Local

Local· 18 Apr 2026

కేంద్ర ప్రభుత్వ ఉద్యోగులకు గుడ్ న్యూస్

కేంద్ర ప్రభుత్వ ఉద్యోగులకు, పెన్షనర్లకు ప్రభుత్వం గుడ్ న్యూస్ చెప్పింది. 2 శాతం డీఏ పెంచాలని నిర్ణయించింది. కేంద్ర కేబినెట్ దీనికి ఆమోద ముద్ర వేసింది. ఆరు నెలలకి ఒకసారి ప్రభుత్వం డీఏని సవరిస్తుంది. ప్రతీ ఏడాది జనవరి, జులైలో ఈ పెంపు ఉంటుంది. ఈ సారి జనవరిలో పెంపు ప్రకటన రాకపోవడంతో ఇప్పటికే ఉద్యోగుల్లో ఆందోళన నెలకొంది.

▶

Local· 18 Apr 2026

మంటల్లో ఏసీ బస్సు దగ్ధం.. ప్రయాణికులు సురక్షితం

హైదరాబాద్ లో ఘోర బస్సు ప్రమాదం నుంచి 18 మంది ప్రయాణికులు సురక్షితంగా బయట పడ్డారు. శ్రీ దుర్గా మహేశ్వరి ట్రావెల్స్ కి చెందిన ఏసీ బస్సు KPHB దగ్గర మంటల్లో చిక్కుకుంది. మియాపూర్ నుంచి పాలకొల్లు వెళుతుండగా శుక్రవారం రాత్రి ఈ ప్రమాదం జరిగింది. బస్సులో సిబ్బంది వెంటనే స్పందించి అందులో ఉన్న 18 మంది ప్రయాణికుల్ని దించేయడంతో పెను ప్రమాదం తప్పింది. ప్రమాదానికి కారణాలేంటో ఇంకా తెలియాల్సి ఉంది.

Local· 18 Apr 2026

మీరేం తింటారు ? అన్నమా, జొన్నలా

కేంద్రం చేపట్టిన జనాభా లెక్కల్లో ఈ ప్రశ్న కూడా అడుగుతున్నారు. ప్రజల ఆహార అలవాట్లు కూడా తెలుసుకుంటున్నారు. వరి అన్నం, గోధుమ రొట్టెలు కాకుండా జొన్నలు, సజ్జలు వంటి చిరుధాన్యాలేమైనా తింటున్నారా అన్న ప్రశ్న కూడా సెన్సస్ లెక్కల్లో ఉంది. ఇలా ప్రజల ఆహారపు అలవాట్లను తెలుసుకొని వాటి ఆధారంగా రేషన్ కార్డుల్ని పంపిణీ చేయాలన్నదే కేంద్రం ఆలోచనగా ఉంది. రేషన్ కార్డులపై ఇప్పటివరకు బియ్యం, గోధుమలే సరఫరా చేస్తున్నారు. ఇకపై చిరు ధాన్యాలు కూడా పంపిణీ చేయడానికి కేంద్రం కసరత్తు చేస్తోంది.

Local· 17 Apr 2026

ఉప్పల్ మెట్రోలో బాంబుల కలకలం !!

ఉప్పల్ మెట్రో డస్ట్‌బిన్‌లో ఏవో అనుమానాస్పద వస్తువులు కనిపించేసరికి అందరూ Bomb అనుకుని Panic అయ్యారు. వెంటనే పోలీసులు ఎంట్రీ ఇచ్చి చెక్ చేస్తే, అవి జస్ట్ సెలబ్రేషన్ టపాకాయలని తేలింది. దాంతో అందరూ Huge relief ఫీలయ్యారు. మొత్తానికి ఆ False alarm తో కాసేపు అందరికీ టెన్షన్ హై రేంజ్లో పెరిగిపోయింది. తీరా అవి మామూలు టపాసులని తేలాక కూల్ బ్రో అనుకున్నారంతా...

▶

Local· 17 Apr 2026

డిపాజిట్ స్లిప్ రాస్తూ అక్కడే కుప్పకూలి!!

బ్యాంక్ లో డబ్బులు డిపాజిట్ చేయడానికి వచ్చి డిపాజిట్ స్లిప్ లో వివరాలు రాస్తూ అలాగే కూర్చున్న చోట నుండి కిందపడిపోయి మృతి చెందారు..! నాచారంలో రిటైర్డు ఉద్యోగి లక్ష్మీనారాయణ బుధవారం హబ్సిగూడలోని పంజాబ్ నేషనల్ బ్యాంక్ లో డబ్బులు డిపాజిట్ చేయడానికి వచ్చి హార్ట్ ఎటాక్ రావడంతో కుప్పకూలి పోయారు.. బ్యాంక్ సిబ్బంది హాస్పిటల్ కు తరలించగా అప్పటికే ఆయన మృతి చెందినట్లుగా వైద్యులు చెప్పారు..! ఎండాకాలం పెద్దవాళ్లని సాధ్యమైనంతవరకు బయటకు వెళ్లనీయకపోవడమే మంచిది..!

▶

Local· 17 Apr 2026

రామాయణాన్ని అవమానించిన ప్రకాశ్ రాజ్, కేసు నమోదు

నటుడు ప్రకాష్ రాజ్ కేరళ లిటరేచర్ ఫెస్టివల్‌లో రామాయణాన్ని అపహాస్యం చేస్తూ వివాదాన్ని రేపారు. రాముడు నార్త్ ఇండియన్ అని , రావణుడు దక్షిణాదికి చెందిన గిరిజన రాజు అని చెప్పారు. రామ లక్ష్మణులు రావణుడికి చెందిన పొలంలో పళ్లు దొంగతనం చేయడం వల్లే యుద్ధం జరిగిందంటూ రామాయణాన్ని వక్రీకరించారు. ప్రకాశ్ రాజ్ హిందువుల మనోభావాలు దెబ్బతీయడమే కాకుండా ప్రాంతీయ విభేదాలు రేపారంటూ ఢిల్లీ అడ్వకేట్ అమితా సచ్ దేవ ఆయనపై కేసు పెట్టారు.

Local· 17 Apr 2026

బాబోయ్ ఎండలు 6 రోజులు బయటకి రావొద్దు

తెలంగాణ నిప్పుల కొలిమిలా మారింది. ఎండల తీవ్రతతో పాటు వడగాలులు నమోదయ్యాయి. మరో 6 రోజులు ఎండలు దంచికొడతాయని హైదరాబాద్ వాతావరణ శాఖ హెచ్చరించింది. ఉదయం 11 నుంచి సాయంత్రం 4 గంటలవరకు వేడి గాలులు వీచే అవకాశం ఉందని, ఆ సమయంలో బయటకు రావడం మంచిది కాదని సూచించింది. బయటకు వెళ్లాల్సి వస్తే చెవుల్లోకి వేడి గాలులు వెళ్లకుండా తలకి రుమాలు ధరించి, నల్ల కళ్లద్దాలు పెట్టుకోవాలని, డీ హైడ్రేషన్ అవకుండా అరగంటకోసారి మంచినీళ్లు తాగాలని నిపుణులు సూచిస్తున్నారు.

▶

Local· 16 Apr 2026

జాబ్ వద్దు.. అడుక్కోవడమే ముద్దు!

సోషల్ మీడియాలో ఒక ఆసక్తికరమైన వీడియో వైరల్ అవుతోంది. రోడ్డు పక్కన అడుక్కుంటున్న మహిళలను ఒక యువతి నిలదీసింది. వారికి నెలకు 5,000 వేల రూపాయల జీతంతో జాబ్ ఇస్తానని ఆఫర్ చేసింది. కానీ, ఆ మహిళలు ఆ పనిని నిరాకరించి తిరిగి అడుక్కోవడమే మొదలుపెట్టారు.

Local· 16 Apr 2026

LeT కో ఫౌండర్ హమ్జాపై లాహోర్ లో కాల్పులు

లష్కరే తోయిబా (LeT) ఉగ్రవాద సంస్థ కో ఫౌండర్ అమీర్ హమ్జాపై గుర్తు తెలియని దుండగులు కాల్పులు జరిపారు. ఈ దాడిలో హమ్జా తీవ్రంగా గాయపడితే అతనిని ఆస్పత్రిలో చేర్పించారు. ప్రస్తుతం అతని పరిస్థితి అత్యంత విషమంగా ఉన్నట్లు తెలుస్తోంది. 26/11 ముంబై దాడుల సూత్రధారి హఫీజ్ సయ్యద్‌కు హమ్జా అత్యంత సన్నిహితుడు. భారత్ పై జరిగిన పలు ఉగ్రవాదుల దాడుల్లో హమ్జా హస్తం ఉంది.

Local· 16 Apr 2026

పాస్ చేయమని ఇంటర్ బోర్డుకు స్టూడెంట్ ఫోన్!

విశాఖకు చెందిన ఓ ఇంటర్ స్టూడెంట్ రిసల్ట్స్ కి ముందే బోర్డు ఆఫీసర్స్ కి ఫోన్ చేసి, తనను పాస్ చేయాలని కోరాడు. ఎక్సామ్ లో ఏం రాక Question Paperనే మూడుసార్లు రాశానని, ఆన్సర్ షీట్‌లో డబ్బులు కూడా పెట్టానని చెప్పడంతో ఆఫీసర్స్ షాకయ్యారు. పేరెంట్స్ కి ఇన్ఫార్మ్ చేసి, అతనికి కౌన్సిలింగ్ ఇచ్చారు. సప్లిమెంటరీ ఏక్షామ్స్ బాగా రాయమని చెప్పారు. ఆ స్టూడెంట్ ఫైవ్ సబ్జెక్టుల్లో Fail అయ్యాడు.

Local· 15 Apr 2026

CBSE 10th క్లాస్ రిజల్ట్స్ అప్‌డేట్! ఎలా చెక్ చేసుకోవాలో చూడండి..

సీబీఎస్‌ఈ 10th రిసల్ట్స్ కోసం లక్షలాది మంది స్టూడెంట్స్ ఈగర్‌గా వెయిట్ చేస్తున్నారు. ఈ రిజల్ట్స్ నేడు ఏ క్షణమైనా రిలీజ్ అయ్యే అవకాశం ఉందని సమాచారం. విద్యార్థులు తమ ఫలితాలను Official Website లో {www.cbse.gov.in}, or , {results.cbse.nic.in}, వెబ్‌సైట్లతో పాటు DigiLocker, UMANG యాప్స్ లో కూడా చెక్ చేసుకోవచ్చు. ఇందుకోసం రోల్ నంబర్, డేట్ ఆఫ్ బర్త్ వంటి వివరాలు సిద్ధంగా ఉంచుకోవాలి. ఈ వారంలోనే రిసల్ట్స్ వచ్చే ఛాన్స్ ఉంది.

Local· 15 Apr 2026

పీడియాట్రిషన్ అకాడమీకి డాక్టర్ శివరంజని సంతోష్ రాజీనామా

హైదరాబాద్‌కు చెందిన ప్రముఖ పీడియాట్రిషియన్ డాక్టర్ శివరంజని సంతోష్, ఇండియన్ అకాడమీ ఆఫ్ పీడియాట్రిక్స్ (IAP) సభ్యత్వానికి రాజీనామా చేశారు. నకిలీ ORS పానీయాలపై గత ఎనిమిదేళ్లుగా ఆమె చేస్తున్న పోరాటం ఇంటర్నెట్ ని షేక్ చేసింది.ఫార్మా కంపెనీలు ఆమెకు లీగల్ నోటీసులు పంపిస్తూ వేధిస్తున్నాయి. తన పోరాటాన్ని మాతృసంస్థ IAP గుర్తించకపోవడంతో ఆమె మనస్తాపానికి గురయ్యారు. పిల్లల ఆరోగ్యం లేదా IAP.. ఈ రెండింటిలో ఏది కావాలంటే పిల్లలనే ఎంచుకుంటాను చెప్పారు.

▶

Local· 14 Apr 2026

అల్లుడి అరాచకం: భార్య, అత్తపై దాడి!

కృష్ణా జిల్లా పెడన మండలం నందమూరు జయంతి కాలనీలో ఉంటున్న వెంకటేశ్వరరావు, వరకట్నం కోసం తన భార్యను, అత్తను దారుణంగా కొట్టాడు. ఈ దాడిలో వారిద్దరికీ తీవ్ర గాయాలయ్యాయి. ప్రస్తుతం వారు మచిలీపట్నం హాస్పిటల్‌లో ట్రీట్మెంట్ తీసుకుంటున్నారు. వరకట్న వేధింపుల వల్లే ఈ గొడవ జరిగిందని అతనిమీద పోలీసులు కేసు ఫైల్ చేసి ఇన్వెస్టిగేషన్ చేస్తున్నారు.

Local· 14 Apr 2026

ఉద్దానం బాధితుల కు బయో మార్కర్స్ !!

ఉద్దానంలో కిడ్నీ వ్యాధులకు మూలం కనుక్కునేందుకు బయో మార్కర్స్ టెస్ట్ లు చేస్తారు.. నమూనాలు ఇచ్చిన వారికి వచ్చే నాలుగేళ్లలోపు కిడ్నీ వ్యాధులు వచ్చే అవకాశంపై ఒక అంచనాకు వస్తారు. దానికోసం విశాఖ కేజీహెచ్ లో ప్రత్యేకంగా ల్యాబ్ ను స్టార్ట్ చేశారు. ఐసీఎం ఆర్ ఇచ్చిన6. 2 కోట్ల గ్రాంట్ తో కేజీహెచ్ లో ప్రత్యేక ల్యాబ్ ఏర్పాటు చేశారు. డీప్ ఫ్రీజర్లు, శాంపిల్ స్టోరేజ్ సిస్టమ్స్ శాంపిల్స్ కిట్స్ ఈ ల్యాబ్ లో ఉన్నాయి. బయో మార్కర్ టెస్టుల ద్వారా శాంపిల్స్ తీసి ఈ ల్యాబ్ లో వాటిని పరిశీలిస్తారు.

Local· 14 Apr 2026

ఏపీలో హీట్ వేవ్.. ఆరెంజ్ అలెర్ట్ జారీ !!

ఏపీలో పలు జిల్లాలకు హీట్ వేవ్ ఎలర్ట్ రిలీజ్ చేసింది వాతావరణ శాఖ.రాయలసీమ, కోస్తా జిల్లాల్లో గరిష్ణ టెంపరేచర్లు రికార్డవుతున్నాయి. ఇవాళ 33 మండలాల్లో తీవ్ర వడగాలులు వీచాయి.మరో 44 మండలాల్లో వడగాడ్పులప్రభావం చాలా ఎక్కువగా ఉన్నందున మధ్యాహ్నం 12 నుంచి సాయంత్రం 5వరకూ ఎవరూ బయటకు వెళ్లవద్దని వాతావరణ శాఖ ఎమర్జెన్సీ అలెర్ట్ జారీ చేసింది.హైదరాబాద్ లో తీవ్ర వడగాలులు వీస్తున్నాయి. ప్రజలెవరూ బయటకు రావొద్దని వాతావరణ శాఖ అలెర్ట్ జారీ చేసింది. ఈ ఎండలు మరో పది రోజులు కంటిన్యూ అవుతాయి.

Local· 14 Apr 2026

నాలుగుసార్లు ఆరెస్సెస్ ప్రోగ్రామ్ హాజరైన జడ్జి - కేజ్రివాల్

ఢిల్లీ మద్యం పాలసీ కేసుని విచారిస్తున్న న్యాయమూర్తి జస్టిస్ స్వర్ణ కాంత శర్మని ఆ కేసు నుంచి తప్పించాలని ఆప్ చీఫ్ కేజ్రీవాల్ డిమాండ్ చేశారు. తన కేసుని తానే వాదించుకుంటున్న కేజ్రివాల్ గట్టిగా తన వాదనలు వినిపించారు. న్యాయమూర్తి RSS అనుబంధ సంస్థ అధివక్త పరిషత్ నిర్వహించిన ప్రోగ్రామ్స్ కి ఏకంగా నాలుగు సార్లు అటెండ్ అయ్యారని, ఒక specific Ideologyకి పరిమితమైన వాళ్ల దగ్గర న్యాయం ఎలా జరుగుతుందని కేజ్రివాల్ క్వశ్చన్ చేశారు. సీబీఐ ఈ వాదనను వ్యతిరేకించింది. వ్యక్తిగత భావజాలంతో సంబంధం లేకుండా జడ్జిలు పనిచేస్తారని వాదించింది.

Local· 14 Apr 2026

హైడ్రాకు హైకోర్టు షాక్

తెలంగాణలో అడ్డగోలుగా కూల్చివేతలకు పాల్పడుతున్న హైడ్రాకు హైకోర్టు షాక్ ఇచ్చింది. కోర్టు తదుపరి ఆదేశాలు ఇచ్చేవరకు కూల్చివేతలు నిలిపివేయాలని ఆదేశించింది. GHMC, పురపాలక సంఘాల చట్టం, ఇతర నిబంధలనకు అనుగుణంగా ఈ కూల్చివేతలకు ఒక విధివిధానాలు, మార్గదర్శకాలను కోర్టుకు సమర్పించాలని ఆదేశించింది. రంగారెడ్డి జిల్లా ఐలాపూర్ గ్రామంలో కూల్చివేతల సమయంలో హైడ్రా అత్యుత్యాహంతో ఒక యుద్ధ వాతావరణాన్ని సృష్టించిదని, ఆ తీరు సమర్థనీయం కాదని అక్షింతలు వేసింది. కేసు విచారణని ఈ నెల 20కి వాయిదా వేసింది.

Local· 14 Apr 2026

TGSRTCలో సమ్మె సైరన్

తెలంగాణ ఆర్టీసీలో సమ్మె సైరన్ మోగింది. ఈ నెల 22 నుంచి సమ్మెకి వెళుతున్నట్టు ఆర్టీసీ జేఏసీ ప్రకటించింది. తమ డిమాండ్ల సాధన కోసం ఈ నెల 13న ఆర్టీసీ జేఏసీ ప్రభుత్వానికి సమ్మె నోటీసు ఇచ్చినా ప్రభుత్వం స్పందించలేదని, చర్చలకు కూడా ఆర్టీసీ అధికారులు గైర్హాజరయ్యారని జేఏసీ నేతలు తెలిపారు. ప్రభుత్వంలో ఆర్టీసీ ఉద్యోగుల విలీనం, గత ప్రభుత్వం రద్దు చేసిన ఆర్టీసీ కార్మిక సంఘాల పునరుద్ధరణ, వేతన సవరణ బకాయిల అమలు, ఖాళీల భర్తీ, ఆర్టీసీ వాడుకున్న ఉద్యోగుల పీఎఫ్ తిరిగి వారి ఖాతాలో వేయడం వంటి డిమాండ్లు ఉన్నాయి.