Education

Education· 18 Jul 2026

చిన్నారి ముక్కులో చాక్‌పీస్

TG: మేడ్చల్ జిల్లా నూతన్‌కల్ ప్రాథమిక పాఠశాలలో ఓ చిన్నారి చాక్‌పీస్‌ను ముక్కులో పెట్టుకుని ఇబ్బందికి గురైంది. 1వ తరగతి చదువుతున్న విద్యార్థిని పరిస్థితిని గమనించిన ఉపాధ్యాయులు వెంటనే 108 అంబులెన్స్‌కు సమాచారం అందించారు. హుటాహుటిన ఘటన స్థలానికి చేరుకున్న 108 EMT యాదమ్మ, పైలట్ తిరుపతి చాకచక్యంగా చిన్నారి ముక్కులో ఇరుక్కున్న చాక్‌పీస్‌ను సురక్షితంగా తొలగించారు. దీంతో ప్రమాదం తప్పి చిన్నారి క్షేమంగా బయటపడింది. సమయానికి స్పందించి ప్రాణాపాయం తప్పించిన వైద్య సిబ్బందికి చిన్నారి తల్లిదండ్రులు, పాఠశాల ఉపాధ్యాయులు కృతజ్ఞతలు తెలిపారు.

Education· 18 Jul 2026

స్టీలు ప్లేటులో పర్యావరణ పాఠం

TG: పాఠాలు చెప్పడమే కాదు..ఆచరించి చూపించి విద్యార్థులకు నేర్పుతాం అంటున్నారు సంగారెడ్డి జిల్లా ఉపాధ్యాయులు. జిల్లా స్థాయి శిక్షణలో టీచర్లు తమ విద్యార్థులకు పర్యావరణ పరిరక్షణపై అవగాహన అందించేందుకు లంచ్ టైంలో ఇంటి నుండి తెచ్చుకున్న స్టీల్ ప్లేట్లలో తిన్నారు. ఇళ్ల నుంచే స్టీల్ ప్లేట్స్, గ్లాసులు, బాటిళ్లు తెచ్చుకోవాలని పిల్లలకు చెప్పారు. సింగిల్ యూజ్ ప్లాస్టిక్ విడిచిపెట్టి, పర్యావరణరహితమైన వస్తువులనే వాడాలని తెలిపారు.

▶

Education· 18 Jul 2026

ఒక్క ఫిర్యాదుతో హాస్టల్‌కు వెళ్లిన CM విజయ్

తమిళనాడు CM విజయ్ తనదైన స్టైల్‌లో పాలనను చూపిస్తున్నారు. హాస్టల్‌లో భోజనం నాణ్యత సరిగ్గా లేదంటూ ఓ విద్యార్థి సీఎంకు ఫిర్యాదు చేశాడు. దీంతో స్పందించిన విజయ్ వెంటనే హాస్టల్ విద్యార్థులతో సమావేశమయ్యారు. వారి సమస్యలను అడిగి తెలుసుకున్నారు. హాస్టల్ వార్డెన్, వాచ్‌మెన్ల ప్రవర్తన బాగాలేదని, CCTV కెమెరాలు పనిచేయడం లేదని, నీటి సమస్యలు ఉన్నాయని వారు తెలిపారు. విద్యార్థులు చెప్పిన ప్రతి సమస్యను విన్న ఆయన, సమస్యలను వెంటనే పరిష్కరించాలని అధికారులను ఆదేశించారు.

▶

Education· 18 Jul 2026

జంతర్ మంతర్ వద్ద అభిజీత్ దీప్కే నిరసన

ఢిల్లీలోని జంతర్ మంతర్ నుంచి సామాజిక కార్యకర్త సోనమ్ వాంగ్‌చుక్‌ను ఢిల్లీ పోలీసులు బలవంతంగా తీసుకువెళ్లారని CJP వ్యవస్థాపకుడు అభిజీత్ దీప్కే ఆరోపించారు. ఈ సందర్భంగా వందలాది మంది యువతతో ఆయన శాంతియుత నిరసన చేపట్టారు. ఈ సందర్భంగా మాట్లాడుతూ.. నీట్, తదితర ఉద్యోగ, ప్రవేశ పరీక్షల్లో చోటుచేసుకుంటున్న అక్రమాలు, పేపర్ లీకేజీలపై కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేశారు. ఈ నెల 20న పార్లమెంట్‌ను ముట్టడించనున్నట్లు తెలిపారు. పేపర్ లీక్‌లపై తమ పోరాటం ఆగదన్నారు.

▶

Education· 18 Jul 2026

వాంగ్‌చుక్ దీక్ష భగ్నం.. ఆస్పత్రికి తరలింపు

నీట్ పేపర్ లీకేజీ వ్యవహారంలో కేందమంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ సామాజిక కార్యకర్త సోనమ్ వాంగ్‌చుక్ ఢిల్లీలోని జంతర్ మంతర్ వద్ద చేస్తున్న దీక్షను పోలీసులు భగ్నం చేశారు. ఆయన ఆరోగ్య పరిస్థితిపై ఢిల్లీ హైకోర్టు ఆందోళన వ్యక్తం చేయడంలో ఈ చర్యలు తీసుకున్నట్లు స్పష్టం చేశారు. వైద్య పరీక్షల కోసం ఆయనను ఆస్పత్రికి తరలించినట్లు తెలిపారు. నీట్, ఇతర పరీక్షల ప్రశ్నపత్రాల లీక్, అవకతవకలపై సమగ్ర విచారణ జరపాలని, కేంద్ర విద్యాశాఖ మంత్రి రాజీనామా చేయాలని వాంగ్‌చుగ్ జూన్ 28న నిరవధిక దీక్ష ప్రారంభించిన విషయం తెలిసిందే.

Education· 17 Jul 2026

సోనమ్ వాంగ్‌చుక్ హెల్త్ కండిషన్ సీరియస్!

సోనమ్ వాంగ్‌చుక్ గత 20 రోజులుగా నిరాహార దీక్ష (Hunger Strike) చేస్తున్నారు. ఇన్ని రోజులుగా ఫుడ్ తీసుకోకపోవడంతో ఆయన హెల్త్ చాలా పాడైంది. ప్రస్తుతం బెడ్‌పై ఉన్న ఆయనకు డాక్టర్లు ECG లాంటి మెడికల్ టెస్టులు చేస్తూ హెల్త్‌ను చెక్ చేస్తున్నారు. ఈ ఫొటోలు సోషల్ మీడియాలో వైరల్ అవ్వడంతో.. తన ప్రాణాలను రిస్క్‌లో పెట్టి మరీ దేశాన్ని మేల్కొల్పుతున్నాడంటూ నెటిజన్లు ఎమోషనల్ అవుతున్నారు.

▶

Education· 17 Jul 2026

చదువు కోసం ప్రాణాలు రిస్క్ లో పెడుతున్న స్కూల్ స్టూడెంట్స్!

ఎడ్యుకేషన్ కోసం పిల్లలు ప్రాణాలను రిస్క్‌లో పెడుతున్న హార్ట్ బ్రేకింగ్ వీడియో వైరల్ అవుతోంది. మధ్యప్రదేశ్ హర్దా జిల్లా రామ్‌పుర గ్రామంలో బ్రిడ్జ్ లేకపోవడంతో, స్టూడెంట్స్ ప్రతిరోజూ టైర్ ట్యూబ్‌ల సహాయంతో నది దాటాల్సి వస్తోంది. తాడు పట్టుకుని, ట్యూబ్‌లపై కూర్చుని చాలా డేంజరస్‌గా నది క్రాస్ చేస్తున్నారు. దేశంలో డెవలప్‌మెంట్ గురించి ఎంత గొప్పగా చెప్పుకున్నా, రియాలిటీలో ఇలాంటి దారుణమైన పరిస్థితులు ఉండటం బాధాకరం. పిల్లల సేఫ్టీ, చదువు గవర్నమెంట్స్ కనీస బాధ్యత అని, ఈ వీడియో చూసైనా అధికారులు మారాలని నెటిజన్లు ఫుల్ ఫైర్ అవుతున్నారు.

Education· 17 Jul 2026

అమెరికా వెళ్లే స్టూడెంట్స్‌కి బ్యాడ్ న్యూస్.. వీసా రూల్స్ చేంజ్!

అమెరికాలో చదువుకునే ఇంటర్నేషనల్ స్టూడెంట్స్‌కి అక్కడి గవర్నమెంట్ పెద్ద షాక్ ఇచ్చింది. గతంలో F-1 వీసా ఉన్నవాళ్లు కోర్సు పూర్తయ్యే వరకు ఉండేందుకు ఛాన్స్ ఉండేది. కానీ ఇప్పుడు ఆ రూల్ మార్చేసి, కేవలం 4 ఇయర్స్ మాత్రమే ఉండేలా టైమ్ లిమిట్ పెట్టారు. ఆ తర్వాత కూడా ఉండాలంటే మళ్లీ పర్మిషన్ తీసుకోవాల్సిందే. ఈ కొత్త డెసిషన్ వల్ల అమెరికాలో ఉన్న దాదాపు 3.3 లక్షల మంది ఇండియన్ స్టూడెంట్స్ ఫుల్ టెన్షన్ పడుతున్నారు.

Education· 17 Jul 2026

మూసీ నుంచి చికాగో దాకా.. హిస్టరీ ఛేదిస్తున్న మిలింద్

24 ఏళ్ల హైదరాబాదీ కెమెరాతో చరిత్రకు జీవం పోస్తున్నాడు. అమెరికాలో MA హిస్టరీ చేస్తున్న రాహుల్ మిలింద్.. తనే స్టోరీ, కెమెరా, మ్యూజిక్, డైరెక్షన్ చేస్తూ 3 డాక్యుమెంటరీస్ తీశాడు. మూసీ చరిత్ర, 1984 సిక్కుల ఊచకోత డాక్యుమెంటరీస్ జైపూర్ ఫిల్మ్ ఫెస్టివల్ అవార్డ్స్ గెలిచాయ్. దక్షిణాసియా నుంచి చికాగోకు వలస వెళ్లిన వారి అనుభవాలతో తీసిన "The Shape of Belonging" జులై 18న చికాగో సౌత్ ఏషియా ఇన్ స్టిట్యూట్లో ప్రదర్శిస్తున్నారు. రామచంద్ర గుహ శిష్యుడైన రాహుల్ మిలింద్ తెలంగాణ ఉద్యమకారుడు, అంబేడ్కర్ ఓపెన్ యూనివర్సిటీ VC ఘంటా చక్రపాణి కుమారుడు.

Education· 17 Jul 2026

నీట్‌లో తెలంగాణ స్టూడెంట్‌కు 13వ ర్యాంకు

TG: నేషనల్ టెస్టింగ్ ఏజెన్సీ నిర్వహించిన నీట్ ఎంట్రన్స్ ఎగ్జామ్ రిజల్ట్స్ గురువారం రాత్రి విడుదలయ్యాయి. మొత్తం 5,440 పరీక్షల కేంద్రాల ద్వారా దాదాపు 20 లక్షల మంది స్టూడెంట్స్ ఈ పరీక్షకు హాజరయ్యారు. రెండు తెలుగు రాష్ట్రాల నుంచి 65,087 మంది విద్యార్థులు ఈ పరీక్ష రాశారని ఎన్‌టీఏ ప్రకటించింది. వీరిలో తెలంగాణలోని హనుమకొండకు చెందిన వీరయ్యగారి సహ్యు 720కి గానూ 705 మార్కులుతో ఆలిండియాలో 13వ ర్యాంకు సాధించాడని ఎస్‌ఆర్ విద్యాసంస్థల చైర్మన్ ఏ.వరదారెడ్డి తెలిపారు.

Education· 17 Jul 2026

'తల్లికి వందనం' పథకంపై Big Update

AP: తల్లికి వందనం పథకం డబ్బులు జూలై 22న లబ్ధిదారుల అకౌంట్లలో జమ కానున్నాయి. డబ్బులు రావాలంటే ఆధార్‌ను బ్యాంక్ అకౌంట్‌తో లింక్ చేయడం, NPCI మ్యాపింగ్ పూర్తి చేయడం తప్పనిసరి అని ప్రభుత్వం తెలిపింది. ఇవి పూర్తి కాకపోతే అకౌంట్‌లో డబ్బులు పడవని అధికారులు హెచ్చరించారు. ఈసారి 42,70,902 మందికి ఈ పథకం కింద లబ్ధి చేకూరనుంది.

▶

Education· 17 Jul 2026

చనిపోతే దయ్యమై వస్తా: సోనమ్ వాంగ్‌చుక్

19రోజులుగా నిరాహార దీక్షలో ఉన్న సోనమ్ వాంగ్‌చుక్ ఇంట్రెస్టింగ్ కామెంట్స్ చేశారు. అతని హెల్త్ బాగా వీక్ అయినప్పడికి కూడా తన హ్యుమర్‌ని కోల్పోలేదు. జూలై 20న అందరం కలిసి పార్లమెంట్‌కు పాదయాత్ర చేద్దామని పిలుపునిచ్చారు. అప్పటివరకు తాను ఎలాగైనా బతికే ఉంటానని.. ఒకవేళ జూలై 20 మార్చ్ సక్సెస్ కాకపోతే, తాను చనిపోయి దయ్యంగానైనా తిరిగి వస్తానంటూ నవ్వుతూ కామెంట్ చేశారు. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది.

Education· 17 Jul 2026

కల్మా హోంవర్క్ ఘటనపై NHRC సీరియస్

TG: హైదరాబాద్ సైదాబాద్‌లోని సక్సెస్ స్కూల్‌లో విద్యార్థులతో కల్మా చదివిస్తున్నట్లు ఫిర్యాదు చేయడంతో పోలీసులు కేసు నమోదు చేశారు. ఈ ఘటనపై NHRC సీరియస్ అయింది. ఇది మానవ హక్కుల ఉల్లంఘన కిందికి వస్తుందని తెలిపింది. మత బోధనలపై స్కూల్ వివరణ ఇవ్వాలని కోరింది. హైదరాబాద్ CP, కలెక్టర్, DEOలకు నోటీసులు ఇచ్చి రెండు వారాల్లో నివేదిక ఇవ్వాలని ఆదేశించింది. 2వ తరగతి విద్యార్థి డైరీలో ఖురాన్ చదవాలంటూ టీచర్ హోంవర్క్ ఇవ్వడంతో అతడి పేరెంట్స్ స్కూల్‌ యాజమాన్యాన్ని నిలదీసి పోలీసులకు ఫిర్యాదు చేశారు.

Education· 16 Jul 2026

9వ తరగతిలో 'థర్డ్ లాంగ్వేజ్' వద్దన్న సుప్రీంకోర్టు!

9వ తరగతి విద్యార్థులకు మూడో భాషను తప్పనిసరి చేయడంపై సుప్రీంకోర్టు అభ్యంతరం వ్యక్తం చేసింది. బోర్డు ఎగ్జామ్స్‌కి ప్రిపేర్ అయ్యే ఈ కీలక దశలో కొత్త లాంగ్వేజ్ నేర్పించడం స్టూడెంట్స్‌పై ఎక్స్‌ట్రా ప్రెజర్ పెంచుతుందని కేంద్రానికి సూచించింది. CBSE తీసుకొచ్చిన త్రీ-లాంగ్వేజ్ పాలసీని సవాలు చేస్తూ దాఖలైన పిటిషన్‌పై కోర్టు ఈ కామెంట్స్ చేసింది. చిన్న క్లాసెస్ నుంచే దీన్ని అమలు చేస్తే బెటర్ అని కోర్టు అభిప్రాయపడింది. దీనిపై తదుపరి విచారణలో కేంద్రం, CBSE తమ డెసిషన్‌ను చెప్పనున్నాయి.

▶

Education· 16 Jul 2026

గురుకులంలో నీటి కష్టాలు

TG: మహబూబాబాద్ జిల్లా కొత్తగూడ మండలం గాంధీనగర్‌లోని సోషల్ వెల్ఫేర్ బాలికల గురుకుల పాఠశాల విద్యార్థినులు నీటి సమస్య తీర్చాలంటూ ధర్నా చేశారు. గత నెల రోజులుగా నీటి సమస్యతో తీవ్ర ఇబ్బందులు పడుతున్నామని ఆవేదన వ్యక్తం చేశారు. కనీసం బాత్రూంలో శుభ్రం చేయడానికి కూడా నీరు లేక గురుకుల పాఠశాల సిబ్బంది తమను ఇబ్బంది పెడుతున్నారన్నారు. పది పది రూపాయలు చెల్లిస్తేనే రిపేర్ చేపిస్తామని HM చెప్పినట్లు వారు వాపోయారు. వెంటనే నీటి సమస్యను పరిష్కరించాలని రోడ్డుపై భైఠాయించి నిరసన తెలిపారు.

Education· 15 Jul 2026

స్టూడెంట్స్ బీ అలర్ట్!

తెలంగాణలోని విద్యాసంస్థల్లో డ్రగ్స్‌ను పూర్తిగా అరికట్టేందుకు DGP C.V. ఆనంద్ 'ఈగల్' అధికారులతో రివ్యూ మీటింగ్ నిర్వహించారు. క్యాంపస్‌లలో 'Zero Tolerance' పాలసీని కచ్చితంగా అమలు చేయాలని ఆదేశించారు. ప్రతి కాలేజ్, స్కూల్‌లో 'Anti-Drugs and Safety Committees' తో పాటు ఒక 'Safety Coordinator'ని తప్పనిసరిగా నియమించాలి. రూల్స్ బ్రేక్ చేసే కాలేజీల గుర్తింపును రద్దు చేస్తామని హెచ్చరించారు. త్వరలోనే డ్రగ్స్ రహిత తెలంగాణ కోసం 'SOPs' రిలీజ్ చేయనున్నారు. స్టూడెంట్స్ కోసం సైకాలజిస్ట్‌లు, కౌన్సెలర్స్ సేవలు కూడా అందుబాటులో ఉంటాయి.

▶

Education· 15 Jul 2026

హాస్టల్‌లో ఉండలేక బయటకు వచ్చిన విద్యార్థులు

మంచిర్యాల జిల్లా చెన్నూరు మహాత్మా జ్యోతిబాపూలే గురుకులంలో వసతుల సమస్యలతో ఇంటర్ సెకండియర్ విద్యార్థులు హాస్టల్ విడిచి బయటకు వచ్చారు. మంగళవారం రాత్రి 17మంది స్టూడెంట్స్ ఎమ్మెల్యే సతీమణి సురేఖను కలిసి సమస్యలను వివరించారు. సమస్యలను విన్న సురేఖ, వారిని జిల్లా కోఆపరేటివ్ అధికారి శ్రీధర్‌కు అప్పగించి, సురక్షితంగా చెన్నూరుకు తరలించేలా చర్యలు తీసుకున్నారు. గురుకులంలో వసతులను కల్పించాలని అధికారులను ఆదేశించారు. ప్రభుత్వ పాఠశాల, గురుకులాల్లో వసతులు లేకపోవడం, ఫుడ్‌పాయిజన్ ఘటనలతో స్టూడెంట్స్ భయాందోళనకు గురవుతున్నారు.

Education· 15 Jul 2026

ట్యాలీపై ప్రత్యేక వర్క్‌షాప్ ప్రారంభం

TG: ఆధునిక వ్యాపార రంగంలో అకౌంటింగ్ విధానాలు వేగంగా మారుతున్నాయని, విద్యార్థులు సంప్రదాయ పరిజ్ఞానంతోపాటు ట్యాలీ వంటి నూతన అకౌంటింగ్ సాంకేతికతలను తప్పనిసరిగా నేర్చుకోవాలని VC ఉమేష్‌కుమార్ సూచించారు. కరీంనగర్‌లోని శాతవాహన యూనివర్సిటీ కామర్స్ డిపార్ట్‌మెంట్ ఆధ్వర్యంలో ప్రభుత్వ డిగ్రీ కళాశాలల కోసం నిర్వహించిన అకాడమిక్ ఎంపవర్‌మెంట్ ప్రోగ్రామ్‌లో ఆయన మాట్లాడారు. కంప్యూటరైజ్డ్ అకౌంటింగ్ యూజింగ్ ట్యాలీ ERP9 – ఏ స్కిల్ డెవలప్‌మెంట్ వర్క్‌షాప్ అనే 3రోజుల శిక్షణా కార్యక్రమం ప్రారంభమైంది.