యువత చెడు వ్యసనాలకు దూరంగా ఉండాలి

By DK· 1h ago

తిరుపతి రూరల్ మండలం ముండ్లపూడి గ్రామంలో ‘ఆపరేషన్ త్రిశూల్’పై పోలీసులు అవగాహన కార్యక్రమం నిర్వహించారు. అదనపు SP ఏ.శ్రీనివాసులు ముఖ్య అతిథిగా పాల్గొని డ్రగ్స్ నిర్మూలన, మహిళలు, బాలికల భద్రత, వేధింపుల నివారణ, రోడ్డు ప్రమాదాల నియంత్రణపై ప్రజలకు వివరించారు. యువత చెడు వ్యసనాలకు దూరంగా ఉండాలని సూచించారు. గ్రామంలో డ్రగ్స్ వినియోగం, విక్రయం లేదా అసాంఘిక కార్యకలాపాలు, బాలికలపై వేధింపులు కనిపిస్తే వెంటనే పోలీసులకు సమాచారం ఇవ్వాలని కోరారు.

More in Local

▶

Local· 9m ago

వాహనదారుల ఇబ్బందులు..రోడ్డా? చెరువా?

ఖమ్మం నుంచి ఇల్లందు వెళ్లే రోడ్డుపై మంచుగోండ వద్ద పరిస్థితి అధ్వానంగా తయారైందని స్థానికులు, వాహనదారులు ఆవేదన చెందుతున్నారు. ఇటీవల కురిసిన వర్షాలకు రోడ్డుపై భారీగా నీరు చేరి చెరువులా మారింది. గుంతల్లో నీరు చేరడంతో వాహనదారులు ప్రమాదాలకు గురవుతున్నారు. ప్రతిరోజూ వందలాది వాహనాలు తిరిగే ఈ రోడ్డుని అధికారులు వెంటనే పరిశీలించి, గుంతలను పూడ్చి రోడ్డు బాగుచేయాలని ప్రజలు కోరుతున్నారు.

NH-516Eపై కొండచరియలు.. ప్రమాదం తప్పింది!

▶

Local· 33m ago

NH-516Eపై కొండచరియలు.. ప్రమాదం తప్పింది!

అల్లూరి సీతారామరాజు జిల్లా కొయ్యూరు మండలం కేడీపేట దగ్గర NH-516Eలో భారీ వర్షాలకు కొండచర్యలు విరిగిపడ్డాయి. ప్రయాణికులు ముందుగానే గమనించి వాహనాలు ఆపడంతో ప్రమాదం తప్పింది. హైవే నిర్మాణంలో జాగ్రత్తలు పాటించకపోవడంతోనే ఇలా జరుగుతోందని ఆగ్రహం వ్యక్తం చేస్తున్నారు. వెంటనే చర్యలు తీసుకోవాలని డిమాండ్ చేస్తున్నారు.

Local· 34m ago

‘అంగన్ మిలన్’ సేవా కార్యక్రమం

కామారెడ్డి జిల్లా బిచ్‌కుంద మున్సిపాలిటీ SC కాలనీ అంగన్‌వాడీ కేంద్రంలో మహిళా మోర్చా ఆధ్వర్యంలో ‘అంగన్ మిలన్’ కార్యక్రమం జరిగింది. ఈ కార్యక్రమంలో జిల్లా కో-ఇంచార్జి రాథోడ్ సునీత పాల్గొని కేంద్ర పథకాలపై అవగాహన కల్పించారు. అంగన్‌వాడీ టీచర్, ఆశా కార్యకర్త, ఆయమ్మలను శాలువాలతో సన్మానించి, చిన్నారులకు పండ్లు పంపిణీ చేశారు.

Local· 35m ago

రక్షణ కల్పించాలని పోలీసులను ఆశ్రయించిన సర్పంచ్

మహబూబాబాద్ జిల్లా కురవి మండలం గుండ్రాతిమడుగు గ్రామసర్పంచ్ బండ రాజేశ్వరి తనకు, తన కుటుంబసభ్యులకు రక్షణ కల్పించాలని కురవి పోలీసులను ఆశ్రయించారు. గ్రామంలోని పెద్దచెరువు మట్టి తరలింపు విషయంలో వివాదం నెలకొన్నట్లు ఆమె తెలిపారు. ఎలాంటి అనుమతులు లేకుండా చెరువు మట్టిని తరలించి ప్రైవేట్ వ్యక్తులు, రైస్ మిల్లులకు విక్రయిస్తున్నారని ఆరోపించారు. వ్యవహారాన్ని అడ్డుకోవడంతో ఉపసర్పంచ్, 10వ వార్డు సభ్యుడి నుంచి బెదిరింపులు ఎదురవుతున్నాయని ఫిర్యాదులో పేర్కొన్నారు.