Education

Education· 14 Jul 2026

విదేశీ విద్యార్థుల తొలి ఎంపికగా భారత్

విదేశీ విద్యార్థుల తొలి ఎంపికగా భారత్ మారుతోంది. భారత్‌కు ఉన్నత విద్య కోసం వచ్చే విదేశీ విద్యార్థుల్లో నేపాల్ (24.1%) తొలి స్థానంలో నిలిచింది. తర్వాత యూఏఈ (7%), అమెరికా (5.9%), బంగ్లాదేశ్ (5.9%), నైజీరియా (5.7%), జింబాబ్వే(4%) దేశాలు ఉన్నాయి. ఫారిన్ విద్యార్థులకు భారత్ ‘ఎడ్యుకేషన్ డెస్టినేషన్‌’గా మారుతున్నట్లు తాజా గణాంకాలు వెల్లడించాయి.

Education· 14 Jul 2026

పాఠశాలలో ఫుడ్ పాయిజన్

TG: రాష్ట్రంలో ఫడ్ పాయిజన్ ఘటనలు తీవ్ర ఆందోళనకు గురిచేస్తున్నాయి. వరంగల్ జిల్లా మామునూరులోని జ్యోతిబాపూలే పాఠశాలలో ఉదయం టిఫిన్ తిని 18 మంది విద్యార్థులు వాంతులు విరేచనాలతో అస్వస్థతకు గురయ్యారు. పాఠశాల సిబ్బంది వెంటనే విద్యార్థులను స్థానిక ఆసుపత్రికి తరలించారు. ప్రస్తుతం విద్యార్థుల పరిస్థితి నిలకడగా ఉందని పాఠశాల ప్రిన్సిపల్ వై.మనోహర్ రెడ్డి తెలిపారు. ఫుడ్ పాయిజన్ కావడానికి గల కారణాలపై ఆరా తీస్తున్నట్లు ఆయన పేర్కొన్నారు.

Education· 14 Jul 2026

కాలేజీల బంద్.. విద్యార్థులకు కీలక అలర్ట్

TG: పెండింగ్‌లో ఉన్న స్కాలర్‌షిప్స్, ఫీజు రియంబర్స్‌మెంట్ వెంటనే రిలీజ్ చేయాలని ABVP బంద్‌కు పిలుపునివ్వడంతో ఇవాళ కూడా రాష్ట్ర వ్యాప్తంగా కాలేజీలు మూతపడనున్నాయి. పెండింగ్‌లో ఉన్న రూ.12,000 కోట్ల ఫీజు రీయంబర్స్‌మెంట్, స్కాలర్‌షిప్ బకాయిలు వెంటనే విడుదల చేయాలని విద్యార్థి సంఘాల నాయకులు రాష్ట్ర వ్యాప్తంగా నిరసన తెలుపుతున్నారు. సుమారు 20 లక్షల మంది SC, ST, BC, మైనారిటీ విద్యార్థులపై ఫీజు రీయింబర్స్‌మెంట్ ప్రభావం పడుతోందని, ప్రభుత్వ వైఖరికి నిరసనగా జూనియర్ కాలేజీల నుంచి యూనివర్సిటీల వరకు బంద్ పాటించాలని ABVP పిలుపునిచ్చింది.

Education· 13 Jul 2026

బుక్ లవర్‌కి షాక్.. 10 వేల పుస్తకాలతో ఇల్లు ఖాళీ చేసే పరిస్థితి!

న్యూయార్క్‌కు చెందిన 31 ఏళ్ల బుక్ లవర్, పరిశోధకుడు మెండెల్ ఉమినర్ తన 600 చదరపు అడుగుల స్టూడియో అపార్ట్‌మెంట్‌లో ఏకంగా 10,000 పుస్తకాలు పెట్టుకున్నాడు. వాటి బరువు భవనం భద్రతకు, అగ్నిప్రమాదానికి ముప్పుగా మారొచ్చని యజమాని హెచ్చరించాడు. దీంతో పుస్తకాల సంఖ్య తగ్గించాలి లేదా ఇల్లు ఖాళీ చేయాలని చెప్పాడు. కానీ “ప్రతి పుస్తకం నా పనికే, ఇవే నా ప్రపంచం” అంటూ ఉమినర్ ఇల్లు ఖాళీ చేశాడు. ఈ బుక్ లవర్ స్టోరీ ఇప్పుడు సోషల్ మీడియాలో వైరల్ అవుతోంది.

Education· 13 Jul 2026

16వ రోజుకు చేరిన సోనమ్ వాంగ్‌చుక్ నిరాహార దీక్ష!

ఎడ్యుకేషన్ మినిస్టర్ ధర్మేంద్ర ప్రధాన్ రిజైన్ చేయాలంటూ సోనమ్ వాంగ్‌చుక్ చేపట్టిన నిరాహార దీక్ష 16వ రోజుకు చేరింది. దీనిపై CJP ఫౌండర్ అభిజీత్ దీప్కే స్పందిస్తూ.. ప్రభుత్వం దీన్ని 'ఈగో' సమస్యగా మార్చవద్దని, ఇక్కడ హ్యూమన్ లైవ్స్ ముఖ్యం అని ట్వీట్ చేశారు. తప్పును ఒప్పుకోవడం బలహీనత కాదు, అకౌంటబిలిటీకి నిదర్శనమని పేర్కొన్నారు. స్టూడెంట్స్ ప్రయోజనాల కోసం ప్రభుత్వం వెంటనే స్పందించి, బాధ్యతగా వ్యవహరించాలని ఆయన కోరారు. మరోవైపు, రోజురోజుకూ క్షీణిస్తున్న వాంగ్‌చుక్ హెల్త్ కండిషన్‌పై ఇప్పుడు అందరిలో తీవ్ర ఆందోళన మొదలైంది.

Education· 12 Jul 2026

విద్యార్థులకు పురుగుల అన్నం

AP: కర్నూలు జిల్లా గూడూరు మండలం పెంచికలపాడు వద్దనున్న విశ్వభారతి మెడికల్ కాలేజీ హాస్టల్ విద్యార్థులకు పురుగుల అన్నం పెట్టడం కలకలం రేపింది. చాలారోజుల నుంచి ఎలాంటి శుభ్రత పాటించకుండా కాంట్రాక్టర్ నిర్లక్ష్యంగా వ్యవహరిస్తున్నారని హాస్టల్ విద్యార్థులు అధికారులకు కంప్లైంట్ ఇచ్చారు. దీంతో ఫుడ్ సేఫ్టీ అండ్ కంట్రోల్ అధికారులు కాలేజీ హాస్టల్‌లో తనిఖీలు నిర్వహించారు. పురుగులు పట్టిన 200 KGల బియ్యాని సీజ్ చేసినట్లు, రిపోర్టులు వచ్చాక కాంట్రాక్టర్‌పై చర్యలు తీసుకుంటామని ఫుడ్ సేఫ్టీ అధికారి రాజగోపాల్ రావు తెలిపారు.

Education· 11 Jul 2026

జంతర్ మంతర్ వద్ద ప్రకాష్ రాజ్!

ఢిల్లీలోని జంతర్ మంతర్ దగ్గర ఎడ్యుకేషన్ మినిస్టర్ ధర్మేంద్ర ప్రధాన్ రిజైన్ చేయాలని డిమాండ్ చేస్తున్న యువతకు సంఘీభావం తెలపడానికి నటుడు ప్రకాష్ రాజ్ వెళ్లారు. సోనమ్ వాంగ్‌చుక్ చేస్తున్న నిరసనకు ఆయన ఫుల్ సపోర్ట్ ఇచ్చారు. ఈ సందర్భంగా యువతతో కలిసి దిగిన ఫొటోలను షేర్ చేస్తూ, తన ఫేమస్ ట్యాగ్ '#justasking'ను యాడ్ చేస్తూ ట్వీట్ చేశారు.

Education· 11 Jul 2026

అమ్మ నోట్స్ తో ఐఐటీ డ్రీమ్ ఫుల్ !

బీహార్‌కు చెందిన 17 ఏళ్ల గుంజన్ కుమార్‌కు ఊపిరితిత్తి కుప్పకూలడం, 70% చూపు తగ్గడం, మూడు నెలలు బెడ్‌రెస్ట్... వరుస కష్టాలు ఎదురైనా IIT డ్రీమ్‌ను వదల్లేదు. ఆన్‌లైన్ క్లాసులకు అతని అమ్మ గుంజా కుమారి హాజరై, చేతితో నోట్స్ రాసి చదివించింది. ఆ కష్టమే ఫలించింది. ఇప్పుడు గుంజన్ IIT ఢిల్లీ అబుదాబి క్యాంపస్‌లో కంప్యూటర్ సైన్స్ సీట్ దక్కించుకుని అందరికీ స్ఫూర్తిగా నిలిచాడు.

Education· 10 Jul 2026

USFI ఆధ్వర్యంలో ప్రజాభవన్ ముట్టడి

TG: రాష్ట్రంలో విద్యారంగ సమస్యలను పరిష్కరించాలని వామపక్ష విద్యార్థి సంఘాలు నేడు బంద్‌కు పిలుపునిచ్చాయి. USFI నాయకులు హైదరాబాద్‌లోని ప్రజాభవనన్‌ను ముట్టడించారు. పెండింగ్‌లో ఉన్న స్కాలర్‌షిప్‌ను వెంటనే విడుదల చేయాలని రోడ్డుపై బైఠాయించి నిరసన వ్యక్తం చేశారు. ఈ సందర్భంగా పెద్దఎత్తున ప్రభుత్వానికి వ్యతిరేకంగా నినాదాలు చేశారు. విద్యార్థుల సమస్యలను CM రేవంత్ రెడ్డి పట్టించుకోవటం లేదని, విద్యార్థుల జీవితాలతో చెలగాటం ఆడుతున్నారన్నారు. పోలీసులు అక్కడికి చేరుకుని విద్యార్థి నేతలను అరెస్ట్ చేసి స్టేషన్‌కు తరలించారు.

Education· 10 Jul 2026

ప్రభుత్వ స్కూల్‌లో రోబో పాఠాలు

TG: రంగారెడ్డి జిల్లా జన్వాడ ZPHS పాఠశాలను దత్తత తీసుకుని దానిని ఒక మోడల్ స్కూల్‌గా తీర్చిదిద్దేందుకు HYDలోని ప్రముఖ ఇండస్ ఇంటర్నేషనల్ స్కూల్ ముందుకు వచ్చింది. తెలంగాణ విద్యాశాఖతో ఇండస్ ఇంటర్నేషనల్ స్కూల్ అవగాహన ఒప్పందం కుదుర్చుకుంది. 750మంది విద్యార్థులు ఉన్న జన్వాడ ZPHSను మోడల్ స్కూల్‌గా మార్చేందుకు నిర్ణయం తీసుకున్నారు. మౌలికవసతులతోపాటు విద్యా ప్రమాణాలను పెంచేందుకు ఇండస్ స్కూల్ ముగ్గురు ఉపాధ్యాయులను నియమించింది. అంతేకాకుండా, త్వరలోనే మూడు హ్యూమనాయిడ్ రోబోలను ప్రవేశపెట్టనున్నారు.

Education· 9 Jul 2026

కళాశాలకు తాళం వేసి ధర్నా

TG: నాగర్‌కర్నూలు జిల్లా కొల్లాపూర్ పట్టణంలోని PG కాలేజ్ విద్యార్థి పట్ల అసభ్యంగా ప్రవర్తించిన ప్రిన్సిపల్ మార్క్ పోలోనియస్‌ను వెంటనే విధుల నుంచి తొలగించాలని విద్యార్థులు, విద్యార్థి సంఘాల నాయకులు డిమాండ్ చేశారు. కళాశాలకు తాళం వేసి ప్రధాన రహదారిపై బైఠాయించి ధర్నా చేశారు. రోడ్డుపై వాహనాలు నిలిచిపోయి రాకపోకలకు అంతరాయం ఏర్పడింది. పోలీసులు, విద్యార్థి సంఘాల నాయకుల మధ్య వాగ్వాదం చోటుచేసుకుంది. TC కోసం కాలేజ్‌కు వచ్చిన విద్యార్థిపై ప్రిన్సిపల్ అనుచితంగా ప్రవర్తించడంతో ప్రతిఘటించి పోలీసులకు ఫిర్యాదు చేసిన విషయం తెలిసిందే.

Education· 9 Jul 2026

నీళ్ల కోసం రోడ్డెక్కిన స్టూడెంట్స్

TG: నీటి సమస్య పరిష్కరించాలని యూనివర్సిటీ స్టూడెంట్స్ రోడ్డెక్కారు. నిజామాబాద్ జిల్లా డిచ్‌పల్లిలో ఉన్న తెలంగాణ యూనివర్సిటీ (TU)లో నీటి సమస్యను పరిష్కరించాలని విద్యార్థినులు ప్రధాన రహదారిపై బైఠాయించి ధర్నా చేశారు. సమస్యపై యూనివర్సిటీ అధికారులకు ఎన్నిసార్లు విన్నవించినా పట్టించుకోవడం లేదని వారు వాపోయారు. దీంతో తీవ్ర ఇబ్బందులు ఎదుర్కొంటున్నామని, వెంటనే అధికారులు స్పందించి సమస్యను పరిష్కరించాలని కోరారు.

▶

Education· 9 Jul 2026

సోనమ్ వాంగ్‌చుక్ పిలుపు!

ఎడ్యుకేషన్ మినిస్టర్ రిజైన్ చేయాలని డిమాండ్ చేస్తూ, సూసైడ్ చేసుకున్న 20 మంది స్టూడెంట్స్ జస్టిస్ కోసం సోనమ్ వాంగ్‌చుక్ గత 12 రోజులుగా జంతర్ మంతర్ దగ్గర హంగర్ స్ట్రైక్ చేస్తున్నారు. ఇందులో భాగంగా జూలై 20న అందరినీ ఢిల్లీ రావాలని ఆయన పిలుపునిచ్చారు. పార్లమెంట్ మాన్‌సూన్ సెషన్స్ స్టార్ట్ అయ్యే ఆరోజున, అందరం కలిసి పార్లమెంట్‌కి పీస్‌ఫుల్ మార్చ్ చేద్దామని, MPని కలిసి పర్మనెంట్ సొల్యూషన్ అడుగుదామని ట్వీట్ చేశారు.

Education· 9 Jul 2026

AIతో ఔషధ పరిశోధనలకు కొత్త ఊపు

TG: భారతదేశ ప్రాచీన సాంప్రదాయ వైద్య విజ్ఞానాన్ని, కృత్రిమ మేధస్సుతో అనుసంధానించడం ద్వారా మానవాళికి ఉపయోగపడే అద్భుతమైన ఔషధాలను కనుగొనవచ్చని శాతవాహన యూనివర్సిటీ VC ఉమేష్ కుమార్ పేర్కొన్నారు. కరీంనగర్‌లోని SU పరిధిలో యూనివర్సిటీ కాలేజ్ ఆఫ్ సైన్స్ ఆధ్వర్యంలో "సహజ సిద్ధ ఔషధాల ఆవిష్కరణలో AI పాత్ర" అనే అంశంపై సదస్సు నిర్వహించారు. పరిశోధనల్లో ఇలాంటి నూతన సాంకేతికతలను విద్యార్థులు అందిపుచ్చుకోవాలని పిలుపునిచ్చారు. సహజ సిద్ధమైన మూలికా ఉత్పత్తులకు ప్రపంచవ్యాప్త గుర్తింపు రావాలంటే శాస్త్రీయమైన డేటా, పరిశోధనలు ఎంతో అవసరమన్నారు.

Education· 9 Jul 2026

విద్యార్థులకు AP ప్రభుత్వం గుడ్‌న్యూస్

AP ప్రభుత్వం గురుకులాల విద్యార్థులకు గుడ్‌న్యూస్ చెప్పింది. వారికి డైట్ ఛార్జీలను 10% పెంచుతూ డిసిషన్ తీసుకుంది. ఈ ఆర్థిక సంవత్సరం రెండో త్రైమాసికం నుంచి ఇది అమల్లోకి రానుంది. పెరిగిన ధరల దృష్ట్యా డైట్ ఛార్జీల పెంపుపై ఇటీవల CM చంద్రబాబు అధికారుల నుంచి నివేదిక కోరారు. వారి ప్రతిపాదనల్ని పరిశీలించి సచివాలయంలో సంక్షేమ శాఖలపై నిర్వహించిన సమీక్ష సందర్భంగా ఈ పెంపుపై నిర్ణయం తీసుకున్నారు. తాజా నిర్ణయంతో రాష్ట్రవ్యాప్తంగా అన్ని సంక్షేమ విభాగాల్లోని 6.52 లక్షల మంది విద్యార్థులకు లబ్ధి చేకూరనుంది.

▶

Education· 8 Jul 2026

ప్రిన్సిపాల్‌పై దాడి చేసిన స్టూడెంట్‌!

నిర్మల్ జిల్లా భైంసాలోని గోపాలరావు పాటిల్ గవర్నమెంట్ డిగ్రీ కాలేజీలో ఒక షాకింగ్ ఘటన జరిగింది. కాలేజీలో సెమిస్టర్ ఎగ్జామ్స్ జరుగుతుండగా, ఒక స్టూడెంట్ ఓపెన్‌గా చీటింగ్ చేస్తూ దొరికిపోయాడు. అది గమనించిన కాలేజీ ప్రిన్సిపాల్ వెంటనే అక్కడికి వచ్చి, ఆ స్టూడెంట్‌ని పట్టుకుని ఎగ్జామ్ రాయకుండా అడ్డుకున్నారు. దీంతో తీవ్ర కోపానికి గురైన ఆ స్టూడెంట్ అందరి ముందే ప్రిన్సిపాల్‌పై ఒక్కసారిగా దాడికి దిగాడు. ఈ ఇన్సిడెంట్‌పై ప్రిన్సిపాల్ ఇచ్చిన కంప్లైంట్ ఆధారంగా పోలీసులు ఆ స్టూడెంట్‌పై కేసు రిజిస్టర్ చేసి ఇన్వెస్టిగేషన్ స్టార్ట్ చేశారు.

Education· 8 Jul 2026

రెండేళ్ల నుంచి అక్కడ ఆఫీసే స్కూల్‌

TG: నారాయణపేట జిల్లా కృష్ణ మండల కేంద్రంలోని కన్నడ మీడియం ప్రాథమిక పాఠశాల భవనం రెండేళ్ల క్రితం పూర్తిగా కూలిపోయింది. దీంతో పాఠశాలను ఎత్తేయకుండా తాత్కాలికంగా స్థానిక MPDO ఆఫీసులోకి మార్చారు. కార్యాలయంలో ఉన్న నాలుగు గదుల్లో చెరి రెండు గదులను కేటాయించి 45మంది విద్యార్థులతో తరగతులు కొనసాగిస్తున్నారు. ప్రభుత్వం నుంచి రూ.60 లక్షల నిధులు మంజూరై ఏడాది గడుస్తున్నా, అధికారుల నిర్లక్ష్యంతో నేటికీ కొత్త భవన నిర్మాణ పనులు ప్రారంభించలేదు. నిధులు ఉండి కూడా అధికారుల నిర్లక్ష్యం వల్లే పనులు ప్రారంభం కావడంలేదని స్థానికులు ఫైరవుతున్నారు.

Education· 8 Jul 2026

అక్కడ అన్నం తినాలంటే కిలోమీటర్ నడవాల్సిందే

TG: కామారెడ్డి జిల్లా నస్రుల్లాబాద్ మండలం మీర్జాపూర్ గ్రామంలో ఒకే ప్రాంగణంలో ఉన్నత, ప్రాథమిక పాఠశాలలు ఉండేవి. రెండు స్కూళ్లకు చెందిన విద్యార్థులకు అక్కడే మధ్యాహ్న భోజనం వండి పెట్టేవారు. ఉన్నత పాఠశాల శిథిలావస్థకు చేరడంతో 2018లో బీర్కూర్ మండలం వీరాపూర్‌‌లో కొత్త భవనాన్ని నిర్మించి బడిని అక్కడికి మార్చారు. కానీ 8ఏళ్లు దాటినా వంటగది నిర్మించలేదు. దీంతో డైలీ 100మందికి పైగా విద్యార్థులు భోజనం కోసం మధ్యాహ్నం దాదాపు 1 KM దూరంలో ఉన్న పాత స్కూల్‌కు ప్లేట్స్ పట్టుకుని వెళ్తున్నారు. అక్కడ తినేందుకు ప్లేస్ కూడా లేకపోవడంతో భోజనం తీసుకుని తిరిగి కొత్త బడికి వచ్చి తింటున్నారు.