ఎల్‌నినో కోసం ప్రత్యేక కంట్రోల్ రూమ్

By DK· 29 Jul 2026

AP: ఎల్ నినో ప్రభావం ఏడాది పొడవునా కొనసాగే అవకాశముందని CM చంద్రబాబు అధికారులను అప్రమత్తం చేశారు. వర్షాభావ పరిస్థితులపై ప్రభుత్వం తీసుకోవాల్సిన చర్యలు, రైతులకు అవగాహన తదితరాలపై సచివాలయంలో అధికారులతో సీఎం సమీక్షించారు. రైతులు వేసే ప్రతి పంటకు తప్పనిసరిగా బీమా నమోదు చేయాలని, ఎక్కడైనా లోపం జరిగితే కలెక్టర్లే బాధ్యత వహించాలని స్పష్టం చేశారు. ఎల్ నినో పరిస్థితులను నిరంతరం పర్యవేక్షించేందుకు ప్రత్యేక కంట్రోల్ రూమ్ ఏర్పాటు చేయాలని ఆదేశించారు.

More in AP

AP· 52m ago

పోలీసు క్రీడాకారులకు ఆధునిక సౌకర్యాలు: DGP

AP: పోలీసు క్రీడాకారులను జాతీయస్థాయిలో రాణించేలా తీర్చిదిద్దేందుకు ‘ఏపీ పోలీస్ స్పోర్ట్స్ అకాడమీ’ ఏర్పాటు చేస్తున్నట్లు DGP హరీష్‌కుమార్ గుప్తా ప్రకటించారు. మంగళగిరిలో జరిగిన ఏపీ స్టేట్ పోలీస్ స్పోర్ట్స్ అండ్ గేమ్స్ మీట్-2026 ముగింపు కార్యక్రమంలో ఆయన అకాడమీ లోగోను ఆవిష్కరించారు. క్రీడాకారులకు అత్యుత్తమ శిక్షణ, ఆధునిక పరికరాలు, మౌలిక వసతులు కల్పిస్తామని తెలిపారు. నాలుగు రోజులపాటు జరిగిన పోటీల్లో 1,900 మంది పాల్గొనగా, మహిళలు, పురుషుల విభాగాల్లో విశాఖపట్నం రేంజ్ ఓవరాల్ ఛాంపియన్‌గా నిలిచింది.

AP· 1h ago

ఆంధ్రా పేపర్ మిల్‌పై చర్యలు తీసుకోవాలి: పవన్

AP: రాజమహేంద్రవరం గోదావరి కాలుష్యంపై ఉప ముఖ్యమంత్రి పవన్ కల్యాణ్ తీవ్ర ఆగ్రహం వ్యక్తం చేశారు. గోదావరి కాలుష్యంలో ఆంధ్రా పేపర్ లిమిటెడ్ పరిశ్రమదే సగం ఉందని ఆరోపిస్తూ, వెంటనే సమన్లు జారీ చేసి కఠిన చర్యలు తీసుకోవాలని కాలుష్య నియంత్రణ మండలి అధికారులను ఆదేశించారు. గత మూడు నెలలుగా పరిశ్రమ యాజమాన్యానికి తప్పులు సరిదిద్దుకునే అవకాశం ఇచ్చినా స్పందించలేదన్నారు. పన్నులు చెల్లించడంలోనూ నిర్లక్ష్యం చేస్తున్నారని ఫైరయ్యారు. ఇకపై ఉపేక్షించబోమని ఆయన స్పష్టం చేశారు.

AP· 9h ago

గంజాయి దందా గుట్టురట్టు.. ముగ్గురు అరెస్ట్

AP: అనకాపల్లి జిల్లాలో గంజాయి అక్రమ రవాణా గుట్టును పోలీసులు ఛేదించారు. ఒడిశాలో కొనుగోలు చేసిన 600 KGల గంజాయిని తమిళనాడుకు తరలించేందుకు ప్రయత్నించగా పోలీసులు పట్టుకున్నారు. విశాఖ జైలులో పరిచయమైన పశ్చిమగోదావరి జిల్లాకు చెందిన మస్తాన్‌వలి, నర్సీపట్నానికి చెందిన మరోవ్యక్తి కలిసి అక్రమ రవాణాకు ప్లాన్ వేశారు. మల్కాన్‌గిరి నుంచి గంజాయిని చింతపల్లి వరకు తరలించి, తుని మీదుగా వ్యాన్‌లో తమిళనాడుకు తీసుకెళ్లాలని నిర్ణయించగా పోలీసులు పట్టుకున్నారు. మస్తాన్‌వలి, మదీనా, పాంగి రత్నాలను అరెస్ట్ చేశారు.

AP· 1d ago

‘Gen Z’పై ఫోకస్ చేయండి.. మంత్రులతో చంద్రబాబు

AP: వెలిగొండ, పోలవరం లెఫ్ట్ కెనాల్‌కు నీరు ఇవ్వడంపై CM చంద్రబాబు ఆనందం వ్యక్తం చేశారు. మంత్రి నిమ్మల రామానాయుడు, ఇంజినీరింగ్ అధికారులను అభినందించారు. మంత్రులంతా ప్రజల్లోకి వెళ్లి ప్రభుత్వం చేస్తున్న పనులను వివరించాలని అన్నారు. Gen Z సోషల్ మీడియాలో యాక్టివ్‌గా ఉందని, వారికి మన పనులను రీచ్ చేయాలని చెప్పారు. YSRCP చేస్తున్న ఫేక్ ప్రచారాన్ని గట్టిగా తిప్పికొట్టాలని మంత్రులకు సూచించారు. రాష్ట్రంలో ప్రాజెక్టులు పూర్తిచేసిన క్రెడిట్ కూటమి ప్రభుత్వానిదేనని తెలిపారు.