ఎల్‌నినో ఎఫెక్ట్.. ముందస్తు చర్యలకు CM సూచనలు

By dk· 4 Aug 2026· అమరావతి

AP: వర్షాభావ పరిస్థితుల నేపథ్యంలో తాగునీటి సమస్య తలెత్తకుండా ముందస్తు చర్యలు తీసుకోవాలని CM చంద్రబాబు అధికారులను ఆదేశించారు. సచివాలయంలో నిర్వహించిన సమీక్షలో ఎల్‌నినో ప్రభావం, రిజర్వాయర్లలో నీటి లభ్యతను నిరంతరం అంచనా వేయాలని సూచించారు. కృష్ణా బేసిన్‌కు వచ్చే వరద నీటిని సద్వినియోగం చేసుకోవాలని, పశుగ్రాసం కొరత రాకుండా చర్యలు తీసుకోవాలని తెలిపారు. గ్రామీణ, పట్టణ ప్రాంతాల్లో తాగునీటి నాణ్యతను తరచూ పరీక్షించాలని, అధికారులు క్షేత్రస్థాయిలో పర్యటించాలని ఆదేశించారు.

More in AP

AP· 35m ago

ఆంధ్రా పేపర్ మిల్‌పై చర్యలు తీసుకోవాలి: పవన్

AP: రాజమహేంద్రవరం గోదావరి కాలుష్యంపై ఉప ముఖ్యమంత్రి పవన్ కల్యాణ్ తీవ్ర ఆగ్రహం వ్యక్తం చేశారు. గోదావరి కాలుష్యంలో ఆంధ్రా పేపర్ లిమిటెడ్ పరిశ్రమదే సగం ఉందని ఆరోపిస్తూ, వెంటనే సమన్లు జారీ చేసి కఠిన చర్యలు తీసుకోవాలని కాలుష్య నియంత్రణ మండలి అధికారులను ఆదేశించారు. గత మూడు నెలలుగా పరిశ్రమ యాజమాన్యానికి తప్పులు సరిదిద్దుకునే అవకాశం ఇచ్చినా స్పందించలేదన్నారు. పన్నులు చెల్లించడంలోనూ నిర్లక్ష్యం చేస్తున్నారని ఫైరయ్యారు. ఇకపై ఉపేక్షించబోమని ఆయన స్పష్టం చేశారు.

AP· 8h ago

గంజాయి దందా గుట్టురట్టు.. ముగ్గురు అరెస్ట్

AP: అనకాపల్లి జిల్లాలో గంజాయి అక్రమ రవాణా గుట్టును పోలీసులు ఛేదించారు. ఒడిశాలో కొనుగోలు చేసిన 600 KGల గంజాయిని తమిళనాడుకు తరలించేందుకు ప్రయత్నించగా పోలీసులు పట్టుకున్నారు. విశాఖ జైలులో పరిచయమైన పశ్చిమగోదావరి జిల్లాకు చెందిన మస్తాన్‌వలి, నర్సీపట్నానికి చెందిన మరోవ్యక్తి కలిసి అక్రమ రవాణాకు ప్లాన్ వేశారు. మల్కాన్‌గిరి నుంచి గంజాయిని చింతపల్లి వరకు తరలించి, తుని మీదుగా వ్యాన్‌లో తమిళనాడుకు తీసుకెళ్లాలని నిర్ణయించగా పోలీసులు పట్టుకున్నారు. మస్తాన్‌వలి, మదీనా, పాంగి రత్నాలను అరెస్ట్ చేశారు.

AP· 1d ago

‘Gen Z’పై ఫోకస్ చేయండి.. మంత్రులతో చంద్రబాబు

AP: వెలిగొండ, పోలవరం లెఫ్ట్ కెనాల్‌కు నీరు ఇవ్వడంపై CM చంద్రబాబు ఆనందం వ్యక్తం చేశారు. మంత్రి నిమ్మల రామానాయుడు, ఇంజినీరింగ్ అధికారులను అభినందించారు. మంత్రులంతా ప్రజల్లోకి వెళ్లి ప్రభుత్వం చేస్తున్న పనులను వివరించాలని అన్నారు. Gen Z సోషల్ మీడియాలో యాక్టివ్‌గా ఉందని, వారికి మన పనులను రీచ్ చేయాలని చెప్పారు. YSRCP చేస్తున్న ఫేక్ ప్రచారాన్ని గట్టిగా తిప్పికొట్టాలని మంత్రులకు సూచించారు. రాష్ట్రంలో ప్రాజెక్టులు పూర్తిచేసిన క్రెడిట్ కూటమి ప్రభుత్వానిదేనని తెలిపారు.

AP· 1d ago

కొత్త పింఛన్లు, లోకల్ ఎన్నికలపై లోకేశ్ ఫోకస్!

AP: TDP మంత్రులతో మంత్రి నారా లోకేశ్ బ్రేక్‌ఫాస్ట్ మీటింగ్ నిర్వహించారు. కొత్త పింఛన్లు, లోకల్ ఎలక్షన్స్ పై మాట్లాడారు. అర్హులైన వారికి అక్టోబర్ నుంచి ఫేజ్‌ల వారీగా కొత్త పింఛన్లు ఇవ్వాలని మంత్రులతో అన్నారు. పెండింగ్ అప్లికేషన్లను ఫాస్ట్‌గా క్లియర్ చేయాలని చెప్పారు. అక్టోబర్‌లోగా ఎన్నికల ప్రాసెస్ పూర్తి చేస్తామని, వాయిదా ఛాన్స్ లేదని క్లారిటీ ఇచ్చారు. ముందుగా మున్సిపల్, MPTC, ZPTC, చివరగా పంచాయతీ ఎన్నికలు ప్లాన్ చేస్తున్నట్లు తెలిపారు.