Latest
పిల్లలతో నిజం చెప్పడం ఎంతవరకు కరెక్ట్?
అమెరికాకు చెందిన ఒక తల్లి 10 ఏళ్లుగా తన కూతురితో ఒక్క అబద్ధం కూడా చెప్పకుండా పేరెంటింగ్ చేస్తోంది. సాధారణంగా పేరెంట్స్ పిల్లల కోసం శాంతా క్లాజ్, చావు విషయంలో చిన్న చిన్న అబద్ధాలు చెప్తారు. కానీ, ఈమె మాత్రం ఎప్పుడూ నిజాయితీగా ఉంటూ కూతురితో స్ట్రాంగ్ ట్రస్ట్ బాండింగ్ క్రియేట్ చేసుకుంది. అయితే నిజం చెప్పడం అంటే ప్రతి విషయం పూర్తిగా వివరించడం కాదని, వయసుకు తగ్గట్టుగా ఏజ్ అప్రాప్రియేట్ సమాధానాలు ఇస్తూ, కంఫర్ట్ కోసం అబద్ధాలు వాడకూడదని ఆమె చెబుతోంది.
ఫైరింగ్ తర్వాత.. టైగర్ ష్రాఫ్ ని చూడండి
ముంబైలోని జుహులో బాలీవుడ్ యాక్టర్ టైగర్ ష్రాఫ్ కారుపై ఆదివారం రాత్రి ముగ్గురు వ్యక్తులు 5 రౌండ్ల కాల్పులు జరిపారు. ఫుట్‌బాల్ ఆడి కారులో రిటర్న్ అవుతుండగా ఈ అటాక్ జరిగింది. ఈ ప్రమాదంలో టైగర్‌కు స్వల్ప గాయాలవ్వగా, ఆయన డ్రైవర్, ఆటో డ్రైవర్‌కు బుల్లెట్ గాయాలయ్యాయి. సల్మాన్ ఖాన్‌తో ఉన్న క్లోజ్ రిలేషన్స్ వల్లే దాడి చేశామని లారెన్స్ బిష్ణోయ్ ఒప్పుకున్నారు. మహారాష్ట్ర డిప్యూటీ CM ఏకనాథ్ షిండే ఆయన ఇంటికి వెళ్లి పరామర్శించి కఠిన చర్యలుంటామని హామీ ఇచ్చారు.
బతుకమ్మ వేడుకల్లో విజయ్ - రష్మిక
హైదరాబాద్ ట్యాంక్ బండ్ వద్ద తెలంగాణ ప్రభుత్వం నిర్వహించిన సద్దుల బతుకమ్మ ముగింపు వేడుకల్లో విజయ్ దేవరకొండ, రష్మిక మందన్న సందడి చేశారు. పెళ్లి తర్వాత తొలిసారి బతుకమ్మ వేడుకల్లో పాల్గొన్న రష్మిక, సాంప్రదాయ దుస్తుల్లో వచ్చి మహిళలతో కలిసి ఉత్సాహంగా బతుకమ్మ ఆడారు. ఈ వేడుకల్లో మంత్రులు జూపల్లి కృష్ణారావు, సీతక్క నూతన దంపతులను శాలువాలతో సత్కరించగా.. రంగురంగుల పూల బతుకమ్మలు, బాణసంచా ప్రదర్శనలతో ట్యాంక్ బండ్ పండుగ వాతావరణంతో నిండిపోయింది.
ముంబై సాంగ్.. తలసాని స్టెప్స్
TG: సద్దుల బతుకమ్మ వేడుకలు తెలంగాణ రాష్ట్రవ్యాప్తంగా భక్తి శ్రద్ధలతో, ఉత్సాహంగా జరిగాయి. ఈ వేడుకల్లో సినీ, రాజకీయ ప్రముఖులు పాల్గొని.. మరింత జోష్ తెచ్చారు. మాజీ మంత్రి తలసాని శ్రీనివాస యాదవ్.. మహిళలతో కలిసి స్టెప్పులేశారు. ఐతే.. ఇందులో "రాను, ముంబైకి రాను" అనే సాంగ్ ఉర్రూతలూగించింది. తలసానితోపాటూ.. మహిళలు ఈ పాటకు స్టెప్స్ వేశారు. అది చూసి అక్కడున్నవారంతా.. ఆనందంతో కేరింతలు కొట్టారు. ఇలా బతుకమ్మ వేడుకలు అందరిలోనూ ఫుల్ జోష్ తెచ్చాయి.
హైదరాబాద్ వస్తుండగా RTC బస్సుకు ప్రమాదం!
TG: ఖమ్మం నుంచి హైదరాబాద్ వస్తున్న RTC బస్సు ప్రమాదానికి గురైంది. అబ్దుల్లాపూర్‌మెట్‌ పోలీస్‌ స్టేషన్‌ పరిధిలోని బాటసింగారం దగ్గర రోడ్డు పక్కన ఆగి ఉన్న లారీని బస్సు ఢీ-కొట్టింది. ఈ ఘటనలో 15 మంది ప్రయాణికులు గాయపడ్డట్లు తెలుస్తోంది. గాయపడిన వారిని ట్రీట్మెంట్ కోసం వనస్థలిపురం గవర్నమెంట్ హాస్పిటల్‌కి తరలించారు.
బతుకమ్మ వేడుకల్లో విషాదం.. మహిళ మృతి
ఖమ్మం జిల్లాలో సద్దుల బతుకమ్మ వేడుకల్లో విషాదం చోటుచేసుకుంది. నేలకొండపల్లి మండలం చెరువు మాదారం గ్రామంలో బతుకమ్మ సంబరాల్లో పాల్గొన్న యలగాల భారతి (50) నృత్యం (డ్యాన్స్) చేస్తూ ఒక్కసారిగా కుప్పకూలి మృతిచెందారు.అప్పల నరసింహపురం గ్రామానికి చెందిన ఆమె బంధువుల ఇంటికి వచ్చారు. వేడుకల్లో భాగంగా డీజే వద్ద నృత్యం చేస్తుండగా ఈ ఘటన జరిగింది. స్థానికులు వెంటనే ఆమెను ఆసుపత్రికి తరలించగా, అప్పటికే మృతిచెందినట్లు వైద్యులు నిర్ధారించారు.
గిరిజన ప్రాంతాల్లో అన్‌రిజర్వ్‌డ్ సీట్ల కలకలం
అల్లూరి జిల్లా కూనవరం మండలంలో ఉన్న 8 ఎంపీటీసీ స్థానాల్లో రొటేషన్ సిస్టమ్ వల్ల పెదార్కూరు, చూచిరేవులగూడెం, వెంకటాయపాలెం స్థానాలు ఈసారి అన్‌రిజర్వ్‌డ్‌గా మారాయి. విశేషమేమిటంటే.. ఈ మూడింట్లో గిరిజన ఓటర్లే మెజారిటీ. ఇక్కడ అన్‌రిజర్వ్‌డ్ అవ్వడంతో ఇతర కులాల కాండిడేట్లు పోటీకి క్యూ కడుతున్నారు. అయితే, అక్కడ ఎవరు పోటీ పడినా గెలుపోటములను డిసైడ్ చేసేది మాత్రం ఆదివాసీ ఓటర్లే.
కొత్తగూడెంలో కాంగ్రెస్ నేతల కీలక సమావేశం
ఉమ్మడి నల్గొండ–ఖమ్మం–వరంగల్ పట్టభద్రుల ఎమ్మెల్సీ ఎన్నికల్లో కాంగ్రెస్ అభ్యర్థి రామ్‌రెడ్డి సర్వోత్తమ్‌రెడ్డి విజయానికి నాయకులు, కార్యకర్తలు సమష్టిగా కృషి చేయాలని భద్రాద్రికొత్తగూడెం జిల్లా కాంగ్రెస్ పార్టీ DCC జనరల్ సెక్రటరీ, 33వ డివిజన్ కార్పొరేటర్ బాలునాయక్ పిలుపునిచ్చారు. కొత్తగూడెంలోని నాలుగు డివిజన్ల ముఖ్య నాయకులతో ఆయన సమావేశం నిర్వహించారు. ఈ సందర్భంగా పార్టీ అభ్యర్థికి మద్దతుగా నిలిచి, విజయం కోసం పనిచేయాలని సూచించారు.
టైగర్ ష్రాఫ్‌పై కాల్పులు.. వీడియో
ముంబైలోని జుహూ దగ్గర నటుడు టైగర్ ష్రాఫ్‌పై కాల్పులు జరిపిన ఘటనకు సంబంధించిన వీడియో వెలుగులోకి వచ్చింది. ఓ పార్క్ నుంచి బయటకు వస్తుండగా బైక్‌పై వచ్చిన ఇద్దరు వ్యక్తులు ఆయనపై పలు రౌండ్లు కాల్పులు జరిపారు. ఆ తరువాత అక్కడి నుంచి బైక్‌పై పారిపోయారు. ఈ ఘటనలో ఆయన డ్రైవర్ గాయపడటంతో, నటుడే స్వయంగా కారు నడుపుతూ అతడిని ఆసుపత్రికి తీసుకెళ్లినట్లు సమాచారం.
37వ డివిజన్‌లో బతుకమ్మ సంబరాలు
పెద్దపల్లి జిల్లా రామగుండం మున్సిపాలిటీ 37వ డివిజన్‌లో బతుకమ్మ సంబరాలు ఘనంగా నిర్వహించారు. ఈ కార్యక్రమానికి కాంగ్రెస్ పార్టీ కార్పొరేటర్ ఎండీ మీర్జా ఫజల్ బేగ్ ముఖ్య అతిథిగా పాల్గొన్నారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సందర్భంగా మహిళలు రంగురంగుల పూలతో బతుకమ్మలను పేర్చి, సంప్రదాయబద్ధంగా వేడుకలను నిర్వహించారు. ఈ సందర్భంగా పండుగ విశిష్టతను చాటుతూ మహిళలు ఉత్సాహంగా బతుకమ్మ పాటలు పాడుతూ సంబరాల్లో పాల్గొన్నారు.
బలంగా అల్పపీడనం.. అలర్ట్
చెన్నై, నెల్లూరు, తిరుపతి, ఒంగోలుకి దగ్గర్లో బంగాళాఖాతంలో ఏర్పడిన అల్పపీడన సుడి గాలులు గంటకు 30 కిలోమీటర్ల వేగంతో తిరుగుతున్నాయి. ఇది క్రమంగా బలపడుతోంది. దక్షిణంగా వెళ్తోంది. దీని ప్రభావంతో ఇవాళ అక్టోబర్ 19న AP, తెలంగాణలో అక్కడక్కడా లైట్ రెయిన్ పడుతుంది. కొన్నిచోట్ల మోస్తరు వర్షాలు పడే ఛాన్స్ ఉంది. ఇవాళ భారీ వర్షాలు పడే ఛాన్స్ తక్కువే. తెలంగాణలో అక్టోబర్ 21, APలో 24 వరకూ అక్కడక్కడా లైట్ రెయిన్ పడుతుందని IMD అంచనా వేసింది. ప్రయాణాలకు ఇవాళ చాలా బాగుంటుంది.
మహిషాసురమర్దిని రూపంలో అమ్మవారి దర్శనం
తూర్పుగోదావరి జిల్లా గోకవరం దేవీచౌక్‌లో కొలువైన శ్రీ కనకదుర్గమ్మ దేవీ నవరాత్రి ఉత్సవాలు వైభవంగా కొనసాగుతున్నాయి. సోమవారం తొమ్మిదో రోజు అమ్మవారు మహిషాసురమర్దిని అలంకారంలో భక్తులకు దర్శనమిచ్చారు. ఉదయం నుంచే పెద్ద సంఖ్యలో భక్తులు దేవీచౌక్‌కు చేరుకుని అమ్మవారిని దర్శించుకుని ప్రత్యేక పూజలు నిర్వహించారు. మహిషాసురమర్దిని రూపంలో దర్శనమిచ్చిన అమ్మవారిని చూసి భక్తులు భక్తిపారవశ్యంలో మునిగిపోయారు.
అక్లూర్ గ్రామంలో బతుకమ్మ పండుగ సంబరాలు
నిజామాబాద్ జిల్లా వేల్పూర్ మండలం అక్లూర్ గ్రామంలో సర్పంచ్ జిన్నా జనార్దన్ ఆధ్వర్యంలో బతుకమ్మ సంబరాలు అంగరంగ వైభవంగా నిర్వహించారు. గ్రామ మహిళలు రంగురంగుల పూలతో బతుకమ్మలను పేర్చి, పాటలు పాడుతూ ఉత్సాహంగా వేడుకల్లో పాల్గొన్నారు. దీంతో గ్రామంలో పండుగ వాతావరణం నెలకొంది. ఈ సందర్భంగా సర్పంచ్ జిన్నా జనార్దన్ మాట్లాడుతూ, బతుకమ్మ తెలంగాణ ఆడపడుచుల ఆత్మగౌరవానికి, సంస్కృతి సంప్రదాయాలకు ప్రతీక అని తెలిపారు.
ట్రాన్స్‌ఫార్మర్ వద్ద రైతు అవస్థలు
ఖమ్మం జిల్లాలోని తిరుమలాయపాలెం మండలం హస్నాబాద్ గ్రామంలో విద్యుత్ ట్రాన్స్‌ఫార్మర్ వద్ద రైతు పడుతున్న ఇబ్బందులు చర్చనీయాంశంగా మారాయి. ట్రాన్స్‌ఫార్మర్‌కు ఫ్యూజ్ వేయడానికి, విద్యుత్ వైర్లకు సంబంధించిన పనులు చేపట్టే క్రమంలో రైతు అవస్థలు పడుతుండటం ఆందోళన కలిగిస్తున్నాయి. ప్రమాదం జరిగితే పరిస్థితి ఏంటని స్థానికులు ప్రశ్నిస్తున్నారు. రైతుల భద్రతపై విద్యుత్ అధికారులు దృష్టి సారించి, ఇలాంటి పరిస్థితులు పునరావృతం కాకుండా చర్యలు తీసుకోవాలని కోరుతున్నారు.
తండ్రికి తలకొరివి పెట్టిన కుమార్తెలు
సద్దుల బతుకమ్మ సంబురాలతో ఊరూవాడా సందడిగా ఉన్న వేళ ఖమ్మం జిల్లా నేలకొండపల్లిలో ఓ కుటుంబంలో విషాదం చోటుచేసుకుంది. నేలకొండపల్లి ఎస్సీ కాలనీకి చెందిన విక్రమ్ (39) కేన్సర్‌తో బాధపడుతూ చికిత్స పొందుతున్న క్రమంలో ఆదివారం మృతిచెందాడు. ఆయనకు కుమారులు లేకపోవడంతో కుమార్తెలు చరణ్య, అనన్య సంప్రదాయాన్ని అనుసరిస్తూ తండ్రికి తలకొరివి పెట్టి అంత్యక్రియలు నిర్వహించారు.
దుర్గామాత సన్నిధిలో ప్రత్యేక పూజలు
సూర్యాపేట మున్సిపాలిటీ 42వ వార్డులో ఆదర్శ్ యూత్ ఆధ్వర్యంలో నిర్వహిస్తున్న దేవీ శరన్నవరాత్రి ఉత్సవాల మొదటి వార్షికోత్సవం సందర్భంగా దుర్గామాత విగ్రహం వద్ద ప్రత్యేక పూజలు నిర్వహించారు. ఈ కార్యక్రమంలో వార్డు కౌన్సిలర్ అంగిరేకుల నాగార్జున, BRS నాయకుడు బత్తుల రమేష్, విగ్రహ దాత శ్రీకమల హాస్పిటల్‌కు చెందిన బోలగాని బిక్షపతి పాల్గొన్నారు. దుర్గామాత ఆశీస్సులతో ప్రజలంతా సుఖసంతోషాలతో, ఆయురారోగ్యాలతో, అభివృద్ధితో వర్ధిల్లాలని ఆకాంక్షించారు.
జెడ్పీటీసీ బరిలోకి టి. ఆనంద్ పౌల్
అల్లూరి సీతారామరాజు జిల్లా గూడెం కొత్తవీధి మండలంలో జనసేన పార్టీ ZPTC అభ్యర్థి ఎంపికపై ఆసక్తి నెలకొంది. పార్టీ తరఫున జెడ్పీటీసీ అభ్యర్థిగా టి.ఆనంద్ పౌల్‌ను అధిష్ఠానం ఎంపిక చేసింది. ఈ నేపథ్యంలో నాయకులు, కార్యకర్తలు సమష్టిగా పనిచేస్తూ మండలంలో పార్టీ బలోపేతానికి కృషి చేసి, గెలుపే లక్ష్యంగా పనిచేయాలని పార్టీ నాయకులు ఆకాంక్షించారు.
13 అడుగుల బతుకమ్మతో సంబరాలు
నల్గొండ జిల్లా మిర్యాలగూడలోని ప్రభుత్వ జూనియర్ కాలేజ్ గ్రౌండ్‌లో సద్దుల బతుకమ్మ వేడుకలు గ్రాండ్‌గా జరిగాయి. తెలంగాణ రాష్ట్రం ఏర్పడి 13 ఏళ్లు పూర్తయిన సందర్భాన్ని గుర్తుచేస్తూ, వేడుకల్లో ఏర్పాటు చేసిన 13 అడుగుల బతుకమ్మ అట్రాక్షన్‌గా నిలిచింది. రంగురంగుల పూల బతుకమ్మలతో మహిళలు సందడి చేశారు. ఈ ప్రోగ్రామ్‌కి ఎమ్మెల్యే బత్తుల లక్ష్మారెడ్డి దంపతులు హాజరయ్యారు. వేడుకలతో కాలేజ్ గ్రౌండ్‌లో పండుగ వాతావరణం నెలకొంది.
మోదీ భయపడుతున్నారా: ప్రకాశ్ రాజ్
కేరళలోని కోజికోడ్‌లోని ఓ కార్యక్రమంలో నటుడు ప్రకాశ్ రాజ్ PM మోది, HM అమిత్ షా పై తీవ్ర విమర్శలు చేశారు. బాబా సాహెబ్ అంబేద్కర్ రాజ్యాంగ శక్తితో, మహాత్మా గాంధీ తరహాలో శాంతియుత నిరసనలతో ప్రజాస్వామ్యబద్ధంగా పోరాడి మిమ్మల్ని గద్దె దించుతాం అని ఘాటుగా స్పందించారు. భగత్ సింగ్ తరహాలో గట్టిగా పోరాడతామని కామెంట్ చేశారు. “Jab jab Modi darta hai, police ko aage karta hai” (మోదీ భయపడినప్పుడల్లా పోలీసులను ముందుకు నెడతారు) అని ఆయన అన్నారు.
రైతుబజార్ల కోసం ఎదురుచూపులు
చీరాల, రేపల్లె ప్రజలకు తక్కువ రేటుకు ఫ్రెష్ వెజిటెబుల్స్ అందేలా రైతుబజార్లు పెట్టడంలో లేట్ అవుతోంది. మార్కెట్లో మధ్యవర్తుల దోపిడీతో జనం రేట్లు భరించలేకపోతున్నారు. జిల్లాలో కూరగాయలు బాగా పండినా, బాపట్లలో 2019లో కట్టిన రైతుబజార్ గత ప్రభుత్వంలో మూలనపడింది. కూటమి సర్కార్ వచ్చాక 2024 డిసెంబర్లో ఓపెన్ చేసినా, ఆఫీసర్ల నిర్లక్ష్యంతో మళ్లీ బోసిపోయింది. రోడ్లపైనే అమ్మకాలు సాగుతుండటంతో ట్రాఫిక్ జామ్ అవుతోంది. మున్సిపల్ ఎలక్షన్ల తర్వాతైనా కొత్త లీడర్లు స్పందించి వీటిని బాగు చేయాలని ప్రజలు కోరుతున్నారు.
పోలీసులకు థాంక్స్.. ధ్రువ్ రాఠీ
ధ్రువ్ రాఠీను అరెస్ట్ చేసినట్లు తప్పుడు ప్రచారం చేసిన ఇద్దరు ‘X’ యూజర్లపై నోయిడా పోలీసులు కేసు ఫైల్ చేశారు. ఈ నెల 16న ధ్రువ్ అరెస్ట్ అయినట్లు కొన్ని అకౌంట్లు పోస్టులు పెట్టగా, అందులో నిజం లేదని పోలీసులు స్పష్టం చేశారు. ఈ పోస్టులు ప్రజల్లో భయాందోళనలు సృష్టించేలా ఉన్నాయని FIRలో స్పష్టం చేశారు. ఈ చర్యలకు నోయిడా పోలీసులకు ఆయన <a href="https://x.com/dhruv_rathee/status/2111851774290325661?s=20">థాంక్స్ చెప్పారు</a>. తప్పుడు ప్రచారం చేస్తున్న మరో ఇద్దరు X యూజర్లపై చర్యలు తీసుకోవాలని కోరుతూ ముంబై పోలీసులను ట్యాగ్ చేశారు.