Local

Local· 14 Apr 2026

హైడ్రాకు హైకోర్టు షాక్

తెలంగాణలో అడ్డగోలుగా కూల్చివేతలకు పాల్పడుతున్న హైడ్రాకు హైకోర్టు షాక్ ఇచ్చింది. కోర్టు తదుపరి ఆదేశాలు ఇచ్చేవరకు కూల్చివేతలు నిలిపివేయాలని ఆదేశించింది. GHMC, పురపాలక సంఘాల చట్టం, ఇతర నిబంధలనకు అనుగుణంగా ఈ కూల్చివేతలకు ఒక విధివిధానాలు, మార్గదర్శకాలను కోర్టుకు సమర్పించాలని ఆదేశించింది. రంగారెడ్డి జిల్లా ఐలాపూర్ గ్రామంలో కూల్చివేతల సమయంలో హైడ్రా అత్యుత్యాహంతో ఒక యుద్ధ వాతావరణాన్ని సృష్టించిదని, ఆ తీరు సమర్థనీయం కాదని అక్షింతలు వేసింది. కేసు విచారణని ఈ నెల 20కి వాయిదా వేసింది.

Local· 14 Apr 2026

TGSRTCలో సమ్మె సైరన్

తెలంగాణ ఆర్టీసీలో సమ్మె సైరన్ మోగింది. ఈ నెల 22 నుంచి సమ్మెకి వెళుతున్నట్టు ఆర్టీసీ జేఏసీ ప్రకటించింది. తమ డిమాండ్ల సాధన కోసం ఈ నెల 13న ఆర్టీసీ జేఏసీ ప్రభుత్వానికి సమ్మె నోటీసు ఇచ్చినా ప్రభుత్వం స్పందించలేదని, చర్చలకు కూడా ఆర్టీసీ అధికారులు గైర్హాజరయ్యారని జేఏసీ నేతలు తెలిపారు. ప్రభుత్వంలో ఆర్టీసీ ఉద్యోగుల విలీనం, గత ప్రభుత్వం రద్దు చేసిన ఆర్టీసీ కార్మిక సంఘాల పునరుద్ధరణ, వేతన సవరణ బకాయిల అమలు, ఖాళీల భర్తీ, ఆర్టీసీ వాడుకున్న ఉద్యోగుల పీఎఫ్ తిరిగి వారి ఖాతాలో వేయడం వంటి డిమాండ్లు ఉన్నాయి.

▶

Local· 13 Apr 2026

మంగ్లీ కేసులో కొత్త ట్విస్ట్: అడ్వకేట్ కు డ్రంకెన్ టెస్ట్!

హైదరాబాద్‌లోని పంజాగుట్ట పోలీస్ స్టేషన్ దగ్గర టెన్షన్ వాతావరణం చోటుచేసుకుంది. సింగర్ మంగ్లీ కేసులో కంప్లయింట్ చెయ్యడానికి వచ్చిన అడ్వకేట్ సుబ్బారావుకు పోలీసులు డ్రంకెన్ టెస్ట్ చేసారు. ఆయన ఆల్కహాల్ తీసుకున్నాడని అనుమానించిన పోలీసులు, టెస్ట్ చేస్తే 27 పాయింట్లు వచ్చాయి. అయితే, అసలు కేసును పక్కదారి పట్టించడానికే పోలీసులు ఇలా చేస్తున్నారని అడ్వకేట్ వాదన. ఈ ఘటనతో స్టేషన్ దగ్గర కాసేపు గందరగోళం, వాగ్వాదం జరిగింది.

▶

Local· 13 Apr 2026

ఇదెక్కడి VIP కల్చర్

బాలీవుడ్ భామ కరీనాకపూర్ ముంబై ఎయిర్‌పోర్ట్‌లో లాంగ్ క్యూని స్కిప్ చేసి డైరెక్ట్ గా సెక్యూరిటీ గేట్ దగ్గరకి వెళ్లిన వీడియో వైరల్ గా మారింది. కొందరు నెటిజన్లు కరీనాపై ఫైర్ అవుతున్నారు. సెలబ్రిటీలకి ఇంత ఎంటైటిల్‌మెంట్ ఎవరు ఇచ్చారు? మామూలు మనుషులు కూడా ఫ్లైట్ ఎక్కాలి కదా అన్న పోస్టుకి 14 లక్షల వ్యూస్ వచ్చాయి. వీఐపీ కల్చర్ కి చెక్ పెట్టాలని చాలా మంది అంటూ ఉంటే కొందరు మాత్రం రూ.6 వేలు కడితే పెయిడ్ ఎక్స్ ప్రెస్ సర్వీస్ ఫెసిలిటీ ఉంటుందని కరీనాని డిఫెండ్ చేశారు.

▶

Local· 13 Apr 2026

నోయిడాలో కార్మికుల నిరసన ఉద్రిక్తం

యూపీలోని నోయిడా ఫేజ్-2లో కార్మికులు జీతాలు పెంచాలన్న డిమాండ్ తో భారీ నిరసన చేపట్టారు. హర్యానా తరహాలో 35% జీతాల పెంపు కోరుతూ జరిగిన ఈ ఆందోళన ఉద్రిక్తంగా మారింది. నిరసనకారులు రాళ్లు రువ్వడంతో పోలీసులు బాష్పవాయువు ప్రయోగించారు. ప్రతి నెలా 10లోపు జీతాలు ఇవ్వాలని, ఓవర్ టైమ్‌కు రెట్టింపు డబ్బులు ఇవ్వాలని అధికారులు యాజమాన్యాలకు ఆదేశాలిచ్చారు. ఎలాంటి అవాంఛనీయ ఘటనలు జరగకుండా అదనపు బలగాలు మోహరించాయి.

▶

Local· 12 Apr 2026

మీడియాపై మంగ్లీ మండిపాటు...

భారీ మొత్తంలో డబ్బు పెట్టుబడికి సంబంధించిన కేసులో ఆరోపణలెదుర్కొంటున్న సింగర్ మంగ్లీ కంట్రోల్ తప్పారు. ఈ వివాదంలో తనకు ఎలాంటి సంబంధం లేదని, తన ప్రమేయం లేదని తేలిన తర్వాత న్యాయవాది సుబ్బారావును ఏం చేస్తారో తనకు మాటివ్వాలని వింత కామెంట్లు చేశారు. నేనూ మీడియా నుండే వచ్చాను అంటూనే తనకు వ్యతిరేకంగా వార్తలు వేయద్దు అన్నట్లుగా రుస రుస లాడారు. మంగ్లీ గతంలో వీ6, హెచ్ ఎం టివీలలో ఓ ప్రోగ్రాంకి యాంకర్ గా పనిచేశారు.

Local· 12 Apr 2026

మానవత్వానికి నిలువెత్తు రూపం.. మన్యం కలెక్టర్ !!

మన్యం జిల్లా కలెక్టర్ డా. ఎన్. ప్రభాకర రెడ్డి గారు చేసిన ఈ పని ఇప్పుడు సోషల్ మీడియాలో ఫుల్ వైరల్ అవుతోంది. ఆయన రియల్ 'GOAT' (Greatest Of All Time) అంటూ జనం పొగిడేస్తున్నారు. నో ప్రోటోకాల్.. ఓన్లీ హ్యుమానిటీ అంటున్నారు మన్యం కలెక్టర్. చినభొగిలి మండలం దగ్గర రోడ్డు మీద బాధితుడిని చూడగానే వెంటనే రియాక్ట్ అయ్యారు. తన హోదా, ప్రోటోకాల్ పక్కనపెట్టి ఫోన్ చేసి ఆర్డర్స్ వేయడం కాకుండా, స్వయంగా రంగంలోకి దిగి బాధితుడిని కారులో ఎక్కించుకుని హాస్పిటల్‌కి తీసుకెళ్లారు. బాధితుడికి ఫస్ట్ ఎయిడ్ చేయించి,ఆపై మళ్ళీ పెద్ద హాస్పిటల్‌కి తీసుకెళ్లి జాయిన్ చేయించారు. పవర్ ఉన్నవాళ్లు కాకుండా, మనసున్న వాళ్లే రియల్ సెలబ్రిటీలు అని కలెక్టర్ గారు ప్రూవ్ చేశారు.

Local· 12 Apr 2026

ఆశా జీవితం.. అడుగడుగునా పోరాటాలే

ఆశా భోంస్లే జీవితంలో అడుగడుగునా పోరాటాలు చేశారు. లతా మంగేష్కర్ అనే వటవృక్షం నీడలో మ్యూజిక్ వరల్డ్ లో తనకంటూ ఒక గుర్తింపు తెచ్చుకోవడానికి చాలా కష్టపడ్డారు. వ్యక్తిగత జీవితంలో కూడా ఎన్నో విషాదాలు తట్టుకొని నిలబడ్డారు. 16 ఏళ్లకే ఆశా పెళ్లి చేసుకున్నారు. మొదటి భర్త గణపత్ రావు భోంస్లే శాడిస్ట్. ఇద్దరు పిల్లలు పుట్టి, మూడోసారి గర్భవతిగా ఉన్నప్పుడు ఇంట్లో నుంచి వెళ్లగొట్టాడు. పుట్టింట్లో ఆదరణ కూడా లభించకపోవడంతో ఒకానొక దశలో ఆత్మహత్య చేసుకుందామనుకున్నారు.. ఆర్ డి బర్మన్ తో ప్రేమ పెళ్లితో ఆమె ఇండస్ట్రీలో నిలదొక్కుకున్నారు. కూతురు వర్ష డిప్రెషన్‌తో షూట్ చేసుకుని చనిపోయింది. కొడుకు హేమంత్ క్యాన్సర్‌తో చనిపోయాడు. రెండో భర్త RD బర్మన్‌ కి కూడా దూరమైంది. ఇన్ని బాధల మధ్యా ఆమె పాటలు పాడుతూ కోట్లాది మంది హృదయాల్ని గెలిచారు.

Local· 12 Apr 2026

తెలుగులోనూ ఆ స్వరం అమృతం

పాలునీళ్లు మూవీలో ఇదే మౌనరాగం పాటతో 1981లో మొదటిసారిగా ఆశా భోంస్లే తెలుగులో పాడారు. ఆ తర్వాత చిన్ని కృష్ణుడు సినిమాలో జీవితం సప్తసాగర గీతం పాట సూపర్ హిట్ అయింది. చందమామలో నాలో ఊసులకు , నాలో ఊహలకు పాట అశ్వమేథం మూవీలో ఓ ప్రేమా వంటి పాటలు పాడి తెలుగులో కూడా తన సత్తా చాటారు. పరాయి భాషలో పాడినా కూడా ఆమె తెలుగు ఉచ్ఛారణ మాతృ భాషలో పాడినట్టే ఉండేది.

Local· 12 Apr 2026

ఆశాభోంస్లే కన్నుమూత

ప్రముఖ గాయని ఆశాభోంస్లే కన్నుమూశారు. శనివారం గుండెపోటుతో ముంబయిలోని బ్రీచ్ క్యాండీ ఆస్పత్రిలో చేరిన ఆమె ప్రాణాలు కాపాడడానికి వైద్యులు శక్తివంచన లేకుండా కృషి చేశారు. అయినప్పటికీ కాసేపటి క్రితం ఆమె తుది శ్వాస విడిచారు.ఆశా ఇక లేరన్న విషయం తెలిసి సంగీత ప్రపంచం విషాదంలో మునిగిపోయింది. లతా మంగేష్కర్ సోదరి అయిన ఆశా తన వెర్సటైల్ సింగింగ్ తో గుర్తింపు తెచ్చుకున్నారు. 20కి పైగా భాషల్లో 12 వేలకు పైగా పాటలు పాడారు. తెలుగులో చిన్నికృష్ణుడు సినిమాలో జీవితం సప్తసాగరం గీతం సాంగ్ హిట్ అయింది.

▶

Local· 12 Apr 2026

జమ్మూకశ్మీర్‌లో టోర్నడో బీభత్సం

జమ్మూ కశ్మీర్‌లోని అఖ్నూర్‌లో టోర్నడో భీభత్సం సృష్టించింది. దాదాపు 10 నిమిషాల పాటు ఈ ప్రాంతాన్ని ఉక్కిరిబిక్కరి చేసింది. ఇది కొన్ని వందల మీటర్ల ఎత్తు వరకు కనిపించింది. ఎప్పుడూ చల్లటి వాతావరణం ఉండే ఈ ప్రాంతంలో టోర్నడో సంభవించడం ఇదే ఫస్ట్ టైమ్ అని అధికారులు చెబుతున్నారు. ఈ వీడియో సోషల్ మీడియాలో వైరలవుతోంది.

Local· 12 Apr 2026

ఈ రోజు తెలంగాణ ఇంటర్ ఫలితాలు.. ఉదయం 11 గంటలకు విడుదల!

తెలంగాణ ఫస్ట్ ఇయర్, సెకండ్ ఇయర్ రిసల్ట్స్ ఆదివారం ఉదయం పదకొండు గంటలకు విడుదల కానున్నాయి. ప్రభుత్వ సలహాదారు కె. కేశవరావు, విద్యాశాఖ కార్యదర్శి యోగితా రాణా వీటిని విడుదల చేస్తారు. విద్యార్థులు తమ ఫలితాలను అధికారిక వెబ్‌సైట్‌లతో పాటు, 80969 58096 నంబర్‌కు వాట్సప్‌లో ‘Hi’ అని మెసేజ్ చేసి కూడా సులభంగా రిసల్ట్స్ updates పొందవచ్చు. ఈ ఇయర్ దాదాపు తొమ్మిదిన్నర లక్షల మంది స్టూడెంట్స్ ఈ ఎక్షామ్స్ కి అటెండ్ అయ్యారు.

Local· 12 Apr 2026

ఇవాళ రేపు 43 డిగ్రీలు

తెలుగు రాష్ట్రాలను ఎండలు భయపెడుతున్నాయి. ఇవాళ, రేపు హైదరాబాద్ తో పాటు తెలంగాణ వ్యాప్తంగా ఆరెంజ్ అలెర్ట్ జారీ అయింది. 43 డిగ్రీలకు పైగా ఎండలు నమోదవుతాయని తెలిపింది. ఉదయం 10 గంటల తర్వాత అత్యవసరమైతే తప్ప బయటకు రావొద్దని వాతావరణ శాఖ సూచించింది.

▶

Local· 11 Apr 2026

హైడ్రా మరో ఆపరేషన్

తెలంగాణలో రేవంత్ రెడ్డి సర్కార్ బుల్డోజర్ పరిపాలనను ఆపలేదు. సంగారెడ్డి జిల్లా అమీన్ పూర్ లో ఆరంతస్తుల భవనాన్ని కూల్చివేస్తోంది ఐలాపురం గ్రామంలో ప్రభుత్వ భూముల్లో అనుమతులు లేకుండా నిర్మించిన ఆరంతస్తుల భవనాన్ని కూల్చివేయడంతో అక్కడ నివాసం ఉంటున్న ప్రజలు గూడు లేక కన్నీరుమున్నీరవుతున్నారు.

▶

Local· 10 Apr 2026

మత్తు మందు ఇచ్చి కుక్కతో ప్రయాణం.. నిద్రలేచాక అసలు రచ్చ మొదలైంది!

భారతీయ రైల్వేలో నిబంధనలకు విరుద్ధంగా కుక్కను తరలిస్తూ ఓ జంట పట్టుబడిన ఘటన కలకలం రేపింది. అధికారుల కళ్లు గప్పేందుకు వారు కుక్కకు నిద్రమాత్రలు ఇచ్చి బెర్త్ కింద దాచారు. ప్రయాణంలో కుక్కకు మత్తు వదిలి, అది స్పృహలోకి వచ్చి కోచ్‌లో రచ్చ చేయడంతో విషయం వెలుగులోకి వచ్చింది. ప్రయాణికుల ఫిర్యాదుతో స్పందించిన రైల్వే అధికారులు ఆ జంటను తర్వాతి స్టేషన్‌లో కిందకు దింపేసి విచారణ చేపట్టారు. మూగజీవి ప్రాణాలతో చెలగాటమాడటంపై నెటిజన్లు ఆగ్రహం వ్యక్తం చేస్తున్నారు.

Local· 10 Apr 2026

ట్రయల్ రూమ్స్‌లో రహస్య కెమెరాలకు చెక్! రంగంలోకి 'షీ నేత్ర' టీమ్స్!

హైదరాబాద్‌లో మహిళల భద్రత కోసం సీపీ సజ్జనార్ 'షీ నేత్ర టీమ్స్'ను ప్రారంభించారు. నగరంలోని హోటళ్లు, మాల్స్, హాస్టళ్లు, ముఖ్యంగా బట్టల దుకాణాల్లోని ట్రయల్ రూమ్స్‌లో రహస్య కెమెరాలను గుర్తించేందుకు ఈ 7 ప్రత్యేక బృందాలు అత్యాధునిక డిటెక్టర్లతో తనిఖీలు చేయనున్నాయి. నిబంధనలు ఉల్లంఘించే యాజమాన్యాలపై కఠిన చర్యలు, క్రిమినల్ కేసులు తప్పవని సీపీ హెచ్చరించారు. మహిళల వ్యక్తిగత గోప్యతను కాపాడటమే ఈ బృందాల ప్రధాన లక్ష్యం.

Local· 10 Apr 2026

ఠారెత్తిస్తున్న ఎండలు.. మరో 10 రోజులు ఇంతే

తెలంగాణలో భానుడు భగభగలాడనున్నాడు! ఏప్రిల్ 10 నుండి 13 వరకు రాష్ట్రవ్యాప్తంగా తీవ్రమైన వడగాల్పులు వీస్తాయని వాతావరణ శాఖ (IMD) హెచ్చరించింది. ఈ నెల 22 వరకు ఎండలు అత్యధికంగా ఉంటాయని చెప్పింది. కొన్ని జిల్లాల్లో ఉష్ణోగ్రతలు 44°C దాటే అవకాశం ఉండటంతో ప్రభుత్వం హైఅలర్ట్ ప్రకటించింది. ప్రభుత్వ సూచనలు: మధ్యాహ్నం 12 నుండి 3 గంటల వరకు బయటకు రావద్దు. లేత రంగు కాటన్ దుస్తులు ధరించాలి, ఎప్పుడూ హైడ్రేటెడ్‌గా (నీరు, ORS తాగుతూ) ఉండాలి. ఉప్పు, కారం, నూనె వస్తువులకు దూరంగా ఉండాలి. తలనొప్పి, కండరాల బలహీనత లేదా స్పృహ తప్పడం వంటి లక్షణాలు కనిపిస్తే వెంటనే ఆసుపత్రికి వెళ్లాలి. హైదరాబాద్‌లో ఉష్ణోగ్రతలు 40°C వరకు నమోదయ్యే అవకాశం ఉంది. ముఖ్యంగా ఉత్తర, తూర్పు తెలంగాణ జిల్లాల్లో ఎండ తీవ్రత అత్యధికంగా ఉంటుందని వాతావరణ నిపుణులు హెచ్చరిస్తున్నారు. జాగ్రత్తగా ఉండండి!

Local· 10 Apr 2026

అవినీతి జడ్జి యశ్వంత్ వర్మ రాజీనామా

అలహాబాద్ హైకోర్టు న్యాయమూర్తి జస్టిస్ యశ్వంత్ వర్మ తన పదవికి రాజీనామా చేశారు. అవినీతి ఆరోపణలపై ఆయనపై పార్లమెంటులో అభిశంసన ప్రక్రియ (Impeachment) జరుగుతున్న తరుణంలో ఈ నిర్ణయం తీసుకున్నారు. 2025లో ఢిల్లీలోని ఆయన నివాసంలో భారీగా నగదు పట్టుబడటంతో సుప్రీంకోర్టు విచారణకు ఆదేశించింది. విచారణ పూర్తయ్యేలోపే ఆయన రాష్ట్రపతి ద్రౌపది ముర్ముకు రాజీనామా లేఖ పంపారు. దీనివల్ల ఆయనపై ఉన్న అభిశంసన ప్రక్రియ ఆగిపోవడమే కాకుండా, పెన్షన్ వంటి ఇతర ప్రయోజనాలు పొందే అవకాశం కలుగుతుంది.