Local

Local· 7 Apr 2026

రుషికొండ ప్యాలెస్ మాకివ్వండి !!

విశాఖ రుషి కొండ ప్యాలెస్ ను మెయిన్ టెయిన్ చేయడంపై ప్రముఖ స్టార్ హోటల్స్ తాజ్, ది లీలా అట్మాస్ఫియర్ కోర్, ఫెమా లాంటి గ్రూపులు ఆసక్తి చూపుతున్నాయి. రుషికొండ ప్యాలెస్ ను ఎలా వినియోగించాలన్న అంశంపై ఇప్పటికే అయిదుసార్లు భేటీ అయిన ఏపీ కేబినెట్ సబ్ కమిటీ నిర్ణయాలపై నివేదికలు రెడీ చేసింది. వాటిని సీఎం చంద్రబాబుకు చూపించి ఆ తర్వాత తుదినిర్ణయం తీసుకుంటారు. మొత్తం మీద జగన్ హయాంలో నిర్మించిన ఈ అందాల ప్యాలెస్ వినియోగం లోకి రాబోతోంది.

Local· 7 Apr 2026

మళ్ళీ తండ్రి గూటికి కవిత ?

కేసీఆర్ కుటుంబంలో కలతలు ఒక కొలిక్కి వచ్చాయా? కుమార్తె కవితతో ఆయన సయోధ్య కోరుకుంటున్నారా? ఏదేమైనా కుటుంబ తగాదాలపై కేసీఆర్ భార్య శోభ మాత్రం వర్రీ అవుతున్నారు. వచ్చే గ్రేటర్ ఎన్నికల్లో కవిత తన టీమ్ ను రంగంలోకి దించితే పార్టీకి మరింత నష్టమని కేసీఆర్ టెన్షన్ పడుతున్నట్లుగా తెలుస్తోంది.అలాగని కుమార్తెతో సయోధ్యకు ఆయన పూర్తి సిద్ధంగా లేరు. అందుకే మధ్యే మార్గంగా శోభ రంగ ప్రవేశం చేశారా? కవిత దగ్గరకు ఆమె తల్లి శోభ తరచుగా వెళ్లి యోగక్షేమాలు తెలుసుకుంటున్నారు.కవితను కంట్రోల్ చేయకపోతే పార్టీకి మరింత నష్టమని కేసీఆర్, కేటీఆర్, హరీష్ కూడా భావిస్తున్నారు.

Local· 7 Apr 2026

అర్చకులు విదేశాలకు వెళ్లొస్తే ఏమవుతుందో తెలుసా ?

విదేశీ ప్రయాణం చేసిన అర్చకులు ఇక గర్భాలయంలోకి అడుగు పెట్టడానికి వీల్లేదు. ఏపీ హైకోర్టు దీనికి సంబంధించి కీలక ఉత్తర్వులు జారీ చేసింది. విదేశాలకు వెళ్లి వచ్చిన అర్చకులు గర్భాలయంలోకి వెళ్లి పూజలు చేయడానికి వీల్లేదని 2010లోనే దేవాదాయ శాఖ ఒక సర్క్యులర్ జారీ చేసింది. శృంగేరి శారదా పీఠం జగద్గురువు శ్రీభారతి తీర్థ మహాస్వామి కూడా దీనినే సమర్థించారు. విదేశీ ప్రయాణాలు చేసివచ్చినా గర్భాలయంలోకి ప్రవేశిస్తున్న పూజారులను అడ్డుకోవాలంటూ దేవాదాయ శాఖ దాఖలు చేసిన పిటిషన్న్ ను న్యాయమూర్తి జస్టిస్ నిమ్మగడ్డ వెంకటేశ్వరులు విచారించారు. విదేశాలకు వెళ్లొస్తే అర్చకులు గర్భాలయంలోకి ప్రవేశించకూడదని స్పష్టం చేశారు.

Local· 7 Apr 2026

మాజీ మిస్ ఇండియా ఎర్త్ అదృశ్యం

2019లో మిస్ ఇండియా ఎర్త్ విజేతైన సయాలీ సుర్వే అదృశ్యమయ్యారు. ఆమెతో పాటు నలుగురు పిల్లలు కూడా కనిపించడం లేదని తల్లిదండ్రులు పుణె పోలీసులకు ఫిర్యాదు చేశారు. అత్తింటివారే కిడ్నాప్ చేసి ఉంటారని వారు అనుమానిస్తున్నారు. ముస్లిం వ్యక్తిని వివాహం చేసుకున్న సయాలీ ఇటీవల తన నలుగురు పిల్లలతో కలిసి తిరిగి హిందూమతంలోకి మారారు. తన భర్త వేధింపులు భరించలేకే తిరిగి హిందూమతంలోకి వచ్చానని చెప్పారు. తన పేరుని ఆద్య అని మార్చుకున్నారు. ఇలా ఘర్ వాపసి జరిగిన కొద్ది రోజులకే ఆమె కనిపించకపోవడం కలకలం రేపుతోంది

▶

Local· 6 Apr 2026

షార్ట్ ఫిల్మ్ సరదా ముగ్గురు యువకుల ప్రాణాలు తీసింది!

కడప జిల్లా వల్లూరు మండలం పుష్పగిరి వద్ద పెన్నా నదిలో షార్ట్ ఫిల్మ్ తీయడానికి వెళ్లిన ఎనిమిది మంది యువకుల్లో ముగ్గురు ప్రమాదవశాత్తు నీటిలో మునిగి చనిపోయారు. కనీస భద్రత లేకుండా నదిలోకి దిగడంతో ఈ విషాదం చోటుచేసుకుంది. షార్ట్ ఫిల్మ్ కోసం చేసిన ప్రయత్నం ప్రాణాల మీదకు రావడంతో ఆయా కుటుంబాల్లో తీవ్ర విషాదం నిండింది. నదులు, జలాశయాల వద్ద యువత అప్రమత్తంగా ఉండాలని పోలీసులు హెచ్చరిస్తున్నారు.

Local· 6 Apr 2026

జపాన్ మహిళా టూరిస్టుకి వేధింపులు

రాజస్థాన్ లోని జైపూర్ పోర్టు సందర్శన కోసం జపాన్ నుంచి వచ్చిన ఒక మహిళా టూరిస్టు వేధింపులకు గురయ్యారు. అయిదుగురు దుండగులు ఆమె చెయ్యి పట్టుకొని అసభ్యకరంగా ప్రవర్తించారు. భయాందోళనకు గురైన ఆమె గట్టిగా కేకలు వేశారు. ఆ టైమ్ లో అక్కడ ఎవరూ లేకపోవడంతో ఆ అయిదుగురు ఆమె పట్ల మరింత నీచంగా ప్రవర్తించారు. దీంతో ఆమె అక్కడి నుంచి పరుగులు తీశారు. ఆ తర్వాత పోలీసులకు ఫిర్యాదు చేశారు. నిందితులు అయిదుగురి ఫుటేజ్ సీసీటీవీలో రికార్డయింది. ప్రస్తుతం వారి కోసం పోలీసులు గాలిస్తున్నారు.

▶

Local· 6 Apr 2026

శ్రీకాకుళం జిల్లాలో ఘోర రోడ్డు ప్రమాదం

శ్రీకాకుళం జిల్లాలో నెమలి‌ నారాయణపురం హైవేపై ఘోర రోడ్డు ప్ర‌మాదం జరిగింది. హఠాత్తుగా వాతావరణం మారిపోయి ఈదురు గాలులతో కూడిన వర్షం‌‌ కురవడంతో ఇన్నోవా కారు డివైడర్ ని ఢీకొట్టి మరో పక్కకు పల్టీకొట్టింది.‌అదే సమయంలో అటు నుంచి వస్తున్న లారీని ఢీ కొట్టడంతో బోల్తా పడింది. కారులో ప్రయాణిస్తున్న వారిలో ముగ్గురికి గాయాలైతే ఇద్దరి పరిస్థితి విషమంగా ఉంది. పూరీ దర్శనానికి వెళ్లి తిరిగొస్తుండగా ఈ ప్రమాదం జరిగింది.

▶

Local· 6 Apr 2026

పిల్లలకి సమ్మర్ హాలిడేస్: పేరెంట్స్ అలర్ట్ అవ్వండి ఇలా!

ఒకప్పుడు సమ్మర్ హాలిడేస్ అంటే అమ్మమ్మ ఊరు, ఆటపాటలు. కానీ ఇప్పుడు సమ్మర్ హాలిడేస్ అంటే పిల్లలు స్మార్ట్‌ఫోన్లకే పరిమితమై, సోషల్ మీడియా మరియు రీల్స్ వంటి వ్యసనాలకు బానిసలవుతున్నారు. దీనివల్ల ఆరోగ్యం దెబ్బతినడమే కాకుండా, చిన్నపాటి మందలింపులకే మనస్తాపం చెంది ఇల్లు వదిలి వెళ్తున్నరు. అందుకే, పేరెంట్స్ మీ టైమ్ని పిల్లలకి కేటాయించండి. వారు ఇంటర్నెట్‌లో ఏం చూస్తున్నారో గమనిస్తూ, ఎక్షామ్ రిసల్ట్ విషయంలో వారికి భరోసానివ్వండి. మీ అప్రమత్తతే వారి భవిష్యత్తుకు రక్షణ అని. V.C.sajjanar పేరెంట్స్ కి సూచనలు చేసారు.

Local· 6 Apr 2026

భవ్యమందిరంగా బాసర… సీఎం భూమి పూజ

చదువుల సరస్వతి నిలయమైన బాసర ఇక మీదట భవ్యమందిరంగా వెలుగొందబోతోంది. తొమ్మిది అంతస్తుల రాజగోపురం, ధ్యానమందిరం, గర్భాలయం అభివృద్ధి, కోనేరు పునరుద్ధరణ వంటి పనుల కోసం ప్రభుత్వం రూ.225 కోట్లు కేటాయించింది. జ్ఞానసరస్వతి దేవాలయం అభివృద్ధి పనుల కోసం సీఎం రేవంత్ రెడ్డి సోమవారం భూమి పూజ చేశారు. ఆలయ విస్తీర్ణం 20 వేల చదరపు అడుగుల్లో ఉంటే దానిని ఏకంగా 62 వేల చదరపు అడుగులకి విస్తరిస్తున్నారు

Local· 6 Apr 2026

కత్తితో గొంతులో పొడిచి హత్య చేసిన భర్త

సంగారెడ్డి జిల్లాలో వివాహేతర సంబంధం కారణంగా సిద్ధారెడ్డి తన భార్యను కిరాతకంగా హత్య చేశాడు. ప్రియుడు పవన్ రెడ్డితో కలిసి వెళ్ళిపోయిన కవితను పోలీసులు గుర్తించి తిరిగి తీసుకువస్తుండగా, దారిలో భర్త సిద్ధారెడ్డి ఆమెతో గొడవపడ్డాడు. కోపంతో ఊగిపోయిన అతను కత్తితో ఆమె గొంతులో పొడవడంతో కవిత చనిపోయింది. ఈ ఘటనపై జహీరాబాద్ పోలీసులు కేసు నమోదు చేసి దర్యాప్తు చేస్తున్నారు.

Local· 6 Apr 2026

యువకుడి ప్రాణం తీసిన క్రికెట్

విశాఖపట్నం ఆరిలోవ పెద్దగదిలిలో క్రికెట్ ఆట‌‌ ఒక‌ యువకుడు ప్రాణాలు బలి‌తీసుకుంది. .క్రికెట్ ఆడుతున్న సమయంలో అజిత్(23), కిశోర్(26) మధ్య వివాదం తలెత్తింది. మ్యాచ్ ముగిసిన తర్వాత కిశోర్ అందరూ చూస్తుండగానే అజిత్‌పై కత్తితో దాడి చేశాడు. తీవ్ర గాయాలైన అజిత్ అక్కడికక్కడే మృతి చెందాడు.సిఐ మల్లేశ్వరరావు కేసు నమోదు చేసి దర్యాప్తు చేస్తున్నారు.

▶

Local· 4 Apr 2026

మనుషులకే పాఠం నేర్పిన కోతి

జంతువుల మధ్య ఉన్న ప్రేమాభిమానాలు మనిషికే పాఠాలు నేర్పుతున్నాయి. ఒక ఎత్తైన గోడ అవతల చిక్కుకున్న మేకను చూసి, ఒక కోతి కిందకు దిగి సాయం చేసింది. దానిని సురక్షితంగా పైకి చేర్చి తన ఉదారతను చాటుకుంది. మూగజీవాలు ఇలాంటి చేతలతో అపారమైన ప్రేమను, సహాయగుణాన్ని చాటడం నిజంగా ఒక గొప్ప సందేశం.

Local· 4 Apr 2026

లవర్ పెళ్ళికి నో చెప్పిందని టవర్ ఎక్కిన యువకుడు

హైదరాబాద్ ఎల్బీనగర్‌లోని చింతలకుంట వద్ద రేడియో టవర్ ఎక్కి ఓ వ్యక్తి హల్చల్ చేస్తున్నాడు. ప్రేమించిన అమ్మాయి పెళ్లికి అంగీకరించలేదని ఆత్మహత్య చేసుకుంటానని బెదిరిస్తున్నాడు. పోలీసులు, అగ్నిమాపక సిబ్బంది అక్కడికి చేరుకున్నారు. యువకుడితో పోలీసులు ఫోన్‌లో మాట్లాడుతున్నారు. అతడికి నచ్చజెప్పి కిందకి దింపే ప్రయత్నం చేస్తున్నారు. ఘటనాస్థలిలో స్థానికులు గుమిగూడి వీడియోలు తీస్తుండటంతో ట్రాఫిక్ జామ్ ఏర్పడింది.

Local· 4 Apr 2026

నిండు ప్రాణాలను కాపాడిన ఎస్సై!

పల్నాడు జిల్లాలో ఎస్సై కిషోర్ ఒక కుటుంబాన్ని మృత్యువు నుండి కాపాడి మానవత్వాన్ని చాటుకున్నారు. అప్పుల బాధతో భార్యాపిల్లలతో కలిసి ఆత్మహత్యకు సిద్ధమైన అమర్‌నాథ్ అనే వ్యక్తిని పోలీసులు చాకచక్యంగా అడ్డుకున్నారు. భార్య పంపిన సమాచారంతో వెంటనే రంగంలోకి దిగిన పోలీసులు, కారును ట్రేస్ చేసి వారిని రక్షించారు. సకాలంలో స్పందించి నలుగురి ప్రాణాలు కాపాడిన ఎస్సై, సిబ్బందిపై ప్రజలు ప్రశంసలు కురిపిస్తున్నారు.

▶

Local· 3 Apr 2026

ఇసుక వల్ల రోడ్డు ఆక్సిడెంట్స్ అవుతున్నయి అని ఈ తాత చేసిన పని!

వాహనాలకు ప్రమాదం అని అయన రోడ్ మీద ఇసక ఊడ్చేస్తున్నాడు. ఇంత మాత్రం సామాజిక బాధ్యత ప్రతి ఒక్కరికి ఉంటే దేశం బాగుపడుతుంది.

Local· 3 Apr 2026

మామిడి పళ్లు కల్తీయా ? ఇలా చేయండి‌

మామిడిపళ్లు బంగారం రంగులో నిగనిగలాడుతూ కనిపించడానికి కొందరు వ్యాపారులు విచ్చలవిడిగా‌ కాల్షియం కార్బైడ్ వంటి రసాయనాలతో పండించి అమ్మేస్తున్నారు.‌ మార్కెట్ లో ఎక్కడ చూసినా ఇలాంటి‌పళ్లే కనిపిస్తు‌న్నాయి. ఇవి బయటకు ఆకర్షణీయంగా కనిపించినా లోపల విషపూరితంగా ఉండే ప్రమాదం ఉంది. ఇలాంటి పండ్లు తినడం వల్ల వాంతులు, విరేచనాలు, శ్వాస కోశ సంబంధ సమస్యలు రావొచ్చు. అందుకే పండ్లపై అనుమానం ఉంటే డయల్ ,100 లేదంటే 8712661212 సమాచారం ఇవ్వాలని హైదరాబాద్ సీపీ వీసీ సజ్జనార్ తెలిపారు.

Local· 3 Apr 2026

అబార్షన్‌కు భార్య అంగీకరించలేదని హతమార్చిన భర్త

పున్నేలుకు చెందిన అజారుద్దీన్, ఫర్హాత్(26) దంపతులకు ఇద్దరు కుమార్తెలు ఉమేరా(8), ఆయేషా(6) ఉన్నారు. ఇద్దరు ఆడపిల్లలు పుట్టిన తర్వాత ఫర్హాత్ రెండుసార్లు ప్రెగ్నెంట్ అయింది. మళ్లీ ఆడపిల్లలు పుడతారనే అనుమానంతో అబార్షన్ చేయించాడు. నాలుగేళ్ల తర్వాత మళ్లీ ప్రెగ్నెంట్ అయింది. ఈ సారి కూడా ఆడబిడ్డ పుడుతుందనే అనుమానించిన అజారుద్దీన్. అబార్షన్ చేయించుకోవాలని భార్యపై ఒత్తిడి తెచ్చాడు. ఆమె ఒప్పుకోకపోవడంతో చాలాసార్లు గొడవపడ్డాడు. అలా కోపం పెంచుకున్న అతను పథకం ప్రకారం బుధవారం రాత్రి భార్య, పిల్లలను స్విమ్మింగ్ పూల్లో ముగ్గురినీ తోసేసి హతమార్చాడు.

Local· 2 Apr 2026

ఫేస్‌బుక్ పరిచయం చివరికి ఆత్మహత్య

బీహార్ కి చెందిన ఇషిక యాదవ్ (26) సాఫ్ట్‌వేర్‌ ఇంజనీర్. ఫేస్‌బుక్ లో ఐదేళ్ల క్రితం మధ్యప్రదేశ్ వాసి నీరజ్ బన్సాల్ పరిచయమయ్యాడు. అతను గచ్చిబౌలిలోని ఓ సాఫ్ట్‌వేర్‌ కంపెనీలో చేస్తున్నాడు. ఫేస్‌బుక్ లో పరిచయం అయిన స్నేహం ప్రేమగా మారింది పెద్దలను ఒప్పించి feb10న పెళ్లి చేసుకున్నారు. మియాపూర్లో ఓ అపార్ట్మెంట్ లో ఉంటున్నారు. అయితే భర్త అదనపు కట్నం తీసుకురావాలని వేదించడంతో మనస్తాపానికి గురై బుదవారం ఇంట్లో ఇషిక ఫ్యాన్ కి ఉరేసుకొని ఆత్మహత్య చేస్కొని చనిపోయింది.