మినీ ట్యాంక్‌బండ్‌లో బోటింగ్ ప్రారంభం

By J Krishna· 1h ago· Nagarkurnool

నాగర్‌కర్నూల్ జిల్లా కేంద్రంలోని మినీ ట్యాంక్‌బండ్‌లో బోటింగ్ సౌకర్యాన్ని స్థానిక ఎమ్మెల్యే డాక్టర్ కూచుకుల్ల రాజేష్ రెడ్డి ప్రారంభించారు. కుటుంబ సభ్యులు, చిన్నారులతో కలిసి ఆహ్లాదకరంగా గడిపేందుకు ఈ సౌకర్యం ఉపయోగపడుతుందని ఆయన అన్నారు. ఈరోజు నుంచి ప్రతి శనివారం ప్రజలు బోటింగ్ సౌకర్యాన్ని ఉపయోగించుకోవచ్చు. ఈ కార్యక్రమంలో మున్సిపల్ చైర్మన్ తీగల సురేంద్ర, తిరుమల యాదవ్, గోవింద శేఖర్ తదితరులు పాల్గొన్నారు.

More in Local

Local· 11m ago

మంత్రి చేతుల మీదుగా గిరి ప్రదక్షిణ ప్రారంభం

ఖమ్మం జిల్లా సత్తుపల్లి మండలం రేజర్లలోని దుర్గా నాగమల్లేశ్వర స్వామి దేవస్థానంలో దసరా సందర్భంగా శివాద్రి గిరి ప్రదక్షిణ ప్రారంభమైంది. మంగళవారం మంత్రి పొంగులేటి శ్రీనివాసరెడ్డి లాంఛనంగా ప్రారంభించారు. ఎమ్మెల్యే మట్టా రాగమయి, మట్టా దయానంద్ ఆయనకు స్వాగతం పలికారు. అనంతరం మంత్రి స్వామివారిని దర్శించుకుని ప్రత్యేక పూజలు చేశారు. వేద మంత్రోచ్ఛారణల మధ్య కార్యక్రమం జరగగా, ప్రజలకు దసరా శుభాకాంక్షలు తెలిపారు.

Local· 14m ago

జెడ్పీటీసీ నామినేషన్లు.. పాడేరు ఐటీడీఏ పీఓ

అల్లూరి జిల్లాలో జెడ్పీటీసీ నామినేషన్ల స్వీకరణ కేంద్రాన్ని మార్చినట్లు కలెక్టర్ టి. నిషాంతి తెలిపారు. ఇప్పటివరకు జిల్లా పరిషత్ సీఈఓ కార్యాలయంలో నామినేషన్లు స్వీకరించాల్సి ఉండగా, తాజాగా పాడేరులోని ఐటీడీఏ ప్రాజెక్టు అధికారి కార్యాలయానికి మార్పు చేసినట్లు వెల్లడించారు. అభ్యర్థులు ఈ మార్పును గమనించి, నామినేషన్ల దాఖలుకు కొత్త కేంద్రాన్ని సంప్రదించాలని సూచించారు.

▶

Local· 16m ago

MLA క్యాంపు కార్యాలయంలో దసరా వేడుకలు

సూర్యాపేటలోని ఎమ్మెల్యే క్యాంపు కార్యాలయంలో మాజీ మంత్రి, ఎమ్మెల్యే గుంటకండ్ల జగదీష్ రెడ్డి కుటుంబసమేతంగా ఆయుధ పూజలు, వాహన పూజలు నిర్వహించారు. పండితుల ఆశీర్వచనం తీసుకున్నారు. ఈ సందర్భంగా బీఆర్ఎస్ నాయకులు, కార్యకర్తలు, అభిమానులు శాలువలు, బొకేలు అందజేసి దసరా శుభాకాంక్షలు తెలిపారు. అనంతరం జేజే నగర్‌లోని శ్రీ కనకదుర్గమ్మ ఆలయాన్ని సందర్శించి అమ్మవారికి ప్రత్యేక పూజలు చేశారు.

Local· 17m ago

విజయదశమి శుభాకాంక్షలు తెలిపిన ఎస్పీ

చిత్తూరు జిల్లా ప్రజలు, మీడియా ప్రతినిధులు, పోలీసు సిబ్బంది, వారి కుటుంబ సభ్యులకు జిల్లా ఎస్పీ తుషార్ డూడి ఐపీఎస్ విజయదశమి శుభాకాంక్షలు తెలిపారు. చెడుపై మంచి సాధించిన విజయానికి దసరా ప్రతీక అని పేర్కొన్నారు. ప్రతి ఒక్కరూ పండుగను ఆనందంగా, సురక్షితంగా జరుపుకోవాలని ఆకాంక్షించారు. పండుగ వేళ ప్రజలందరికీ సంతోషం, శాంతి కలగాలని కోరారు.