TG

▶

TG· 7 Oct 2026

PM మోడి ఫ్యామిలీ లెగసీతో రాజకీయాల్లోకి రాలేదు: బండి సంజయ్

TG: PM నరేంద్ర మోదీపై జరుగుతున్న రాజకీయ ప్రచారాన్ని నమ్మే ముందు ఆయన జీవితాన్ని చూడాలని కేంద్ర మంత్రి బండి సంజయ్ అన్నారు. మోదీ రాజకీయాల్లోకి ఫ్యామిలీ లెగసీతో రాలేదని, సంపద లేదా బిజినెస్ సామ్రాజ్యం కోసం పవర్‌ను వాడుకోలేదని కామెంట్స్ చేశారు. దేశ సేవ, పేదల సేవే మోదీ లక్ష్యమని అన్నారు. 2014కు ముందు, ఇప్పుడు భారత్ పరిస్థితిని పోల్చి చూడాలని చెప్పారు. 'భారతదేశమే మోదీ కుటుంబం.. దేశ సేవే ఆయన లైఫ్ మిషన్’ అని <a href="https://x.com/bandisanjay_bjp/status/2107808142658884026">బండి సంజయ్ అన్నారు.</a>

TG· 7 Oct 2026

ప్రభుత్వ బడులను బలోపేతం చేయాలి: TPF

TG: సెప్టెంబర్ 15 నుంచి 29 సెప్టెంబర్ 2026 వరకు పది ఉమ్మడి జిల్లాల్లో TPF(తెలంగాణ పీపుల్స్ ఫ్రంట్) ‘బడి కోసం – బస్సు యాత్ర’ నిర్వహించి 20 ప్రభుత్వ పాఠశాలలు, కొన్ని ప్రైవేట్ స్కూళ్లను పరిశీలించింది. 10 బడుల్లో నిద్ర, 10 రౌండ్ టేబుల్ కాన్ఫరెన్సులు, 13 గ్రామాలు/బస్తీల్లో నేతలు మీటింగులు నిర్వహించారు. ఆరుట్ల తెలంగాణ పబ్లిక్ స్కూల్ నమూనాను వివరించారు. దీనికి సీఎం రేవంత్ రెడ్డికి లేఖ రాశారు. రాష్ట్రంలో ప్రభుత్వ బడులను బలోపేతం చేయాలని డిమాండ్ చేశారు.

TG· 7 Oct 2026

తెలంగాణ విద్యారంగం ICUలో ఉంది: TPF

TG: తెలంగాణ విద్యా రంగాన్ని అత్యవసర ప్రాధాన్యంగా తీసుకొని వెంటనే చర్యలు చేపట్టాలని తెలంగాణ పీపుల్స్ ఫ్రంట్(TPF) సీఎం రేవంత్ రెడ్డికి లెటర్ రాసింది. ‘తెలంగాణ విద్యారంగం ఐసీయూలో ఉంది. వెంటనే వైద్యం అవసరం’ అని లెటర్‌లో చెప్పారు. 2023 ఎన్నికల్లో కాంగ్రెస్ మేనిఫెస్టోలో విద్యకు బడ్జెట్‌లో 6.5 శాతం నుంచి 15 శాతానికి పెంచుతామని, ఖాళీ పోస్టులు భర్తీ చేస్తామని, ప్రైవేట్ ఫీజుల నియంత్రణకు కమిటీ ఏర్పాటు చేస్తామని హామీ ఇచ్చినా ఇంకా అమలు కాలేదని గుర్తు చేశారు.

▶

TG· 7 Oct 2026

ఫోర్జరీ పత్రాలతో ఆస్తుల స్వాహా.. గ్యాంగ్ అరెస్ట్

TG: సికింద్రాబాద్‌లో నకిలీ పత్రాలతో స్థలాల రిజిస్ట్రేషన్లు చేస్తున్న గ్యాంగ్‌ను SOT పోలీసులు అరెస్టు చేశారు. 1982 నాటి పత్రాలను సైతం నకిలీగా సృష్టించి, ఫోర్జరీ జీపీఏలు, సేల్‌డీడ్‌లతో విదేశాల్లో ఉన్న వారి ఆస్తులను కాజేసినట్లు గుర్తించారు. ఎల్‌బీనగర్‌లో మరో ఇద్దరిని అదుపులోకి తీసుకుని స్టాంప్ పేపర్లు, స్టాంపులు స్వాధీనం చేసుకున్నారు. 8చోట్ల మార్టిగేజ్ ఆస్తులను నకిలీ పత్రాలతో విడుదల చేసినట్లు పోలీసులు తెలిపారు.

▶

TG· 7 Oct 2026

సబ్‌స్టేషన్‌ ముందు బతుకమ్మ ఎందుకంటే?

యాదాద్రి భువనగిరి జిల్లా సంస్థాన్ నారాయణపూర్ మండలం చిమిర్యాల గ్రామంలో కరెంట్ కోతలపై రైతులు ఆగ్రహం వ్యక్తం చేశారు. వ్యవసాయానికి సరైన విద్యుత్ అందక పంటలు ఎండిపోతున్నాయని చెబుతూ సబ్‌స్టేషన్‌ను ముట్టడించారు. ఈ సందర్భంగా మహిళా రైతులు బతుకమ్మ, పాటలు పాడుతూ అక్కడే నిరసన తెలిపారు. వ్యవసాయానికి సరిపడే నాణ్యమైన విద్యుత్ ఇవ్వాలని, పంటలు దెబ్బతినకుండా అధికారులు వెంటనే చర్యలు తీసుకోవాలని రైతులు డిమాండ్ చేశారు.

TG· 7 Oct 2026

మరుగుదొడ్ల లెక్కల్లో తేడా!

TG: గ్రామాల్లో మరుగుదొడ్ల నిర్మాణం, వినియోగంపై లెక్కలకు, క్షేత్రస్థాయిలో కనిపిస్తున్న పరిస్థితులకు తేడాలు ఉన్నాయా అనే విషయాన్ని తెలుసుకునేందుకు కేంద్రం సర్వే చేపట్టనుంది. ఉమ్మడి వరంగల్ జిల్లాలోని 1,708 గ్రామ పంచాయతీల్లో బృందాలు పర్యటించనున్నాయి. ఇంటింటికీ వెళ్లి మరుగుదొడ్డి ఉందా, వినియోగిస్తున్నారా, బహిరంగ మల విసర్జన జరుగుతోందా అనే వివరాలను సేకరిస్తాయి. పారిశుధ్య పరిస్థితినీ పరిశీలించి నివేదికను కేంద్రానికి పంపనున్నాయి. సర్వేతో వాస్తవ పరిస్థితి మరింత స్పష్టంగా తెలియనుంది.

TG· 7 Oct 2026

KUలో రేపు బాలగోపాల్ స్మారక 16వ ఉపన్యాసం

TG: వరంగల్‌లోని కాకతీయ విశ్వవిద్యాలయంలో రేపు ఉదయం 11 గంటలకు మానవ హక్కుల కార్యకర్త దివంగత డా.కె.బాలగోపాల్ 16వ స్మారక ఉపన్యాసం నిర్వహించనున్నారు. ఈ లెక్చర్‌కు యూనివర్సిటీ వీసీ ప్రొఫెసర్ కె.ప్రతాప్ రెడ్డి అధ్యక్షత వహిస్తారు. ప్రముఖ సామాజిక శాస్త్రవేత్త, ఉద్యమకారుడు ప్రొఫెసర్ జి.హరగోపాల్, HRF ఉద్యమకారుడు తల్లా రోహిత్ ప్రసంగిస్తారు.

TG· 7 Oct 2026

పింఛన్ల దందా!

TG: హనుమకొండ జిల్లాలో పింఛన్ల కోసం దరఖాస్తుల పరిశీలన జరుగుతోంది. పింఛన్ ఇప్పిస్తామని దళారులు 10 వేల నుంచి 20 వేల వరకు డబ్బులు అడుగుతున్నారని పలువురు ఆరోపిస్తున్నారు. అర్హత లేని వారికి పింఛన్లు ఇప్పిస్తామని చెప్పి డబ్బులు వసూలు చేస్తున్నారని అంటున్నారు. తిరస్కరించిన దరఖాస్తులను ఒత్తిళ్లతో జాబితాలో చేర్చేందుకు ప్రయత్నాలు జరుగుతున్నాయని ఆరోపణలు ఉన్నాయి. నకిలీ సదరం సర్టిఫికెట్లపైనా కంప్లైంట్లు ఉన్నాయి. అధికారులు విచారించి అర్హులకే పింఛన్లు ఇవ్వాలని ప్రజలు కోరుతున్నారు.

▶

TG· 7 Oct 2026

రైలులో మంటలు..ప్రయాణికుల్లో భయం

TG: తెలంగాణ యాదాద్రి-భువనగిరి జిల్లా బిబినగర్ దగ్గరలో ఈ రోజు సిర్పూర్-కాగజ్‌నగర్ ట్రైన్‌లో మంటలు చెలరేగాయి. ట్రైన్ చక్రానికి బ్రేక్ లైనర్ రుద్దుకోవడంతో పొగ, మంటలు వచ్చినట్లు ప్రాథమిక సమాచారం. దీనిని కో-పైలట్ గుర్తించి లోకో పైలట్‌కు సమాచారం ఇచ్చారు. వెంటనే ట్రైన్ నిలిపివేశారు. ఫైర్ సిబ్బంది అక్కడికి చేరుకుని మంటలను అదుపులోకి తెచ్చారు. ఈ ఘటనలో ఎలాంటి ప్రాణనష్టం జరగలేదు.

▶

TG· 7 Oct 2026

రోబోటిక్ సర్జరీ.. హాస్పిటల్‌పై ఆరోపణలు

TG: హైదరాబాద్‌.. లక్డీకాపూల్ లోని ఫోర్టిస్ హాస్పిటల్.. రోబోటిక్ సర్జరీ ఫెసిలిటీ లేకుండానే, ఉన్నట్లుగా ప్రచారం చేసి చీట్ చేస్తోందని దళిత విద్యార్థి సమైక్య రాష్ట్ర అధ్యక్షుడు వంశీ బాలెంల ఆరోపించారు. ఆన్‌లైన్ ప్రకటనలు చూసి వచ్చిన వెంకటలక్ష్మికి మందులిచ్చి పంపారనీ, హాస్పిటల్ యాజమాన్యమే మిషన్ లేదని చెప్పిందనీ, తనిఖీల టైంలో గ్లోబల్ హాస్పిటల్‌కి చెందిన మిషన్‌ని తెచ్చి చూపించారని ఆయన అన్నారు. దీనిపై తెలంగాణ మెడికల్ కౌన్సిల్ విచారణ జరపాలని డిమాండ్ చేశారు.

TG· 7 Oct 2026

IIT-Hలో స్టూడెంట్స్‌కి ఏమైంది?

IIT హైదరాబాద్‌ లో స్టూడెంట్స్‌కు ప్రెజర్, యాంగ్జైటీ పెరుగుతున్నాయి. గడిచిన 5 ఏళ్లలో మెంటల్ హెల్త్ కౌన్సిలింగ్ కోసం వెళ్తున్న వారి సంఖ్య 74% పెరిగినట్లు RTI రిపోర్ట్ తెలిపింది. క్యాంపస్ వెల్‌నెస్ సెంటర్ ద్వారా 2,400 మంది హెల్ప్ తీసుకున్నారు. దీంతో IIT మేనేజ్‌మెంట్ వెల్‌నెస్ బడ్జెట్‌ను ₹ 17.90 లక్షలకు పెంచి, కౌన్సెలర్లను అపాయింట్ చేసింది.

TG· 7 Oct 2026

సంగారెడ్డి, మెదక్ జిల్లాల్లో పవర్ కట్స్

TG : సంగారెడ్డి, మెదక్ జిల్లాల్లోని పలు గ్రామాల రైతులు కరెంట్ కోతలపై మండిపడుతున్నారు. పంటలకు అవసరమైన టైమ్‌లో కరెంట్ సరఫరా సరిగ్గా లేకపోవడంతో పంటలు ఎండిపోయే ప్రమాదం ఉందంటూ ఆందోళన చెందుతున్నారు. ఎండలు పెరుగుతున్న వేళ పవర్ కట్స్ పెరగడం శాపంగా మారిందని ఆవేదన వ్యక్తం చేస్తున్నారు. వెంటనే కరెంట్ కోతలు తగ్గించి నిరంతరాయంగా కరెంట్ ఇవ్వాలని, లేకపోతే పెద్ద ఎత్తున ఆందోళనలు చేస్తామని హెచ్చరిస్తున్నారు.

TG· 7 Oct 2026

టీచర్ దెబ్బలకు.. 2nd Class బాలుడు

TG: మహబూబ్‌నగర్ జిల్లా కోయిలకొండ మండలం మల్లాపూర్ ప్రాథమిక పాఠశాలలో సెకండ్ క్లాస్ విద్యార్థిపై ఓ ఉపాధ్యాయుడు కర్రతో దాడి చేసినట్లు ఆరోపణలు వచ్చాయి. బాలుడు ఏడుస్తూ ఇంటికి వెళ్లి తల్లిదండ్రులకు విషయం చెప్పడంతో.. ఘటన వెలుగులోకి వచ్చింది. ఈ ఘటనపై తల్లిదండ్రులు, గ్రామస్థులు ఆగ్రహ వ్యక్తం చేస్తున్నారు. విద్యార్థిని కొట్టిన ఉపాధ్యాయుడిపై చర్యలు తీసుకోవడంతో పాటు పాఠశాలలపై అధికారుల పర్యవేక్షణ పెంచాలని గ్రామస్తులు డిమాండ్ చేస్తున్నారు.

▶

TG· 7 Oct 2026

కృష్ణా నదిలో దాగిన చరిత్ర..వీడియో వైరల్

TG:నాగర్‌కర్నూల్ జిల్లా సోమశిల దగ్గరలోని చారిత్రక సంగమేశ్వర గుడి బయటకు వచ్చింది. సాధారణంగా వేసవిలో మాత్రమే కనిపించే ఈ ఆలయం కృష్ణా నదిలో నీటి మట్టం తగ్గడంతో ఈ ఏడాది ముందుగానే దర్శనమిస్తోంది. దాదాపు 25 ఏళ్ల తర్వాత ఇంత త్వరగా ఆలయం బయటకు రావడం ఇదే తొలిసారి అని స్థానికులు చెబుతున్నారు. ఈ ఆలయం ఏడాదిలో సుమారు 8 నెలలు కృష్ణా నదిలో నీట మునిగి ఉంటుంది. మిగిలిన 4 నెలలు భక్తులకు కనిపిస్తుంది. నీటిలో ఉన్న గుడి చరిత్ర వల్ల ఈ వీడియో వైరల్ అయింది.

TG· 7 Oct 2026

వరుస చోరీలు.. దొంగల పంజాతో జనం బెంబేలు

TG: హైదరాబాద్‌ సహా పలు ప్రాంతాల్లో వరుస దొంగతనాలు ప్రజలను ఆందోళనకు గురిచేస్తున్నాయి. ఇళ్లతో పాటు ATMలు, దుకాణాలను దొంగలు లక్ష్యంగా చేసుకుంటున్నట్లు సమాచారం. సీసీ కెమెరాలు, ఇతర భద్రతా ఏర్పాట్లు ఉన్నప్పటికీ చోరీలు జరుగుతున్నాయి. సోషల్‌ మీడియాలో వీడియోలు, సమాచారం బయటకు వచ్చిన తర్వాతే కొన్ని ఘటనలు వెలుగులోకి వస్తున్నాయనే ఆరోపణలు ఉన్నాయి. వరుస చోరీలను అరికట్టేందుకు పోలీసులు నిఘా పెంచాలని ప్రజలు కోరుతున్నారు.

TG· 7 Oct 2026

సెలబ్రిటీ దాండియా నైట్స్

TG : హైదరాబాద్‌లో నవరాత్రి వేడుకల కోసం అక్టోబర్ 9 నుంచి 20 వరకు 'సెలబ్రిటీ దాండియా నైట్స్' సీజన్-10 జరగనుంది. ఫైనాన్షియల్ డిస్ట్రిక్ట్‌లోని ఫ్లిప్‌సైడ్ అడ్వెంచర్ పార్క్‌లో 12 రోజుల పాటు లైవ్ బ్యాండ్స్, ఢోల్ తడ్కా, సెలబ్రిటీల సందడితో ఈ ఈవెంట్ గ్రాండ్‌గా ప్లాన్ చేశారు. హైదరాబాద్ మోడల్స్, రాఘవి మీడియా సంయుక్తంగా నిర్వహిస్తున్న ఈ వేడుకల పోస్టర్‌ను నిర్వాహకులు వంశీ పల్లె, మధుబాబు, నటి సాయి కీర్తన, యాంకర్ వైష్ణవి రిలీజ్ చేశారు.

▶

TG· 7 Oct 2026

మృతదేహాన్ని పీక్కుతింటున్నాయ్..

TG: హైదరాబాద్ నగరంలో నాగోల్‌ పరిధిలోని తట్టి అన్నారం సమీపంలో మహిళ మృతదేహం కలకలం రేపింది. జనాలు లేని ప్రదేశంలో కుక్కలు పీక్కుతింటున్న స్థితిలో మృతదేహాన్ని మార్నింగ్ వాకర్స్ గుర్తించారు. మృతురాలిని OU మాణికేశ్వర్‌నగర్‌కు చెందిన మంగమ్మగా పోలీసులు గుర్తించారు. గత నెల 28న ఆమె కనిపించడం లేదంటూ మిస్సింగ్ కేసు నమోదైంది. మృతదేహం ఒంటిపై దుస్తులు లేకపోవడంతో.. అత్యాచారం చేసి హత్య‌చేసి ఉంటారని పోలీసులు అనుమానిస్తున్నారు. కేసు దర్యాప్తు చేస్తున్నారు.

▶

TG· 7 Oct 2026

కరెంటు ఛార్జీలపై ఆందోళన

తెలంగాణ ప్రభుత్వం నవంబర్ నుంచి కరెంటు ఛార్జీలను పెంచాలనే నిర్ణయం తీసుకోవడంపై ఆందోళనలు వ్యక్తం అవుతున్నాయి. సోలార్, విండ్ పవర్ లాంటి టెక్నాలజీలను అమల్లోకి తేవడం ద్వారా.. కరెంటు ఛార్జీలను పెంచకుండా చెయ్యవచ్చనే అభిప్రాయం వ్యక్తమవుతోంది. మరోవైపు ఈ నిర్ణయాన్ని వెనక్కి తీసుకోవాలని BRS డిమాండ్ చేస్తోంది. అసలే ప్రజలు కష్టాల్లో ఉంటే.. వారిపై రూ.5,420 కోట్ల భారం వెయ్యాలనుకోవడం అన్యాయం అని హరీశ్‌రావు ఫైర్ అయ్యారు. మొదటి నెల యూనిట్‌కు 30 పైసలు, ఆ తర్వాత 50 పైసల చొప్పున పెంచాలని ప్రభుత్వం నిర్ణయించింది.