ట్రక్‌ను ఢీకొట్టిన ట్రైన్.. షాకింగ్ వీడియో

By Mahesh· 5 Sept 2026· ABN· Poland

పోలాండ్‌లో జరిగిన రైలు యాక్సిడెంట్ వీడియో సోషల్ మీడియాలో సర్క్యులేట్ అవుతోంది. సెప్టెంబర్ 3న Gdańsk Lipceలోని రైల్వే క్రాసింగ్‌పై ఓ భారీ ట్రక్కు పట్టాల మధ్యలో చిక్కుకుంది. అదే టైమ్‌లో ఆల్మోస్ట్ 300 మంది ప్రయాణికులతో వస్తున్న ప్యాసింజర్ రైలు ట్రక్కును బలంగా ఢీకొట్టింది. లోకో పైలట్ బ్రేక్ వేసినా స్పీడ్ కారణంగా వెంటనే ఆపలేకపోయాడు. ట్రక్కు హెవీగా డ్యామేజ్ అయినా.. ఎవరూ చనిపోలేదు.. ట్రక్ డ్రైవర్ కూడా సేఫ్‌గా బయటపడ్డాడు.

More in International

International· 40m ago

నన్ను చంపినా సరే, బంగ్లాదేశ్‌కు తిరిగి వెళ్తాను: షేక్ హసీనా

బంగ్లాదేశ్ మాజీ ప్రధాని షేక్ హసీనా కీలక కామెంట్స్ చేశారు. తనపై అరెస్టు, చిత్రహింసలు లేదా ప్రాణహాని ఎదురైనా, చివరకు మరణశిక్ష విధించినా బంగ్లాదేశ్‌కు తిరిగి వెళ్తానని ఆమె చెప్పారు. అమెరికా రాజధాని వాషింగ్టన్‌లో నిర్వహించిన విలేకరుల సమావేశంలో ఆమె వర్చువల్‌గా పాల్గొని మాట్లాడారు. డిసెంబర్ నాటికి బంగ్లాదేశ్ చేరుకుని, అక్కడి కోర్టులలో లొంగిపోతానని, న్యాయపోరాటం చేస్తానని హసీనా ప్రకటించారు. అయితే కచ్చితమైన తేదీని ఆమె ఇంకా ఖరారు చేయలేదు.

International· 1h ago

మక్కాలో బంగ్లాదేశీ జంటకు ఉరి.. అసలేం జరిగింది?

సౌదీ అరేబియాలోని మక్కాలో అనైతిక చర్యకు పాల్పడ్డారనే ఆరోపణలపై ఇద్దరు బంగ్లాదేశీ పౌరులకు ప్రభుత్వం ఉరిశిక్ష అమలు చేసింది. ఈ నెల 14న నజ్రుల్ ఇస్లాం అబ్దుల్ బషీర్, సితి అక్తర్‌లను ఉరితీసినట్లు సౌదీ హోం మినిస్ట్రీ తెలిపింది. తజిర్ చట్టం ప్రకారం కోర్టు వారికి మరణశిక్ష విధించింది. అయితే, వారు చేసిన తప్పేంటో అధికారులు క్లారిటీ ఇవ్వలేదు. తమ పౌరులను ఉరితీసిన విషయాన్ని సౌదీ ప్రభుత్వం ముందుగా తెలియజేయలేదని బంగ్లాదేశ్ సీరియస్ అయ్యింది.

International· 2h ago

పాకిస్థాన్‌లో ఆలయం కూల్చివేతను అడ్డుకున్న స్థానికులు

పాకిస్థాన్‌లో 200 సంవత్సరాల నాటి హిందూ దేవాలయాన్ని కూల్చివేసే ప్రయత్నాన్ని స్థానిక అధికారులు అడ్డుకున్నారు. ఖైబర్ పఖ్తుంఖ్వా ప్రావిన్స్‌లోని డేరా ఇస్మాయిల్ ఖాన్ నగరం రహీమ్ బజార్‌లో ఉన్న రామ్ లీలా ఆలయం పురాతత్వ శాఖ గుర్తించిన సాంస్కృతిక వారసత్వ ప్రదేశాలలో ఒకటి. దాన్ని కూల్చేసి ప్లాజాగా మార్చడానికి ₹2.5 కోట్ల ఒప్పందం చేసుకున్నట్లు సమాచారం. హిందూ సమాజం ప్రతినిధులు కూల్చివేతను అడ్డుకున్నారు. నిరసనలు పెరగడంతో అసిస్టెంట్ కమిషనర్ ఆలయాన్ని సీల్ చేశారు.

International· 7h ago

హౌతీ ఎఫెక్ట్.. వెనక్కి తగ్గిన సౌదీ!

యెమెన్ మిలిటెంట్లైన హౌతీలు.. పక్కన దేశమైన సౌదీ అరేబియాకి సవాళ్లు విసురుతూనే ఉన్నారు. మిస్సైల్, డ్రోన్ దాడులు చేస్తున్నారు. దాంతో రియాద్‌లో అక్టోబర్ 26-29 మధ్య జరపాలనుకున్న ఫ్యూచర్ ఇన్వెస్ట్‌మెంట్ ఇనిషియేటివ్ (FII) సమ్మిట్‌ని, సౌదీ పాలకులు 2027కి వాయిదా వేశారు. ఇటీవల రియాద్ కింగ్ ఖలీద్ ఎయిర్‌పోర్టుపై హౌతీలు చేసిన దాడిలో 13 మంది మరణించారు. దాంతో సౌదీకి వచ్చే వారు టెన్షన్ పడుతున్నారు. హౌతీలకు ఇరాన్ సపోర్ట్ ఇస్తోంది.