుతున్నారు.

Local· 27m ago

'మున్సిపాలిటీల్లో ఉపాధి పనులు కల్పించాలి'

వనపర్తి జిల్లా కొత్తకోట మున్సిపల్ కమిషనర్ సయ్యద్‌కు తెలంగాణ వ్యవసాయ కార్మిక సంఘం నాయకులు ఇవాళ వినతిపత్రం అందజేశారు. గ్రామాలను మున్సిపాలిటీల్లో విలీనం చేయడంతో ఉపాధి పనులు లేక ఇబ్బందులు పడుతున్నారని సంఘం ఉపాధ్యక్షుడు మండ్ల సత్యనారాయణ అన్నారు. కరువు మండలాలుగా ప్రకటించాలని, భూమిలేని ఏడాదికి ₹.12 వేల సాయం అందించాలని, మున్సిపాలిటీల్లో ఉపాధి పనులు కల్పించి రోజువారీ కూలీ ₹.400 ఇవ్వాలన్న హామీని అమలు చేయాలన్నారు.

ప్రభుత్వ జూనియర్ కళాశాలలో ఘనంగా బతుకమ్మ వేడుకలు

▶

Local· 33m ago

ప్రభుత్వ జూనియర్ కళాశాలలో ఘనంగా బతుకమ్మ వేడుకలు

ఖమ్మం జిల్లా పిండిప్రోలు ప్రభుత్వ కళాశాలలో బతుకమ్మ సంబరాలను ఘనంగా నిర్వహించారు. విద్యార్థులు, అధ్యాపకులు, సిబ్బంది ఉత్సాహంగా పాల్గొని పూల బతుకమ్మలతో వేడుకలు జరుపుకున్నారు. కళాశాల ప్రిన్సిపల్ ఎస్. రామకృష్ణ, సర్పంచ్ సువార్త, వైస్ సర్పంచ్, NSS ప్రోగ్రామ్ ఆఫీసర్ నారాయణరావు పాల్గొన్నారు. ప్రిన్సిపల్ విద్యార్థులకు భోజన సదుపాయం కల్పించారు. ఇలాంటి వేడుకలు తెలంగాణ సంస్కృతి, సంప్రదాయాలపై గౌరవాన్ని పెంచుతాయని తెలిపారు.

Local· 39m ago

దళితవాడలో కాలువల నిర్మాణానికి భూమిపూజ

గుంటూరు జిల్లా దుగ్గిరాల మండలం చిలువూరు దళితవాడలో ప్రధానమంత్రి ఆదర్శ గ్రామ యోజన పథకం కింద ₹. 20 లక్షలతో కాలువల నిర్మాణానికి ఇవాళ భూమిపూజ చేశారు. గుంటూరు పార్లమెంటు ప్రధాన కార్యదర్శి పోతినేని శ్రీనివాసరావు ముఖ్యఅతిథిగా హాజరయ్యారు. పాస్టర్లు వంశీ, ఏసురత్నం ప్రార్థనలు నిర్వహించారు. ఈ కార్యక్రమంలో TDP నాయకులు, ప్రజాప్రతినిధులు, అధికారులు, కార్యకర్తలు, గ్రామస్థులు పాల్గొన్నారు.