Crime

Crime· 15 Jun 2026

అయోధ్య రామాలయం సీన్ లోకి SIT!

అయోధ్య రామాలయ విరాళాల దొంగతనం కేసులో పోలీసులు ఒక టెంపుల్ ఎంప్లాయ్ ఇంట్లో ₹12 లక్షల క్యాష్ సీజ్ చేశారు. దాదాపు ₹7 కోట్ల వరకు విరాళాలు చోరీ అయ్యాయనే ఆరోపణల మధ్య ఈ రైడ్ జరగడం సంచలనంగా మారింది. అయితే తన కొడుకును ఇరికించడానికి ఎవరో ఈ పని చేశారని ఆ ఎంప్లాయ్ తండ్రి చెప్తున్నాడు. ఈ కేసు తీవ్రతను బట్టి UP M యోగి ఆదిత్యనాథ్ త్రీ-మెంబర్ స్పెషల్ ఇన్వెస్టిగేషన్ టీమ్ (SIT)ని కూడా ఏర్పాటు చేశారు.

Crime· 15 Jun 2026

సీరియల్ యాక్ట్రెస్ సూసైడ్!

హిందీ టీవీ ఇండస్ట్రీలో తీవ్ర విషాదం నెలకొంది. ఫేమస్ సీరియల్ 'కుంకుమ భాగ్య' ఫేమ్, పాపులర్ యాక్ట్రెస్ సంచిత ఉగలే (30) సూసైడ్ చేసుకున్నారు. ముంబై నలసోపారాలోని తన ఇంట్లో ఎవరూ లేని టైమ్‌లో ఆమె చీరతో ఉరివేసుకున్నారు. స్పాట్‌లో ఎలాంటి సూసైడ్ నోట్ దొరకలేదని పోలీసులు చెప్పారు. ప్రస్తుతం కేసు ఫైల్ చేసి ఇన్వెస్టిగేషన్ స్టార్ట్ చేశారు. ఆమె మృతితో ఫ్యాన్స్, కో-స్టార్స్ ఎమోషనల్ అవుతున్నారు.

Crime· 15 Jun 2026

అఖిలేష్ కూతురు పై ట్రోలింగ్: CM యోగి ఫైర్!

సమాజ్‌వాదీ పార్టీ చీఫ్ అఖిలేష్ యాదవ్ కూతురిపై సోషల్ మీడియాలో జరుగుతున్న అసభ్యకర ప్రచారాన్ని UP CM యోగి ఆదిత్యనాథ్ తీవ్రంగా తప్పుపట్టారు. అఖిలేష్ కూతురిని టార్గెట్ చేస్తూ మార్ఫింగ్ ఫోటోలు పెట్టిన నిందితులపై వెంటనే సీరియస్ యాక్షన్ తీసుకోవాలని పోలీసులను ఆదేశించారు. ఆడపిల్లలు అందరికీ సమానమేనని. లీడర్స్ ఫ్యామిలీ మెంబర్స్‌ని పాలిటిక్స్‌లోకి లాగడం కరెక్ట్ కాదని, అఖిలేష్ కూతురు తనకు కూడా కూతురితో సమానమేనని CM యోగి స్పష్టం చేశారు.

Crime· 15 Jun 2026

ఒకే కుటుంబానికి చెందిన ముగ్గురు మృతి

AP: నెల్లూరు జిల్లాలో ఒకే కుటుంబానికి చెందిన ముగ్గురు అనుమానాస్పద స్థితిలో మృతి చెందడం తీవ్ర కలకలం రేపింది. సంగం మండలం దువ్వూరు విలేజ్‌లో రిటైర్డ్ టీచర్ మధుసూదన్ రావు(65), ఆయన భార్య రత్నావళి(60), కుమారుడు సాయిసుకృత్(25) ఇంట్లో ఉరివేసుకుని మృతి చెందారు. పోలీసులు ఘటనా స్థలానికి చేరుకుని సూసైడ్ లెటర్‌ను స్వాధీనం చేసుకున్నారు. కేసు నమోదు చేసిన పోలీసులు వివిధ కోణాల్లో దర్యాప్తు చేస్తున్నారు. చేతులకు తాళ్లు కట్టేసి ఉండడంతో మృతిపై పలు అనుమానాలు వ్యక్తమవుతున్నాయి.

Crime· 15 Jun 2026

ఎక్స్‌ప్రెస్‌ రైలులో చోరీ.. పోలీసులు కాల్పులు

AP: బాపట్ల శివారులోని నల్లమడ వాగు రైల్వే వంతెన సమీపంలో సర్కార్‌ ఎక్స్‌ప్రెస్‌ రైలులో దొంగలు చోరీకి పాల్పడ్డారు. తమిళనాడు రాష్ట్రం చెంగల్‌పట్టు నుంచి కాకినాడ పోర్ట్‌కు వెళుతున్న సర్కార్‌ ఎక్స్‌ప్రెస్‌‌లో ఆదివారం అర్ధరాత్రి దాటాక 1.15 గంటల సమయంలో S-3, S-6 బోగీల్లో నిద్రిస్తున్న ఇద్దరు మహిళల నుంచి ఏడు తులాల బంగారు ఆభరణాలు దొంగిలించారు. చైన్‌ లాగడంతో రైలు నిలిచిపోయింది. దొంగలు రైలు దిగి పారిపోతుండగా ఎస్కార్ట్‌ విధుల్లో ఉన్న రైల్వే పోలీసులు 9 రౌండ్లు కాల్పులు జరిపారు. దుండగుల కోసం పోలీసులు ముమ్మరంగా గాలిస్తున్నారు.

Crime· 15 Jun 2026

సాయం చేద్దామని వెళ్లి గోదావరిలో గల్లంతు

AP: ఏలూరు జిల్లా వేలేరుపాడు మండలం రుద్రంకోట విలేజ్‌కు చెందిన కనితిరెడ్డి రాంబాబు, హేమంత్‌కుమార్ స్నేహితులు. హేమంత్‌కుమార్‌కు చెందిన గేదెలు రుద్రమ్మకోట సమీపంలో గోదావరి నది అవతలి ఒడ్డుపై ఉన్నాయి. వాటిని తోలుకు వచ్చేందుకు హేమంత్, ఆయనకు సాయం చేసేందుకు రాంబాబు కలిసి లోతు తక్కువ ఉండే వైపు నడిచివెళ్లారు. తిరిగి గేదెలను ఇంటికి తీసుకొచ్చే క్రమంలో రాంబాబు లోతు ఎక్కువగా ఉండే వైపు వెళ్లి గల్లంతయ్యాడు. గల్లంతైన రాంబాబు కోసం పోలీసులు ముమ్మరంగా గాలింపు చేపట్టారు. అయినా మృతదేహం ఆచూకీ ఇంకా లభ్యం కాలేదు.

Crime· 15 Jun 2026

నదిలో పడవ బోల్తా.. నలుగురు మృతి

AP: పల్నాడు జిల్లా పెదకూరపాడు నియోజకవర్గం కోనూరు గ్రామం వద్ద తీవ్ర విషాదం చోటుచేసుకుంది. కృష్ణా నదిలో పడవ బోల్తా పడి నలుగురు మృతిచెందారు. కుంకలగుంట గ్రామం నుంచి 10 మంది కలిసి కోనూరులో ఓ ఫంక్షన్‌కు హాజరయ్యారు. వేడుక అనంతరం తిరిగి గ్రామానికి వెళ్తుండగా కృష్ణా నదిలో పడవ బోల్తా పడడంతో వారంతా నీటమునిగారు. వీరిలో ఆరుగురిని గ్రామస్థులు కాపాడారు. మిగిలిన నలుగురు గల్లంతయ్యారు. ముగ్గురు చిన్నారులు గంధం సంధ్య (9), బత్తుల కార్తీక్‌ (12), గంధం సైనీ (10)తోపాటు కొనత చైతన్య(28) చనిపోయారు.

Crime· 15 Jun 2026

పెట్టుబడుల పేరుతో భారీ సైబర్ మోసం

TG: హైదరాబాద్‌‌లోని సనత్‌నగర్‌కు చెందిన ఓ ప్రభుత్వ ఉద్యోగి ఫేస్‌బుక్‌లో అధిక లాభాలు వస్తాయని ఇన్వెస్ట్‌మెంట్ యాడ్ చూశాడు. యాడ్‌పై క్లిక్ చేయడంతో సైబర్‌నేరగాళ్లు అతడిని సంప్రదించారు. ఆన్‌లైన్ ఇన్వెస్ట్‌మెంట్ ప్లాట్‌ఫామ్‌లలో పెట్టుబడులు పెడితే లాభాలు వస్తాయని నమ్మించి వాట్సాప్ గ్రూపుల్లో చేర్చారు. మోసగాళ్లు సూచించిన బ్యాంక్ అకౌంట్లకు మొత్తం రూ.2.22 కోట్లను ట్రాన్స్‌ఫర్ చేశాడు. నకిలీ ఇన్వెస్ట్‌మెంట్ యాప్ డ్యాష్‌బోర్డ్‌లో అతని అకౌంట్‌లో రూ.3.1 కోట్ల బ్యాలెన్స్ ఉన్నట్లు చూపించారు. ఆ డబ్బు విత్‌డ్రా చేసుకునేందుకు ఉద్యోగి పయత్నించగా రాకపోవడంతో పోలీసులను ఆశ్రయించాడు.

Crime· 13 Jun 2026

కాకినాడ మిస్సింగ్ కేసులో ఊహించని ట్విస్ట్!

కాకినాడలో మిస్ అయిన చిన్నారి జ్ఞానేశ్వరి కేసులో ఒక విచారకరమైన ట్విస్ట్ వెలుగులోకి వచ్చింది. ఈ నెల 6న ఆ అమ్మాయితో పాటు వెళ్లిన పెంపుడు కుక్క, మూడు రోజుల తర్వాత ఇంటికి తిరిగి వచ్చి వింతగా అరుస్తూ ఏడ్చింది. దీంతో నిన్న ఆ కుక్కకు జీపీఎస్ ట్రాకర్ కట్టి, పాపను వెతికేందుకు పోలీసులు వదిలిపెట్టారు. కానీ, అంతలోనే ఆ పెంపుడు కుక్క చనిపోవడంతో ఈ మిస్సింగ్ కేసు ఇప్పుడు తీవ్ర కలకలం రేపుతోంది.

Crime· 13 Jun 2026

బస్సులో మంటలు.. ఫైర్ సిబ్బంది వచ్చేలోపే దగ్ధం

AP: తిరుపతి జిల్లాలోని శ్రీసిటీకి చెందిన ఉద్యోగులు విధులు ముగించుకుని సూళ్లూరుపేట వెళ్తుండగా భారీ అగ్ని ప్రమాదం జరిగింది. IMOP కంపెనీ ఉద్యోగులు ప్రయాణిస్తున్న బస్సు తిరుపతి జిల్లా తడ సమీపంలోకి రాగానే ఒక్కసారిగా మంటలు చెలరేగాయి. ఫైర్ సిబ్బంది వచ్చేలోపే బస్సు పూర్తిగా దగ్ధమైంది. అలెర్ట్ అయిన ఉద్యోగులు, డ్రైవర్ బస్సులో నుంచి దిగి దూరంగా వెళ్లిపోయారు. పెను ప్రమాదం తప్పడంతో ఊపిరిపీల్చుకున్నారు. బస్సులో షార్ట్ సర్క్యూట్ జరగడమే కారణమని అంచనా వేశారు.

Crime· 13 Jun 2026

హైదరాబాద్‌లో ఏడుగురు బంగ్లాదేశీయులు అరెస్ట్

TG: మేడ్చల్ జిల్లా జీడిమెట్ల పరిధిలో అక్రమంగా నివసిస్తున్న ఏడుగురు బంగ్లాదేశీయులను పోలీసులు అరెస్టు చేశారు. గాజులరామారం HL కాలనీలోని ఓ అద్దె ఇంట్లో పోలీసులు సోదాలు నిర్వహించారు. వీసా, పాస్‌పోర్ట్ లాంటి ఎలాంటి చట్టబద్ధమైన పత్రాలు లేకుండా వారు అక్రమంగా దేశంలోకి ప్రవేశించి నివసిస్తున్నట్లు నిర్ధారించారు. అనంతరం తదుపరి చర్యల నిమిత్తం మెదక్ జిల్లా జోగిపేటలోని డిపోర్టేషన్ కేంద్రానికి తరలించారు. పశ్చిమబెంగాల్‌లో అక్రమ వలసదారులపై ఉక్కుపాదం మోపుతున్న విషయం తెలిసిందే.

Crime· 13 Jun 2026

డిప్రెషన్ తో మహిళా టెకీ సూసైడ్ః ఆరు నెలల బేబీ సేఫ్

నిద్రలేమి, ఎంగ్జైటీ, డెలివరీ తర్వాత డిప్రెషన్ లాంటి సమస్యలతో ఓ మహిళా టెకీ హైదరాబాద్ లోని మియాపూర్ లో తన ఆరు నెలల బేబీతో ఆరో అంతస్తు నుంచి దూకి ఆత్మహత్య చేసుకున్నారు. తీవ్రమైన కుంగుబాటే ఆమె సూసైడ్ కి కారణమని తెలుస్తోంది. ఆరు నెలల పసిపాప మాత్రం తల్లి దూకినప్పుడు నేరుగా కింద పడకుండా పక్కన ఉన్న ప్రొటెక్టివ్ కంచె పై పడటంతో ప్రాణాపాయం తప్పింది. పోలీసులు ఆమె మెడికల్ రికార్డులను స్టడీ చేస్తున్నారు. కేసు నమోదు చేసి దర్యాప్తు చేస్తున్నారు. ఆరు నెలల పసిపాప వాణి మాత్రం సేఫ్ గా, ఆరొగ్యంగానే ఉంది. ఆస్పత్రిలో చికిత్స పొందుతోంది.

Crime· 13 Jun 2026

కెరీర్ ఆశ చూపి మూడేళ్లుగా అత్యాచారం!

మహారాష్ట్రలో ఒక షాకింగ్ ఇన్సిడెంట్ వెలుగులోకి వచ్చింది. అభిజిత్ మెండల్ అనే 36 ఏళ్ల ప్రైవేట్ ఫుట్‌బాల్ కోచ్, తన అకాడమీలో చేరిన 17 ఏళ్ల మైనర్ క్రీడాకారిణిపై కెరీర్‌లో పెద్ద అవకాశాలు ఇప్పిస్తానని నమ్మించి మూడేళ్లుగా అత్యాచారానికి పాల్పడ్డాడు. అంతేకాకుండా ఆమె అభ్యంతరకర వీడియోలు తీసి సోషల్ మీడియాలో పెడతానంటూ బ్లాక్‌మెయిల్ చేశాడు. ఈ మానసిక వేధింపులు తట్టుకోలేక బాధితురాలు ఫ్యామిలీకి చెప్పడంతో, పోలీసులు కోచ్‌ను పోక్సో చట్టం కింద అరెస్ట్ చేశారు.

Crime· 13 Jun 2026

కరెంట్ షాక్‌తో తండ్రీకూతురు స్పాట్‌డెడ్

TG: హైదరాబాద్‌లోని అల్వాల్‌ పరిధిలో శుక్రవారం రాత్రి భారీ వర్షం కురిసింది. వర్షం ధాటికి టెలికాంకాలనీలో సందీప్‌‌ కారుపై ఓ పెద్ద చెట్టుకొమ్మ విరిగి పడింది. శనివారం ఉదయం కారుపై పడ్డ చెట్టుకొమ్మలను తొలగించేందుకు సందీప్‌ తన కుమార్తె రితికతో కలిసి ప్రయత్నించారు. కొమ్మలను లాగుతుండగా పచ్చికొమ్మలు పక్కనే ఉన్న హైవోల్టేజ్ కరెంట్ వైర్లు తగిలాయి. చెట్టుకొమ్మల ద్వారా విద్యుత్ ప్రసారమవ్వడంతో తండ్రీకూతురు కరెంట్ షాక్‌కు గురై అక్కడికక్కడే ప్రాణాలు కోల్పోయారు. వీరిని కాపాడేందుకు సందీప్‌ భార్య శ్వేత ప్రయత్నించగా, ఆమె కూడా షాక్‌కు గురై స్వల్ప గాయాలతో బయటపడ్డారు.

Crime· 13 Jun 2026

రూ.20 కోసం గొడవ.. ఒకరు మృతి

AP: అనంతపురం రూరల్ మండలం పాపంపేటలో శేఖర్ అనే వ్యక్తి కూరగాయ దుకాణం నిర్వహిస్తున్నాడు. మద్యంమత్తులో ఉన్న ఇద్దరు యువకులు శేఖర్ వద్ద కూరగాయలు కొనుగోలు చేసేందుకు వచ్చారు. బిల్లు రూ.120 కాగా, యువకులు రూ.500 నోటు ఇవ్వడంతో శేఖర్ రూ.380 తిరిగిచ్చాడు. ఇంకా రూ.20 ఇవ్వాలని యువకులు అడగటంతో వ్యాపారి ఇవ్వలేదు. మాటామాటా పెరిగి శేఖర్‌పై యువకులు దాడిచేశారు. గొడవపెద్దిది కావడంతో పక్కనున్న ట్యాక్సీ డ్రైవర్ బెస్త చంద్ర(55) జోక్యం చేసుకుని గొడవ ఆపాలని సర్దిచెప్పాడు. మద్యంమత్తులో ఉన్న యువకులు అతడిపై దాడిచేశారు. చంద్ర కుప్పకూలి మరణించాడు.

Crime· 13 Jun 2026

NIMS లో బాలికపై లైంగికదాడికి యత్నం

TG: హైదరాబాద్‌లోని NIMS ఆస్పత్రి ప్రాంగణంలో ఓ బాలికపై లైంగికదాడి యత్నించిన ఘటన కలకలం రేపింది. పంజాగుట్ట నిమ్స్‌ హాస్పిటల్ ప్రాంగణంలో నూతన భవనాల నిర్మాణం జరుగుతుంది. అదే సైటులో ఓ కుటుంబం నిర్మాణ పనులు చేస్తూ అక్కడే నివాసం ఉంటున్నారు. తల్లిదండ్రులు లేని సమయంలో ఓ వ్యక్తి బాలికను వారు ఉంటున్న గదిలోకి తీసుకెళ్లి లైంగికదాడికి యత్నించాడు. బాలిక కేకలు వేయడంతో నిందితుడు అక్కడి నుంచి పరారయ్యాడు. నిందితుడు శంభు బండారిగా పోలీసులు గుర్తించారు. పోక్సో కేసు నమోదు చేసి దర్యాప్తు చేపట్టారు. నిందితుడి కోసం గాలిస్తున్నారు.

Crime· 13 Jun 2026

వనస్థలిపురంలో అక్రమ లింగ నిర్ధారణ రాకెట్ భగ్నం

TG: హైదరాబాద్‌ వనస్థలిపురం పరిధిలోని హయగ్రీవ హాస్పిటల్‌లో అక్రమంగా లింగ నిర్ధారణ పరీక్షలు చేస్తున్నారనే సమాచారంతో పోలీసులు డికాయ్ ఆపరేషన్ నిర్వహించారు. హాస్పిటల్ డైరెక్టర్ కొర్ర రాజు, రిసెప్షనిస్ట్ లోకేష్‌తో పాటు తుక్కుగూడ శ్రీసాయి ధనుష్ క్లినిక్ ల్యాబ్ టెక్నీషియన్ విజయ్ కుమార్‌ను అరెస్ట్ చేశారు. వనస్థలిపురం పోలీసులకు అందిన సమాచారం మేరకు మహిళా పోలీసును డికాయ్‌గా హయగ్రీవ హాస్పిటల్‌కు పంపారు. ముగ్గురిని అరెస్ట్ చేశారు. PCPNDT చట్టం ప్రకారం గర్భంలోని శిశువు లింగాన్ని తెలియజేయడం నేరం.

Crime· 13 Jun 2026

యువకుడిపై కొడవళ్లతో దాడి

AP: అనంతపురం జిల్లాలో బుక్కరాయసముద్రం మండలం బొమ్మలాటపల్లి సమీపంలో ఓ యువకుడిపై గుర్తుతెలియని వ్యక్తులు కొడవళ్లతో దాడి చేశారు. ఈ దాడిలో చెన్నంపల్లి గ్రామానికి చెందిన ఆచారి మణికంఠ అనే యువకుడు తీవ్రంగా గాయపడ్డాడు. స్థానికులు వెంటనే 108 అంబులెన్స్‌కు సమాచారం అందించారు. తీవ్ర రక్తస్రావమైన మణికంఠను చికిత్స నిమిత్తం అనంతపురం గవర్నమెంట్ హాస్పిటల్‌కు తరలించారు. ఈ దాడికి పాత కక్షలు కారణమా? లేక మరేదైనా వివాదం ఉందా? అనే కోణంలో పోలీసులు విచారణ చేస్తున్నారు. కేసు నమోదు చేసుకుని దర్యాప్తు చేపట్టారు.