బైక్‌పైకి దూసుకెళ్లిన కారు.. వ్యక్తి మృతి

By DK· 1h ago

TG: నాగార్జునసాగర్–హైదరాబాద్ ప్రధాన రహదారిపై శనివారం ఉదయం ఘోర రోడ్డు ప్రమాదం జరిగింది. నల్గొండ జిల్లా తిరుమలగిరి సాగర్ మండలం నెల్లికల్ ఎక్స్ రోడ్ సమీపంలోని దయ్యాలగండి వద్ద ద్విచక్ర వాహనంపైకి కారు దూసుకెళ్లడంతో బైక్‌పై ఉన్న వ్యక్తి అక్కడికక్కడే మృతి చెందారు. మృతుడు నాగార్జునసాగర్ పైలాన్‌కు చెందిన వ్యక్తిగా స్థానికులు గుర్తించారు. కారు అతివేగమే ప్రమాదానికి కారణమని స్థానికులు ఆరోపించారు. ప్రధాన రహదారిపై భారీగా ట్రాఫిక్ జామ్ అయింది. పోలీసులు ఘటనపై వివరాలు సేకరిస్తున్నారు.

More in Local

Local· 32m ago

గురువులకు ఎమ్మెల్యే పాదాభివందనం

TG: తనకు విద్యాబుద్ధులు నేర్పిన గురువులకు షాద్‌నగర్ ఎమ్మెల్యే వీర్లపల్లి శంకర్ పాదాభివందనం చేసి ఆశీస్సులు తీసుకున్నారు. ఉపాధ్యాయ దినోత్సవం సందర్భంగా రంగారెడ్డి జిల్లా షాద్‌నగర్ ఎమ్మెల్యే క్యాంపు కార్యాలయంలో ఉపాధ్యాయుల సన్మాన కార్యక్రమం నిర్వహించారు. తన గురువులు మదన్మోహన్ రెడ్డి, గోపాలచారిలను శాలువాతో సత్కరించి పాదాభివందనం చేశారు. అనంతరం మండల, జిల్లా స్థాయిలో ఉత్తమ ఉపాధ్యాయ పురస్కారాలు పొందిన టీచర్లను ఘనంగా సన్మానించారు. కార్యక్రమంలో మున్సిపల్ చైర్మన్ అగ్గునూరు బస్వం తదితరులు పాల్గొన్నారు.

Local· 36m ago

నిర్మానుష్య ప్రాంతానికి రప్పించి నగదు వసూలు

AP: సోషల్ మీడియా ద్వారా పరిచయమైన వ్యక్తిని బెదిరించి ₹ 87వేల నగదు వసూలు చేసిన ముగ్గురు నిందితులను నల్లపాడు పోలీసులు అరెస్ట్ చేశారు. గుంటూరు జిల్లా నల్లపాడు PS పరిధిలో నమోదైన కేసులో CI భాస్కర్ ఆధ్వర్యంలో SI మధు పవన్, పోలీస్ సిబ్బంది దర్యాప్తు చేపట్టారు. నిందితులు బాధితుడిని నిర్మానుష్య ప్రాంతానికి రమ్మని పిలిచి, ఫొటోలు, వీడియోలు తీసి వాటిని కుటుంబసభ్యులకు, సోషల్ మీడియాలో పెడతామని బెదిరించినట్లు పోలీసులు తెలిపారు. రెండు బ్యాంకు అకౌంట్‌ల ద్వారా PhonePeతో ₹87వేలు బదిలీ చేయించుకున్నట్లు తెలిపారు.

Local· 46m ago

రేవంత్ రెడ్డిపై జానపద కళాకారులు ఫైర్!

కాంగ్రెస్ వెయ్యి రోజుల పాలనలో జానపద కళాకారులకు చేసిందేమీ లేదని సకల కళల JAC చైర్మన్ భూపతి వెంకటేశ్వర్లు ఫైర్ అయ్యారు. హైదరాబాద్‌లోని సుందరయ్య విజ్ఞాన కేంద్రంలో నల్ల బ్యాడ్జీలతో ఆర్టిస్టులు ప్రొటెస్ట్ చేశారు. తెలంగాణ సంస్కృతిని కాపాడిన తమ కోసం ఏం చేశారో గవర్నమెంట్ శ్వేతపత్రం రిలీజ్ చేయాలని డిమాండ్ చేశారు. కళాకారులకు ప్రత్యేక అకాడమీ, నిధులు కేటాయించి, ఓల్డ్ ఏజ్ పెన్షన్స్ ఇవ్వాలన్నారు. డిమాండ్స్ నెరవేర్చకపోతే కమింగ్ అసెంబ్లీ సెషన్స్ టైమ్‌లో స్టేట్ వైడ్‌గా నిరసనలు చేపడతామని హెచ్చరించారు.

Local· 1h ago

కార్మికుల సంక్షేమాన్ని విస్మరించారు: గండ్ర

TG: కాంగ్రెస్ ప్రభుత్వం ఎన్నికలకు ముందు సింగరేణి కార్మికులకు ఇచ్చిన హామీలను అమలు చేయకుండా వారి సమస్యల పరిష్కారంలో మొండిచేయి చూపుతోందని BRS మాజీ ఎమ్మెల్యే గండ్ర వెంకటరమణారెడ్డి విమర్శించారు. భూపాలపల్లి జిల్లా సింగరేణి ఏరియాలోని KTK-8వ గనిలో నిర్వహించిన గేట్ మీటింగ్‌లో ఆయన పాల్గొన్నారు. కాంగ్రెస్ ప్రభుత్వం 1000 రోజుల పాలనలో కార్మికుల సంక్షేమాన్ని విస్మరించిందని ఆరోపించారు. ఎన్నికల ముందు కార్మికులకు ఇచ్చిన ఆరు గ్యారెంటీల హామీలను నెరవేర్చడంలో విఫలమైందన్నారు.