TG

▶

TG· 7 Oct 2026

కరెంటు ఛార్జీలపై ఆందోళన

తెలంగాణ ప్రభుత్వం నవంబర్ నుంచి కరెంటు ఛార్జీలను పెంచాలనే నిర్ణయం తీసుకోవడంపై ఆందోళనలు వ్యక్తం అవుతున్నాయి. సోలార్, విండ్ పవర్ లాంటి టెక్నాలజీలను అమల్లోకి తేవడం ద్వారా.. కరెంటు ఛార్జీలను పెంచకుండా చెయ్యవచ్చనే అభిప్రాయం వ్యక్తమవుతోంది. మరోవైపు ఈ నిర్ణయాన్ని వెనక్కి తీసుకోవాలని BRS డిమాండ్ చేస్తోంది. అసలే ప్రజలు కష్టాల్లో ఉంటే.. వారిపై రూ.5,420 కోట్ల భారం వెయ్యాలనుకోవడం అన్యాయం అని హరీశ్‌రావు ఫైర్ అయ్యారు. మొదటి నెల యూనిట్‌కు 30 పైసలు, ఆ తర్వాత 50 పైసల చొప్పున పెంచాలని ప్రభుత్వం నిర్ణయించింది.

TG· 7 Oct 2026

DA బకాయిలు రిలీజ్.!

తెలంగాణ ప్రభుత్వం ఉద్యోగులకు గుడ్‌న్యూస్ చెప్పింది. DA బకాయిల విడుదలకు సంబంధించిన G.Oని రిలీజ్ చేసింది. మొత్తం 6DAలు పెండింగ్‌లో ఉండగా.. వాటిలో 2DAల మనీ విడుదలకి సంబంధించి ప్రభుత్వం ఈ G.O జారీ చేసింది. అందువల్ల మిగతా 4DAలు పెండింగ్‌లో ఉంటాయి. విడుదల చేసిన 2DAల మనీని ప్రభుత్వం విడతల వారీగా చెల్లించనుంది. ఐతే మిగతా 4DAలను కూడా త్వరగా రిలీజ్ చెయ్యాలనీ, లేదంటే మళ్లీ పెండింగ్‌‌వి పెరుగుతాయని ఉద్యోగులు అంటున్నారు.

▶

TG· 7 Oct 2026

జ్ఞానేశ్ కో హటావో–దేశ్ బచావో: పొన్నం ప్రభాకర్

TG: ప్రజాస్వామ్యం, రాజ్యాంగాన్ని కాపాడేందుకు ప్రజలంతా సంఘటితంగా పోరాడాలని మంత్రి పొన్నం ప్రభాకర్ పిలుపునిచ్చారు. ఓటర్ల జాబితాలో అర్హులైన వారి ఓట్లు తొలగిస్తున్నారని, ముఖ్యంగా SC, ST, BC, మైనార్టీ ఓట్లను టార్గెట్ చేస్తున్నారని ఆరోపించారు. “ఓట్ బచావో–దేశ్ బచావో, జ్ఞానేశ్ కో హటావో–దేశ్ బచావో” నినాదంతో ఉద్యమాన్ని బలోపేతం చేయాలని అన్నారు. రాహుల్ గాంధీ, ప్రియాంకా గాంధీ, మల్లికార్జున ఖర్గే, విపక్ష నేతలను అరెస్ట్ చేయడాన్ని మంత్రి ఖండించారు.

TG· 7 Oct 2026

శాలువా పై ఫోటోలు

TG : సిరిసిల్లా నేత కార్మికుడు వెళ్ది హరిప్రసాద్ మగ్గంపై దుబాయ్ రాజకుటుంబ సభ్యుల ఫోటోలతో ఒక స్పెషల్ శాలువాను తయారుచేశారు. 15 రోజులు కష్టపడి నేసిన ఈ శాలువాను ఈ నెల 11న దుబాయ్‌లో జరిగే బతుకమ్మ వేడుకల్లో ప్రదర్శించి, అక్కడ రాజకుటుంబానికి గిఫ్ట్‌గా ఇవ్వనున్నారు. దారాల పోగులతో ఫోటోలను పర్ఫెక్ట్‌గా నేయడం అందరినీ ఆకట్టుకుంటోంది. దీని ద్వారా మన తెలంగాణ చేనేత కళకు గ్లోబల్ లెవెల్లో గుర్తింపు రానుంది.

TG· 7 Oct 2026

నిమ్స్‌లో 24/7 ప్రత్యేక హెల్ప్‌లైన్‌

TG: రోగులకు వేగంగా వైద్య సహాయం అందించేందుకు హైదరాబాద్‌లోని నిమ్స్‌ 24/7 ప్రత్యేక హెల్ప్‌లైన్‌ను ప్రారంభించింది. అత్యవసర పరిస్థితులు, ఇతర వైద్య సేవల కోసం ఈ నంబర్‌కు ఫోన్‌ చేయవచ్చు. రోగుల వివరాలను వాట్సాప్‌ ద్వారా పంపిన తర్వాత ఫోన్‌లో చెప్పాలని అధికారులు సూచించారు. రోగుల సేవల కోసం 4 అసిస్టెంట్‌ మెడికల్‌ సూపరింటెండెంట్లను, వారి సమన్వయానికి అదనపు మెడికల్‌ సూపరింటెండెంట్‌ను నియమించారు. నిమ్స్‌ హెల్ప్‌లైన్‌ 040-23489692. డ్యూటీ RMO నంబర్‌ 9490296073.

TG· 7 Oct 2026

తాళం వేసిన ఐదు ఇళ్లలో దొంగతనం

TG : నిర్మల్ జిల్లా భైంసా మండలం వాలేగాం గ్రామంలో దొంగలు పడ్డారు. తాళం వేసి ఉన్న ఐదు ఇళ్లలో బంగారం, వెండి, క్యాష్‌తో పాటు ఓ బైక్‌ను ఎత్తుకెళ్లారు. ఈ చోరీకి సంబంధించిన దృశ్యాలు అక్కడ ఉన్న CC కెమెరాల్లో రికార్డయ్యాయి. సమాచారం అందుకున్న పోలీసులు స్పాట్‌కు చేరుకుని ఎంక్వైరీ మొదలుపెట్టారు. CCTV ఫుటేజ్ ఆధారంగా దొంగల కోసం వెతుకుతున్నారు.

TG· 7 Oct 2026

రెండు నెలలైనా.. 63 శాతమే!

TG: హైదరాబాద్లో స్మార్ట్‌ రేషన్‌ కార్డుల పంపిణీ ఇంకా పూర్తికాలేదు. ఆగస్టు 15న పంపిణీ ప్రారంభించినా రెండు నెలలు దాటినప్పటికీ 8,43,048 మంది లబ్ధిదారుల్లో 5,36,650 మందికే కార్డులు అందాయి. మరో 3,06,398 మంది ఇంకా కార్డులు తీసుకోలేదు. కొన్ని ప్రాంతాల్లో లబ్ధిదారులు పాత కార్డులతోనే రేషన్‌ తీసుకుంటున్నట్లు అధికారులు చెబుతున్నారు. బోగస్‌ కార్డులను తొలగించేందుకు చేపట్టిన ఈ-కేవైసీ 81.78 శాతం పూర్తయింది. మిగిలిన వారికి స్మార్ట్‌ కార్డులు ఎప్పుడు అందుతాయన్నదే ఇప్పుడు కీలకంగా మారింది.

TG· 7 Oct 2026

వెయ్యి స్తంభాల గుడికి పూర్వ వైభవం:ASI

Archaeological Survey of India(ASI) హైదరాబాద్ సర్కిల్ హనుమకొండలోని వెయ్యి స్తంభాల గుడిలో ద్వారపాలకుల విగ్రహాల పునరుద్ధరణ, పరిరక్షణ పనులను ప్రారంభించింది. విగ్రహాల అసలు ఆకృతి, నిష్పత్తులు, శిల్పశైలి దెబ్బతినకుండా సంప్రదాయ పద్ధతుల్లో పనులు చేస్తున్నారు. అవసరమైన చోట అదే రంగు, నాణ్యత కలిగిన రాతిని ఉపయోగిస్తున్నారు. గుడి చుట్టూ లాన్, మొక్కలు, దారుల అభివృద్ధి వంటి పనులు జరుగుతున్నాయి. ASI చెన్నై మాస్టర్ శిల్పి కనియప్పన్ ఈ పనులను పర్యవేక్షిస్తున్నారు.

TG· 7 Oct 2026

దసరా సెలవులా? ట్రిప్‌కు ఇదే బెస్ట్ ఛాన్స్!

దసరా హాలిడేస్‌లో ఇంట్లో కూర్చోవడం ఎందుకు? Travel Mode ON చేసేయండి! తెలంగాణ టూరిజం స్పెషల్ Tour Packages రెడీ చేసింది. Hyderabad City Tourలో చార్మినార్, గోల్కొండ, సాలార్జంగ్ మ్యూజియం చూడొచ్చు. పెద్దలకు ₹550, పిల్లలకు ₹440. షిరిడీ ₹3,750, అరకు 5 రోజులు ₹7,500, శ్రీశైలం 2 రోజులు ₹2,990, అరుణాచలం 4 రోజులు ₹8,000 నుంచి ప్యాకేజీలు ఉన్నాయి. మీ బడ్జెట్‌కు తగ్గ ప్యాకేజీ ఎంచుకుని దసరా హాలిడేస్‌ను ఫుల్‌గా ఎంజాయ్ చేయండి!

▶

▶▶

TG· 7 Oct 2026

ఓటర్ల జాబితాపై పొన్నం ప్రభాకర్ షాకింగ్ కామెంట్స్

సిద్దిపేట జిల్లా హుస్నాబాద్‌లో గాంధీ విగ్రహం వద్ద కాంగ్రెస్ ఆధ్వర్యంలో నిర్వహించిన నిరసనలో మంత్రి పొన్నం ప్రభాకర్ పాల్గొన్నారు. ఢిల్లీలో రాహుల్‌గాంధీ, ప్రియాంకాగాంధీ, INDIA కూటమి MPల అరెస్టులను ఆయన ఖండించారు. ఓటర్ల జాబితాలో అవకతవకలు, అర్హుల ఓట్ల తొలగింపుపై ఆందోళన వ్యక్తం చేశారు. ఎన్నికల సంఘం పారదర్శకంగా వ్యవహరించి ప్రతి అర్హుడి ఓటు హక్కును కాపాడాలని డిమాండ్ చేశారు. రాజ్యాంగం, ప్రజాస్వామ్య పరిరక్షణకు ప్రతి ఒక్కరూ బాధ్యతగా నిలవాలని పిలుపునిచ్చారు.

▶

TG· 7 Oct 2026

వరంగల్‌లో HYDRA తరహా ఆపరేషన్ (Video)

TG: వరంగల్‌లోని భద్రకాళి టెంపుల్ దగ్గర చెరబండ రాజు కాలనీలో పేదల ఇళ్ల కూల్చివేత ఉద్రిక్తతకు దారితీసింది. అధికారులు ఇళ్లు కూల్చుతుండగా.. కాలనీవాసులు అడ్డుకునే ప్రయత్నం చేశారు. దీంతో పోలీసులు వారిని అక్కడి నుంచి పంపించారు. మహిళలు పోలీసులతో వాగ్వాదానికి దిగారు. ఇళ్లు కూల్చివేస్తుండటంతో కొందరు పేదలు కన్నీరు పెట్టుకున్నారు. ఆందోళన చేసిన వారిని పోలీసులు మట్టెవాడ పోలీస్ స్టేషన్‌కు తీసుకెళ్లారు. అక్కడ కూడా కాలనీవాసులు నిరసన చేశారు.

TG· 7 Oct 2026

నదిలో పడి సాఫ్ట్‌వేర్ ఎంప్లాయ్ మృతి

TG : హైదరాబాద్‌కు చెందిన సాఫ్ట్‌వేర్ ఎంప్లాయ్ 27 ఏళ్ల పడాల కల్యాణ్‌కుమార్‌ జనగామ జిల్లా మల్లన్నగండి నదిలో పడి ప్రాణాలు కోల్పోయారు. ఫ్రెండ్స్‌, బంధువులతో కలిసి వరంగల్ భద్రకాళి గుడికి వచ్చిన ఆయన, తిరుగు ప్రయాణంలో నది చూడటానికి వెళ్లారు. అక్కడ ఫొటోలు దిగుతుండగా ప్రమాదవశాత్తు నీళ్లలో పడిపోయాడు. లోతు ఎక్కువగా ఉండటంతో మునిగిపోయాడు. ఇవాళ ఉదయం ఆయన మృతదేహం నీటిపై తేలింది. పోలీసులు కేసు ఫైల్ చేసుకుని ఎంక్వైరీ చేస్తున్నారు.

▶

TG· 7 Oct 2026

అంగన్వాడిలో.. కలకలం (Video)

TG: కొమురం భీమ్ ఆసిఫాబాద్ జిల్లా అంకుసాపూర్–తెలిగూడ అంగన్వాడి కేంద్రంలో పైకప్పు పెచ్చులు ఊడి ముగ్గురు చిన్నారులు, ఇద్దరు తల్లులు గాయపడ్డారు. 3 ఏళ్ల సాత్విక్, 4 ఏళ్ల నిహారిక, 5 ఏళ్ల సాయినాథ్‌, తల్లులు సోనీ, సంధ్యారాణి‌కి గాయాలు కావడంతో ప్రభుత్వ ఆస్పత్రికి తీసుకెళ్లారు. అంగన్వాడీ కేంద్రం శిథిలావస్థలో ఉందని ఎన్నిసార్లు చెప్పినా అధికారులు పట్టించుకోలేదని తల్లిదండ్రులు ఆగ్రహ వ్యక్తం చేస్తున్నారు. మరో ప్రమాదం జరిగే వరకు అధికారులు వేచి చూస్తారా? అని ప్రశ్నిస్తున్నారు.

TG· 7 Oct 2026

ఉప సర్పంచ్‌లకు కొత్త రూల్

గ్రామ పంచాయతీ నిధుల చెల్లింపుల్లో ఉప సర్పంచ్‌ల చెక్ పవర్‌పై పంచాయతీరాజ్ శాఖ కీలక ఆదేశాలు ఇచ్చింది. సర్పంచ్ లేదా కార్యదర్శి చెక్ సమర్పించిన 7 వర్కింగ్ డేస్‌లో ఉప సర్పంచ్ కచ్చితంగా సైన్ చేయాల్సిందే. సరైన కారణం లేకుండా సంతకం చేయకుండా ఆపితే కలెక్టర్ విచారణ జరిపి చర్యలు తీసుకుంటారు. పారిశుధ్యం, తాగునీరు వంటి అభివృద్ధి పనుల బిల్లులు ఆగిపోకుండా ఉండేందుకే ప్రభుత్వం ఈ నిర్ణయం తీసుకుంది.

TG· 7 Oct 2026

Special Bus.. 30 మంది ఉంటే చాలు

TG: దసరా పండుగ సందర్భంగా హైదరాబాద్ నుంచి సొంతూళ్లకు వెళ్లే ప్రయాణికుల కోసం TGSRTC ప్రత్యేక బస్సులను ఏర్పాటు చేస్తోంది. 30 మంది లేదా అంతకంటే ఎక్కువ మంది కలిసి ప్రయాణిస్తే.. వారు కోరిన ప్రాంతానికే ప్రత్యేక బస్సు ఏర్పాటు చేయనున్నారు. హైదరాబాద్‌లోని కొన్ని ప్రాంతాల నుంచి ఈ సదుపాయం అందుబాటులో ఉంటుంది. బస్సుల వివరాలకోసం జూబ్లీ బస్ స్టేషన్ జోనల్ కమ్యూనికేషన్ నెంబరు 9959226160 కి కాల్ చేయాలని అధికారులు సూచించారు.

TG· 7 Oct 2026

T-Seva Centersకు.. Apply చేయండి

TG: రాష్ట్రవ్యాప్తంగా T-Seva Online Skill Centers ఏర్పాటు చేసేందుకు అప్లికేషన్స్ ఆహ్వానిస్తున్నట్లు T-Seva హైదరాబాద్ డైరెక్టర్ అడప వెంకటరెడ్డి తెలిపారు. డిగ్రీ, పీజీ, డిప్లమా,ఇంజినీరింగ్ చదివిన వారు అక్టోబర్ 15లోపు <a href="https://tsevaonline.com/">ఆన్‌లైన్‌లో అప్లై చేయాలి</a>. పాన్ కార్డ్, టికెట్ బుకింగ్, మనీ ట్రాన్స్‌ఫర్, మైక్రో ATM, ఇన్షూరెన్స్, బిల్ పేమెంట్స్.. వంటి సర్వీసెస్ అందించవచ్చు. వివరాలకు 8179955744 నెంబర్‌‌కి కాల్ చేయాలని డైరెక్టర్ సూచించారు.

TG· 7 Oct 2026

తప్పును సరిదిద్దుకున్న ఈనాడు

BRS ఎమ్మెల్యే KTR పాస్‌పోర్ట్ సీజ్ వార్తలో పొరపాటు జరిగిందని ఈనాడు న్యూస్ పేపర్ ఒప్పుకుంది. ACB కోర్టు KTR పాస్‌పోర్ట్ సీజ్ చెయ్యమని ఆదేశాలు ఇవ్వకపోయినా, ఇచ్చారని ఇటీవల ఈనాడు ప్రచురించడంతో <a href="https://www.theclearcutnews.com/n/qFNQmSL">లీగల్ నోటీసులు</a> పంపారు KTR. దీంతో తాము ప్రచురించిన వార్త తప్పు అనీ, పొరపాటు జరిగిందనీ.. KTR పాస్‌పోర్ట్ సీజ్ చెయ్యమని కోర్టు చెప్పలేదని వివరిస్తూ మరో వార్తను తాజాగా ఈనాడు ప్రచురించింది.

TG· 7 Oct 2026

27వ Convocation.. నేడే

TG: అంబేద్కర్ ఓపెన్ యూనివర్సిటీ 27వ Convocation ఈరోజు జూబ్లీహిల్స్‌లో జరగనుంది. గవర్నర్, వర్సిటీ ఛాన్సలర్ శుక్లా ముఖ్య అతిథిగా హాజరుకానున్నారు. 36,145 మంది విద్యార్థులకు డిగ్రీ, పీజీ, డిప్లొమా సర్టిఫికెట్లు ఇవ్వనున్నారు, 38 మందికి గోల్డ్ మెడల్స్ అందించనున్నారు. ప్రముఖ రైటర్, ఫిల్మ్ ప్రొడ్యూసర్ B. నర్సింగ్ రావు డాక్టరేట్ అందుకొనున్నారు. Convocationకు వచ్చే విద్యార్థులకు జూబ్లీహిల్స్ చెక్ పోస్ట్, పెద్దమ్మ గుడి మెట్రో స్టేషన్ నుంచి ఫ్రీ ట్రాన్స్‌పోర్ట్ కల్పించనున్నారు.