శారదా అమ్మవారిని దర్శించుకున్న ఎమ్మెల్యే

By kesharaju sai kumar· 1d ago· Warangal

వరంగల్‌లో దుర్గాష్టమి సందర్భంగా శ్రీ శృంగేరి శారదాపీఠంలో లలితా త్రిపుర సుందరి అలంకారంలో దర్శనమిచ్చిన శ్రీ శారదా అమ్మవారిని ఎమ్మెల్యే నాయిని రాజేందర్ రెడ్డి, ఎమ్మెల్సీ బస్వరాజు సారయ్య దర్శించుకున్నారు. ఈ సందర్భంగా ప్రత్యేక పూజలు నిర్వహించి, రాష్ట్రం సుభిక్షంగా ఉండాలని, ప్రజలందరిపై అమ్మవారి ఆశీస్సులు ఉండాలని ప్రార్థించారు. ఈ కార్యక్రమంలో స్థానిక నాయకులు, భక్తులు, కార్యకర్తలు పాల్గొన్నారు.

More in Local

Local· just now

రెండు బైకులు ఢీ.. ఇద్దరు మృతి

పోలవరం జిల్లా చింతూరు మండలం పోతనపల్లి సమీపంలో రెండు బైకులు ఎదురెదురుగా ఢీకొన్నాయి. ఈ ఘటనలో ఇద్దరు మృతి చెందారు. సుకుమామిడికి చెందిన పల్లాల రమణారెడ్డి చింతూరులో కాఫీ షాపు నిర్వహిస్తున్నారు. ఆయన బైక్‌పై సొంత గ్రామానికి వెళ్లి తిరిగి వస్తుండగా ప్రమాదం జరిగింది. చూటూరుకు చెందిన పాయం అశోక్ బైక్‌పై రాజమండ్రి వైపు వెళుతుండగా ఢీకొన్నాయి. రమణారెడ్డి అక్కడికక్కడే మృతి చెందారు. అశోక్‌ను చింతూరు ఆసుపత్రికి తరలిస్తుండగా మార్గమధ్యలో మృతి చెందారు.

Local· 11m ago

యాలాల పోలీస్ స్టేషన్‌లో ఘనంగా ఆయుధ పూజలు..

వికారాబాద్ జిల్లా యాలాల మండలంలోని పోలీస్ స్టేషన్ ఆవరణలో విజయదశమి పర్వదినాన్ని పురస్కరించుకుని మంగళవారం ఎస్ఐ విఠల్ రెడ్డి ఆధ్వర్యంలో ఆయుధ పూజలు భక్తిశ్రద్ధలతో నిర్వహించారు. పోలీస్ సిబ్బంది తమ ఆయుధాలకు ప్రత్యేక పూజలు చేసి వేడుకల్లో పాల్గొన్నారు. విజయదశమి పండుగను ప్రజలంతా సుఖసంతోషాలతో, ప్రశాంత వాతావరణంలో, ఐకమత్యంతో జరుపుకోవాలని పోలీస్ అధికారులు ఆకాంక్షించారు. ఈ కార్యక్రమంలో యాలాల పోలీస్ స్టేషన్ సిబ్బంది, ఇతరులు పాల్గొన్నారు.

Local· 22m ago

దళిత మహిళలపై దూషణ.. చర్యలు కోరుతూ డిమాండ్

సూర్యాపేట జిల్లా ఆత్మకూర్(ఎస్) మండలం కోటపహాడ్ గ్రామంలో సద్దుల బతుకమ్మ వేడుకల సందర్భంగా దళిత మహిళలపై వివక్ష చూపారని కెవిపిఎస్ జిల్లా ప్రధాన కార్యదర్శి కోట గోపి ఆరోపించారు. దళిత మహిళలు తమతో కలిసి బతుకమ్మ ఆడొద్దని కొందరు అడ్డుకున్నారని, వారు రావడంతో బతుకమ్మలు మైలపడ్డాయని పసుపు నీళ్లు చల్లి నిమజ్జనం చేశారని తెలిపారు. ఈ ఘటన దళితుల ఆత్మగౌరవాన్ని దెబ్బతీసేలా ఉందని, బాధ్యులపై చర్యలు తీసుకోవాలని డిమాండ్ చేశారు.

Local· 28m ago

రాజాం ఎమ్మెల్యేతో జనసేన నేతల భేటీ

విజయనగరం జిల్లా రాజాం నియోజకవర్గ ఎమ్మెల్యే కోండ్రు మురళీమోహన్‌తో జనసేన పార్టీ నేతలు సమావేశమయ్యారు. జనసేన జిల్లా కోఆర్డినేటర్ గురాన అయ్యలు, రాజాం నియోజకవర్గ సమన్వయకర్త నేతల స్రవంతి పాల్గొన్నారు. రానున్న స్థానిక సంస్థల ఎన్నికలు, పార్టీ అభ్యున్నతి, కూటమి సమన్వయంపై చర్చించినట్లు తెలిసింది. గ్రామస్థాయిలో పార్టీ బలోపేతంపై ఎమ్మెల్యేతో చర్చించారు. పొగిరీ సురేష్ కుమార్, యూపీ రాజు మరికొందరు పాల్గొన్నారు.