Viral

Viral· 24 Jul 2026

'ఆజాదీ' పాట వైరల్..ఎందుకంటే?

దేశంలో జరుగుతున్న పరీక్షల పేపర్ లీకేజీలపై విద్యార్థులు, యువత తీవ్ర నిరసనలు వ్యక్తం చేస్తున్నారు. ఈ ఆందోళనల్లో ఆకలి, వివక్ష, అవినీతి నుంచి స్వాతంత్ర్యం కావాలంటూ సాగే ఈ 20 సెకన్ల 'ఆజాదీ' ర్యాప్ పాటను నినాదంగా వాడుతున్నారు. ఇన్‌స్టాగ్రామ్ రీల్స్, ఎక్స్‌లో దీనికి మిలియన్ల వ్యూస్ వస్తున్నాయి. ఈ పాట విద్యార్థుల ఉద్యమానికి శక్తిగా నిలుస్తోంది.

▶

Viral· 22 Jul 2026

నిందితులను బానెట్‌కు కట్టిన పోలీసులు..వీడియో VIRAL

మహారాష్ట్రలోని పుణేలో 17 ఏళ్ల బాలుడి హత్య కేసులో పట్టుబడ్డ ముగ్గురు మైనర్లను పోలీసులు వాహనం బానెట్‌కు కట్టి తీసుకెళ్లినట్లు కనిపిస్తున్న వీడియోలు సోషల్ మీడియాలో వైరల్ అవుతున్నాయి. ఈ కేసులో మొత్తం ఏడుగురు మైనర్లపై కేసు నమోదు చేశారు. పాత గొడవ కారణంగానే బాలుడిపై దాడి జరిగిందని పోలీసులు చెబుతున్నారు. అయితే నిందితులను ఇలా ప్రజల ముందుకు తీసుకురావడంపై ఇప్పటివరకు పోలీసులు అధికారికంగా స్పందించలేదు.

▶

Viral· 22 Jul 2026

ఆర్టీసీ బస్సునే దొంగలించిన దుండగుడు

TG: జగిత్యాల జిల్లా కోరుట్ల బస్టాండ్ నుంచి ఓ దుండగుడు ఆర్టీసీ బస్సును చోరీ చేశాడు. బస్సును వేగంగా నడుపుతూ ఇతర వాహనాలను ఢీకొట్టడంతో పోలీసులు సినిమా రేంజ్ లో బస్సును ఛేజ్ చేశారు. చివరకు జిల్లా సరిహద్దు వద్ద అడ్డుకుని బస్సును స్వాధీనం చేసుకున్నారు. నిందితుడిని అదుపులోకి తీసుకొని విచారిస్తున్నారు.

▶

Viral· 21 Jul 2026

పులి-ఎలుగుబంట్ల ఫైటింగ్ వీడియో VIRAL

ఒక పులి, రెండు ఎలుగుబంట్ల మధ్య జరిగిన భీకర పోరాటం వీడియో సోషల్ మీడియాలో వైరల్ అవుతోంది. మొదట ఒంటరిగా ఉన్న ఎలుగుబంటిపై పులి తీవ్రంగా దాడి చేసింది. అంతలోనే మరో ఎలుగుబంటి అక్కడికి చేరుకుని పులిపై విరుచుకుపడింది. రెండు ఎలుగుబంట్లు కలిసి చుట్టుముట్టడంతో పులి రక్షించుకునేందుకు ఎంత ప్రయత్నించినా చివరికి నేలపై పడిపోయింది. ఆ తర్వాత రెండు ఎలుగుబంట్లు అక్కడి నుంచి వెళ్ళిపోయాయి. అయితే ఇది AIతో క్రియేట్ చేసింది కావచ్చని కొందరు అంటున్నారు

▶

Viral· 21 Jul 2026

విమానానికి త్రుటిలో తప్పిన ప్రమాదం

అమెరికాలోని నార్తర్న్ కెంటకీ ఎయిర్‌పోర్ట్‌లో కలిట్టా ఎయిర్ విమానం ల్యాండింగ్ చేస్తున్న టైంలో వెనుక భాగం రన్‌వేను బలంగా తాకింది. దీంతో నిప్పురవ్వలు ఎగసిపడ్డాయి. పైలట్ వెంటనే విమానాన్ని మళ్లీ గాల్లోకి తీసుకెళ్లి చుట్టూ తిప్పారు. ఆ తర్వాత రన్‌వేపై సురక్షితంగా దించారు. ఈ ఘటనలో ప్రయాణికులకు, సిబ్బందికి ఎలాంటి గాయాలు కాలేదు. దీనికి సంబంధించిన వీడియోలు సోషల్ మీడియాలో వైరల్‌గా మారాయి.

▶

Viral· 20 Jul 2026

దిల్లీ నిరసనలో యువతి కన్నీళ్లు

‘చలో సంసద్' మార్చ్ సందర్భంగా దిల్లీ పోలీసులు, నిరసనకారుల మధ్య ఘర్షణలు చెలరేగాయి. లాఠీఛార్జ్ చేయడంతో విద్యార్థులు తీవ్రంగా గాయపడ్డారు. ‘నిరసన తెలుపుతున్న విద్యార్థుల స్థానంలో మీ బిడ్డలు ఉంటే పరిస్థితి ఎలా ఉంటుందో ఆలోచించాలని’ ఓ యువతి కన్నీళ్లు పెట్టుకుంటూ పోలీసులను వేడుకుంది. ఈ వీడియోలు సోషల్ మీడియాలో వైరల్ అవుతున్నాయి. పరీక్ష పేపర్ లీకేజీలపై పోరాడుతున్న తమపై పోలీసులు ఇలా దాడి చేయడం దారుణమని విద్యార్థులు ఆవేదన వ్యక్తం చేస్తున్నారు.

▶

Viral· 20 Jul 2026

రైల్వే టీసీ అవతారంలో యువతిపై వేధింపులు

బిహార్ రాష్ట్రం సమస్తిపూర్ నుండి ఛప్రా వెళ్తున్న ఒంటరి యువతిని రైల్వే టీసీ పేరుతో ఒక వ్యక్తి వేధించాడు. ఆమెతో అసభ్యంగా ప్రవర్తిస్తూ వాష్‌రూమ్ వైపు లాక్కెళ్లేందుకు ప్రయత్నించాడు. తోటి ప్రయాణికులు పోలీసులకు చెప్పగా, పోలీసులు అతణ్ని అదుపులోకి తీసుకోకుండా వదిలేశారు. నిందితుడిపై నిర్లక్ష్యం వహించిన రైల్వే పోలీసులపై వెంటనే చర్యలు తీసుకోవాలని ప్రయాణికులు కోరారు.

▶

Viral· 18 Jul 2026

మామ మర్మాంగం కోసిన కోడలు

చాలాకాలంగా తనను వేధిస్తూ, అసభ్యంగా ప్రవర్తిస్తున్న మామపై ఓ కోడలు తన ప్రతాపం చూపించింది. ఉత్తరప్రదేశ్‌లోని ముజఫర్‌నగర్‌లో 23 ఏళ్ల మహిళ మామ మర్మాంగాన్ని కోసేసింది. గాయపడ్డ వ్యక్తిని పోలీసులు జిల్లా హాస్పిటల్‌కు తరలించారు. అనంతరం మహిళను అదుపులోకి తీసుకున్నారు. వేధింపులు విషయం తన భర్తకు చెప్పినా పట్టించుకోలేదని, అందుకే ఈ పని చేశానని చెప్పింది.

▶

Viral· 18 Jul 2026

రూ.500 కోసం విద్యార్థినులపై టీచర్ దారుణం

రాజస్థాన్‌లోని ఓ ప్రభుత్వ స్కూల్‌లో టీచర్ దారుణంగా ప్రవర్తించింది. రూ.500 మిస్సయ్యాయనే అనుమానంతో 9, 11వ తరగతి విద్యార్థినుల బట్టలు విప్పించి చెక్ చేయించింది. ఈ విషయం ఇంట్లో చెప్పడంతో తల్లిదండ్రులు స్కూల్‌కు వచ్చి నిరసన తెలిపారు. అధికారులు విద్యార్థినుల వాంగ్మూలాలు రికార్డు చేసి సంబంధిత టీచర్‌ను సస్పెండ్ చేశారు. మరో ఇన్‌స్ట్రక్టర్‌ను కూడా విధుల నుంచి తొలగించారు.

▶

Viral· 17 Jul 2026

జీరో సివిక్ సెన్స్ అంకుల్!

సోషల్ మీడియాలో ఒక షాకింగ్ వీడియో వైరల్ అవుతోంది. ఒక రైల్వే స్టేషన్ ప్లాట్‌ఫారమ్‌పై నిల్చున్న వ్యక్తి అరటిపండు తింటూ, దాని తొక్కను రైలు ట్రాక్‌పై పడేశాడు. వీడియో తీస్తున్న ఒక యువకుడు అది చూసి, పక్కనే డస్ట్‌బిన్ ఉందని, అక్కడ చెత్త వేయొద్దని పదే పదే రిక్వెస్ట్ చేశాడు. కానీ ఆ అంకుల్ ఏమాత్రం వినకుండా, చాలా నిర్లక్ష్యంగా స్పందించాడు. ఆ యువకుడు గట్టిగా నిలదీసి ప్రశ్నించడంతో, సమాధానం చెప్పలేక అక్కడి నుండి నడుచుకుంటూ వెళ్ళిపోయాడు. ఈ వీడియో చూసిన నెటిజన్లు సదరు అంకుల్‌కి ‘జీరో సివిక్ సెన్స్’ అంటూ కామెంట్స్ పెడుతున్నారు.

▶

Viral· 17 Jul 2026

ఢిల్లీలో దారుణం: సైకిల్ ట్రాక్‌పై స్కూటర్లు!

సోషల్ మీడియాలో ఒక వీడియో వైరల్ అవుతోంది. ఢిల్లీలో పిల్లలు, సైక్లిస్టుల కోసం కేటాయించిన స్పెషల్ గ్రీన్ సైకిల్ ట్రాక్‌పై కొందరు స్కూటర్లతో రైడింగ్ చేస్తూ కనిపించారు. అక్కడ చిన్న పిల్లలు సైకిల్ తొక్కుతున్నా పట్టించుకోకుండా చాలా నిర్లక్ష్యంగా డ్రైవ్ చేశారు. వీడియో తీస్తున్న వ్యక్తి ప్రశ్నించినా.. ఏమాత్రం గిల్ట్ లేకుండా కేజువల్‌గా వెళ్ళిపోయారు. ఈ ట్రాఫిక్ రూల్స్ బ్రేకింగ్‌పై నెటిజన్లు ఫైర్ అవుతున్నారు. వీరిపై కఠిన చర్యలు తీసుకోవాలని డిమాండ్ చేస్తున్నారు.

▶

Viral· 17 Jul 2026

జిమ్‌లో కనిపించిన 'సిల్క్ స్మిత'

జిమ్‌లో వర్కౌట్ చేస్తున్న ఓ యువతి వీడియో ప్రస్తుతం సోషల్ మీడియాలో వైరల్ అవుతోంది. ఆమె రూపం, హావభావాలు నటి సిల్క్ స్మితను గుర్తుచేస్తున్నాయని నెటిజన్లు కామెంట్స్ చేస్తున్నారు. ఆమె చూపు, ముఖ కవళికలు సిల్క్ స్మితను పోలి ఉన్నాయని అంటున్నారు.

▶

Viral· 17 Jul 2026

రోడ్డుపై మర్డర్ సీన్.. కట్ చేస్తే షాకింగ్ ట్విస్ట్!

సోషల్ మీడియాలో ఒక మైండ్ బ్లోయింగ్ వీడియో వైరల్ అవుతోంది. రాత్రి వేళ ఒక నిర్మానుష్యమైన రోడ్డుపై ఒక వ్యక్తి శవంలా పడి ఉంటే, మరొకడు కర్రతో అతడిని ఈడ్చుకెళ్తూ మర్డర్ సీన్ క్రియేట్ చేశాడు. అది చూసి బైక్‌పై వెళ్తున్న ఒక వ్యక్తి అక్కడ ఆగాడు. కానీ, ఆగడమే ఆలస్యం ఒకతను అతనిపై అటాక్ చేసి చితకబాదాడు. దాంతో అతను భయంతో బైక్ వదిలేసి పారిపోయాడు. వెంటనే కింద పడుకున్న వ్యక్తి లేచి, ఇద్దరూ కలిసి ఆ బైక్‌ను ఎత్తుకెళ్లారు. జూలై 2026 లో వెలుగులోకి వచ్చిన ఈ షాకింగ్ వీడియో.. వ్యూస్ కోసం చేసిన డేంజరస్ ప్రాంక్ లేదా బైక్ కొట్టేయడానికి వేసిన ప్లాన్ అని తెలుస్తోంది. దీనిపై నెటిజన్లు ఫుల్ ఫైర్ అవుతున్నారు.

▶

Viral· 17 Jul 2026

పూరీ క్షేత్రంలో జనసంద్రం

ఒడిశాలోని పూరీ క్షేత్రంలో జగన్నాథ రథయాత్రకు భక్తులు పోటెత్తారు. భారీ వర్షం కురుస్తున్నప్పటికీ మునుపెన్నడూ లేని విధంగా లక్షలాది మంది భక్తులు ఒక్కసారిగా తరలిరావడంతో ఊహించని రద్దీ ఏర్పడింది. ప్రభుత్వం 13వేల మంది పోలీసులతో పెద్దఎత్తున భద్రతా ఏర్పాట్లు చేసింది. పూరీలోనే కాకుండా దేశవ్యాప్తంగా పలు నగరాలు, పట్టణాల్లో కూడా జగన్నాథ రథయాత్రను అత్యంత భక్తిశ్రద్ధలతో వైభవంగా నిర్వహిస్తున్నారు. భారీ సంఖ్యలో భక్తులు హాజరై స్వామివారిని దర్శించుకుని ప్రత్యేక పూజలు చేస్తున్నారు.

Viral· 15 Jul 2026

అంతర్థానమవుతున్న ఆడబిడ్డలు!

తెలంగాణలో ఆడపిల్లల జననాల రేటు (Birth Ratio) ఇంకా ఆందోళనకరంగానే ఉంది. 2024 రిపోర్ట్ ప్రకారం.. ఇక్కడ ప్రతి 1,000 మంది అబ్బాయిలకు కేవలం 910 మంది అమ్మాయిలే పుడుతున్నారు. ఇది నేషనల్ యావరేజ్ (933) కంటే చాలా తక్కువ. గత ఏడాదితో పోలిస్తే కొద్దిగా ఇంప్రూవ్‌మెంట్ ఉన్నా.. దేశంలో అత్యల్ప బర్త్ రేషియో ఉన్న పెద్ద రాష్ట్రాల్లో తెలంగాణ 4వ స్థానంలో నిలిచింది. కాగా, పొరుగున ఉన్న ఆంధ్రప్రదేశ్‌లో ఈ రేషియో 929గా రికార్డ్ అయింది.

Viral· 15 Jul 2026

20కే బట్టతల.. పెళ్లి కష్టమేనా?

ఇప్పుడు చాలా మంది అబ్బాయిలకు 20–25 ఏళ్లకే జుట్టు బాగా ఊడిపోతోంది. దాంతో చిన్న వయసులోనే బట్టతల కనిపిస్తోంది. ఇది లుక్‌కే కాదు... పెళ్లి సంబంధాల మీద కూడా ప్రభావం చూపుతోందని అంటున్నారు. జుట్టు తగ్గిందని కొందరిని తిరస్కరిస్తుండటంతో, చాలామంది హెయిర్ ట్రాన్స్‌ప్లాంట్, హెయిర్ ప్యాచ్‌ల వైపు వెళ్తున్నారు. కానీ నిపుణులు మాత్రం... జుట్టు విషయం దాచిపెట్టకుండా ముందే చెప్పడం మంచిదని, అదే నమ్మకమైన బంధానికి బాట వేస్తుందని సజెస్ట్ చేస్తున్నారు.

▶

Viral· 14 Jul 2026

జాతీయ పక్షికి అరుదైన గౌరవంతో వీడ్కోలు

ఢిల్లీ నరేలా పార్కులో కుక్కల దాడిలో మరణించిన జాతీయ పక్షి నెమలికి పోలీసులు అరుదైన గౌరవం కల్పించారు. ఎస్‌ఐ సురేంద్ర మాలిక్ బృందం నెమలి కళేబరాన్ని జాతీయ జెండాతో చుట్టారు. స్థానికుల సాయంతో పార్కులోనే నెమలికి అంత్యక్రియలు నిర్వహించారు. రాత్రి విధుల్లో ఉంటూనే మూగజీవి పట్ల పోలీసులు చూపిన మానవత్వానికి సంబంధించిన వీడియో నెట్‌లో వైరల్ కావడంతో దేశవ్యాప్తంగా ప్రశంసలు కురుస్తున్నాయి.

▶

Viral· 14 Jul 2026

రైల్వే పాయింట్స్ మ్యాన్ సాహసం అదుర్స్

కర్ణాటక రాష్ట్రం మురుడేశ్వర్ రైల్వేస్టేషన్‌లో కదులుతున్న రైలు నుంచి ఒక ప్రయాణికుడు దిగడానికి ప్రయత్నించాడు. ప్రమాదవశాత్తు అతను ఫ్లాట్‌ఫార్మ్ మధ్యలోకి పడిపోతుండగా డ్యూటీలో ఉన్న పాయింట్స్ మ్యాన్ గణపతి నాయక్ అతణ్ని బయటకు లాగి ప్రాణాలు కాపాడాడు. అతని ధైర్యసాహసాన్ని గుర్తించిన కొంకణ్ రైల్వే చైర్మన్ మేనేజింగ్ డైరెక్టర్ రూ.10 వేలు నగదును బహుమతిగా ప్రకటించారు.