AP

AP· 9 Jul 2026

డెంటల్ కాలేజ్ హాస్టల్‌లో ఫుడ్ పాయిజన్

AP: కడప ప్రభుత్వ దంత వైద్య కళాశాల లేడీస్ హాస్టల్‌లో ఫుడ్ పాయిజన్ అయి 27మంది దంత వైద్య విద్యార్థినులు అస్వస్థతకు గురయ్యారు. హాస్టల్‌లో దోశ తిన్న వారు తీవ్ర అస్వస్థకు గురవడంతో చికిత్స కోసం కడప రిమ్స్ హాస్పిటల్‌కు తరలించినట్లు డెంటల్ కాలేజ్ ప్రిన్సిపల్ యుగంధర్ తెలిపారు. ప్రస్తుతం స్టూడెంట్స్ ఆరోగ్యం నిలకడగా ఉందని డాక్టర్స్ తెలిపారు. ఫుడ్ పాయిజన్‌పై జిల్లా ఇన్చార్జి మంత్రి సవిత ఆరా తీశారు. వారికి సరైన వైద్య సేవలు అందించాలని సూచించారు. ఘటనపై ఆమె నివేదిక కోరారు.

AP· 8 Jul 2026

ఏపీలో కారుణ్య మరణాలకు లైన్ క్లియర్ !

సుప్రీంకోర్టు ఆదేశాల మేరకు ఆంధ్రప్రదేశ్ ప్రభుత్వం కీలక అడుగు వేసింది. రాష్ట్రంలో కారుణ్య మరణాలకు (ప్యాసివ్ యుథనేషియా) సంబంధించిన మార్గదర్శకాలకు వైద్య ఆరోగ్య మంత్రి సత్యకుమార్ ఆమోదం తెలిపారు. తాజా నిబంధనలతో ఇకపై వైద్యులు, రోగుల కుటుంబ సభ్యులు తీసుకునే నిర్ణయాలకు చట్టబద్ధత లభించనుంది. కోలుకునే అవకాశం లేక, చివరి దశలో ఉండి తీవ్ర నరకం అనుభవిస్తున్న రోగులకు మరియు వారి కుటుంబాలకు ఈ తాజా మార్గదర్శకాలు పెద్ద ఊరటనివ్వనున్నాయి.

AP· 8 Jul 2026

బరుయిపూర్ అత్యాచారం కేసులో ప్రధాన నిందితుడు ఎన్‌కౌంటర్‌లో హతం

పశ్చిమ బెంగాల్ రాష్ట్రంలోని బరుయిపూర్ అత్యాచారం హత్య కేసు తీవ్ర సంచలనం రేపింది. ఈ దారుణమైన నేరానికి ప్రధాన నిందితుడిగా ఉన్న ప్రభాస్ మండల్ ఎన్‌కౌంటర్‌లో హతమయ్యాడు. పోలీసులు నిర్వహించిన ఎన్‌కౌంటర్‌లో అతడు మృతి చెందాడు.

AP· 8 Jul 2026

బతకాలి అన్న ఆశే నన్ను కాపాడింది

AP: సముద్రంలో గల్లంతైన మత్స్యకారుల ఉదంతం తీవ్ర విషాదాన్ని నింపింది. తప్పిపోయిన ఆరుగురు జాలర్ల ఆచూకీ ఇంకా దొరకలేదు. కారె చిన్న ప్రాణాలతో బయటపడ్డాడు. ప్రస్తుతం ఆయన విశాఖపట్నంలోని కిమ్స్‌ ఐకాన్‌ హాస్పిటల్‌లో చికిత్స పొందుతున్నాడు. ఆయన మీడియాతో మాట్లాడుతూ.. ఆరోజు భారీ అల మా బోటును ఒక్కసారిగా తాకడంతో బోటు తిరగబడింది. సముద్రంలో చుట్టూ చీకటి, ప్రకృతి వాయుగుండంగా మారడంతో భయమేసిందన్నారు. అయిన వాళ్లు ఒక్కొక్కరుగా కళ్లముందే దూరమైపోతున్నా, బతకాలి అన్న ఆశతో శక్తినంతా పోగుచేసుకుని 9గంటలు ఈదగా ఓ నౌక సిబ్బంది తనను కాపాడారని తెలిపాడు.

AP· 8 Jul 2026

ఆరు తరాలు కలిసి.. ఆదర్శంగా నిలిచి

AP: మనుషుల మధ్య దూరం పెరుగుతున్న నేటి డిజిటల్ యుగంలో కుటుంబం అంతా కలిసి ఉండడం అంత ఈజీ కాదు. కానీ, అనంతపురం జిల్లా కళ్యాణదుర్గం మండలం కుర్లపల్లి గ్రామంలో హనుమంత రాయుడు, ముత్యాలప్పల రెండు కుటుంబాలు ఆదర్శంగా నిలుస్తున్నాయి. రెండు కుటుంబాలతో మొదలైన వీరి ప్రస్థానం నేడు ఆరుతరాలకు విస్తరించి ఏకంగా 83మంది సభ్యులతో ఒకే ఇంట్లో ఉంటూ ఆదర్శంగా నిలుస్తున్నారు. కుటుంబ పెద్దలైన హనుమంత రాయుడు, ముత్యాలప్ప రోజువారీ పనులను పర్యవేక్షిస్తారు. వ్యవసాయం నుంచి వ్యాపారాల వరకు ప్రతిదీ సమిష్టిగా నిర్ణయాలు తీసుకుంటారు.

AP· 8 Jul 2026

సముద్రంలో సెర్చ్ ఆపరేషన్ పొడిగింపు

AP: విశాఖ తీరంలో గల్లంతైన మత్స్యకారుల కోసం జరుగుతున్న సెర్చ్ ఆపరేషన్‌ను బాధిత కుటుంబాల విజ్ఞప్తితో అధికారులు పొడిగించారు. రేపు మధ్యాహ్నం 12గంటల వరకు కోస్ట్ గార్డ్ సహాయక చర్యలు కొనసాగనున్నాయి. ఈ నెల 4న చేపల వేటకు వెళ్లి వస్తున్న క్రమంలో సముద్రంలో బోటు గల్లంతు అవ్వడంతో ఈ ప్రమాదం జరిగింది. బోటులో ఏడుగురు ఉండగా ఒకరు ప్రాణాలతో బయటపడ్డారు. మిగతా ఆరుగురు మత్స్యకారుల కోసం ఇప్పటికే 72గంటల పాటు నేవీ, కోస్ట్ గార్డ్ గాలింపు చర్యలు చేపట్టాయి. వారి ఆచూకీ దొరకకపోవడంతో ఈ నిర్ణయం తీసుకున్నారు.

AP· 8 Jul 2026

గల్లంతైన మత్స్యకారుల కుటుంబాలకు ఎక్స్‌గ్రేషియా

AP: విశాఖ సముద్రంలో గల్లంతైన మత్స్యకారుల కుటుంబాలకు రాష్ట్ర ప్రభుత్వం ఎక్స్‌గ్రేషియా ప్రకటించింది. ఒక్కో కుటుంబానికి రూ.10 లక్షల చొప్పున తక్షణ సాయం అందించనుంది. చేపల వేటకు వెళ్లిన మత్య్సకారులు తిరిగి వస్తున్న క్రమంలో ఈ నెల 4న వారి బోటు గల్లంతైంది. బోటులో మొత్తం ఏడుగురు ఉండగా వారిలో ఒకరు బోటును పట్టుకుని ప్రాణాలతో బయటపడ్డారు. మరో ఆరుగురు సముద్రంలో గల్లంతు అయ్యారు. ఇప్పటి వరకు వారి ఆచూకీ దొరకలేదు. గల్లెంతైనవారి కోసం కోస్ట్ గార్డ్‌లు, పోలీసులు చర్యలు చేపట్టారు. సెర్చ్ ఆపరేషన్ ఇప్పటికీ కొనసాగుతూనే ఉంది.

AP· 8 Jul 2026

రూరల్ ఎకానమీకి ఊతం.. ప్రభుత్వం కీలక నిర్ణయం

AP: రైతులను పారిశ్రామికవేత్తలుగా తీర్చిదిద్దేందుకు కృషి చేస్తున్నట్లు CM చంద్రబాబు పేర్కొన్నారు. రాష్ట్ర సచివాలయంలో నిర్వహించిన 19వ రాష్ట్ర స్థాయి పెట్టుబడుల ప్రోత్సాహక మండలి సమావేశంలో ఆయన మాట్లాడారు. ఇథనాల్‌కు డిమాండ్‌ పెరగనున్న నేపథ్యంలో ఆ రంగంలో రైతులను ప్రోత్సహించాలని అధికారులకు CM సూచించారు. రూరల్‌ ఎకానమీని బలోపేతం చేసేలా ఇథనాల్‌ పరిశ్రమల ఏర్పాటు దిశగా సమగ్ర ప్రణాళికలను రూపొందించాలని చెప్పారు. ఇథనాల్‌, మీథేన్‌, ఏవియేషన్‌ ఇంధనానికి సంబంధించి ఒక ప్రత్యేక పాలసీ రూపొందించాలని సూచించారు.

AP· 7 Jul 2026

వేతనాల కోసం మున్సిపల్ కార్మికుల సమ్మె

పాల్వంచ మున్సిపాలిటీలో పనిచేస్తున్న కార్మికులు తమకు రావాల్సిన వేతన బకాయిలను వెంటనే చెల్లించాలని డిమాండ్ చేస్తూ మెరుపు సమ్మె చేపట్టారు. ఈ సమ్మె స్థానికంగా తీవ్ర ప్రభావం చూపిస్తోంది. కార్మికులు తమ డిమాండ్లు నెరవేరే వరకు సమ్మెను కొనసాగించాలని నిర్ణయించారు.

AP· 7 Jul 2026

తిరుమల బస్సులు బంద్

AP: తిరుమలకు వెళ్లే ఎలక్ట్రిక్ AC బస్సులను అలిపిరి డిపోలో నిలిపివేసి డ్రైవర్లు ఆందోళన చేశారు. ప్రతి డ్యూటీలో తప్పనిసరిగా 5 ట్రిప్పులు పూర్తి చేయాలని మేనేజ్మెంట్ నిబంధన పెట్టిందని, 5 ట్రిప్పులు పూర్తి చేయకపోతే నెలవారీ జీతానికి బదులుగా ట్రిప్పుల ఆధారంగా వేతనం చెల్లిస్తామని నిర్ణయించడంతో ఆందోళనకు దిగినట్లు వారు తెలిపారు. తిరుమలకు నడిచే ఎలక్ట్రిక్ AC బస్సుల నిర్వహణను ప్రైవేట్ ఏజెన్సీలకు అప్పగించే నిర్ణయాన్ని డ్రైవర్లు తీవ్రంగా వ్యతిరేకిస్తున్నారు. ఈ మార్పు వలన రాబోయే రోజుల్లో APSRTC ప్రైవేటీకరణ వైపు వెళ్తుందని వారు ఆందోళన చెందుతున్నారు.

AP· 7 Jul 2026

సూసైడ్ కేసులో ట్విస్ట్.. CI నాగరాజుపై అట్రాసిటీ కేసు

AP: రాష్ట్రంలో సంచలనం సృష్టించిన క్రాంతికుమార్ సూసైడ్ కేసులో నిందితుడిగా ఉన్న సస్పెండెడ్ CI నాగరాజుపై SC, ST అట్రాసిటీ కేసు నమోదు చేశారు. క్రాంతికుమార్ ఆత్మహత్యకు పాల్పడటానికి ముందు రికార్డ్ చేసిన సెల్ఫీ వీడియో ఈ కేసులో కీలకంగా మారింది. తన చావుకు CI నాగరాజు కారణమని, ఆయన పెట్టిన టార్చర్ భరించలేకే ఈ నిర్ణయం తీసుకుంటున్నానని క్రాంతికుమార్ ఆ వీడియోలో పేర్కొన్నాడు. ఈ ఆధారాల పరిశీలన అనంతరం, అధికారులు ఎస్సీ, ఎస్టీ అట్రాసిటీ చట్టాన్ని కేసులో చేర్చారు. CIపై కఠిన చర్యలు తీసుకోవాలని దళిత సంఘాలు డిమాండ్ చేస్తున్నాయి.

AP· 7 Jul 2026

విశాఖ తీరంలో టెన్షన... 48గంటలు గడిచినా ఆచూకీ లేదు

AP: విశాఖ తీరం నుంచి చేపల వేటకు వెళ్లి సముద్రంలో గల్లంతైన మత్స్యకారుల కోసం గాలింపు చర్యలు ముమ్మరంగా కొనసాగుతున్నాయని విశాఖ రేంజ్ DIG గోపీనాథ్ జెట్టి తెలిపారు. మత్య్సకారులు 4వ తేదీ రాత్రి సమయంలో గల్లంతైన విషయం తెలిసిందే. 48గంటలు గడిచినా ఆచూకీ తెలియకపోవడంతో వారి కుటుంబసభ్యుల్లో ఆందోళన మొదలైంది. అదేరోజు కర్రి చిన్నా అనే మత్య్సకారుడిని చైనా షిప్ వాళ్లు సురక్షితంగా రక్షించారని చెప్పారు. మిగిలిన వారి కోసం గాలిస్తున్నామన్నారు. 4 షిప్పులు, 2 హెలికాప్టర్లతో రిస్య్కూ ఆపరేషన్ కొనసాగుతుందని DIG స్పష్టం చేశారు.

AP· 7 Jul 2026

ప్రమాదకర స్థాయిలో నీటినిల్వలు.. APకి కరువు ముప్పు

AP: నైరుతి రుతుపవనాలు రాష్ట్రాన్ని తాకినా.. వర్షాలు లేకపోవడంతో ఆందోళన మొదలైంది. గ్లోబల్‌ వార్మింగ్‌, ఎల్‌నినో ప్రభావంతో భూగర్భజలాలు పడిపోవడమే కాక.. ప్రాజెక్టుల్లో నీటిమట్టాలు ప్రమాదకర స్థాయికి చేరాయి. శ్రీశైలం ప్రాజెక్ట్ పూర్తిస్థాయి నీటినిల్వ సామర్థ్యం 215.810 TMCలు కాగా.. ప్రస్తుతం 42.213 TMCలే ఉన్నాయి. నిరుడు వరదలు పోటెత్తడంతో ఇదే సమయానికి దాదాపు 50 వేల క్యూసెక్కులకు పైగా వరద ప్రవాహం ఉండేది. ప్రస్తుతం ఆ పరిస్థితే లేదు. 3.95 లక్షల ఎకరాలకు సాగునీరు, వందల గ్రామాలకు తాగునీరు అందించే తుంగభద్ర డ్యాం నీటి ప్రవాహం లేక వెలవెల బోతుంది.

AP· 7 Jul 2026

APకి మరో మెగా సోలార్ ప్రాజెక్ట్

AP: రాష్ట్రంలో మరో భారీ సోలార్‌ ప్రాజెక్టు ఏర్పాటు కానుంది. NTPC అనుబంధ సంస్థ NTPCREL (ఎన్‌టీపీసీ రెన్యువబుల్‌ ఎనర్జీ లిమిటెడ్‌) ఈ సోలార్ ప్రాజెక్ట్‌ను అనంతపురం జిల్లాలో ఏర్పాటు చేయనుంది. 1200 మెగావాట్ల సామర్థ్యంతో డి.హీరేహల్‌ మండలంలోని కనేకల్‌, రాయదుర్గం గ్రామాల పరిధిలో ప్రాజెక్టు స్థాపనకు రాష్ట్ర ప్రభుత్వం అనుమతులు ఇస్తూ ఉత్తర్వులు జారీచేసింది. ఈ ప్రాజెక్ట్ దేశంలో NTPC నిర్మించే నాలుగో భారీ ప్రాజెక్టు. ఇప్పటికే రాజస్థాన్‌, గుజరాత్‌, మధ్యప్రదేశ్‌ రాష్ట్రాల్లో సోలార్‌ ప్రాజెక్టులను ఏర్పాటు చేసింది.

AP· 6 Jul 2026

రావణ్ ది మావోయిస్టు భావజాలం- పోలీసులు

యూట్యూబర్ రావణ్ నిషేధిత మావోయిస్టు భావజాలాన్ని వ్యాప్తి చేస్తున్నారని గన్నవరం పోలీసులు రిమాండ్ రిపోర్ట్ లో తెలిపారు. యువతను రెచ్చగొట్లేలా ప్రసంగాలు చేస్తున్నారని అందులో ప్రస్తావించారు. రావణ్ ఫోన్ లో మావోయిస్టు భావజాలం ఉందని, మావోయిస్టు హిడ్మాను ప్రశంసిస్తూ స్పీచ్ లు కూడా ఇచ్చారని గన్నవరం పోలీసుల రిమాండ్ రిపోర్ట్ వెల్లడించింది. దేశ ఐక్యత, సమగ్రతలను దెబ్బ తీసేలా ప్రవర్తిస్తున్నారని ఉపా చట్టం సెక్షన్ల కింద అభియోగాలు నమోదయ్యాయి.

AP· 6 Jul 2026

APలో రిటైర్ అయినా మళ్లీ జాబ్!

ఆంధ్రప్రదేశ్‌లోని ప్రభుత్వ రంగ సంస్థలు, కార్పొరేషన్ల ఉద్యోగులకు ఏపీ గవర్నమెంట్ గుడ్ న్యూస్ చెప్పింది. ఉద్యోగుల రిటైర్మెంట్ ఏజ్‌ని 60 నుండి 62 ఏళ్లకు పెంచుతూ కొత్త GO రిలీజ్ చేసింది. ఈ రూల్ 2022 జనవరి 1 నుండి వర్తిస్తుంది. అంటే.. అప్పటినుండి రిటైర్ అయిన వాళ్లను అవసరమైన చోట మళ్లీ డ్యూటీలోకి తీసుకుంటారు. మళ్లీ జాబ్‌లో చేరడం ఇష్టం లేని వాళ్లు 60 ఏళ్లకే రిటైర్ అవ్వచ్చు. ఈ డెసిషన్‌తో రిటైర్మెంట్ వయస్సుపై ఉన్న కన్ఫ్యూజన్‌కి ఎండ్ కార్డ్ పడింది.

AP· 5 Jul 2026

సముద్రంలో చిక్కుకున్న మరో ఫిషింగ్ బోటు

AP: సముద్రంలో ఇంజిన్ మొరాయించడంతో విశాఖకు చెందిన మరో ఫిషింగ్ బోటు ఒడిశాలోని పూరి సముద్ర జలాల్లో చిక్కుకుపోయింది. జూన్ 22న విశాఖ ఫిషింగ్ హార్బర్ నుంచి వేటకు వెళ్లిన 9మంది మత్స్యకారులు బోటు ఇంజిన్ ఆగిపోవడంతో సముద్రంలోనే చిక్కుకుపోయారు. తాము సురక్షితంగా ఉన్నామని, తమను కాపాడాలని మత్స్యకారులు వీడియో సందేశం ద్వారా తమ కుటుంబసభ్యులకు సమాచారం అందించారు. విషయం తెలుసుకున్న విజయనగరం ఎంపీ కలిశెట్టి అప్పలనాయుడు తక్షణమే విశాఖ కలెక్టర్‌తో మాట్లాడారు. కలెక్టర్.. కోస్ట్‌గార్డ్ బృందాల సాయంతో మత్స్యకారులను రక్షించేందుకు ముమ్మర చర్యలు చేపట్టారు.

▶

AP· 5 Jul 2026

ఇంట్లోకి వచ్చిన చిరుత.. CCTVలో షాకింగ్ దృశ్యాలు

AP: తిరుపతిలో అర్థరాత్రి ఓ లెక్చరర్ ఇంట్లోకి చిరుత సంచారం.. స్థానికంగా తీవ్ర కలకలం రేపింది. కరకంబాడి రోడ్డులోని వెంకటాపురంలో లెక్చ‌ర‌ర్ బాలాజీ ఇంటి లోపల ఒక పెంపుడు కుక్క కట్టేసి ఉండగా దానిపై దాడి చేసేందుకు ప్రయత్నించింది. ఇంతలో ఇంట్లో వాళ్లు కేకలు పెట్టడంతో చిరుత బయటకు పరుగులు తీసింది. దీనికి సంబంధించిన దృశ్యాలు CC TV కెమెరాలో రికార్డ్ అయ్యాయి. ఈ వీడియో సోషల్ మీడియాలో వైరల్ అవుతోంది. గతమూడు రోజులుగా చిరుత సంచరిస్తుండడంతో స్థానికులు భయాందోళనకు గురవుతున్నారు.