అబార్షన్‌కు భార్య అంగీకరించలేదని హతమార్చిన భర్త

By sahani· 3 Apr 2026· Telugu Report· Khammam

పున్నేలుకు చెందిన అజారుద్దీన్, ఫర్హాత్(26) దంపతులకు ఇద్దరు కుమార్తెలు ఉమేరా(8), ఆయేషా(6) ఉన్నారు. ఇద్దరు ఆడపిల్లలు పుట్టిన తర్వాత ఫర్హాత్ రెండుసార్లు ప్రెగ్నెంట్ అయింది. మళ్లీ ఆడపిల్లలు పుడతారనే అనుమానంతో అబార్షన్ చేయించాడు. నాలుగేళ్ల తర్వాత మళ్లీ ప్రెగ్నెంట్ అయింది. ఈ సారి కూడా ఆడబిడ్డ పుడుతుందనే అనుమానించిన అజారుద్దీన్. అబార్షన్ చేయించుకోవాలని భార్యపై ఒత్తిడి తెచ్చాడు. ఆమె ఒప్పుకోకపోవడంతో చాలాసార్లు గొడవపడ్డాడు. అలా కోపం పెంచుకున్న అతను పథకం ప్రకారం బుధవారం రాత్రి భార్య, పిల్లలను స్విమ్మింగ్ పూల్లో ముగ్గురినీ తోసేసి హతమార్చాడు.

More in Local

విద్యార్థినుల ఆరోగ్యంపై హెచ్‌ఎం ప్రత్యేక శ్రద్ధ

▶

Local· 46m ago

విద్యార్థినుల ఆరోగ్యంపై హెచ్‌ఎం ప్రత్యేక శ్రద్ధ

TG: విద్యార్థినుల ఆరోగ్యం, పరిశుభ్రతకు ప్రాధాన్యమిస్తూ నర్సంపేట ప్రభుత్వ ఉన్నత పాఠశాల హెడ్‌మాస్టర్ రామకృష్ణ సొంతఖర్చుతో సానిటరీ ఇన్సినరేటర్ ఏర్పాటు చేశారు. వరంగల్ జిల్లా నర్సంపేటలోని ప్రభుత్వ ఉన్నత పాఠశాలలో వినియోగించిన సానిటరీ ప్యాడ్లను పారవేయడంలో విద్యార్థినులు ఎదుర్కొంటున్న ఇబ్బందులను గుర్తించి ఈ సదుపాయం కల్పించారు. సాధారణ ఎలక్ట్రికల్ ఇన్సినరేటర్‌కు సుమారు రూ.18 వేలు ఖర్చవుతుండగా, విద్యార్థినుల అవసరాలకు అనుగుణంగా కేవలం రూ.3 వేలతో స్వయంగా రూపొందించారు.

Local· 49m ago

గణేష్ ఉత్సవాలపై సీపీ కీలక ఆదేశాలు

TG: గణేష్ ఉత్సవాలను శాంతియుతంగా నిర్వహించాలని రామగుండం పోలీస్ కమిషనర్ అంబర్ కిషోర్ ఝా నిర్వాహకులకు పిలుపునిచ్చారు. పెద్దపల్లి జిల్లా రామగుండం పోలీస్ కమిషనరేట్ పరిధిలో విగ్రహాల ఏర్పాటుకు సంబంధిత పోలీస్ స్టేషన్ నుంచి తప్పనిసరిగా అనుమతి తీసుకోవాలని సూచించారు. మండపాల వద్ద CCTV కెమెరాలు ఏర్పాటు చేసి, ట్రాఫిక్‌కు అంతరాయం కలగకుండా చర్యలు తీసుకోవాలని తెలిపారు. DJలు, బలవంతపు చందాలు, జూదం, మద్యం సేవించడం, సోషల్ మీడియాలో పుకార్ల ప్రచారంపై కఠిన చర్యలు తీసుకుంటామని హెచ్చరించారు.

Local· 52m ago

ఘనంగా ఉస్మానియా యూనివర్సిటీ స్నాతకోత్సవం

TG: హైదరాబాద్‌లోని ఉస్మానియా విశ్వవిద్యాలయం స్నాతకోత్సవం ఘనంగా నిర్వహించారు. హైదరాబాద్ జిల్లాలో జరిగిన ఈ కార్యక్రమానికి తెలంగాణ రాష్ట్ర గవర్నర్, ఉస్మానియా విశ్వవిద్యాలయ ఛాన్సలర్ శివప్రతాప్ శుక్లా ముఖ్యఅతిథిగా హాజరయ్యారు. భారత్ బయోటెక్ చైర్మన్ డా. కృష్ణ ఎల్లా పాల్గొన్నారు. ఉస్మానియా విశ్వవిద్యాలయ వైస్ ఛాన్సలర్ ప్రొఫెసర్ కుమార్ మొగులం అధ్యక్షతన స్నాతకోత్సవ కార్యక్రమం జరిగింది. ఈ సందర్భంగా విద్యార్థులు, అధ్యాపకులు, విశ్వవిద్యాలయ అధికారులు పాల్గొన్నారు.

Local· 55m ago

బీర్పూర్ కిడ్నాప్ కేసు ఛేదన.. సిబ్బందికి ప్రశంసలు

TG: కిడ్నాప్ కేసును కొన్ని గంటల్లోనే ఛేదించడంలో కీలకంగా వ్యవహరించిన పోలీసు సిబ్బంది, గ్రామస్తులను జిల్లా ఎస్పీ అశోక్ కుమార్ అభినందించి బహుమతులు అందజేశారు. జగిత్యాల జిల్లా బీర్పూర్ పోలీస్ స్టేషన్ పరిధిలో కేసు ఛేదనలో కానిస్టేబుల్ మల్లేష్‌తో పాటు రాజారాంపల్లి గ్రామస్తులు సతీష్, ఏడుకొండలు సహకరించారు. పోలీసులకు ప్రజల సహకారం ఎంతో కీలకమని ఎస్పీ తెలిపారు. కేసు ఛేదనలో కృషి చేసిన జగిత్యాల రూరల్ CI సుధాకర్, SI రాజు, సిబ్బందిని కూడా అభినందించారు. కార్యక్రమంలో DSP పురుషోత్తం రెడ్డి పాల్గొన్నారు.